BRGY. RIZAL FB PAGE

04/06/2026

"Ang mga salitang binibitawan natin ay nagiging realidad ng ating komunidad. Kaya piliin natin ang mga ito nang may karunungan."

Bilang miyembro ng Lupon Tagapamayapa, mahalagang tandaan na ang bawat salitang ating sinasabi sa panahon ng pagdinig ay maaaring magpalala o magpahupa ng sigalot. Ang mahinahong pananalita ay nakapagbubukas ng isip, habang ang masasakit na salita ay nakapagsasara ng puso.
Sa Katarungang Pambarangay, hindi lamang batas ang ating ginagamit kundi pati respeto, pag-unawa, at tamang komunikasyon upang maibalik ang kapayapaan sa ating komunidad.

Bago magsalita, isipin muna: Ang aking mga salita ba ay makatutulong sa pagkakasundo o magdaragdag lamang ng hidwaan? Tandaan, ang kapayapaan ay nagsisimula sa mga salitang ating pinipiling bigkasin.

02/06/2026

💡 ALAM MO BA?

Ang Lupong Tagapamayapa ang unang tumutulong sa pagresolba ng mga sigalot sa barangay upang maiwasan ang mahaba at magastos na pagdulog sa korte.

✅ Layunin nitong mapanatili ang kapayapaan at pagkakaisa sa komunidad sa pamamagitan ng maayos na pag-uusap at pagkakasundo ng mga partido.

📌 Bago maisampa sa korte ang karamihan sa mga alitang sakop ng barangay, kinakailangang dumaan muna sa Katarungang Pambarangay para sa mediation at conciliation.

🤝 Kapag nagkaroon ng kasunduan, ito ay itinatala at nilalagdaan ng mga partido upang maging opisyal na batayan ng kanilang pagkakasundo.

TANDAAN:
Mas mabuting magkaunawaan sa barangay kaysa magtalo sa hukuman.

🕊️ LUPONG TAGAPAMAYAPA:

Tagapagtaguyod ng Kapayapaan, Pagkakasundo, at Katarungan sa Barangay.

01/06/2026

UNANG ARAW NG SESYON AT FLAG RAISING CEREMONY:

Taos-puso po kaming nagpapasalamat sa lahat ng dumalo at nakibahagi sa matagumpay na unang araw ng sesyon at Flag Raising Ceremony ng ating barangay. Lubos naming pinahahalagahan ang presensya at suporta ng ating mga Barangay Tanod, BHW, Lupon Tagapamayapa, at mga miyembro ng Sangguniang Barangay.

Ang gawaing ito ay pinangunahan ng ating Punong Barangay, Nick P. Paclibar , na siyang nanguna sa pagpapatibay ng pagkakaisa at pagtutulungan para sa kapakanan ng ating komunidad.

Maraming salamat sa inyong dedikasyon, pakikiisa, at patuloy na paglilingkod. Nawa'y magpatuloy ang ating magandang samahan at sama-samang pagsisikap tungo sa mas maunlad at mas mapayapang barangay.
Maraming salamat at mabuhay ang ating barangay! 🇵🇭

28/05/2026

UPDATE| Week Rizal.

22/05/2026

18/05/2026

GROUND BREAKING CEREMONY: Welcome of Arch📢📢📢

Isang taos-pusong pasasalamat sa matagumpay na Ground Breaking Ceremony ngayong araw, ika-18 ng Mayo 2026, para sa panibagong simbolo ng pagkakaisa at pag-unlad — ang itinatayong Landmark at Welcome Arch sa pasukan ng ating minamahal na Barangay Rizal. 🏛️✨

Ang proyektong ito ay magsisilbing pagkakakilanlan ng ating barangay at magiging sagisag ng pagmamalaki, kultura, at mainit na pagtanggap sa bawat bumibisita sa ating komunidad. Isa itong patunay na sa pamamagitan ng pagtutulungan at pagkakaisa, unti-unti nating naitataguyod ang mas maganda, maayos, at mas maunlad na kinabukasan para sa lahat ng mamamayan ng Barangay Rizal. 💙🙌

Lubos po ang aming pasasalamat sa walang sawang suporta at pakikiisa ng ating butihing Mayor Ernesto "Sonny" Pablo , kay Admin Erson C. Sky Pablo , MLGOO Collin Coronel , sa ating mga kagalang-galang na Sangguniang Bayan Members, sa mga personnel ng 68th IB Infantry Battalion, DENR Personnel, at sa buong bumubuo ng Sangguniang Barangay sa pangunguna ng ating masipag, aktibo, at mahusay na Punong Barangay, Nick P. Paclibar

Maraming salamat po sa inyong dedikasyon at pagmamahal sa ating barangay. Sama-sama nating itaguyod ang patuloy na pag-unlad ng Barangay Rizal! 🇵🇭✨

18/05/2026

PABATID SA MAMAMAYAN NG BRGY. RIZAL 📢

Ang lahat po ay inaabisuhan na magkakaroon ng PhilHealth Yakap Caravan sa pakikipagtulungan ng Salcedo Medical-Surgical Clinic and Laboratory at PhilHealth para sa libreng konsultasyon, laboratory tests, medical check-up, at PhilHealth registration/update.

🗓️ Petsa: Mayo 20, 2026 (Miyerkules)
📍 Lugar: Barangay Rizal, Rizal, Occidental Mindoro

📌 Ang mga pangalan na nakalista sa ibaba ay bibigyan ng prayoridad sa pag-aasikaso at pag-aapply ng PhilHealth. Inaanyayahan po silang magdala ng mga kinakailangang dokumento (Birth certificate, marriage contract) at valid ID upang mapadali ang proseso.

👥 Prayoridad ang:
Senior Citizens
PWDs
Indigent Members
Mga nakalista sa ibabang pangalan

🤝 Hinihikayat po ang lahat ng mamamayan na makiisa at samantalahin ang programang ito para sa kalusugan at benepisyo ng bawat pamilya.

Maraming salamat po.

14/05/2026

🎉📚 PAGBATI MULA SA SANGGUNIANG BARANGAY📚🎉

Taos-pusong pagbati sa lahat ng mga bagong Licensed Professional Teachers (LPT) na matagumpay na nakapasa sa Licensure Examination for Teachers ngayong taon! 👩‍🏫👨‍🏫

Ang inyong sipag, tiyaga, at dedikasyon ay nagbunga ng tagumpay na tunay na kahanga-hanga at nagbibigay inspirasyon sa ating komunidad. Nawa’y maging gabay kayo sa paghubog ng kabataan tungo sa mas maliwanag na kinabukasan.

Patuloy ninyong gamitin ang inyong kaalaman at kakayahan sa paglilingkod at pagbibigay inspirasyon sa susunod na henerasyon.

Muli, malugod na pagbati at mabuhay kayong lahat! 🎓✨