Montalban MENRO

26/10/2026

21/10/2026

𝗪𝗔𝗦𝗧𝗘 𝗪𝗜𝗦𝗘: 𝗔𝗹𝗮𝗺𝗶𝗻 𝗮𝗻𝗴 𝗡𝘂𝗺𝗲𝗿𝗼 𝘀𝗮 𝗜𝗹𝗮𝗹𝗶𝗺 𝗻𝗴 𝗣𝗹𝗮𝘀𝘁𝗶𝗸!

Alam mo ba na ang numero sa loob ng simbolong tatsulok ay nagpapakilala sa uri ng plastik? 🔢

Maging wais sa basura! Bawasan ang single-use plastics, gamitin muli kung ligtas, linisin at ihiwalay ang mga recyclable, at dalhin sa Barangay MRF o accredited junkshops.

📌 Tandaan: Hindi lahat ng plastik ay nare-recycle. Alamin kung alin ang tinatanggap ng inyong lokal na recycling facility.

🌱 Sama-sama para sa malinis at luntiang Rodriguez!

21/10/2026

💧 WATER CONSERVATION TIPS DURING EL NIÑO

Sa harap ng posibleng epekto ng El Niño, hinihikayat ang bawat Montalbeño na magtipid ng tubig sa pamamagitan ng pag-aayos ng mga tumutulong tubo, paggamit ng walis sa paglilinis ng mga bakuran, at pag-iwas sa pag-aaksaya ng tubig sa pang-araw-araw na gawain.

Sama-sama nating pangalagaan ang ating suplay ng tubig para sa kinabukasan ng bawat Montalbeño.

18/10/2026

📢 PUBLIC ADVISORY | MGA PAALALA AT IPINAGBABAWAL SA PAMITINAN PROTECTED LANDSCAPE (PPL)

🚫1. IPINAGBABAWAL ANG PALILIGO SA MAIN RIVER (MARIKINA RIVER).

Para sa mga nais maligo, SECRET RIVER at KARUGO FALLS LAMANG ang pinahihintulutang pagliguan.

👨‍👩‍👧2. BAWAL ANG MGA MENOR DE EDAD NA PUMASOK NANG WALANG GUARDIAN.

Ang mga bisitang edad 17 pababa ay kailangang may kasamang magulang o legal na guardian sa buong pagbisita sa PPL.

📋3. PARA SA MGA ESTUDYANTE, MANANALIKSIK AT EVENTS COORDINATOR

Sa pag-aaral, pananaliksik at mga event na gaganapin sa loob ng PPL, makipag-ugnayan sa mga awtorisadong ahensya ng LGUs (Barangay at Munisipyo) at sa Protected Area Management Office (PAMO-PPL) upang makakuha ng kinakailangang permit.

📩 Para sa mga katanungan at koordinasyon:
📧 [email protected]
📍 PAMO-PPL, Sitio Wawa, Barangay San Rafael, Rodriguez, Rizal
📘 Facebook: DENR Pamitinan Protected Landscape

18/10/2026

16/10/2026

𝟳𝟱% 𝗦𝘂𝗿𝘃𝗶𝘃𝗮𝗹 𝗥𝗮𝘁𝗲: 𝗕𝗮𝘄𝗮𝘁 𝗣𝘂𝗻𝗼𝗻𝗴 𝗡𝗮𝗯𝘂𝗯𝘂𝗵𝗮𝘆, 𝗣𝗮𝗴-𝗮𝘀𝗮𝗻𝗴 𝗟𝘂𝗺𝗮𝗹𝗮𝗴𝗼 🌱

Mula 2024 hanggang sa kasalukuyan, 75% ng mga punong naitanim sa Community-Based Forest Management (CBFM) Area ng Mt. Paruwagan, Brgy. San Rafael, Rodriguez, Rizal, ay nananatiling buhay—bunga ng sama-samang pagsisikap ng Lokal na Pamahalaan ng Rodriguez, sa pangunguna ng MENRO, katuwang ang iba’t ibang stakeholders at mga komunidad.

Ang tagumpay na ito ay patunay na ang ating pananagutan sa kalikasan ay hindi nagtatapos sa pagtatanim. Sa patuloy na pag-aalaga at pangangalaga, binibigyan natin ng pagkakataong lumago ang ating kagubatan at mapangalagaan ang likas na yaman para sa susunod na henerasyon.

16/10/2026

Bilang bahagi ng kanilang inisyatiba para sa pangangalaga ng kalikasan, nagsagawa ang Infor Philippines Shared Services Center, Inc. (Infor PSSC, Inc.), katuwang ang Municipal Environment and Natural Resources Office (MENRO), Bureau of Jail Management and Penology (BJMP), at Barangay Environment and Natural Resources Office (BENRO) ng Brgy. San Rafael, ng tree planting activity sa Community-Based Forest Management (CBFM) Area ng Mt. Paruwagan, Brgy. San Rafael, Rodriguez, Rizal.

Matagumpay na nakapagtanim ng 150 punla ng Narra bilang ambag sa pagpapanumbalik ng kagubatan at pangangalaga sa ating likas na yaman.

Maraming salamat sa lahat ng nakiisa sa pagsusulong ng mas luntian at napapanatiling kinabukasan para sa ating bayan!

10/10/2026

🌞 Maging ready, maging safe, Montalban tourists! 💚⛰️

Sa gitna ng El Niño, mahalagang maging handa at responsable sa bawat adventure! Dahil sa mas mainit na panahon at posibleng kakulangan sa tubig, let’s prioritize our health, safety, and the environment. 🌿💧

Bago mag-hike o bumisita sa ating mga tourist destinations, tandaan ang mga sumusunod:

☀️ Iwasan ang outdoor activities sa oras ng matinding init. Kung may nakaplanong outdoor activities, gawin ito sa pagitan ng 5:00 AM–8:00 AM o 5:00 PM–6:00 PM upang makatulong na maiwasan ang sobrang exposure sa init ng araw.

💧 Uminom ng sapat na tubig at manatiling hydrated.

🧢 Gumamit ng sunscreen, sumbrero, at iba pang proteksiyon laban sa araw.

🥾 Alamin muna ang kondisyon ng destination at sundin ang mga travel advisory.

🚨 Bantayan ang mga sintomas ng heat exhaustion at agad na magpahinga kung masama ang pakiramdam.

🌳 Magtipid sa tubig, panatilihing malinis ang paligid, at iwasan ang anumang gawaing maaaring magdulot ng sunog sa kagubatan.

Tandaan, ang ligtas na biyahe ay nagsisimula sa pagiging handa at responsable! Sama-sama nating pangalagaan ang ating sarili, kapwa, at likas na yaman upang patuloy nating ma-enjoy ang ganda ng Montalban. 💚

✨ Ligtas na biyahe, mas magandang pamamasyal!

08/10/2026