PCA North Luzon

05/06/2026

𝐓𝐈𝐍𝐆𝐍𝐀𝐍 👀

𝐇𝐮𝐧𝐲𝐨 𝟐, 𝟐𝟎𝟐𝟔 | Bilang bahagi ng patuloy na pagsisikap na mapaunlad ang industriya ng niyog, isinagawa ng PCA Ilocos Sur ang 𝐓𝐫𝐚𝐢𝐧𝐢𝐧𝐠 𝐨𝐧 𝐆𝐨𝐨𝐝 𝐀𝐠𝐫𝐢𝐜𝐮𝐥𝐭𝐮𝐫𝐚𝐥 𝐏𝐫𝐚𝐜𝐭𝐢𝐜𝐞𝐬 (𝐆𝐀𝐏) 𝐢𝐧 𝐂𝐨𝐜𝐨𝐧𝐮𝐭 𝐏𝐫𝐨𝐝𝐮𝐜𝐭𝐢𝐨𝐧 sa Municipal Hall ng Sta. Catalina, Ilocos Sur.

Dinaluhan ang pagsasanay ng 15 magniniyog, 5 kawani ng Lokal na Pamahalaan (LGU), at 9 On-the-Job Training (OJT) students na aktibong nakibahagi sa mga talakayan patungkol sa wastong pamamahala at pagpapaunlad ng taniman ng niyog.

Layunin ng pagsasanay na palawakin ang kaalaman at kakayahan ng mga magniniyog sa mga makabago at angkop na pamamaraan ng pagsasaka upang mapataas ang produksyon, mapabuti ang kalidad ng ani, at maisulong ang isang mas produktibo at napapanatiling industriya ng niyog.

Sa pamamagitan ng patuloy na pagbibigay ng kaalaman at teknikal na suporta, inaasahang magiging mas handa ang ating mga magniniyog sa pagharap sa mga hamon sa agrikultura at sa pag-abot ng mas mataas na antas ng kabuhayan para sa kanilang pamilya at komunidad.

𝑆𝑎𝑚𝑎-𝑠𝑎𝑚𝑎 𝑛𝑎𝑡𝑖𝑛𝑔 𝑝𝑎𝑢𝑛𝑙𝑎𝑟𝑖𝑛 𝑎𝑛𝑔 𝑖𝑛𝑑𝑢𝑠𝑡𝑟𝑖𝑦𝑎 𝑛𝑔 𝑛𝑖𝑦𝑜𝑔 𝑠𝑎 𝑝𝑎𝑚𝑎𝑚𝑎𝑔𝑖𝑡𝑎𝑛 𝑛𝑔 𝑘𝑎𝑎𝑙𝑎𝑚𝑎𝑛, 𝑘𝑎𝑠𝑎𝑛𝑎𝑦𝑎𝑛, 𝑎𝑡 𝑝𝑎𝑔𝑘𝑎𝑘𝑎𝑖𝑠𝑎 𝑡𝑢𝑛𝑔𝑜 𝑠𝑎 𝑚𝑎𝑠𝑎𝑔𝑎𝑛𝑎𝑛𝑔 𝑘𝑖𝑛𝑎𝑏𝑢𝑘𝑎𝑠𝑎𝑛. 🌴

03/06/2026

𝐄𝐦𝐩𝐨𝐰𝐞𝐫𝐢𝐧𝐠 𝐂𝐨𝐜𝐨𝐧𝐮𝐭 𝐅𝐚𝐫𝐦𝐞𝐫𝐬: 𝐓𝐫𝐚𝐢𝐧𝐢𝐧𝐠 𝐨𝐧 𝐈𝐧𝐭𝐞𝐠𝐫𝐚𝐭𝐞𝐝 𝐂𝐨𝐜𝐨𝐧𝐮𝐭 - 𝐂𝐚𝐜𝐚𝐨 𝐄𝐧𝐭𝐞𝐫𝐩𝐫𝐢𝐬𝐞 (𝐁𝐚𝐭𝐜𝐡 𝟏) 🌴✨

Nakibahagi ang Philippine Coconut Authority (PCA) La Union Satellite Office sa pagsasanay ng Integrated Coconut-Cacao Enterprise (Batch 1) na ginanap noong Mayo 27–29, 2026 sa Cresta Vista Nature Park, Tubao, La Union, sa pangunguna ng Department of Agriculture – Agricultural Training Institute Regional Training Center I (DA-ATI RTC I).

Dumalo at aktibong nakilahok sa nasabing pagsasanay ang mga magniniyog mula sa bayan ng San Gabriel. Layunin ng pagsasanay na patuloy na palakasin ang sektor ng niyog, mapabuti ang kabuhayan ng mga magniniyog, at madagdagan ang kanilang kaalaman sa mas epektibong pamamaraan ng pagpapalago ng kanilang kita. Tinalakay rin sa pagsasanay ang wastong pag-iintercrop ng cacao sa niyugan bilang estratehiya upang mapataas ang produktibidad at mapalawak ang mapagkukunan ng kita ng mga magninyog.

