Katipunan Student Movement Sarmiento Campus

26/07/2026

Katipunan Student Movement (KASAMA) - Sarmiento Campus

A progressive student political party at BulSU focused on fighting corruption, ensuring free and inclusive education, and upholding students’ rights. It aims to implement the Magna Carta of Students, strengthen the Student Government, and empower youth through outreach, advocacy, and active community involvement.

LUMAHOK. LUMABAN. LUMAYA. 💙✊️

👤: Kenneth James Chavez
🔗: https://tinyurl.com/3kdvrf48

Katipunan Student Movement (KASAMA) - Sarmiento Campus

A progressive student political party at BulSU focused on fighting corruption, ensuring free and inclusive education, and upholding students’ rights. It aims to implement the Magna Carta of Students, strengthen the Student Government, and empower youth through outreach, advocacy, and active community involvement.

👤: Kenneth James Chavez
🔗: https://tinyurl.com/3kdvrf48

19/07/2026

‎𝐏𝐑𝐈𝐁𝐀𝐓𝐈𝐒𝐀𝐒𝐘𝐎𝐍 𝐀𝐘 𝐈𝐓𝐈𝐆𝐈𝐋 𝐃𝐀𝐇𝐈𝐋 𝐀𝐍𝐆 𝐓𝐔𝐁𝐈𝐆 𝐀𝐘 𝐊𝐀𝐑𝐀𝐏𝐀𝐓𝐀𝐍 𝐇𝐈𝐍𝐃𝐈 𝐍𝐄𝐆𝐎𝐒𝐘𝐎!
‎
‎Tutol tayo sa pribatisasyon sa serbisyo ng tubig. Naninindigan kami na ang tubig ay isang karapatan ng mamamayan at hindi isang kalakal na dapat pagkakitaan ng mga dambuhalang korporasyon.
‎
‎Dahil dito, nananawagan kami na parehong umalis sa San Jose del Monte Bulacan ang PrimeWater at Metro Pacific Bulacan Water. At ibalik sa pamamahala ng tubig sa Water District, isang institusyong itinayo para magsilbi sa mamamayan at bunga ng pinagsama-samang ambag at pagsisikap ng mga residente, at mamamayan.
‎
‎Hindi sapat na palitan lamang ang isang pribadong kumpanya ng isa pang pribadong kumpanya— Ang ugat ng problema ay ang mismong pribatisasyon, kung saan ang isang mahalagang serbisyong panlipunan ay ginagawang negosyo. At kapag ang pangunahing layunin ay tubo, nalalagay sa panganib ang karapatan ng mamamayan sa abot-kaya, sapat, at de-kalidad na serbisyo sa tubig.
‎
‎Dapat ding managot ang lahat ng sangkot sa pagpasok ng PrimeWater sa SJDM. Nararapat lamang na magkaroon ng ganap na pananagutan at paglilinaw sa mamamayan kung paano ibinigay sa pribadong sektor ang isang serbisyong dapat sana ay nasa ilalim ng pampublikong pamamahala.
‎
‎Sa pagsapribado ng mga pangangailangan, unti-unting binabawi ng pamahalaan ang responsibilidad nitong tiyakin ang kapakanan ng mamamayan at sa halip ay ipinapaubaya ito sa mga negosyante. Hindi dapat maging negosyo ang tubig. Ito ay serbisyong panlipunan na dapat pinangangasiwaan para sa kapakanan ng lahat, hindi para sa kita ng iilan.

‎Ang laban ay nagpapatuloy. Makisapi sa KASAMA Sarmiento.
‎📎https://tinyurl.com/KASAMASarmJoinNow
‎📎https://tinyurl.com/KASAMASarmJoinNow
‎📎https://tinyurl.com/KASAMASarmJoinNow
‎
Lumahok. Lumaban. Lumaya.

Maging bahagi ng kolektibong kumikilos para sa karapatan, katarungan, at makabuluhang pagbabago. Ang iyong tinig ay may halaga makiisa at makisapi sa KASAMA Sarmiento.

