Bayan ng Roxas, Palawan

20/08/2026

𝗘𝗡𝗛𝗔𝗡𝗖𝗘𝗗 𝗕𝗔𝗥𝗔𝗡𝗚𝗔𝗬 𝗗𝗘𝗩𝗘𝗟𝗢𝗣𝗠𝗘𝗡𝗧 𝗣𝗟𝗔𝗡 (𝗲𝗕𝗗𝗣) 𝗪𝗥𝗜𝗧𝗜𝗡𝗚 𝗔𝗡𝗗 𝗗𝗘𝗩𝗘𝗟𝗢𝗣𝗠𝗘𝗡𝗧 𝗣𝗔𝗖𝗞𝗔𝗚𝗜𝗡𝗚 𝗪𝗢𝗥𝗞𝗦𝗛𝗢𝗣

Isinagawa ngayong ika-20 ng Agosto 2026 ang Enhance Barangay Development Plan (eBDP) Writing and Development Packaging Workshop, isang mahalagang gawain na naglalayong mapalakas ang kakayahan ng mga kinauukulan sa bawat barangay sa pagbuo, at maayos na pag papaunlad ng kanilang Barangay Development Plan.

Sa pangunguna ng Punong Bayan, Kgg. Pedy Bautista Sabando, patuloy na isinusulong ng Lokal na Pamahalaan ang mga programa at aktibidad na naglalayong palakasin ang kapasidad ng mga barangay at suportahan ang kanilang mga hakbang tungo sa isang mas maunlad at mas organisadong komunidad.

Layunin ng aktibidad na magkaroon ng mas malinaw at organisadong plano ang bawat barangay na magsisilbing gabay sa pagtukoy ng mga pangangailangan, prayoridad, programa, proyekto, at mga aktibidad na makatutulong sa patuloy na pag-unlad ng komunidad.

Sa pamamagitan ng workshop na ito, nabibigyan ng pagkakataon ang mga dumalo na matuto, magbahagi ng mga ideya at pananaw, at higit pang mapahusay ang kanilang mga development plan upang maging mas angkop sa tunay na kalagayan at pangangailangan ng kanilang mga nasasakupan.

Ang pagkakaroon ng maayos na Barangay Development Plan ay isang mahalagang hakbang tungo sa mas mahusay na pagpaplano, wastong paggamit ng mga resources, at mas epektibong paghahatid ng serbisyo para sa mamamayan.

19/08/2026

𝗠𝗔𝗟𝗜𝗚𝗔𝗬𝗔𝗡𝗚 𝗞𝗔𝗔𝗥𝗔𝗪𝗔𝗡, 𝗦𝗕 𝗥𝗘𝗬!

Taos-pusong pagbati mula sa Pamahalaang Lokal ng Roxas kay Hon. SB Pura sa inyong kaarawan!

Nawa’y pagpalain pa kayo ng malusog na pangangatawan, at tagumpay sa inyong buhay at patuloy na paglilingkod sa ating mga kababayan. Hangad namin ang mas marami pang masasayang sandali at makabuluhang taon kasama ang inyong mga mahal sa buhay.

Maligayang Kaarawan, Hon. SB Pura!

17/08/2026

𝐀𝐍𝐍𝐎𝐔𝐍𝐂𝐄𝐌𝐄𝐍𝐓 | 𝐌𝐚𝐬𝐬𝐢𝐯𝐞 𝐀𝐧𝐭𝐢-𝐑𝐚𝐛𝐢𝐞𝐬 𝐕𝐚𝐜𝐜𝐢𝐧𝐚𝐭𝐢𝐨𝐧 𝐒𝐜𝐡𝐞𝐝𝐮𝐥𝐞
Narito na ang iskedyul ng Massive Anti-Rabies Vaccination ng Office of the Municipal Agriculture – Roxas, Palawan ngayong Agosto 2026!
Ang bakuna ay isasagawa sa pamamagitan ng house-to-house vaccination approach upang mas maraming alagang hayop ang mabakunahan at mapanatili ang kaligtasan ng ating komunidad.
ISKEDYUL:
📍 Agosto 19 – Brgy. Minara
📍 Agosto 20 – Brgy. San Nicolas
📍 Agosto 26 – Brgy. Malcampo
📍 Agosto 27 – Brgy. San Jose
📍 Agosto 28 – Brgy. Abaroan
Mahalagang paalaala para sa may-ari ng alagang hayop:
• Dapat ay naroroon ang may-ari sa kanilang bahay para mabakunahan ang kanilang alagang hayop.
• Ang may-ari mismo ang magpapatigil o maghahawak ng kanilang alaga. Kung hindi, ang alagang hayop ay hindi mababakunahan.
• Ang mga tuta at kuting na mas mababa sa 3 buwan ay hindi mababakunahan.
• Ang mga buntis na alagang hayop ay hindi muna papabakunahan.
• Ihanda ang alagang hayop para sa maayos at mabilis na proseso.
Protektahan ang inyong alaga, protektahan ang inyong pamilya at komunidad!

