Kapitan Rainier C. Mercado

12/09/2026

🚨 ADVISORY | PANSAMANTALANG TRUCK BAN SA JFD HIGHWAY

Sa atas ng ating butihing Punong Barangay Kap. Rainier Mercado, pansamantala munang HINDI PINAHIHINTULUTANG DUMAAN sa kahabaan ng JFD Highway ang lahat ng 20 to 40 footer trucks.

Ito ay bilang pag-iingat habang patuloy pang inaayos at inaalis ang mga nakalaylay at mabababang cable wires ng mga telecom provider upang maiwasan ang anumang aksidente at pinsala.

Makikipag-ugnayan din ang Pamahalaang Barangay sa DPOS para sa kaukulang koordinasyon at pagpapatupad ng pansamantalang truck restriction.

🙏 Hinihiling po namin ang inyong pang-unawa, kooperasyon, at pagsunod para sa kaligtasan ng lahat.

Kaligtasan ng bawat isa, ating pangunahing prayoridad.



❤️GulodMalaya

12/09/2026

📢 GOOD MORNING, MGA KABARANGAY!

✅ PASSABLE NA PO ANG JFD HIGHWAY mula Gulod Malaya–Ampid at vice versa, pati ang ruta papuntang Sto. Niño.

📡 Samantala, ngayong araw ay inaasahang maibabalik at mare-restore na rin ang serbisyo ng lahat ng TELCO/telecommunication providers na naapektuhan.

Maraming salamat po sa inyong pang-unawa, pasensya, at pakikiisa. Patuloy po tayong mag-ingat sa pagbiyahe. 🙏

Barangay Gulod Malaya — Serbisyong Maaasahan, Kaligtasan ang Prayoridad.



❤️GulodMalaya

11/09/2026

📢 UPDATE | PATULOY ANG PAGKUKUMPUNI

Patuloy pa rin po ang ginagawang pagkukumpuni ng MERALCO at mga network provider sa mga bumagsak na poste at cable wires sa Vista Hermosa.

Patuloy ang kanilang pagsisikap upang maibalik agad at ligtas ang mga serbisyo sa lalong madaling panahon.

🙏 Maraming salamat po sa inyong pang-unawa at pakikiisa. Hinihiling po sa lahat na mag-ingat at umiwas muna sa mga lugar na may nakabagsak na poste at kable.

⚠️ Kaligtasan ng bawat isa ang ating pangunahing prayoridad.



❤️GulodMalaya

10/09/2026

🚨 ADVISORY | TEMPORARILY NOT PASSABLE

⚠️ HINDI PO MUNA PASSABLE ang paakyat na daan patungong Barangay Gulod Malaya dahil sa dalawang (2) poste ng Meralco na natumba bunsod ng isang truck accident.

📍 ALTERNATIBONG DAAN: ➡️ Dumaan po sa C-6, paakyat ng Vista Hermosa, palabas ng Jasmine Street, patungong Barangay Sto. Niño.

⬇️ Para naman po sa mga pababang ruta patungong Ampid, inaabisuhan din ang lahat na mag-ingat at gumamit ng alternatibong ruta habang inaaksyunan ang insidente.

🙏 Paalala: Iwasan muna ang apektadong lugar para sa kaligtasan ng lahat. Maghintay po sa susunod na abiso ukol sa pagbubukas ng kalsada.

Maraming salamat po sa inyong pang-unawa at pakikiisa.



❤️GulodMalaya

10/09/2026

🚨 TINGNAN | 3RD QUARTER NATIONWIDE SIMULTANEOUS EARTHQUAKE DRILL 2026

Nakiisa ang Barangay Gulod Malaya sa isinagawang 3rd Quarter Nationwide Simultaneous Earthquake Drill (NSED) ngayong Setyembre 10, 2026, alas-2:00 ng hapon, bilang bahagi ng patuloy na pagsusulong ng kahandaan at kaligtasan ng ating mga kabarangay sa oras ng lindol.

Sa pangunguna ni Punong Barangay Rainier C. Mercado, katuwang ang BDRRMO Team sa pamumuno ni Chief Ronald “MATO” Alonzo, mga Sangguniang Barangay Members, BPSO, Barangay Staff, at mga volunteers, matagumpay na isinagawa ang mga kinakailangang safety procedures, kabilang ang “Duck, Cover, and Hold.”

🤝 Ang kahandaan ngayon, kaligtasan bukas!








❤️GulodMalaya

05/09/2026

𝐓𝐈𝐍𝐆𝐍𝐀𝐍 | 𝐎𝐏𝐋𝐀𝐍 𝐁𝐔𝐒𝐈𝐋𝐀𝐊 – 𝐁𝐮𝐡𝐚𝐲𝐢𝐧 𝐒𝐚𝐩𝐚, 𝐈𝐥𝐨𝐠 🌿💧

Nitong Sabado ng umaga, Setyembre 5, 2026, sa kabila ng pag-ulan dulot ng Habagat, matagumpay na isinagawa ang Kalinisan Program sa sapa na matatagpuan sa Valley View Subdivision, sa pangunguna ng Pamahalaang Barangay Gulod Malaya, San Mateo, Rizal.

Layunin ng aktibidad na mapanatiling malinis ang ating mga daluyan ng tubig, maiwasan ang pagbabara ng mga kanal, at makatulong sa pag-iwas sa pagbaha sa ating komunidad.