Patuloy na nakikipagtulungan at sumusuporta ang PCA sa mga pagsasanay at iba pang aktibidad ng mga katuwang na ahensya upang maisulong ang isang mas matatag, produktibo, at progresibong sektor ng niyog para sa kapakinabangan ng mga magniniyog at kanilang mga komunidad.

03/06/2026

02/06/2026

𝐇𝐞𝐚𝐥𝐭𝐡𝐲 𝐬𝐨𝐢𝐥 𝐢𝐬 𝐭𝐡𝐞 𝐡𝐞𝐚𝐫𝐭 𝐨𝐟 𝐞𝐯𝐞𝐫𝐲 𝐭𝐡𝐫𝐢𝐯𝐢𝐧𝐠 𝐜𝐨𝐜𝐨𝐧𝐮𝐭 𝐟𝐚𝐫𝐦.

As we celebrate 𝗦𝗼𝗶𝗹 𝗖𝗼𝗻𝘀𝗲𝗿𝘃𝗮𝘁𝗶𝗼𝗻 𝗠𝗼𝗻𝘁𝗵, we recognize that protecting and enriching our soil is essential in achieving a sustainable and productive coconut industry for future generations.

In line with the directive of President Ferdinand Marcos Jr. to strengthen the coconut industry through the 100 Million Coconut Trees Planting Project, the Philippine Coconut Authority continues to promote responsible coconut planting and replanting across the country.

Through the 𝗕𝗮𝘆𝗮𝗻𝗶𝘆𝘂𝗴𝗮𝗻 initiative, millions of Filipinos are encouraged to unite in planting coconut trees while practicing proper soil conservation methods such as organic fertilization, intercropping, and sustainable farming. These efforts help prevent soil erosion, improve farm productivity, and protect the environment.

Every coconut palm planted on healthy soil is a symbol of hope, resilience, and a better future for coconut farmers and their families.

Sa bawat punlang niyog na itinatanim, may lupang pinangangalagaan at kinabukasang isinusulong.

Let us continue working together for a greener, more resilient, and sustainable Bagong Pilipinas.

28/05/2026

𝐏𝐂𝐀 𝐑𝐞𝐠𝐢𝐨𝐧𝐬 𝐈, 𝐈𝐈, 𝐚𝐭 𝐂𝐀𝐑, 𝐧𝐚𝐤𝐢𝐢𝐬𝐚 𝐬𝐚 𝐅𝐚𝐫𝐦𝐞𝐫𝐬 𝐚𝐧𝐝 𝐅𝐢𝐬𝐡𝐞𝐫𝐟𝐨𝐥𝐤 𝐌𝐨𝐧𝐭𝐡 𝟐𝟎𝟐𝟔 🌴✨

Nakiisa ang PCA Regions I, II, at CAR, sa pangunguna ni Mr. Mark Roy Q. Macanlalay, Regional Manager III, sa kauna-unahang Farmers and Fisherfolk Month 2026 na may temang, “Pagbibigay-Pugay sa mga Magsasaka at Mangingisda sa Gitna ng Hamon ng Krisis,” na ginanap noong Mayo 26, 2026 sa Municipal Grounds, Poblacion, Tuba, Benguet.

Layunin ng aktibidad na kilalanin, palakasin, at patuloy na suportahan ang sektor ng agrikultura at pangisdaan sa bayan ng Tuba. Sa kanyang mensahe, hinikayat ni RM Macanlalay ang mga kalahok na isama ang niyog sa kanilang mga sakahan bilang isang pangunahing pananim, gayundin ang pag-iinvest sa mga makabagong pamamaraan sa pagsasaka.

Binigyang-diin din niya ang kahalagahan ng diversified cropping o pagtatanim ng iba’t ibang pananim upang mapalawak ang pinagkakakitaan ng mga magsasaka at mapatatag ang kanilang kabuhayan sa gitna ng mga hamon sa sektor ng agrikultura.

Ibinahagi rin ng mga kawani ng PCA ang mga pangunahing programa at proyekto ng ahensya tulad ng Regular Program, gayundin ang mga inisyatibo sa ilalim ng Coconut Farmers and Industry Development Plan (CFIDP), kabilang ang mga serbisyong ipinatutupad ng iba’t ibang implementing agencies at Health and Medical Services. Isinagawa rin ang ceremonial distribution ng mga punla ng niyog bilang bahagi ng tuloy-tuloy na suporta ng ahensya sa pagpapaunlad ng kabuhayan ng mga coconut farmers.