𝐀𝐍𝐍𝐎𝐔𝐍𝐂𝐄𝐌𝐄𝐍𝐓 | 𝐌𝐚𝐬𝐬𝐢𝐯𝐞 𝐀𝐧𝐭𝐢-𝐑𝐚𝐛𝐢𝐞𝐬 𝐕𝐚𝐜𝐜𝐢𝐧𝐚𝐭𝐢𝐨𝐧 𝐒𝐜𝐡𝐞𝐝𝐮𝐥𝐞

Narito na ang iskedyul ng Massive Anti-Rabies Vaccination ng Office of the Municipal Agriculture – Roxas, Palawan ngayong Agosto 2026!

Ang bakuna ay isasagawa sa pamamagitan ng house-to-house vaccination approach upang mas maraming alagang hayop ang mabakunahan at mapanatili ang kaligtasan ng ating komunidad.

ISKEDYUL:
📍 Agosto 19 – Brgy. Minara
📍 Agosto 20 – Brgy. San Nicolas
📍 Agosto 26 – Brgy. Malcampo
📍 Agosto 27 – Brgy. San Jose
📍 Agosto 28 – Brgy. Abaroan

Mahalagang paalaala para sa may-ari ng alagang hayop:

• Dapat ay naroroon ang may-ari sa kanilang bahay para mabakunahan ang kanilang alagang hayop.
• Ang may-ari mismo ang magpapatigil o maghahawak ng kanilang alaga. Kung hindi, ang alagang hayop ay hindi mababakunahan.
• Ang mga tuta at kuting na mas mababa sa 3 buwan ay hindi mababakunahan.
• Ang mga buntis na alagang hayop ay hindi muna papabakunahan.
• Ihanda ang alagang hayop para sa maayos at mabilis na proseso.

Protektahan ang inyong alaga, protektahan ang inyong pamilya at komunidad!

17/08/2026

𝗧𝗥𝗔𝗗𝗜𝗦𝗬𝗨𝗡𝗔𝗟 𝗡𝗔 𝗦𝗘𝗥𝗘𝗠𝗢𝗡𝗬𝗔 𝗡𝗚 𝗣𝗔𝗚𝗧𝗔𝗔𝗦 𝗡𝗚 𝗪𝗔𝗧𝗔𝗪𝗔𝗧

Isinagawa ngayong araw ng ika-17 ng Agosto 2026 ang tradisyunal na pagtaas ng watawat ng Pilipinas alinsunod sa Civil Service Memorandum Circular Blg. 19, s. 2012, at Republic Act No. 8491 o ang Flag and Heraldic Code of the Philippines, gayundin ang alituntunin sa Civil Service Commission Memorandum Circular Blg. 16, s. 2024 na naglalaman ng Revised Dress Code para sa mga kawani ng gobyerno sa ilalim ng direktiba ni Punong Bayan Kgg. Pedy Bautista Sabando at Bise-Alkalde Kgg. Alfredo B. Enojas Jr. kasama ang mga Sangguniang Bayan Members, mga Department Heads, mga empleyado at iba’t ibang ahensya ng pamahalaan, sa pangangasiwa ng Municipal Community Affairs Public Assistance Office (MCAPAO)

Ang seremonya na nagpapaalala ng kahalagahan ng pagiging huwaran sa pagsunod sa mga patakaran lalo na sa pagdalo at buong pakikiisa sa tradisyunal na pagtaas ng watawat na sumisimbolo ng pagkakaisa at paggalang sa bayan kasabay ng pagrespeto sa bawat isa at pagpapanatili ng dignidad ng serbisyo publiko para sa Bayan ng Roxas.

15/08/2026

𝐏𝐚𝐠𝐡𝐚𝐡𝐚𝐭𝐢𝐝 𝐧𝐠 𝐒𝐨𝐜𝐢𝐚𝐥 𝐏𝐞𝐧𝐬𝐢𝐨𝐧 𝐬𝐚 𝐦𝐠𝐚 𝐒𝐞𝐧𝐢𝐨𝐫 𝐂𝐢𝐭𝐢𝐳𝐞𝐧 𝐬𝐚 𝐊𝐚𝐧𝐢𝐥𝐚𝐧𝐠 𝐓𝐚𝐡𝐚𝐧𝐚𝐧

Patuloy na isinasagawa ng Lokal na Pamahalaan ng Roxas sa pamumuno ni Punong Bayan Kgg. Pedy Bautista Sabando, ang paghahatid ng Social Pension sa mga kwalipikadong senior citizen na, dahil sa katandaan, karamdaman, o limitadong kakayahang kumilos, ay hindi na makapunta sa barangay upang personal na matanggap ang kanilang benepisyo.

