Municipality of Quezon, Quezon - Public Information Office

07/10/2026

𝐎𝐏𝐎𝐑𝐓𝐔𝐍𝐈𝐃𝐀𝐃 𝐒𝐀 𝐓𝐑𝐀𝐁𝐀𝐇𝐎 𝐏𝐀𝐑𝐀 𝐒𝐀 𝐌𝐆𝐀 𝐌𝐀𝐌𝐀𝐌𝐀𝐘𝐀𝐍 𝐍𝐆 𝐐𝐔𝐄𝐙𝐎𝐍!

Magkakaroon ng Special Local Recruitment Activity ang ating Pamahalaang Bayan sa pamamagitan ng Public Employment Service Office (PESO), katuwang ang Maxim De Humana International Inc.

📅 Kailan: Oktubre 22, 2026 (Huwebes)
⏰ Oras: 9:00 AM hanggang 4:00 PM
📍 Lugar: Quezon Municipal Covered Court

Mga Open Positions:
• Production Operator (200)
• Quality Control Inspector (50)
• QA Dimension Inspector (20)
• Forklift Operator w/ valid NC II (20)
• Molding Technician (10)
• Machine Technician (10)
• Warehouse Operator (10)
• Warehouse Encoder (10)
• Material Handler (10)
• Office Staff – Billing, Logistics, Office, HR (10)
Kabuuang Bakante: 350 slots

Lugar ng Trabaho: Batangas (LIMA & FPIP), Laguna (Laguna Technopark), at Cavite (Gateway Business Park)

MGA PAALALA SA APPLICANTS:
1. Magdala ng updated Resume / Bio-data (magsama na rin ng sariling ballpen)
2. Magsuot ng proper attire (bawal ang naka-tsinelas, sando, at maikling shorts)

Huwag palampasin ang pagkakataong ito na makahanap ng disenteng trabaho!

07/10/2026

𝐏𝐑𝐈𝐂𝐄 𝐌𝐎𝐍𝐈𝐓𝐎𝐑𝐈𝐍𝐆 𝐔𝐏𝐃𝐀𝐓𝐄
as of October 7, 2026

Narito ang updated na presyo ng mga pangunahing bilihin as of October 7, 2026 bilang bahagi ng patuloy na price monitoring ngayong may pagtaas sa presyo ng langis. Layunin nito na masig**o na ang mga presyo ay hindi lalampas sa itinakdang SRP at maprotektahan ang mga mamimili.

07/10/2026

𝐂𝐨𝐝𝐞 𝐨𝐟 𝐂𝐨𝐧𝐝𝐮𝐜𝐭 𝐚𝐭 𝐄𝐭𝐡𝐢𝐜𝐚𝐥 𝐒𝐭𝐚𝐧𝐝𝐚𝐫𝐝𝐬, 𝐓𝐢𝐧𝐚𝐥𝐚𝐤𝐚𝐲 𝐁𝐢𝐥𝐚𝐧𝐠 𝐁𝐚𝐡𝐚𝐠𝐢 𝐧𝐠 𝟏𝟐𝟔𝐭𝐡 𝐏𝐡𝐢𝐥𝐢𝐩𝐩𝐢𝐧𝐞 𝐂𝐢𝐯𝐢𝐥 𝐒𝐞𝐫𝐯𝐢𝐜𝐞 𝐀𝐧𝐧𝐢𝐯𝐞𝐫𝐬𝐚𝐫𝐲 𝐬𝐚 𝐏𝐚𝐦𝐚𝐡𝐚𝐥𝐚𝐧𝐚𝐠 𝐁𝐚𝐲𝐚𝐧 𝐧𝐠 𝐐𝐮𝐞𝐳𝐨𝐧.

Bilang bahagi ng pagdiriwang ng ika-126 na Anibersaryo ng Philippine Civil Service, matagumpay na isinagawa sa Pamahalaang Bayan ng Quezon ang Seminar on Code of Conduct and Ethical Standards for Public Officials and Employees.

Layunin ng seminar na higit na mapalalim ang kaalaman at pag-unawa ng mga opisyal at kawani ng pamahalaan sa kanilang mga tungkulin, pananagutan, at mga pamantayang etikal na dapat isabuhay bilang mga lingkod-bayan.

Naging tagapagsalita sa nasabing seminar si Dir. Lily Beth L. Mangomot, Civil Service Commission Provincial Director, na nagbahagi ng mahahalagang kaalaman at gabay tungkol sa wastong asal, integridad, pananagutan, at propesyonalismo sa serbisyo publiko.

Binigyang-diin sa talakayan ang kahalagahan ng pagiging tapat, responsable, makatarungan, at may malasakit sa pagtupad ng tungkulin. Ipinaalala rin na ang pagiging lingkod-bayan ay hindi lamang nasusukat sa mahusay na pagtupad sa mga gawain, kundi maging sa pagpapanatili ng tiwala at kumpiyansa ng publiko sa pamamagitan ng marangal at makabuluhang paglilingkod.