‎PHOTO CREDITS TO THE RIGHTFUL OWNER.

‎
‎
‎

19/07/2026

Sa Bawat Bawas sa Pondo, Dumarami ang Hadlang sa Pagkatuto.

Mula pagkabata, paulit-ulit nating naririnig ang katagang “Edukasyon ang susi sa Tagumpay”, ngunit paano natin maaabot ang ating mga pangarap kung ang mismong karapatang matuto ay unti-unti nang nagiging pribilehiyo?

Dalawang linggo na mula sa pagbubukas ng bagong pang-akademikong taon, kaakibat nito ay ang muling pag-usbong ng mga suliraning matagal nang kinakaharap ng bawat estudyante sa loob ng pamantasan. Patuloy na ipinapasan ng bawat mag-aaral ang bigat ng sistemang dapat sana’y sumusuporta sa kanilang pagkatuto at humuhubog sa kanilang kakayahan bilang bahagi ng lipunan.

Sa gitna ng lumalalang krisis sa edukasyon, budget cut pa rin ang kanilang naging aksyon.

Sa kabila nito, hindi humihingi ng sobra ang mga estudyante. Humihingi lamang sila ng sapat na karapatan upang matuto nang may dignidad.

Sapagkat kapag paulit-ulit na kinakaltasan ang sektor ng edukasyon, hindi lang pondo ang nawawala:
Kinakaltasan ang pagkakataong matuto. Kinakaltasan ang kakayahan.
Kinakaltasan ang kinabukasan.

Tandaan, Ito ay isang karapatan, hindi isang pribilehiyong dapat pagkasyahin sa kakarampot na pondo lamang.

KAYA NAMAN ANG ATING PANAWAGAN, BUDGET SA EDUKASYON, ITAAS, ITAAS!

13/07/2026

PANAGUTIN ANG MGA KORAP!
AMENAH PANGANDAMAN, IMBESTIGAHAN!

Sa gitna ng panawagan ng sambayanan na papanagutin ang mga nasa likod ng malawakang katiwalian sa flood control funds, nakapanlulumong makita na si dating DBM Secretary Amenah Pangandaman ay iniluklok bilang Chairperson at CEO ng Al-Amanah Islamic Investment Bank. Sa halip na isang malaya, mabilis, at transparent na imbestigasyon, tila gantimpala pa ang ibinibigay sa mga opisyal na nasasangkot sa mga seryosong usapin ng korupsyon.

Bilang Kalihim ng Department of Budget and Management (DBM) sa panahon ng lumutang ang Flood-control scams, mahalagang papel ang ginampanan ni Pangandaman sa paghahanda at pagpapatupad ng pambansang badyet, kabilang ang paglalabas ng pondo para sa mga programang pang-imprastraktura. Dahil dito, naging bahagi siya ng mga pampublikong usapin at alegasyon kaugnay ng umano’y mga iregularidad sa flood control spending.

Hanggang ngayon, nananatiling hinihingi ng mamamayan ang buong katotohanan at pananagutan. Hindi sapat ang pagpapalit lamang ng posisyon habang nananatiling hindi nasasagot ang mga tanong ng taumbayan. Imbis na pananagutan ang ibigay, ay promosyon o reward pa nga ang ginagantimpala sa mga dawit sa korap!

Habang nalulubog ng baha ang mga komunidad at nalulubog ang kabuhayan ng mamamayan lalo na sa Bulacan, malinaw na hindi lamang kalikasan ang may sala—kasabwat din ang sistemang inuuna ang korupsyon kaysa kaligtasan ng mamamayan. Ang bawat pisong ninakaw sa flood control ay katumbas ng buhay na isinugal, tahanang inanod, at kinabukasang ipinagkait.

Malapit na ang ikalimang State of the Nation Address (SONA) ni Pangulong Ferdinand Marcos Jr. Hindi namin hahayaang maging isa na namang entablado ito ng mga magagarbong pangako habang nananatiling ligtas ang mga pinaghihinalaang responsable sa pagwaldas ng pondo ng bayan. Hindi sapat ang maglatag ng mga numero at proyekto. Ang sigaw ng bayan ay malinaw: panagutin ang mga korap, kasama na mismo ang iyong sarili BongBong Marcos!

