Department of Agriculture - Ilocos Region

15/06/2026

Mahilig ka bang magsulat ng kuwentong pambata? 📖✨

Ipakita ang iyong galing sa pagkukuwento sa Be RICEponsible Everyday Children’s Storybook Challenge!

Lumikha ng isang makabuluhang kuwento para sa mga batang edad 5–10 taong gulang na magtuturo ng kahalagahan ng pagiging RICEponsible sa araw-araw.

Para sa kumpletong mekaniks at impormasyon tungkol sa pagsusumite ng entries, i-scan lamang ang QR code. Makikita rin dito ang regional focal person na maaaring makatulong sa inyong lugar.

Abangan namin ang inyong mga malikhaing kuwento! Huwag palampasin ang pagkakataong maging inspirasyon sa kabataang Pilipino—sumali na ngayon!


Department of Agriculture - National Rice Program

12/06/2026

𝟲 𝗻𝗮 𝗻𝗼𝗺𝗶𝗻𝗮𝗱𝗼 𝗻𝗴 𝗜𝗹𝗼𝗰𝗼𝘀 𝗥𝗲𝗴𝗶𝗼𝗻, 𝗽𝗮𝘀𝗼𝗸 𝘀𝗮 𝗳𝗶𝗻𝗮𝗹 𝗷𝘂𝗱𝗴𝗶𝗻𝗴 𝗻𝗴 𝟱𝟭𝘀𝘁 𝗚𝗮𝘄𝗮𝗱 𝗦𝗮𝗸𝗮

Usad sa final judging at deliberation ng Board of Judges (BOJ) ang anim na entri ng Department of Agriculture-Regional Field Office 1 (DA-RFO1) para sa 51st Gawad Saka Search, matapos ang dalawang araw na masusing validation sa DA-Central Office sa Diliman, Quezon City.

Mula sa 11 pambansang entri ng rehiyon, walo ang naunang na-shortlist para sa on-site evaluation ng National Technical Committee (NTC), kung saan anim ang tuluyang umabante sa huling yugto ng deliberasyon ng BOJ.

Humarap sa face-to-face validation at panel interview noong Hunyo 10 ang unang batch ng mga nominado na kinabibilangan nina Lopemae Bautista (Naguilian, La Union) – Natatanging Kabataang Magsasaka, Rocapor Family (Rosario, La Union) – Natatanging Pamilyang Magsasaka at Mario Garcia (San Carlos City, Pangasinan) – Natatanging Magsasaka sa High Value Commercial Crops.

Nitong Huwebes naman, ika-11 ng Hunyo, ipinamalas ng delegasyon ng Laoag City ang kanilang kahusayan sa pangunguna ng mga lokal na opisyal para sa kategoryang Natatanging Local Government Unit, kasama sina Engr. Sheila Opelac (Natatanging Agricultural Manager) at Geoffrey Pascua (Natatanging Magsasaka sa Mais).

Sa naturang validation, iprinesenta ng NTC ang resulta ng kanilang mga naunang field assessment na sinundan ng komprehensibong question-and-answer portion kasama ang mga miyembro ng BOJ.

Inaasahang ilalabas ang opisyal na desisyon ng komite sa mga susunod na araw bago ang nakatakdang National Awarding Ceremony sa Hunyo 29, 2026.

12/06/2026

Panoorin ang mensahe mula sa ating DA Secretary Francisco Tiu Laurel, Jr., na ipinaabot sa pamamagitan ni DA-RFO1 Regional Executive Director Fidel L. Libao, bilang pagdiriwang ng ika-128 Anibersaryo ng Kalayaan ng Pilipinas!

Ating bigyang-pugay ang tapang, sakripisyo, at pagmamahal ng ating mga bayani.

Mabuhay ang Pilipinas! 🇵🇭

11/06/2026

𝗗𝗔-𝗔𝗠𝗔𝗗, 𝗻𝗮𝗴𝘀𝗮𝗴𝗮𝘄𝗮 𝗻𝗴 𝗬𝗙𝗖 𝗣𝗿𝗼𝗴𝗿𝗮𝗺 𝗶𝗻𝗳𝗼 𝗰𝗮𝗿𝗮𝘃𝗮𝗻

Nagsagawa ng isang Information Caravan ang Department of Agriculture (DA) Ilocos Region sa ilalim ng Agribusiness Marketing Assistance Division (AMAD) nitong Huwebes, June 11, upang mas mapalawak ang pagpapalaganap ng Young Farmers Challenge (YFC) Program.

Ginanap sa DA-RFO I Conference Room, ang aktibidad ay dinaluhan ng mahigit 70 mag-aaral ng agrikultura at mga g**o mula sa iba’t ibang State Colleges and Universities (SUCs) sa rehiyon. Nagsilbi itong daan upang ilatag ang mga kinakailangan, mahahalagang impormasyon, at proseso ng pag-aplay sa nasabing programa.