Naging mahalagang pagkakataon ang seminar upang muling pagtibayin ng mga kawani ng Municipality of Quezon ang kanilang commitment sa paghahatid ng tapat, mahusay, at makataong serbisyo publiko.

Sa paggunita sa ika-126 na Anibersaryo ng Philippine Civil Service, patuloy na isinusulong ang diwa ng isang serbisyo sibil na may integridad, propesyonalismo, pananagutan, at tunay na malasakit sa bawat mamamayan.

07/10/2026

𝗜𝗡𝗩𝗜𝗧𝗔𝗧𝗜𝗢𝗡 𝗧𝗢 𝗕𝗜𝗗: 𝗦𝘂𝗽𝗽𝗹𝘆 𝗮𝗻𝗱 𝗗𝗲𝗹𝗶𝘃𝗲𝗿𝘆 𝗼𝗳 𝗙𝗼𝗼𝗱 𝗔𝘀𝘀𝗶𝘀𝘁𝗮𝗻𝗰𝗲 (𝗥𝗶𝗰𝗲 𝗦𝘂𝗯𝘀𝗶𝗱𝘆 𝗣𝗿𝗼𝗴𝗿𝗮𝗺) 𝗳𝗼𝗿 𝗜𝗻𝗱𝗶𝗴𝗲𝗻𝘁 𝗜𝗻𝗱𝗶𝘃𝗶𝗱𝘂𝗮𝗹𝘀 𝗼𝗿 𝗙𝗮𝗺𝗶𝗹𝗶𝗲𝘀.

Call for the Submission of Proposal Form
Deadline: Ocotober 12, 2026 | 9:00 am
Total Amount: ₱ 4, 999, 540.00

Documentary Requirements for Suppliers:
1. Written proposal or price quotation offer
2. Farmers and Fisherfolk Enterprise (FFCE) / FFEDIS
3. Certificate of Registration
4. Omnibus Sworn Statement (OSS)
5. Proof of registration (DA-approved registry like RSBSA, FishR, or NCFRS, plus SEC, CDA, DOLE, or DTI registration)
6. Current Mayor’s or Business Permit
7. Audited Financial Statements

Call for the Submission of Proposal FormDeadline: Ocotober 12, 2026 | 9:00 amTotal Amount: ₱ 4, 999, 540.00 Documentary Requirements for Suppliers:1. Written proposal or price quotation offer2. Farmers and Fisherfolk Enterprise (FFCE) / FFEDIS3. Certificate of Registration4. Omnibus Sworn Statemen...

06/10/2026

𝐏𝐀𝐁𝐀𝐓𝐈𝐃 𝐒𝐀 𝐏𝐔𝐁𝐋𝐈𝐊𝐎

𝐏𝐀𝐍𝐒𝐀𝐌𝐀𝐍𝐓𝐀𝐋𝐀𝐍𝐆 𝐏𝐀𝐆𝐒𝐀𝐒𝐀𝐑𝐀 𝐍𝐆 𝐁𝐀𝐇𝐀𝐆𝐈 𝐍𝐆 𝐃𝐀𝐆𝐀𝐓 𝐏𝐀𝐑𝐀 𝐒𝐀 𝐒𝐄𝐀 𝐂𝐑𝐎𝐒𝐒𝐈𝐍𝐆 𝐀𝐂𝐓𝐈𝐕𝐈𝐓𝐘

Ipinapaalam po sa publiko, lalo na sa mga gumagamit ng mga sasakyang pantubig, na magkakaroon ng pansamantalang pagsasara ng bahagi ng karagatan sa pagitan ng Tower 347 at Tower 348 bilang bahagi ng isinasagawang Alabat Wind Power Project – 69kV Transmission Line.

Ang naturang aktibidad ay isasagawa mula Oktubre 3 hanggang Oktubre 10, 2026, upang bigyang-daan ang ligtas na pagsasagawa ng stringing works para sa paglalatag/pagtatawid ng rope, conductor at OPGW sa bahagi ng dagat gamit ang motor banca.

𝐖𝐨𝐫𝐤𝐢𝐧𝐠 𝐒𝐜𝐡𝐞𝐝𝐮𝐥𝐞:
• 8:20 AM – 10:40 AM
• 11:00 AM – 12:00 NN
• 2:00 PM – 4:00 PM
• 4:30 PM – 6:00 PM

Sa mga nasabing oras, pansamantalang hindi papayagang dumaan ang mga sasakyang pantubig sa apektadong bahagi upang matiyak ang kaligtasan ng publiko, mga pasahero, at mga manggagawang nagsasagawa ng proyekto.

Hinihiling po ang pang-unawa at kooperasyon ng ating mga mangingisda, boat operators, passenger boat operators, at iba pang gumagamit ng karagatan habang isinasagawa ang naturang aktibidad.

Pinapayuhan ang lahat na sumunod sa mga safety instructions at umiwas sa apektadong lugar sa mga oras ng aktibidad.

Maraming salamat po sa inyong pakikiisa, pang-unawa, at pakikipagtulungan.

