02/06/2026
📢 𝐎𝐅𝐅𝐈𝐂𝐈𝐀𝐋 𝐀𝐍𝐍𝐎𝐔𝐍𝐂𝐄𝐌𝐄𝐍𝐓
Magandang araw po, mga kabarangay.
Nais po naming humingi ng paumanhin sa pagkaantala ng ilan sa mga nakaplanong proyekto at programa ng ating Sangguniang Kabataan.
Bilang paglilinaw, nagkaroon po ng pagbabago sa pamunuan ng SK dahil sa pagre-resign ng ating dating SK Chairperson. Dahil dito, kinakailangan pong dumaan sa mga proseso at dokumentasyong kaugnay ng turnover at iba pang administratibong requirements bago tuluyang maipagpatuloy ang ilang transaksyon at proyekto ng council.
Sa kasalukuyan, patuloy pong inaasikaso ng inyong SK Council ang mga kinakailangang dokumento. May ilan na pong papeles na naipoproseso, habang may ilang dokumento mula sa mga nakaraang taon na hinihintay pa bilang bahagi ng kinakailangang turnover at records completion.
Nais po naming ipaalam na ang council ay patuloy na nagtatrabaho upang maayos ang lahat ng kinakailangang requirements sa lalong madaling panahon. Nauunawaan din po namin ang mga panawagan para sa transparency at accountability. Dahil dito, makakaasa po kayo na kapag nakumpleto na ang mga kinakailangang dokumento at proseso, agad naming ilalahad sa ating assembly ang estado ng ating SK budget, mga natitirang pondo, at ang mga programang nakatakdang isagawa para sa ating mga kabataan at komunidad.
Humihingi po kami ng inyong pang-unawa at kaunting pasensya habang tinatapos ang mga kinakailangang hakbang na ito. Nais naming masiguro na ang bawat desisyon, proyekto, at pondong gagamitin ay naaayon sa tamang proseso at may buong pananagutan sa ating mga mamamayan.
Maraming salamat po sa inyong patuloy na suporta, pagtitiwala, at pakikiisa.
— 𝐒𝐚𝐧𝐠𝐠𝐮𝐧𝐢𝐚𝐧𝐠 𝐊𝐚𝐛𝐚𝐭𝐚𝐚𝐧 𝐂𝐨𝐮𝐧𝐜𝐢𝐥