Taos-puso ang aming pasasalamat kay Congressman Jojo Garcia at sa Department of Labor and Employment (DOLE) sa pagbibigay ng oportunidad sa ating mga kabarangay sa pamamagitan ng TUPAD Program. Malaking tulong ang programang ito, lalo na sa ating mga kababayang nangangailangan ng dagdag na kita at kabuhayan.

Maraming salamat po sa inyong patuloy na malasakit, suporta, at serbisyong tunay na nakatuon sa kapakanan ng ating mga kababayan. ❤️🇵🇭

Mabuhay po kayo, Congressman Jojo Garcia at DOLE!

Sa pangunguna ni Punong Barangay Rainier Ray Mercado, kasama ang mga Kagawad na sina:

• Kagawad Glenn Lacerna
• Kagawad Jhon Doromal
• Kagawad Lisa Abad
• Kagawad Josef Roland Balbido
• Kagawad Crisalde Taking De Claro

Nakiisa rin ang mga kawani at katuwang ng ating Barangay:

• Barangay Health Worker – Elvie Valera
• Barangay Tanod
• BDRRMO – Ronald L. Alonzo
• MRF/Streetsweeper – Emil C. Aldamar

Bumisita rin sina Konsehal Boy Salen, Konsehal Jojo Juta, Konsehal Nilo Gomez, at Konsehal Steve Naval upang personal na alamin at masuri ang kalagayan ng mga daluyan ng tubig sa ating nasasakupan.

𝗣𝗔𝗔𝗟𝗔𝗔𝗟𝗔 𝗣𝗢 𝗦𝗔 𝗔𝗧𝗜𝗡𝗚 𝗟𝗔𝗛𝗔𝗧, 𝗠𝗚𝗔 𝗞𝗔𝗕𝗔𝗥𝗔𝗡𝗚𝗔𝗬! ♻️

Panatilihin nating malinis ang ating kapaligiran. Ugaliing paghiwalayin ang iba't ibang uri ng basura at itapon ang mga ito sa tamang tapunan.

Sa simpleng disiplina at sama-samang pagkilos, mapapanatili natin ang kalinisan at kaayusan ng ating komunidad, gayundin ay makatutulong tayo upang maiwasan ang pagbabara ng mga kanal at ang panganib ng pagbaha.

💚 Mga Kabarangay, tayo na at makiisa!
Suportahan natin ang YES to Green Program! 🌿

Sama-sama para sa malinis, ligtas, at mas luntiang Barangay Gulod Malaya!










❤️GulodMalaya

05/09/2026

03/09/2026

𝐓𝐈𝐍𝐆𝐍𝐀𝐍 | 🏘️ 𝐇𝐎𝐌𝐄𝐎𝐖𝐍𝐄𝐑𝐒 𝐎𝐅𝐅𝐈𝐂𝐄𝐑𝐒 – 𝐂𝐎𝐌𝐌𝐔𝐍𝐈𝐓𝐘 𝐂𝐎𝐍𝐒𝐔𝐋𝐓𝐀𝐓𝐈𝐎𝐍 𝐌𝐄𝐄𝐓𝐈𝐍𝐆 𝟐𝟎𝟐𝟔

Matagumpay na isinagawa kahapon, Setyembre 2, 2026, ang Homeowners Officers – Community Consultation Meeting 2026 sa Barangay Session Hall, sa pangunguna ng ating butihing Punong Barangay Rainier Ray Mercado, kasama ang mga HOA/NOA Officers na nasasakupan ng ating barangay.

Layunin ng pagpupulong na mapalakas ang ugnayan at koordinasyon ng Pamahalaang Barangay at ng mga Homeowners Association para sa patuloy na pagpapaunlad, kalinisan, seguridad, at kapakanan ng ating mga kabarangay.

📌 Mga tinalakay sa pagpupulong:

🔹 MR SIA – Ligtas Tigdas Program ng DOH
🔹 Sagip Kabataan Program
🔹 Kalinisan Program at mga Clean-up Drive
🔹 Installation of Streetlights
🔹 Patuloy na pagpapatrolya ng ating mga Barangay Tanod, katuwang ang ating Kapulisan
🔹 Mga proyekto at programa ng Barangay para sa taong 2027
🔹 Iba pang mahahalagang usapin at mungkahi mula sa mga HOA/NOA Officers

Sa pamamagitan ng patuloy na konsultasyon at pagtutulungan, mas mapapalakas natin ang serbisyo publiko, seguridad, kalinisan, at kaunlaran ng bawat komunidad sa ating barangay.

🤝 Sama-sama para sa mas ligtas, malinis, maayos at progresibong Barangay!



❤️GulodMalaya

29/08/2026

🚨 PATULOY ANG PAGMOMONITOR SA MGA MABABABANG LUGAR

Patuloy na isinasagawa ngayon ang pagmomonitor ng ating BDRRMO Team, sa pangunguna ni Chief Ronald “MATO” Alonzo, kasama sina MRF Chief Emil Aldamar at ang ating BPSO, sa mga mabababang lugar sa Bancom Laylayan, Sala Site, at Valley View.

Ang hakbang na ito ay isinagawa sa atas ng ating butihing Punong Barangay, Kap. Rainier Mercado, bilang bahagi ng patuloy na paghahanda at pagtiyak sa kaligtasan ng ating mga kabarangay.

⚠️ Manatiling alerto, maingat, at laging handa.
📢 Para sa kaligtasan ng lahat, makipagtulungan at agad na magbigay-alam kung may anumang insidente o panganib sa inyong lugar.

Serbisyong mabilis, maagap, at para sa kaligtasan ng bawat kabarangay! 🇵🇭



❤️GulodMalaya