Dumalo rin sa aktibidad ang mga kinatawan mula sa DPWH, TESDA, CDA, DA-HVCDP, DTI, at CHED upang ipakilala at magbahagi ng kani-kanilang programa at serbisyo para sa mga magsasaka at mangingisda. Kasunod nito ang isang open forum kung saan naipahayag ng mga kalahok ang kanilang mga katanungan at suhestiyon kaugnay ng mga programa at proyekto ng PCA at CFIDP.

𝑆𝑎 ℎ𝑢𝑙𝑖, 𝑛𝑎𝑛𝑎𝑛𝑎𝑡𝑖𝑙𝑖𝑛𝑔 ℎ𝑎𝑛𝑔𝑎𝑟𝑖𝑛 𝑎𝑛𝑔 𝑝𝑎𝑡𝑢𝑙𝑜𝑦 𝑛𝑎 𝑝𝑎𝑔𝑝𝑎𝑝𝑎𝑡𝑖𝑏𝑎𝑦 𝑛𝑔 𝑢𝑔𝑛𝑎𝑦𝑎𝑛 𝑎𝑡 𝑠𝑢𝑝𝑜𝑟𝑡𝑎 𝑠𝑎 𝑠𝑒𝑘𝑡𝑜𝑟 𝑛𝑔 𝑎𝑔𝑟𝑖𝑘𝑢𝑙𝑡𝑢𝑟𝑎 𝑡𝑢𝑛𝑔𝑜 𝑠𝑎 𝑚𝑎𝑠 𝑚𝑎𝑡𝑎𝑡𝑎𝑔, 𝑚𝑎𝑠 𝑖𝑛𝑘𝑙𝑢𝑠𝑖𝑏𝑜, 𝑎𝑡 𝑚𝑎𝑠 𝑚𝑎𝑢𝑛𝑙𝑎𝑑 𝑛𝑎 𝑘𝑎𝑏𝑢ℎ𝑎𝑦𝑎𝑛 𝑝𝑎𝑟𝑎 𝑠𝑎 𝑏𝑎𝑤𝑎𝑡 𝑚𝑎𝑔𝑠𝑎𝑠𝑎𝑘𝑎 𝑎𝑡 𝑚𝑎𝑛𝑔𝑖𝑛𝑔𝑖𝑠𝑑𝑎.

21/05/2026

𝐂𝐨𝐧𝐠𝐫𝐚𝐭𝐮𝐥𝐚𝐭𝐢𝐨𝐧𝐬, 𝐌𝐫. 𝐈𝐯𝐞𝐫𝐨𝐧 𝐄𝐯𝐚𝐧𝐠𝐞𝐥𝐢𝐬𝐭𝐚 𝐅. 𝐓𝐢𝐳𝐨𝐧! ✨👏

Your hard work, perseverance, and commitment to excellence are truly inspiring. May this achievement lead to even greater success and opportunities ahead.

Your PCA family is proud of you and wishes you continued success and God's blessings in all your future endeavors. 🌴

21/05/2026

𝐒𝐮𝐫𝐯𝐞𝐢𝐥𝐥𝐚𝐧𝐜𝐞 𝐚𝐧𝐝 𝐂𝐨𝐥𝐥𝐞𝐜𝐭𝐢𝐨𝐧 𝐨𝐟 𝐂𝐨𝐜𝐨𝐧𝐮𝐭 𝐑𝐡𝐢𝐧𝐨𝐜𝐞𝐫𝐨𝐬 𝐁𝐞𝐞𝐭𝐥𝐞 (𝐂𝐑𝐁) 𝐢𝐧 𝐂𝐚𝐠𝐚𝐲𝐚𝐧 𝐏𝐫𝐨𝐯𝐢𝐧𝐜𝐞 🌴🐞

Sa inisyatiba ng Philippine Coconut Authority Davao Research Center, isinagawa ang Surveillance and Collection of Coconut Rhinoceros Beetle (CRB) sa Cagayan Province noong Mayo 12–13, 2026 sa mga bayan ng Sanchez Mira, Abulug, Aparri, at Baggao, Cagayan, sa pakikipagtulungan ng mga kawani ng Philippine Coconut Authority – Cagayan sa pangunguna nina Mr. Noel Compra at Mr. George Curammeng, Jr..

Layunin ng aktibidad na masuri ang kasalukuyang kalagayan ng infestation ng Coconut Rhinoceros Beetle (CRB), kumpirmahin ang mga naitalang field reports mula sa mga apektadong lugar, at higit pang mapalakas ang monitoring at management measures upang maagapan ang paglawak ng pinsalang dulot ng naturang peste sa mga taniman ng niyog.

Naging bahagi ng aktibidad ang mga kinatawan mula sa Davao Research Center na sina Dr. Chyrelyn A. Pace, Ms. Loletgen T. Galicia, at Mr. Ernesto M. Romero Jr. na nagbigay ng teknikal na suporta at nagsagawa ng field validation at collection activities kaugnay sa CRB infestation.

