Brgy. San Mariano, San Antonio, Nueva Ecija

23/05/2026

Brgy. San Mariano, San Antonio, Nueva Ecija

Muli pong nagsama-sama ang ating komunidad sa isang matagumpay na clean-up drive na pinangunahan ng Sangguniang Barangay, katuwang ang masisipag na , mga Barangay Tanod, at Barangay Health Workers (BHW) ng San Mariano

Ang sama-samang pagkilos na ito ay bahagi ng ating patuloy na kampanya para sa kalinisan at kaayusan ng ating barangay.

Sa patuloy nating pagsisikap, hinihikayat po ang bawat isa na panatilihin ang kalinisan sa ating kapaligiran. Ugaliin po nating magsagawa ng tamang segregasyon at pagtatapon ng basura sa wastong tapunan. Ang disiplina at responsableng pagkilos ng bawat mamamayan ay susi sa isang maayos at malusog na komunidad.

Sama-sama nating pangalagaan ang ating Barangay San Mariano — tungo sa isang malinis, maayos, at kaaya-ayang pamayanan para sa lahat.

Maraming salamat po sa inyong pakikiisa!

18/05/2026

Mga kabataan ng ating Barangay ready naba kayo??

🏀🔥 KAP MORE and KONSI RC Basketball League Season 2 🔥🏀

Taga San Mariano lamang ang pwedeng sumali. ✅

📍 MEETING:
🗓 May 21
🕐 1:00 PM
📌 Brgy. Hall ng San Mariano

2 DIVISIONS:
• Midget
• Junior

📢 Sa meeting na rin po iaanunsyo ang:
✔️ Age requirements
✔️ Mga kailangang requirements
✔️ Rules and guidelines ng liga

⚠️ IMPORTANTENG PAALALA:
Kailangang present ang bawat purok.
❌ Hindi itutuloy ang liga kapag may hindi umattend.

Para sa inyo ‘to, San Mariano! Kita-kits sa meeting! 🏀

16/05/2026

Isang matagumpay na operasyon ng Libreng Tuli Program ang isinagawa sa ating Barangay San Mariano para sa kapakanan at kalusugan ng ating mga kabataan.

Lubos po nating pinapasalamatan ang ating masisipag na mga RHU Nurses na nanguna sa programa, katuwang ang ating mga Barangay Health Workers (BHW), at sa patuloy na suporta at pamumuno ng ating butihing Kapitan More Javier.

Sa pamamagitan ng pagtutulungan ng bawat isa, naipapakita natin ang tunay na malasakit at serbisyong pangkalusugan para sa mamamayan ng ating barangay.

📸 Ang mga larawang kuha sa mga bata ay may pahintulot ng kanilang mga magulang o guardian.

Maraming salamat po sa lahat ng nakiisa at sumuporta sa programang ito!

05/05/2026

ANUNSYO | Barangay San Mariano

Darating po sa ating Barangay ang truck ng ₱20.00/kilo na bigas mula sa programang Alagang Umali na handog po ng ating butihing Gov. Oyie Matias Umali.

Inaanyahan po ang ating mga ka Barangay.

🗓 Petsa: May 9, 2026
⏰ Oras: 8:30 AM
📍 Lugar: Barangay Hall

Paalala:
ito po ay para lamang sa residente ng brgy. San Mariano, Magdala lamang po ng valid ID upang makabili.

Maraming salamat po.

28/04/2026

Para sa mga residente ng Barangay San Mariano

Ipinapaalam po sa lahat ng residente na pansamantala pong binabago ang iskedyul ng hakot ng basura.

Simula ngayong linggo, ang koleksyon ng basura ay tuwing:

🗓️ Lunes at Huwebes

Pinapaalalahanan din po ang lahat na hanggang Huwebes lamang pinahihintulutan ang pagtatapon ng basura sa bayan.

Magkakaroon po ng panibagong anunsyo kapag ibinalik na sa dating iskedyul ang koleksyon.

Inaanyayahan ang lahat na makiisa at ilabas lamang ang basura sa itinakdang araw upang mapanatili ang kalinisan at kaayusan ng ating komunidad.

Maraming salamat po sa inyong kooperasyon.

23/04/2026

PAUNAWA MULA SA MENRO:

Magandang araw po sa lahat ng residente ng Barangay San Mariano.

Ipinapaalam po na hanggang Huwebes na lamang pinapayagan ang pagtatapon ng basura. Kaya po wala po tayong magiging hakot ng basura bukas araw ng biyernes!