Kasama sa panawagang ito ang isang independiyente, transparent, at komprehensibong imbestigasyon sa lahat ng opisyal na may kaugnayan sa umano’y anomalya sa flood control funds, kabilang si Amenah Pangandaman. Kung tunay na may malasakit sa bayan at sa integridad ng mga institusyon ng gobyerno, nararapat lamang na bumaba siya sa kanyang kasalukuyang puwesto habang isinasagawa ang masusing imbestigasyon.

Walang puwang ang impunidad sa gitna ng lumalalang kahirapan. Walang puwang ang promosyon para sa mga opisyal na may mabibigat na tanong na dapat sagutin. Hangga’t walang tunay na pananagutan, mananatiling lubog ang anumang pangako ng “bagong Pilipinas.”

AMENAH PANGANDAMAN, IMBESTIGAHAN!
Bongbong Marcos, DINGGIN MO ANG SIGAW NG TAUMBAYANG LUBOG SA BAHA! MAGRESIGN KA NGANI!

13/07/2026

𝐈𝐁𝐀𝐒𝐔𝐑𝐀 𝐀𝐍𝐆 𝐏𝐀𝐗 𝐒𝐈𝐋𝐈𝐂𝐀!

Ang Pax Silica ay isang inisyatibang itinutulak ng United States upang tiyakin ang kontrol nito sa pandaigdigang suplay ng silikon at iba pang critical minerals na mahalaga sa paggawa ng mga semiconductors, kagamitang pandigma, at AI o Artificial Intelligence. Sa gitna ng tumitinding kompetisyon ng US at China sa larangan ng teknolohiya at ekonomiya, ginagamit ng US ang mga bansang mayaman sa likas-yaman, kabilang ang Pilipinas, upang mapanatili ang paghahari nito sa daigdig.

Ang pagpirma ng administrasyong Marcos sa deklarasyon ng Pax Silica ay nagdudulot ng banta sa pambansang soberanya, kalikasan, at kabuhayan ng mamamayan. Kaugnay nito ang planong pagtatayo ng malawak na Economic Security Zone sa New Clark City na magbibigay-daan sa pagpasok ng dayuhang interes at kontrol sa ating likas-yaman. Sa halip na pakinabangan ng sambayanang Pilipino, nanganganib na mapunta ang pinakamalaking benepisyo sa mga dayuhang korporasyon at makapangyarihang bansa.

Malaki rin ang posibleng epekto nito sa mga komunidad na apektado ng pagmimina, lalo na sa mga lalawigang mayaman sa mineral tulad ng Zambales, Palawan, at Nueva Vizcaya. Kasabay nito ang banta ng pagkasira ng kalikasan, pagkamkam ng lupa, at sapilitang pagpapalayas sa mga magsasaka sa kanilang kabuhayan at tahanan. Pinatitindi rin ng pagpapalawak ng presensyang militar ng US sa bansa ang panganib na madamay ang Pilipinas sa tunggalian ng malalaking kapangyarihan.

Ang Pax Silica ay naglalatag ng higit na pagsandig ng Pilipinas sa dayuhang kapangyarihan habang nananatiling tagasuplay lamang ng hilaw na materyales at murang lakas-paggawa. Habang lumalaki ang tubo ng mga dayuhang interes, higit namang naaapektuhan ang karapatan, kabuhayan, at kinabukasan ng mga Pilipino. Kaya nararapat lamang itong tutulan at ipaglaban ang ating lupa, likas-yaman, kabuhayan, at pambansang soberanya.

Ang laban ay nagpapatuloy. Makisapi sa KASAMA Sarmiento.
📎https://tinyurl.com/KASAMASarmJoinNow
📎https://tinyurl.com/KASAMASarmJoinNow
📎https://tinyurl.com/KASAMASarmJoinNow

Lumahok. Lumaban. Lumaya.