Sa kanyang mensahe, binigyang-diin ni AMAD Chief Irene Tactac ang kahalagahan ng YFC lalo na sa mga kabataang naghahangad na magsimula ng sariling negosyo sa sektor ng agrikultura.

“Kailangan lang na maging bukas tayo sa oportunidad na ito, ibahagi at isagawa ang mga naiisip na negosyo dahil kasama ninyo ang DA na maisakatuparan ito,” dagdag ni Ms. Tactac.

Naging tagapagsalita naman sa aktibidad sina Mary Gidraga, Ajurina Libed-Oticao, at Jhanine Agdeppa mula sa AMAD. Ibinahagi nila ang mga layunin ng programa, mga kinakailangang dokumento, at ang mga prosesong pagdadaanan ng mga nagnanais na lumahok.

Para sa mga interesadong sumali sa YFC Program, maaaring bisitahin ang sumusunod na link upang pag-aralan ang mga detalye at kaukulang requirements: https://drive.google.com/drive/folders/1BWZj-7RSLT0Gkg1Vd58RFhTdlV1Y_KX4?usp=sharing

11/06/2026

Samahan niyo kami sa pagdiriwang ng ika-128 anibersaryo ng Kagawaran ng Pagsasaka! 🌱✨

Mark your calendars! Ngayong 𝗛𝘂𝗻𝘆𝗼 𝟭𝟱 (𝗟𝘂𝗻𝗲𝘀), bukas para sa publiko ang mga sumusunod na serbisyo:

🛒 𝗞𝗮𝗱𝗶𝘄𝗮 𝗻𝗴 𝗣𝗮𝗻𝗴𝘂𝗹𝗼 𝗠𝗮𝗿𝗸𝗲𝘁 𝗙𝗮𝗶𝗿 (Sariwa at murang bilihin!)
🌱 𝗙𝗿𝗲𝗲 𝗩𝗲𝗴𝗲𝘁𝗮𝗯𝗹𝗲 𝗦𝗲𝗲𝗱𝘀 (Sapat na gulay para sa lahat)
🐶 𝗙𝗿𝗲𝗲 𝗔𝗻𝘁𝗶-𝗥𝗮𝗯𝗶𝗲𝘀 𝗩𝗮𝗰𝗰𝗶𝗻𝗮𝘁𝗶𝗼𝗻 (Para sa kaligtasan ng ating pets)
🧪 𝗙𝗿𝗲𝗲 𝗦𝗼𝗶𝗹 𝗔𝗻𝗮𝗹𝘆𝘀𝗶𝘀 & 𝗔𝗱𝘃𝗶𝘀𝗼𝗿𝘆 𝗦𝗲𝗿𝘃𝗶𝗰𝗲𝘀 (Para sa masaganang ani ng ating mga magsasaka)

Huwag palampasin ang mga handog na ito! Kita-kita tayo! 💚

10/06/2026

𝗣𝗿𝗶𝗰𝗲 𝗺𝗼𝗻𝗶𝘁𝗼𝗿𝗶𝗻𝗴 𝗻𝗴 𝗯𝗶𝗴𝗮𝘀 𝘀𝗮 𝗕𝗮𝗰𝗻𝗼𝘁𝗮𝗻 𝗙𝗮𝗿𝗺𝗲𝗿𝘀 𝗠𝗮𝗿𝗸𝗲𝘁 𝗶𝘀𝗶𝗻𝗮𝗴𝗮𝘄𝗮 𝗻𝗴 𝗗𝗔; 𝗱𝗮𝗹𝗮𝘄𝗮𝗻𝗴 𝗿𝗶𝗰𝗲 𝗿𝗲𝘁𝗮𝗶𝗹𝗲𝗿𝘀 𝗽𝗶𝗻𝗮𝘁𝗮𝘄𝗮𝗻 𝗻𝗴 𝗡𝗼𝘁𝗶𝗰𝗲 𝗼𝗳 𝗩𝗶𝗼𝗹𝗮𝘁𝗶𝗼𝗻

Isinagawa ng Department of Agriculture (DA) sa Ilocos ang on-the-spot price monitoring sa Bacnotan Farmers Market, La Union ngayong June 10, 2026 bilang bahagi ng patuloy na pagpapatupad ng P50.00 price cap sa imported premium rice alinsunod sa Executive Order No. 118.

Sa isinagawang inspeksyon, umabot sa 13 rice retailers ang binisita ng monitoring team. Dalawa sa mga ito ang nakitaan ng paglabag at pinatawan ng Notice of Violation.

Kabilang sa mga naitalang paglabag ang pagbebenta ng imported premium rice sa presyong lampas sa itinakdang price cap at hindi pag-display o pagtatago ng mga produkto dahil umano sa pangambang malugi kapag sinunod ang itinakdang presyo.

Samantala, habang isinasagawa ang monitoring, agad namang nakipagtulungan ang ilang rice vendors sa pamamagitan ng pagsunod sa tamang presyo, paglalagay ng wastong price tag, at tamang product labelling alinsunod sa Joint Memorandum Circular (JMC) No. 01, series of 2026.