Nakiisa rin ang lokal na pamahalaan ng Sanchez Mira sa pamamagitan ni Ridel T. Cabulisan, gayundin ang lokal na pamahalaan ng Aparri sa pangunguna ni Mayor Dominador "Ambo" J. Dayag at Marites L. Robinion bilang suporta sa isinagawang monitoring activities sa kanilang nasasakupan.

𝑆𝑎 𝑝𝑎𝑚𝑎𝑚𝑎𝑔𝑖𝑡𝑎𝑛 𝑛𝑔 𝑠𝑎𝑚𝑎-𝑠𝑎𝑚𝑎𝑛𝑔 𝑝𝑎𝑔𝑘𝑖𝑙𝑜𝑠 𝑛𝑔 𝑚𝑔𝑎 𝑎ℎ𝑒𝑛𝑠𝑦𝑎 𝑎𝑡 𝑙𝑜𝑘𝑎𝑙 𝑛𝑎 𝑝𝑎𝑚𝑎ℎ𝑎𝑙𝑎𝑎𝑛, 𝑝𝑎𝑡𝑢𝑙𝑜𝑦 𝑛𝑎 𝑝𝑖𝑛𝑎𝑔𝑡𝑖𝑡𝑖𝑏𝑎𝑦 𝑎𝑛𝑔 𝑚𝑔𝑎 ℎ𝑎𝑘𝑏𝑎𝑛𝑔 𝑡𝑢𝑛𝑔𝑜 𝑠𝑎 𝑚𝑎𝑠 𝑚𝑎𝑎𝑔𝑎𝑝 𝑎𝑡 𝑒𝑝𝑒𝑘𝑡𝑖𝑏𝑜𝑛𝑔 𝑝𝑎𝑚𝑎𝑚𝑎ℎ𝑎𝑙𝑎 𝑙𝑎𝑏𝑎𝑛 𝑠𝑎 𝐶𝑅𝐵 𝑢𝑝𝑎𝑛𝑔 𝑚𝑎𝑝𝑎𝑛𝑔𝑎𝑙𝑎𝑔𝑎𝑎𝑛 𝑎𝑛𝑔 𝑖𝑛𝑑𝑢𝑠𝑡𝑟𝑖𝑦𝑎 𝑛𝑔 𝑛𝑖𝑦𝑜𝑔 𝑎𝑡 𝑘𝑎𝑏𝑢ℎ𝑎𝑦𝑎𝑛 𝑛𝑔 𝑚𝑔𝑎 𝑚𝑎𝑔𝑛𝑖𝑛𝑖𝑦𝑜𝑔 𝑠𝑎 𝑙𝑎𝑙𝑎𝑤𝑖𝑔𝑎𝑛 𝑛𝑔 𝐶𝑎𝑔𝑎𝑦𝑎𝑛.

20/05/2026

𝐒𝐢𝐭𝐞 𝐕𝐚𝐥𝐢𝐝𝐚𝐭𝐢𝐨𝐧 𝐟𝐨𝐫 𝐭𝐡𝐞 𝐄𝐬𝐭𝐚𝐛𝐥𝐢𝐬𝐡𝐦𝐞𝐧𝐭 𝐨𝐟 𝐚 𝐅𝐮𝐭𝐮𝐫𝐞 𝐍𝐮𝐫𝐬𝐞𝐫𝐲 𝐚𝐭 𝐭𝐡𝐞 𝐑𝐨𝐬𝐚𝐥𝐞𝐬 𝐒𝐮𝐩𝐞𝐫 𝐌𝐑𝐅-𝐒𝐋𝐅 🌴

Isinagawa ang site validation sa proposed area para sa pagtatatag ng isang future nursery sa Rosales Super MRF-SLF na matatagpuan sa Barangay Salvacion, Rosales, Pangasinan.

Layunin ng aktibidad na masuri at matukoy ang kaangkupan ng lugar para sa planong nursery establishment na inaasahang magsisilbing mahalagang suporta sa produksyon ng dekalidad na mga punla at pagpapatibay ng mga programang pang-agrikultura at pangkabuhayan sa komunidad.

Bahagi rin ito ng paghahanda upang matiyak na ang lugar ay may sapat na espasyo, maayos na kondisyon, at angkop na kapaligiran para sa matagumpay at pangmatagalang operasyon ng nursery sa hinaharap.

Patuloy ang pakikipag-ugnayan ng PCA Regions I, II, & CAR at ng lokal na pamahalaan ng Rosales, Pangasinan upang maisakatuparan ang proyektong makatutulong sa pagpapaunlad ng sektor ng niyog at sa kapakanan ng mga mamamayan.