Maging bahagi ng kolektibong kumikilos para sa karapatan, katarungan, at makabuluhang pagbabago. Ang iyong tinig ay may halaga makiisa at makisapi sa KASAMA Sarmiento.

Photo CTTRO:
📎 https://www.facebook.com/share/p/1ANUgaakAX/
📎 https://www.facebook.com/share/p/1DM3fvfZq1/

12/07/2026

‎𝐁𝐔𝐋𝐒𝐔 𝐀𝐃𝐌𝐈𝐍, 𝐒𝐔𝐒𝐏𝐄𝐍𝐃 𝐓𝐇𝐄 𝐂𝐋𝐀𝐒𝐒𝐄𝐒 𝐍𝐎𝐖!
‎
‎Sa inilabas na memorandum ng BulSU Administration, attire leniency lamang ang ipinatupad para sa mga Iskolar ng Bayan sa Main Campus at San Rafael Campus, habang Alternative Learning Mode naman ang ipinatupad sa mga kampus ng Sarmiento, Hagonoy, at Meneses.
‎
‎Bagama't kinikilala namin ang layunin ng administrasyon na maipagpatuloy ang pagkatuto, mas makabubuti sa mga Iskolar ng Bayan kung class suspension na lamang ang ipatupad sa ganitong sitwasyon.
‎
‎Kung Alternative Learning Mode lamang ang ipinatutupad, hindi nito agad natutugunan ang tunay na kalagayan ng maraming estudyante at g**o.
‎
‎Marami ang:
‎Walang kuryente dahil sa masamang panahon;
‎Walang load o maayos na internet connection;
‎Nasa mga lugar na binabaha o lubhang apektado ng tuloy-tuloy na pag-ulan.
‎
‎Paano makakapag-aral nang maayos kung ang inuuna ng isang pamilya ay ang kanilang kaligtasan at pagharap sa epekto ng baha at masamang panahon?
‎
‎Ang kaligtasan at kapakanan ng mga Iskolar ng Bayan, mga g**o, at mga kawani ay dapat manatiling pangunahing konsiderasyon sa bawat desisyon.

‎BulSU Administration, suspend the classes now. Prioritize the safety and welfare of the entire academic community!
‎