Bukod sa mga rice retailers sa palengke, isinailalim din sa monitoring ang Puregold Supermarket sa Bacnotan na nakitang sumusunod sa itinakdang presyo, kung saan ibinebenta ang imported premium rice sa halagang P49.96 kada kilo.

Pinangunahan ni DA Regional Executive Director Fidel Libao ang exit conference kasama si Regional Technical Director Dennis Tactac, AMAD Chief Irene Tactac, Agribusiness Industry Support Section Chief, Ms. Edilyn Goldara, gayundin ang mga kinatawan ng Department of Trade and Industry (DTI), National Food Authority (NFA), Bureau of Plant Industry (BPI), at Philippine National Police (PNP).

Sa nasabing pagpupulong, nagpahayag ng suporta si Bacnotan Vice Mayor Angelo Francis Fontanilla, kasama ang tanggapan ng Market Supervisor at Municipal Agriculturist, sa pagpapalakas ng pagpapatupad ng batas upang maprotektahan ang mga mamimili at maiwasan ang hindi makatarungang pagtaas ng presyo ng imported premium rice.

Bilang tugon, nangako ang LGU-Bacnotan na magsasagawa ng pagpupulong kasama ang mga rice vendors ng bayan upang ipaalala ang kanilang tungkulin at matiyak ang patuloy na pagsunod sa itinakdang price cap.

10/06/2026

𝗙𝘂𝗲𝗹 𝘀𝘂𝗯𝘀𝗶𝗱𝘆 𝘀𝗮 𝗺𝗴𝗮 𝗮𝗰𝗰𝗿𝗲𝗱𝗶𝘁𝗲𝗱 𝗳𝗼𝗼𝗱 𝗹𝗮𝗻𝗲 𝘁𝗿𝘂𝗰𝗸 𝗼𝘄𝗻𝗲𝗿𝘀, 𝗶𝗸𝗮𝗸𝗮𝘀𝗮 𝗻𝗮

Upang maibsan ang pasanin sa transportasyon ng mga produktong agrikultural, nakahanda na ang Department of Agriculture (DA) na magkaloob ng Php2,000 lingguhang fuel subsidy—katumbas ng Php10 kada litrong diskwento—para sa mga naisyuhan ng foodlane certificates.

Ito ang inanunsiyo ni Ms. Edilyn Goldara, Agribusiness Industry Support Section Chief ng Agribusiness Marketing Asssistance Division, sa isinagawang Seminar Orientation ng Daily Price Index Implementation sa ilalim ng Republic Act 12022 (Anti- Agricultural Economic Sabotage).

Layunin nitong mapanatiling matatag ang presyo ng mga bilihin sa merkado sa pamamagitan ng pag-alalay sa mga lokal na biyahero.

Target ng DA na selyuhan ang tulong para sa 287 rehistradong food lane truck owners sa rehiyon, na makatatanggap ng kabuuang Php8,000 ayuda kada buwan.

Para sa mga kwalipikadong benepisyaryo, maaari nang makuha ang diskwento sa mga akreditadong estasyon ng langis sa pamamagitan lamang ng pagpapakita ng kanilang valid ID at sertipikasyon. Ang mga interesadong aplikante ay maaaring sumangguni sa kalakip na link para sa kumpletong proseso ng akreditasyon.

https://drive.google.com/drive/folders/1emv1cXE5VRwk3BjXs8sOUOKs7Z7tJynR

10/06/2026

𝗜𝗡 𝗣𝗛𝗢𝗧𝗢𝗦 | Staff members of the Farm and Fisheries Clustering and Consolidation (F2C2) program and Agricultural Cooperative Enterprise Development (ACED) are in Agno, Pangasinan, this week to validate and assess the farm operations of the Binatang Agriculture Cooperative. The F2C2 program aims to involve the coop in the rice clustering initiative and other agricultural interventions under ACED.

Before proceeding to the site, the validating team from the DA Central Office paid a courtesy visit to DA-RFO1 Regional Executive Director Fidel L. Libao.

09/06/2026

08/06/2026

‎Shellfish Bulletin Blg. 14, serye 2026
‎Ika-6 ng Hunyo 2026
‎
‎Ang lahat ng uri ng shellfish at 𝐴𝑐𝑒𝑡𝑒𝑠 𝑠𝑝. o alamang na nakolekta mula sa mga mariculture area sa Infanta at baybaying-dagat ng Bolinao, Anda, Alaminos City, Sual, at Bani sa Pangasinan, at mga mariculture area sa Rosario at Sto. Tomas sa La Union ay 𝐖𝐀𝐋𝐀𝐍𝐆 𝐋𝐀𝐒𝐎𝐍 𝐌𝐔𝐋𝐀 𝐒𝐀 𝐑𝐄𝐃 𝐓𝐈𝐃𝐄 𝐀𝐓 𝐋𝐈𝐆𝐓𝐀𝐒 𝐊𝐀𝐈𝐍𝐈𝐍 𝐍𝐆 𝐓𝐀𝐎.
‎
‎
‎
‎