03/06/2026
Capiz Maritime Police Station, nanguna sa Search and Rescue/Retrieval Operation sa Palina Eco Park, Roxas City, Capiz
Roxas City, Capiz – Agarang nagsagawa ng search and rescue operation ang mga awtoridad matapos ang isang insidente ng pagkalunod na kinasangkutan ng isang, 47 taong gulang, empleyado ng Palina Eco Park Restaurant, Brgy. Cagay, Roxas City, Capiz noong Mayo 31, 2026.
Bandang alas-5:05 ng hapon noong Mayo 31, 2026, nakatanggap ng tawag ang Capiz Maritime Police Station (MARPSTA) mula sa Roxas City Disaster Risk Reduction and Management Office (CDRRMO) .Lumabas sa imbestigasyon na bandang 2:00 ng hapon ng parehong petsa, ang biktima na si alyas “Burag”, 47 taong gulang, empleyado ng Palina Eco Park Restaurant, ay tumutulong sa pagmaniobra ng isang floating cottage nang mangyari ang isang biglaang pagbabago ng panahon na kilala sa lokal na tawag na “Pugada”. Ayon sa ulat, tumalon ang biktima sa tubig upang itali at e sekyor ang kanilang bangka ngunit nawalan ito ng balanse at tinangay ng malakas na agos. Sa kabila ng pagsisikap ng kanyang mga kasamahan na iligtas siya ngunit hindi nila siya mahagilap kaya minabuti nilang humingi ng tulong sa mga kinauukulan.
Kaagad namang rumesponde ang mga tauhan ng Capiz MARPSTA hanggang umabot sa ikaapat na araw ng 12:30 ng tanghali ng Hunyo 3, 2026, natagpuan at nakuha ang bangkay ng nawawalang biktima na natabunan ng mga buhangin sa ilalim ng dagat. Kasama ang iba pang miyembro ng Search and Retrieval Team. Positibong kinilala ng kanyang pamilya ang biktima at ang labi nito. Nakaranas ng mahirap na sitwasyon ang retrieval operation dahil natagpuang bahagyang nakabaon na ito, kaya kinailangan ng maingat na pamamaraan ng pagkuha mula sa mga rumespondeng tauhan. Matapos nito, matagumpay na nakuha ang bangkay at inilagay sa isang cadaver bag. Ang insidente ay maayos na ipinagbigay-alam at inugnay sa lahat ng tumugong ahensya at sa pamilya ng biktima, at kasunod ding nakumpleto ang mga kinakailangang proseso at pamamaraan ng pag-turnover sa labi.
Muling pinaalalahanan ng mga awtoridad ang publiko na maging maingat sa paglangoy, lalo na sa masamang lagay ng panahon at malalakas na alon, upang maiwasan ang kaparehong insidente.