12/07/2026

‎𝐁𝐔𝐋𝐀𝐂𝐀𝐍 𝐄𝐌𝐄𝐑𝐆𝐄𝐍𝐂𝐘 𝐇𝐎𝐓𝐋𝐈𝐍𝐄 𝐃𝐈𝐑𝐄𝐂𝐓𝐎𝐑𝐘
‎
‎Bilang bahagi ng ating malasakit sa bawat isa, hatid ng KASAMA ang mga emergency hotline ng bawat bayan at lungsod sa Bulacan.
‎
‎Hindi natin alam kung kailan kakailanganin ang mga numerong ito, kaya mas mabuting handa. I-save ang post na ito at ibahagi rin sa inyong pamilya, kaibigan, at mga kakilala upang mas marami ang may access sa tamang impormasyon sa oras ng emergency o sakuna.
‎
‎Sa bawat pagdating ng bagyo, ang pag-asa'y huwag hayaang matangay.
‎Sapagkat ang tunay na KASAMA ay hindi lamang naririyan sa panahon ng tagumpay, kundi higit sa lahat, sa oras ng pangangailangan at pagdamay.
‎
‎
‎ANGAT, BULACAN
‎Mayor's Office: 769-1208
‎PNP Angat: 641-3379
‎MDRRMO: 308-1156
‎
‎BALAGTAS
‎Mayor's Office:044-693-7950;
‎044-693-2243;044-693-4321
‎PP Balagtas: 044-769-9829; 0932-510-5707
‎(sun); 0927-852-3532 (globe)
‎MDRRMC: 044-308-4564
‎PDRRMC (Bulacan Rescue) (044) 791-0209
‎(044) 791-1604 (02) 912-2665
‎
‎BALIWAG
‎Mayor's Office: 044-798-0391
‎PP Baliwag: 044-766-6055 & 044-766-2329
‎MDRRMO: 0917 505 7827 or 0939 999 7827
‎
‎BOCAUE
‎Mayor's Office: 044-692-3038
‎PNP Bocaue: 044-692-7998
‎
‎BULAKAN
‎Mayor's Office: 044-760-0374
‎PP Bulakan: 044-792-0300
‎MDRRMO:0927-577-7227
‎
‎BUSTOS
‎Mayor's Office:+63(44) 617-1234
‎PNP Bustos: (044) 761-1199 and 0975 332 2182
‎MDRRMO: +63 918 918 0505
‎
‎CALUMPIT
‎Mayor's Office: +63(44) 913-1119
‎PP Calumpit: 044-675-7998
‎MDRRMO: +63 44 913 7289
‎
‎DOÑA REMEDIOS TRINIDAD
‎Mayor's Office: (+63) 927 966 2218
‎PNP DRT: (+63) 998 598 5379
‎MDRRMO: (+63) 927 966 2218 & (+63) 122 1957
‎
‎GUIGUINTO
‎Mayor's Office: +63(44) 794-0202
‎PP Guiguinto: 09985985381
‎MDRRMO: 794-1664
‎
‎HAGONOY
‎Mayor's Office: +63(44) 794-4445
‎PP Hagonoy: 044-793-0018
‎MDRRMO: +63 44 793 5811
‎
‎MALOLOS
‎Mayor's Office: +63(44) 796-2793; 663-7950
‎PP Malolos: 044-791-0257
‎MDRRMO:0928-226-9801
‎
‎MEYCAUAYAN
‎Mayor's Office: +63(44) 919-8020
‎PP Meycauayan: 044-840-4554
‎MDRRMO: 0925 504 4357
‎
‎MARILAO
‎Mayor's Office: +63(44) 919-1010
‎PP Marilao: 044-248-9166
‎MDRRMO: 0969 462 2952
‎
‎NORZAGARAY
‎Mayor's Office: +63(44) 694-1715
‎PP Norzagaray: 044-694-0578
‎
‎OBANDO
‎Mayor's Office: +63(02) 352-1992
‎PNP Obando: (02) 292-2043
‎MDRRMO: 8281-5816
‎
‎PANDI
‎Mayor's Office: +63(44) 914-0066
‎PNP Pandi: 044-661-2190
‎
‎PAOMBONG
‎Mayor's Office: +63(44) 760-5044
‎PP Paombong: 044-665-7998
‎MDRRMO: 0920 617 8343
‎
‎PLARIDEL
‎Mayor's Office: +63(44) 794-0119
‎PP Plaridel: 044-795-0057
‎
‎PULILAN
‎Mayor's Office: +63(44) 795-0128
‎PP Pulilan: 044-676-7998
‎MDRRMO: 0917 561 6195
‎
‎SAN ILDEFONSO
‎Mayor's Office: +63(44) 326-2877
‎PNP San Ildelfonso: 044-901-0208
‎
‎SAN JOSE DEL MONTE
‎Mayor's Office: +63(44) 815-2136; 815-646
‎PP SJDM: 044-691-2977 & 044-691-2974
‎MDRRMO: 0932 600 0119
‎
‎SAN MIGUEL
‎Mayor's Office: +63(44) 764-2125
‎PNP San Miguel: 044-678-7998 & 044-678-2608
‎MDRRMO: 0917 715 2016
‎
‎SAN RAFAEL
‎Mayor's Office: +63(44) 764-5457
‎PNP San Rafael: 044-902-0185
‎MDRRMO:+639458159652
‎
‎SANTA MARIA
‎Mayor's Office: +63(44) 641-1601
‎PNP Santa Maria: 044-641-47-88
‎MDRRMO: 0923-022-6973
‎
‎

10/07/2026

STARMiento, galit ka ba sa kurapsyon?

