Mari Quita Padua-Ortega

Mari Quita Padua-Ortega Official page of Mariquita Padua-Ortega | Napintas A Serbisyo!
(1)

π—£π—¨π—•π—Ÿπ—œπ—– π—”π——π—©π—œπ—¦π—’π—₯𝗬: Pursuant to the DOST-PAGASA Orange Rainfall Advisory, face-to-face classes from Kindergarten to Senior ...
31/08/2026

π—£π—¨π—•π—Ÿπ—œπ—– π—”π——π—©π—œπ—¦π—’π—₯𝗬: Pursuant to the DOST-PAGASA Orange Rainfall Advisory, face-to-face classes from Kindergarten to Senior High School in all public and private schools in the Municipality of San Juan, La Union are SUSPENDED tomorrow, September 1, 2026.

Stay tuned to official announcements from the Local Disaster Risk Reduction and Management Office (San Juan Rescue) and the Municipal Government of San Juan for further advisories.

Stay safe and alert, everyJUAN!



Mula sa mga pangalan na nakaukit sa kasaysayan hanggang sa mga tahimik na bayani ng araw-arawβ€”ang kanilang ambag ay hind...
30/08/2026

Mula sa mga pangalan na nakaukit sa kasaysayan hanggang sa mga tahimik na bayani ng araw-arawβ€”ang kanilang ambag ay hindi malilimutan.
Sa bawat sakripisyo, nananatiling buhay ang dangal at kalayaan ng sambayanan.

Ngayong Araw ng mga Bayani, ipagdiwang natin ang kanilang tapang at malasakitβ€”patuloy na inspirasyon sa pagmamahal sa bayan.

Ngayong araw, Agosto 27, 2026, pormal nating tinanggap si Bb. Josephine C. Laigo bilang bagong Municipal Link at Social ...
27/08/2026

Ngayong araw, Agosto 27, 2026, pormal nating tinanggap si Bb. Josephine C. Laigo bilang bagong Municipal Link at Social Worker ng Bayan ng San Juan sa isinagawang Municipal Action Team Meeting kasama ang mga Parent Leaders ng 4Ps.

Napag-usapan ang mga paraan upang matulungan ang mga batang hindi nakadadalo sa paaralan, gayundin ang kahalagahan ng patuloy na pagtupad sa mga kondisyon ng programa para sa kalusugan at edukasyon. Hinikayat din ang mga benepisyaryo na makilahok sa mga gawaing makatutulong sa komunidad, tulad ng disaster response at Brigada Eskwela.

Ibinahagi rin ng ating mga Parent Leaders ang ilang ideyang pangkabuhayan, kabilang ang paggawa ng souvenir handicrafts, woodcarving, at shawl o balabal na maaaring magpakita ng kultura at turismo ng San Juan.

Patuloy nating susuportahan ang mga programang nagbibigay ng dagdag na oportunidad at tulong sa ating mga pamilya. Sama-sama nating pag-iibayuhin ang ating mga hakbang para sa mas maunlad na San Juan.

Masaya akong nakibahagi sa matagumpay na pagsasagawa ng DOT Mobile Accreditation Caravan dito sa San Juan, La Union ngay...
27/08/2026

Masaya akong nakibahagi sa matagumpay na pagsasagawa ng DOT Mobile Accreditation Caravan dito sa San Juan, La Union ngayong Agosto 27, 2026.

Sa pakikipagtulungan ng Pamahalaang Lokal ng San Juan, Department of Tourism (DOT), at Provincial Government of La Union (PGLU), nabigyan ng pagkakataon ang ating mga tourism-related establishments na makakuha ng on-site evaluation, document checking, at gabay upang mas madaling matugunan ang mga pamantayan ng DOT.

Mahalaga ang ganitong mga programa upang patuloy nating maiangat ang kalidad ng ating mga tourism establishments at matiyak na ligtas, maayos, at de-kalidad ang serbisyong natatanggap ng ating mga bisita at turista.

Patuloy tayong makikipagtulungan sa ating mga ahensya at lokal na negosyo para sa mas maunlad at mas matatag na tourism industry sa San Juan.

Isang karangalan na masaksihan ang panunumpa sa tungkulin ng mga bagong opisyal at Board of Directors ng San Juan Federa...
27/08/2026

Isang karangalan na masaksihan ang panunumpa sa tungkulin ng mga bagong opisyal at Board of Directors ng San Juan Federation of Parents-Teachers Association (FPTA) para sa Taong Panuruan 2026–2027.

Naniniwala akong mahalaga ang pagkakaisa ng mga magulang, g**o, paaralan, at pamahalaang lokal upang mas mapalakas natin ang suporta at mga oportunidad para sa ating mga kabataan.

Binabati ko ang lahat ng bagong halal na opisyal. Nawa’y maging makabuluhan ang inyong pamumuno at patuloy nating unahin ang kapakanan at kinabukasan ng mga mag-aaral ng San Juan.

Ngayong Agosto 26, nakipagpulong tayo sa ating mga meat vendors, hog loaders, at mga kinatawan ng Market Vendors Associa...
26/08/2026

Ngayong Agosto 26, nakipagpulong tayo sa ating mga meat vendors, hog loaders, at mga kinatawan ng Market Vendors Association at Hog Raisers Association upang pag-usapan ang presyo ng karne at mas mahigpit na pagpapatupad ng mga ASF protocols.