Sa pamamagitan ng serbisyong ito, naihahatid nang direkta sa kanilang mga tahanan ang nararapat na tulong, bilang bahagi ng patuloy na pagsisikap ng Pamahalaang Bayan na matiyak na ang mga benepisyo at serbisyong panlipunan ay naaabot ng bawat kwalipikadong mamamayan.

Ang paghahatid ng Social Pension ay patunay ng patuloy na pagbibigay-halaga sa kapakanan at dignidad ng ating mga senior citizen. Serbisyong malapit sa mamamayan, may malasakit at walang naiiwan.

14/08/2026

𝗛𝗔𝗣𝗣𝗬 𝗕𝗜𝗥𝗧𝗛𝗗𝗔𝗬, 𝗦𝗜𝗥 𝗝𝗢!

May this special day mark the beginning of a year filled with remarkable achievements, meaningful growth, and abundant success in all your professional endeavors and personal aspirations. Wishing you continued inspiration, resilience, and fulfillment as you advance toward your goals.

13/08/2026

𝗣𝗔𝗚𝗣𝗨𝗣𝗨𝗚𝗔𝗬 𝗦𝗔 𝗠𝗚𝗔 𝗡𝗔𝗚𝗥𝗘𝗧𝗜𝗥𝗢

Sa pangunguna ng ating Punong Bayan, Kgg. Pedy Bautista Sabando at sa suporta ni Bise-Alkalde Kgg. Alfredo B. Enojas Jr., mga miyembro ng Sangguniang Bayan, mga pinuno ng iba’t ibang tanggapan, at lahat ng kawani ng Pamahalaang Bayan ng Roxas, buong pusong ipinagdiriwang at pinararangalan ang apat na natatanging lingkod-bayan na naglaan ng kanilang panahon, husay, at dedikasyon para sa serbisyo publiko.

Pinarangalan sina Ms. Bes G. Rodriguez , Ms. Lelita D. Abiog mula sa Municipal Health Office, Mr. Elmer A. Villar mula sa Municipal Treasury Office, at Mr. Noel M. Palay mula sa Municipal Agriculture Office na kapwa nag-iwan ng makabuluhan at pangmatagalang ambag sa kanilang mga tanggapan at sa buong Pamahalaang Bayan.

Ang espesyal na okasyong ito ay isinagawa sa pangunguna ng Human Resource Management Office (HRMO) bilang pagkilala sa kanilang mahalagang kontribusyon at paglilingkod sa bayan.
Sa loob ng maraming taon ng kanilang serbisyo, patuloy nilang ipinamalas ang dedikasyon, integridad, at propesyonalismo sa kani-kanilang larangan. Nakamit nila ang mahahalagang tagumpay, nakabuo ng matibay na ugnayan sa kanilang mga kasamahan, naging gabay at inspirasyon sa kapwa lingkod-bayan, at nag-iwan ng pamana ng kahusayan na patuloy na magsisilbing inspirasyon sa mga susunod na henerasyon.

Ang kanilang walang sawang paglilingkod at buong pusong dedikasyon ay naging mahalagang bahagi ng pag-unlad at tagumpay sa Pamahalaang Bayan ng Roxas.
Taos-pusong nagpapasalamat ang Pamahalaang Bayan sa inyong maraming taon ng tapat, marangal, at makabuluhang paglilingkod. Sa pagsisimula ng panibagong yugto ng inyong buhay, hangad namin ang inyong patuloy na kaligayahan, mabuting kalusugan, kapayapaan, at mga bagong karanasang puno ng saya at kabuluhan.

Maraming salamat sa inyong napakahalagang paglilingkod. Ang inyong dedikasyon at mga ambag sa bayan ay mananatiling bahagi ng kasaysayan sa LGU-Roxas.

12/08/2026

𝗕𝗔𝗦𝗔𝗛𝗜𝗡| 𝗖𝗢𝗟𝗟𝗘𝗖𝗧𝗜𝗩𝗘 𝗡𝗘𝗚𝗢𝗧𝗜𝗔𝗧𝗜𝗢𝗡 𝗔𝗚𝗥𝗘𝗘𝗠𝗘𝗡𝗧 (𝗖𝗡𝗔) 𝟮𝟬𝟮𝟲–𝟮𝟬𝟯𝟬

Ang Collective Negotiation Agreement (CNA) sa pagitan ng Pamahalaang Bayan ng Roxas, Palawan at ng Roxas, Palawan Municipal Government Employees Association (ROPAMGEA) para sa taong 2026–2030.

Ang dokumentong ito ay isinasapubliko bilang bahagi ng mga kinakailangang dokumento para sa pagsusumite, pagpaparehistro, at pagproseso ng Collective Negotiation Agreement (CNA).