Sa patuloy na paglala ng mga suliranin sa labas ng pamantasan, mula sa korapsyon at kawalan ng pananagutan sa mga usapin tulad ng flood control scams, hanggang sa patuloy na pag-atake sa karapatan ng kababaihan, LGBTQIA+, mga manggagawa, at iba pang inaaping sektor, unti-unti ring lumalalim ang krisis na nararanasan sa loob ng ating pamantasan.

Makikita ito sa patuloy na kakulangan ng badyet para sa edukasyon, mga pasilidad at espasyong hindi angkop sa pagkatuto, pagpapataw ng mga mandatory fees, red-tagging, at iba't ibang anyo ng diskriminasyong kinahaharap ng iilang mga BulSUans.

Hindi hiwalay ang pamantasan sa lipunan. Ang mga suliraning kinahaharap ng sambayanan ay suliranin din ng mga Iskolar ng Bayan. Kaya't hindi sapat ang manahimik, panahon na upang magkaisa, magpaorganisa, at palakasin ang ating kolektibong pagkilos.

Ito ang paninindigan ng KASAMA-BulSU: walang uurungan at walang isusukong laban hangga't may mga estudyanteng handang manindigan at makibaka para sa karapatan ng kapwa Iskolar ng Bayan at ng sambayanan.

BulSUans, tayo'y magkaisa! Sa ating sama-samang pagkilos at pagkakapit-bisig, itindig natin ang isang Bulacan State University na tunay na malaya, makabayan, at nagsisilbi sa sambayanan, isang pamantasang ipinaglalaban ang karapatan, kapakanan, at kinabukasan ng bawat Iskolar ng Bayan.

Humanay. Magpaorganisa. Sumali sa KASAMA-BulSU!
Para maging opisyal na miyembro i-akses lamang ang link na ito:

📎 https://tinyurl.com/KASAMASarmJoinNow
📎 https://tinyurl.com/KASAMASarmJoinNow
📎 https://tinyurl.com/KASAMASarmJoinNow

I-tindig ang karapatan ng Iskolar ng Bayan! ✊💙
Lumahok. Lumaban. Lumaya.

26/03/2026

BulSUans, ituloy natin ang paglaban sa lansangan!

Malaki ang naging ambag ng kabataan sa demokratikong paghalal sa mga susunod na lider ng Student Government sa BulSU. Ngunit, ang usapin ng politika ay hindi rito nagtatapos. Mayroon tayong mas malaking kampanya na dapat tugunan.

Nitong mga nakaraang araw, pumalo na sa higit isang daang piso ang presyo ng gasolina at diesel. Apektado tayong lahat dito. Tumataas ang presyo ng mga bilihin, nawawalan ng kita ang mga drayber, at nahihirapan ang mayorya ng Pilipino sa transportasyon dahil sa mahal na presyo ng langis.

Ito ang dapat naman nating pag-usapan. Dahil, ang pangarap natin na magkaroon ng mas abot-kayang presyo ng mga bilihin sa pamantasan, mas mabilis na byahe sa araw-araw, at mas mataas na pondo sa sektor ng edukasyon, ay posible lamang kung sosolusyonan natin nang sama-sama ang pagsugpo sa korapsyon at krisis sa bansa.

Alalahanin din nating marami sa atin ang anak ng drayber, kamag-anak ay tsuper, o may mga kakilalang trabahador na direktang apektado sa pandaigdigang problema sa langis. Ito ang ating pananagutan para sa bawat pamilya.

upang tuluyan at agarang suspendehin ang Excise Tax
sa pagbabasura ng Oil Deregulation Law
sapagkat buhay at masa ang nakataya sa laban ng masa rito

Bukas, magkita-kita tayo sa harap ng Malolos Kapitolyo Mini Forest sa ganap na 5:00 ng hapon upang ipanawagan ang ating mga laban. BulSUans, bayan at Bulacan magkakasama tayong humingi ng pananagutan!

17/03/2026

Huling pagkakataon na masilip ang kanilang paninindigan, pananagutan, at paninilbihan!

Panoorin ang huling interview ng mga kandidato at alamin kung sino ang handang tumindig.

Ngayong gabi ay atin. Tindi tayo, Starmientos! 💙