Mahalaga ang bukas na pag-uusap upang mapanatili ang patas na presyo, maprotektahan ang ating mga mamimili at hog raisers, at maiwasan ang pagkalat ng ASF.

Patuloy tayong makikipagtulungan sa ating mga stakeholder para sa kaligtasan at kapakanan ng ating mga kababayan.

Ngayong araw, Agosto 26, 2026, naipamahagi ang cash assistance sa 96 nating magsasaka na hindi nakatanggap ng ayuda noon...
26/08/2026

Ngayong araw, Agosto 26, 2026, naipamahagi ang cash assistance sa 96 nating magsasaka na hindi nakatanggap ng ayuda noong unang batch ng Presidential Assistance for Farmers and Fisherfolks (PAFF) Program.

Bawat isa ay nakatanggap ng β‚±2,325 na tulong-pinansyal na maari nilang magamit sa kanilang mga pangangailangan sa pagsasaka at pangkabuhayan.

Alam kong hindi madali ang araw-araw na paghahanapbuhay ng ating mga magsasaka. Kaya naman patuloy nating hahanapan ng paraan na maihatid sa kanila ang mga tulong at programang makapagbibigay ng dagdag na suporta.

Maraming salamat sa mga pambansang ahensya at sa lahat ng naging katuwang natin sa pag-abot ng tulong na ito. Patuloy tayong magtutulungan para masig**ong walang maiiwan sa ating mga kababayan.

25/08/2026

Agyaman kami manen LUTSA Gun Club β€οΈπŸ™πŸΌ

Ngayong araw, Agosto 25, 2026, ating tinanggap ang mga kinatawan ng National Grid Corporation of the Philippines (NGCP) ...
25/08/2026

Ngayong araw, Agosto 25, 2026, ating tinanggap ang mga kinatawan ng National Grid Corporation of the Philippines (NGCP) para sa opisyal na presentasyon ng Bolo-Balaoan 500kV Transmission Line Project sa Pamahalaang Lokal ng San Juan.

Kasama natin sa pagtanggap sina Sangguniang Bayan Member Arnel Peralta at mga pinuno ng iba't ibang departamento ng ating pamahalaang lokal upang talakayin ang mahalagang proyektong ito na inaasahang makapagpapalakas sa katatagan, seguridad, at maaasahang suplay ng kuryente sa hilagang-kanlurang bahagi ng Luzon.

Sa ilalim ng proyekto, kabuuang 21 transmission towers ang nakatakdang itayo sa pitong barangay ng San Juan:

πŸ“ Dinanum – 7 towers
πŸ“ Legleg – 5 towers
πŸ“ Cacapian – 3 towers
πŸ“ Dangdangala – 2 towers
πŸ“ Calincamasan – 2 towers
πŸ“ Oaquing – 1 tower
πŸ“ Santa Rosa – 1 tower

Ang Bolo-Balaoan Transmission Line ay kinilala bilang Energy Project of National Significance (CEPNS No. 2024-11-0078) at magsisilbing mahalagang transmission highway upang higit pang mapatatag ang sistema ng kuryente sa ating rehiyon.

Kaugnay nito, patuloy ang pakikipag-ugnayan ng NGCP sa ating LGU para sa maayos na pagproseso ng mga kinakailangang permit at pagsasakatuparan ng proyekto.

Bilang inyong Punong Bayan, sinusuportahan natin ang mga proyektong naglalayong maghatid ng mas maayos, sapat, at maaasahang serbisyo para sa ating mamamayan. Sa pamamagitan ng maayos na koordinasyon at pagtutulungan ng lokal na pamahalaan, pambansang ahensya, at pribadong sektor, patuloy nating isusulong ang kaunlaran ng ating bayan.

Malaking pasasalamat ko sa La Union Topgun Association Inc., sa pangunguna ni President Jimmy Pua Phee, kasama ang kanil...
24/08/2026

Malaking pasasalamat ko sa La Union Topgun Association Inc., sa pangunguna ni President Jimmy Pua Phee, kasama ang kanilang mga opisyal, sa kanilang malasakit at pag-aagapay ngayong tag-ulan.

Ngayong araw, Agosto 24, namahagi sila ng mga kapote para sa mga miyembro ng Municipal Agriculture and Fisheries Council, mga frontliner, mga opisyal ng La Union Surf Club, at ating mga lokal na mangingisda.

Malaking tulong ang mga kagamitang ito para sa mga patuloy na nagtatrabaho, naglilingkod, at naghahanapbuhay sa kabila ng masamang panahon.

Maraming salamat sa Topgun Association sa patuloy na pakikiisa at pagtulong sa ating mga kababayan. Sa panahon ng hamon, mas pinapakita natin ang tunay na diwa ng bayanihan at malasakit.

Patuloy tayong mag-aagapay para sa kaligtasan at kapakanan ng bawat San JuaneΓ±o.

Address

San Juan
2514

Website

Alerts

Be the first to know and let us send you an email when Mari Quita Padua-Ortega posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Mari Quita Padua-Ortega:

Shortcuts

Share

Category