Municipal Information Office - LGU San Jose, Occidental Mindoro

14/06/2026

SA SAN JOSE, ANGAT KA!
June15,2026
Hosted by:
Ms. Daisy Del Valle-Leaño
Ms. Mary Ann D. Gener

No copyright infringement intended.
DISCLAIMER:
I don't own the COPYRIGHT of the song.
Video is purely for entertainment purposes only.
Sec.107 of Copyright Act.1979 allow these materials for fair use.
Lyrics & music belongs to the rightful owners.

14/06/2026

𝐏𝐀𝐀𝐋𝐀𝐋𝐀 𝐀𝐓 𝐊𝐀𝐀𝐋𝐀𝐌𝐀𝐍 𝐏𝐀𝐑𝐀 𝐒𝐀 𝐌𝐆𝐀 𝐂𝐎𝐌𝐌𝐔𝐓𝐄𝐑𝐒, 𝐓𝐑𝐈𝐂𝐘𝐂𝐋𝐄 𝐃𝐑𝐈𝐕𝐄𝐑 & 𝐎𝐏𝐄𝐑𝐀𝐓𝐎𝐑𝐒
Ayon sa 𝐎𝐫𝐝𝐢𝐧𝐚𝐧𝐜𝐞 𝐍𝐨. 𝟗𝟒𝟒, 𝐒𝐞𝐫𝐢𝐞𝐬 𝐨𝐟 𝟐𝟎𝟐𝟐, ang pamasahe ng tricycle ay nakabatay sa prevailing fuel price at may nakatalagang fare matrix para sa bawat fuel price bracket.
Sa kasalukuyan, ang presyo ng gasolina ay nasa ₱𝟖𝟎.𝟎𝟎–₱𝟖𝟗.𝟗𝟗 kada litro. Batay sa itinakda ng ordinansa, ang kaukulang minimum fare para sa unang dalawang (2) kilometro ay:
• ₱𝟏𝟖.𝟎𝟎 – para sa biyahe sa loob ng urban barangays o sa loob ng mainland rural barangays; at
• ₱𝟐𝟎.𝟎𝟎 – para sa biyahe mula urban barangays patungo sa mainland rural barangays at vice versa.
At sa bawat kilometrong dagdag ay mayroong ₱2.00 dagdag sa pamasahe.
Bukod dito, nakasaad din sa ordinansa ang pagbibigay ng 𝟐𝟎% 𝐝𝐢𝐬𝐜𝐨𝐮𝐧𝐭 𝐩𝐚𝐫𝐚 𝐬𝐚 𝐦𝐠𝐚 𝐒𝐞𝐧𝐢𝐨𝐫 𝐂𝐢𝐭𝐢𝐳𝐞𝐧𝐬, 𝐏𝐞𝐫𝐬𝐨𝐧𝐬 𝐰𝐢𝐭𝐡 𝐃𝐢𝐬𝐚𝐛𝐢𝐥𝐢𝐭𝐲 (𝐏𝐖𝐃𝐬) 𝐚𝐭 𝐦𝐠𝐚 𝐄𝐬𝐭𝐮𝐝𝐲𝐚𝐧𝐭𝐞.
Dahil dito, mahalagang matiyak na ang kasalukuyang pamasahe na sinisingil ay naaayon sa umiiral na fuel price bracket at sa fare matrix na nakasaad sa Ordinance No. 944.
Kung ang pagtaas ng presyo ng gasolina ang naging batayan sa pagtaas ng pamasahe, nararapat lamang na ang pagbaba nito ay magkaroon din ng kaukulang epekto sa pamasahe, alinsunod sa parehong ordinansa.
Hindi ito usapin ng pagpanig sa commuter o sa driver. Ang usapin ay ang patas at tamang pagpapatupad ng umiiral na batas para sa kapakanan ng lahat.
𝐊𝐮𝐧𝐠 𝐦𝐚𝐲 𝐦𝐠𝐚 𝐢𝐧𝐬𝐢𝐝𝐞𝐧𝐭𝐞 𝐧𝐠 𝐩𝐚𝐧𝐢𝐧𝐢𝐧𝐠𝐢𝐥 𝐧𝐠 𝐩𝐚𝐦𝐚𝐬𝐚𝐡𝐞 𝐧𝐚 𝐡𝐢𝐠𝐢𝐭 𝐬𝐚 𝐢𝐭𝐢𝐧𝐚𝐤𝐝𝐚 𝐧𝐠 𝐟𝐚𝐫𝐞 𝐦𝐚𝐭𝐫𝐢𝐱, 𝐡𝐢𝐧𝐢𝐡𝐢𝐤𝐚𝐲𝐚𝐭 𝐚𝐧𝐠 𝐩𝐮𝐛𝐥𝐢𝐤𝐨 𝐧𝐚 𝐢𝐩𝐚𝐠𝐛𝐢𝐠𝐚𝐲-𝐚𝐥𝐚𝐦 𝐢𝐭𝐨 𝐬𝐚 𝐅𝐫𝐚𝐧𝐜𝐡𝐢𝐬𝐞 𝐎𝐟𝐟𝐢𝐜𝐞 𝐮𝐩𝐚𝐧𝐠 𝐦𝐚𝐛𝐢𝐠𝐲𝐚𝐧 𝐧𝐠 𝐤𝐚𝐮𝐤𝐮𝐥𝐚𝐧𝐠 𝐚𝐤𝐬𝐲𝐨𝐧 𝐚𝐭 𝐦𝐚𝐬𝐢𝐠𝐮𝐫𝐨 𝐚𝐧𝐠 𝐩𝐚𝐭𝐚𝐬 𝐧𝐚 𝐩𝐚𝐠𝐩𝐚𝐩𝐚𝐭𝐮𝐩𝐚𝐝 𝐧𝐠 𝐨𝐫𝐝𝐢𝐧𝐚𝐧𝐬𝐚.
𝐀𝐧𝐠 𝐎𝐫𝐝𝐢𝐧𝐚𝐧𝐜𝐞 𝐍𝐨. 𝟗𝟒𝟒 𝐚𝐧𝐠 𝐝𝐚𝐩𝐚𝐭 𝐦𝐚𝐧𝐚𝐢𝐠 𝐚𝐭 𝐦𝐚𝐠𝐢𝐧𝐠 𝐛𝐚𝐭𝐚𝐲𝐚𝐧 𝐧𝐠 𝐩𝐚𝐦𝐚𝐬𝐚𝐡𝐞 𝐩𝐚𝐫𝐚 𝐬𝐚 𝐩𝐚𝐭𝐚𝐬, 𝐦𝐚𝐤𝐚𝐭𝐚𝐫𝐮𝐧𝐠𝐚𝐧 𝐚𝐭 𝐩𝐚𝐫𝐞-𝐩𝐚𝐫𝐞𝐡𝐨𝐧𝐠 𝐩𝐚𝐠𝐩𝐚𝐩𝐚𝐭𝐮𝐩𝐚𝐝 𝐧𝐠 𝐛𝐚𝐭𝐚𝐬 𝐩𝐚𝐫𝐚 𝐬𝐚 𝐥𝐚𝐡𝐚𝐭. See less

