04/06/2026
IN PHOTOS
Bilang paghahanda sa pagbubukas ng klase para sa Balik-Eskwela 2026, nagsagawa ang pamahalaang barangay ng information and Awareness Lecture para sa mga miyembro ng Barangay Peacekeeping Action Team (BPAT) ng Barangay Minuyan Proper kahapon June 3, 2026.
Mula sa San Jose del Monte City Police Station (SJDM CPS), sa pangunguna ni PSSg Frederick Sunga, CCAD PNCO, Tinalakay sa nasabing aktibidad ang mga mahahalagang usapin hinggil sa kampanya laban sa iligal na droga, anti-terorismo, Safer City Program, at iba pang mga hakbang na nakatuon sa pagpapanatili ng kapayapaan, kaayusan, at kaligtasan ng publiko. Layunin nitong higit pang palakasin ang kaalaman at pakikipagtulungan ng mga BPAT sa kapulisan upang matiyak ang ligtas at maayos na pagbubukas ng klase para sa mga mag-aaral, magulang, at buong komunidad.
Patuloy na isinusulong ng SJDM CPS, sa ilalim ng pamumuno ni PLTCOL Reyson M. Bagain, Chief of Police, ang mga programang nagtataguyod ng mas matibay na ugnayan sa pagitan ng kapulisan at ng komunidad tungo sa isang ligtas, mapayapa, at maunlad na lungsod.
Dumalo rin sa nasabing aktibidad sina Punong Barangay Irene Biteng at Kagawad Joel Balboa, Tagapangulo ng Komite sa Kapayapaan at Kaayusan, bilang pagpapakita ng kanilang buong suporta sa mga programang naglalayong mapanatili ang kaayusan at seguridad sa Barangay Minuyan Proper.
"Dapat Alam mo Pamilyang Minuyeños!"