06/10/2026

𝐅𝐎𝐔𝐍𝐃

𝐀𝐍𝐎: Timex Watch (Brown Leather Strap)
𝐒𝐀𝐀𝐍: Natagpuan ito sa loob ng ambulansya ng Quezon, Quezon.
𝐊𝐀𝐈𝐋𝐀𝐍: Ngayong ika-6 ng Oktubre 2026.

Para sa nagmamay-ari ay makipag-ugnayan o pumunta lamang sa Rural Health Unit ng Quezon, Quezon.

05/10/2026

𝐊𝐀𝐖𝐀𝐍𝐈 𝐍𝐈𝐆𝐇𝐓 𝟐𝟎𝟐𝟔: 𝐈𝐬𝐚𝐧𝐠 𝐆𝐚𝐛𝐢 𝐧𝐠 𝐊𝐚𝐡𝐮𝐬𝐚𝐲𝐚𝐧 𝐚𝐭 𝐊𝐚𝐫𝐚𝐧𝐠𝐚𝐥𝐚𝐧—𝐏𝐚𝐠𝐩𝐮𝐩𝐮𝐠𝐚𝐲 𝐬𝐚 𝐦𝐠𝐚 𝐋𝐢𝐧𝐠𝐤𝐨𝐝-𝐁𝐚𝐲𝐚𝐧.

Bilang bahagi ng pagdiriwang ng 126th Philippine Civil Service Anniversary, matagumpay na isinagawa ng Pamahalaang Bayan ng Quezon ang Kawani Night 2026 noong Oktubre 2, 2026.

Ang pagdiriwang ay isinagawa bilang pagkilala at pagpapahalaga sa mahalagang ambag, dedikasyon, at walang-patid na paglilingkod ng mga kawani ng pamahalaan sa komunidad. Tampok sa nasabing okasyon ang isang gabi ng pagkakaisa, pagkilala, at pakikipagkapwa na nagbigay-daan upang higit na mapalalim ang samahan at camaraderie ng mga kawani ng Pamahalaang Bayan ng Quezon.

Ang selebrasyon ay bahagi ng paggunita sa tema ng 126th Philippine Civil Service Anniversary, “Bawat Kawani, Lingkod Bayani: Puso, Dangal at Galing para sa Bayan,” na nagbibigay-diin sa mahalagang papel ng bawat kawani bilang lingkod-bayan na may puso sa paglilingkod, dangal sa tungkulin, at galing sa pagtupad ng responsibilidad para sa kapakanan ng mamamayan.

Sa temang “Glitz and Glam,” naging makulay at makabuluhan ang gabi, kung saan naipakita hindi lamang ang elegansiya at kasiyahan ng mga kawani kundi higit sa lahat ang pagkakaisa at matatag na samahan ng mga taong patuloy na naglilingkod para sa bayan.

Ang Kawani Night 2026 ay nagsilbing pagkakataon upang kilalanin at ipagdiwang ang bawat kawani na, sa kabila ng mga hamon sa serbisyo publiko, ay patuloy na nagbibigay ng kanilang panahon, kakayahan, at dedikasyon para sa isang mas maayos at mas maunlad na pamayanan.

Mabuhay ang bawat kawani—mga lingkod-bayan na may Puso, Dangal, at Galing para sa Bayan!

05/10/2026

𝐏𝐑𝐈𝐂𝐄 𝐌𝐎𝐍𝐈𝐓𝐎𝐑𝐈𝐍𝐆 𝐔𝐏𝐃𝐀𝐓𝐄
as of October 5, 2026

Narito ang updated na presyo ng mga pangunahing bilihin as of October 5, 2026 bilang bahagi ng patuloy na price monitoring ngayong may pagtaas sa presyo ng langis. Layunin nito na masig**o na ang mga presyo ay hindi lalampas sa itinakdang SRP at maprotektahan ang mga mamimili.

03/10/2026

𝐎𝐂𝐓𝐎𝐁𝐄𝐑 𝟓, 𝟐𝟎𝟐𝟔 — 𝐓𝐇𝐄 𝐂𝐋𝐀𝐒𝐒𝐑𝐎𝐎𝐌 𝐓𝐀𝐊𝐄𝐒 𝐀 𝐏𝐀𝐔𝐒𝐄—𝐁𝐄𝐂𝐀𝐔𝐒𝐄 𝐓𝐇𝐈𝐒 𝐃𝐀𝐘 𝐈𝐒 𝐘𝐎𝐔𝐑𝐒!

Sa pagdiriwang ng National Teachers’ Day at World Teachers’ Day, suspendido ang regular na face-to-face classes sa lahat ng pampubliko at pribadong paaralan, kabilang ang ALS, sa Bayan ng Quezon sa Oktubre 5, 2026.

Isang araw ito upang kilalanin at pasalamatan ang ating mga g**ong walang sawang nagtuturo, gumagabay, nagbibigay-inspirasyon, at humuhubog sa kinabukasan ng bawat mag-aaral.

Mga g**o, ang araw na ito ay para sa inyo! Maraming salamat sa inyong dedikasyon at pagmamahal sa pagtuturo.

02/10/2026