12/06/2026

𝟏𝟐𝟖𝐓𝐇 𝐏𝐇𝐈𝐋𝐈𝐏𝐏𝐈𝐍𝐄 𝐈𝐍𝐃𝐄𝐏𝐄𝐍𝐃𝐄𝐍𝐂𝐄 𝐃𝐀𝐘

Ginunita ngayong umaga ng lokal na pamahalaan ng San Jose ang ika-128 Araw ng Kalayaan na may temang: “Kalayaan. Kinabukasan. Kasaysayan.” Ito ay sa pangunguna ng pinagsanib-pwersa ng General Services Office, sa pamumuno ni Mr. Noel N. Guerrero, at ng Municipal Social Welfare and Development Office, sa pamumuno naman ni Ms. Alicia Marantal-Cajayon.

Personal na dumalo at nakiisa sa umagang ito sina Mayor Rey Cajayon Ladaga, Vice-Mayor Sonny V. Javier, Cong. Leody “Odie” F. Tarriela, at Sangguniang Bayan at Panlalawigan Members. Kasama ring nakilahok ang Free and Accepted Masons, Knights of Colombus, Order of DeMolay, Order of Rainbow Girls, academe, uniformed personnel, civic groups, at iba pang mga sektor ng bayan ng San Jose.

Nag-alay naman ng isang awitin si Mayor Ladaga na nagninilay sa totoong kalayaan sa gitna ng maraming pagsubok na kinakaharap ng bansa. Ito ay sinundan ng pagbibigay ng financial assistance sa mga kinatawan ng San Jose Veterans Association bilang pagkilala sa kanilang kabayanihan at sakripisyo para makamit ang kalayaan ng ating bayan.

Sa huling bahagi ng palatuntunan, nagsagawa ng Parade of Flag na lumibot sa Municipal Oval at ang wreath laying sa Bantayog ng Kalayaan kasama ang LGU and provincial officials, department and section heads, at mga bisita.

Sina Ms. Daisy Del Valle-Leaño at Ms. Mary Ann D. Gener ng Municipal Information Office ang mga nagsilbing tagapagpadaloy ng programa.

11/06/2026

11/06/2026

TINGNAN | Municipal Planning and Development Office, sa pamumuno ni MPDC EnP. Joseph E. Salgado, nagsagawa ng workshop para sa pagbuo ng Local Poverty Reduction Action Plan o LPRAP ngayong umaga sa MPDO Conference Hall.

Sa ngalan ni Mayor Rey Cajayon Ladaga, aktibong nakiisa sa naturang aktibidad si Municipal Administrator Ruzziel S. Ladaga-Cuisia at kanyang nakasama ang mga Sectoral Representatives mula sa Municipal Poverty Reduction Action Committee (MPRAC).