Simula Biyernes, Sabado, at Linggo, pansamantala pong ipinagbabawal ang pagtatapon ng basura upang mabigyang-daan ang paglilinis at pagproseso ng mga naipong basura sa Urdaneta.

Maaari na pong muling magtapon ng basura sa Lunes.

Inaanyayahan po ang lahat na makiisa at sumunod sa iskedyul na ito para sa kalinisan at kaayusan ng ating komunidad.

Maraming salamat po sa inyong pang-unawa at kooperasyon.

23/04/2026

📢 PAUNAWA MULA SA MENRO:

Magandang araw po sa lahat ng residente ng Barangay San Mariano.

Ipinapaalam po na hanggang Huwebes na lamang pinapayagan ang pagtatapon ng basura. Wala muna po tayong tapon ng basura sa araw ng bukas at simula Biyernes, Sabado, at Linggo, pansamantala pong ipinagbabawal ang pagtatapon ng basura upang mabigyang-daan ang paglilinis at pagproseso ng mga naipong basura sa Urdaneta.

Maaari na pong muling magtapon ng basura sa Lunes.

Inaanyayahan po ang lahat na makiisa at sumunod sa iskedyul na ito para sa kalinisan at kaayusan ng ating komunidad.

Maraming salamat po sa inyong pang-unawa at kooperasyon.

23/04/2026

📢 ANUNSYO PARA SA MGA MAGULANG AT KABATAAN

Ang atin po butihing Mayora Doktora Angelita Gege S. Esquivel ay magsasagawa ng Operation Tuli at ang schedule ng Barangay San Mariano ay:

📅 Petsa: May 05, 2026
🕗 Oras: UMAGA

Inaanyayahan ang mga magulang na ipatala ang kanilang mga anak na nais magpatuli. Maari na pong magpalista sa Barangay Hall simula ngayon.

Libre po ang serbisyong ito at isasagawa nang ligtas at maayos sa tulong ng ating mga medical volunteers.

Hinihikayat ang lahat na makiisa at samantalahin ang programang ito para sa kalusugan ng ating mga kabataan.

Ang tanging tatanggapin lamang po na rehistro ay ang mga personal na magpaparehistro sa ating barangay!

Maraming salamat po!

23/04/2026

Ipinapaabot po namin ang isang mahalagang paalala para sa mga residente ng Purok 4.

Mahigpit pong ipinagbabawal ang pagsisiga o pagsusunog ng basura sa ating lugar. Nakatanggap po ang tanggapan ng mga reklamo mula sa ilang kapitbahay, lalo na’t nagdudulot ito ng masamang epekto sa kalusugan—partikular sa mga batang may hika at iba pang kondisyon sa paghinga.

Gayundin ay pinaaalalahanan namin ang ibang purok sa ating barangay na maging responsable.

Inaanyayahan po ang lahat na maging responsable sa tamang pamamahala ng basura. May regular pong koleksyon ng basura tuwing Martes at Biyernes, kaya’t hinihikayat ang bawat isa na:

✔️ Ihiwalay ang nabubulok at di-nabubulok na basura
✔️ Ilabas ang basura sa tamang oras ng koleksyon
✔️ Iwasan ang pagsusunog ng anumang uri ng basura

Ang kooperasyon ng bawat isa ay mahalaga upang mapanatili ang kalinisan at kaligtasan ng ating komunidad.

Maraming salamat po sa inyong pakikiisa at pang-unawa.

17/04/2026

Ipinababatid po ng Barangay San Mariano sa publiko na may nawalang brown na coin purse/wallet na pagmamay-ari ni Ailene Cruz na nawala humigit-kumulang isang linggo na ang nakalipas sa may 7/11 sa ating lugar.

Ang nasabing wallet ay naglalaman ng mga sumusunod: •

Halagang ₱900

• UMID ID
• 4P’s ID
• ATM card

Ito po ay isang late post, ngunit umaasa pa rin po kami na maaari pa itong matagpuan.

Kung sakali pong may nakakita o nakapulot ng nasabing wallet, makikiusap po kami na ipagbigay-alam sa Barangay San Mariano o makipag-ugnayan sa aming opisina sa pamamagitan ng page na ito.

Kung mayroon pong pagkakataon na makita ninyo ito, pagmalasakitan po natin at tulungan maibalik sa may-ari.

Maraming salamat po sa inyong kooperasyon.