Ang LPRAP ay binubuo para malaman ang kasalukuyang lagay ng kahirapan sa ating bayan gayundin ang mga maaaring maging interbensyon ng lokal na pamahalaan tulad ng mga programa at proyekto para matugunan ito alinsunod sa mga pamantayan ng National Anti-Poverty Commission at ng Republic Act No. 11291 na mas kilala bilang Magna Carta for the Poor.

11/06/2026

𝐌𝐄𝐍𝐑𝐎 𝐒𝐀𝐍 𝐉𝐎𝐒𝐄, 𝐍𝐀𝐆𝐒𝐀𝐆𝐀𝐖𝐀 𝐍𝐆 𝐑𝐈𝐕𝐄𝐑 𝐂𝐋𝐄𝐀𝐍-𝐔𝐏 𝐀𝐂𝐓𝐈𝐕𝐈𝐓𝐘

Bilang pakikiisa sa pagdiriwang ng Philippine Environment Month ngayong Hunyo, matagumpay na nagsagawa ng River Clean-Up Activity ang lokal na pamahalaan sa pamamagitan ng Municipal Environment and Natural Resources Office (MENRO) na pinamumunuan ni MENR Officer Iny Lourdes S. Peroy, ngayong araw, June 11, 2026.

Ang Philippine Environment Month ay ipinagdiriwang upang palakasin ang kamalayan at responsibilidad ng publiko sa kahalagahan ng pangangalaga sa kalikasan sa pamamagitan sama-samang pagkilos at malasakit sa kalikasan. Sa nasabing gawain, naging katuwang ang mga opisyales ng barangay at ilan pang volunteers sa nagkakaisang layunin na patuloy na maisulong ang isang bayang may malinis, ligtas at luntiang kapaligiran.

11/06/2026

𝑷𝒂𝒏𝒅𝒖𝒓𝒖𝒄𝒂𝒏 𝑹𝒊𝒗𝒆𝒓 𝑪𝒍𝒆𝒂𝒏-𝑼𝒑 𝑨𝒄𝒕𝒊𝒗𝒊𝒕𝒚

𝑱𝒖𝒏𝒆 11, 2026

10/06/2026

SA SAN JOSE, ANGAT KA!
June 11, 2026
Hosted by:
Ms. Daisy Del Valle-Leaño
Ms. Mary Ann D. Gener

No copyright infringement intended.
DISCLAIMER:
I don't own the COPYRIGHT of the song.
Video is purely for entertainment purposes only.
Sec.107 of Copyright Act.1979 allow these materials for fair use.
Lyrics & music belongs to the rightful owners.

10/06/2026

𝐏𝐑𝐎𝐉𝐄𝐂𝐓 𝐒𝐀𝐅𝐄 𝐒𝐓𝐑𝐄𝐄𝐓𝐒, 𝐈𝐍𝐈𝐋𝐔𝐍𝐒𝐀𝐃 𝐍𝐆 𝐏𝐍𝐏 𝐎𝐂𝐂𝐈𝐃𝐄𝐍𝐓𝐀𝐋 𝐌𝐈𝐍𝐃𝐎𝐑𝐎 𝐒𝐀 𝐁𝐀𝐘𝐀𝐍 𝐍𝐆 𝐒𝐀𝐍 𝐉𝐎𝐒𝐄

Dahil sa lubhang nakababahalang pagdami ng kaso ng road accidents sa bayan ng San Jose, inilunsad ng Occidental Mindoro Police Provincial Office (OMPPO) ang "Project Safe Streets: Addressing Road Crashes and Enhancing Road Safety".

Ang nasabing programa ay isang collaborative initiative na naglalayong isulong ang road safety, paigtingin ang pampublikong seguridad, at palakasin ang ugnayan ng iba't ibang ahensya ng pamahalaan, stakeholder, at komunidad.

Dumalo at nagpakita ng suporta sa programa si Mayor Rey Cajayon Ladaga at ilan pang mga kinatawan mula sa lokal na pamahalaan, mga ahensyang katuwang sa pagpapatupad ng batas, sektor ng transportasyon at iba pang stakeholder.

Sa ilalim ng Project Safe Streets, inaasahang higit pang mapapalakas ang kampanya laban sa mga paglabag sa batas-trapiko, mapapaigting ang presensya ng kapulisan sa mga pangunahing lansangan, at maisusulong ang mas ligtas na kapaligiran para sa mga motorista, pasahero, pedestrian, at iba pang gumagamit ng kalsada.

Inaasahan ang aktibong pakikilahok ng
komunidad sa programang ito tungo sa mas matatag na kultura ng disiplina, kooperasyon at malasakit sa kaligtasan ng bawat mamamayan.

10/06/2026

𝑷𝑵𝑷 𝑳𝒂𝒖𝒏𝒄𝒉𝒊𝒏𝒈 𝒐𝒇 𝑷𝒓𝒐𝒋𝒆𝒄𝒕 𝑺𝒂𝒇𝒆 𝑺𝒕𝒓𝒆𝒆𝒕𝒔