DILG Mimaropa Region

18/08/2026

Markahan ang inyong mga kalendaryo—TARA NA SA 2026 CapDev Expo!

Ang DILG MIMAROPA, kasama ang Local Government Academy (LGA), ay magsasagawa ng CapDev Expo 2026 sa Agosto 25–26, 2026, sa Citystate Asturias Hotel Palawan, Puerto Princesa City.

Inaanyayahan ang mga lokal na pamahalaan sa Lalawigan ng Palawan at Lungsod ng Puerto Princesa na makiisa sa gawaing ito upang higit na mapaunlad at mapalakas ang kanilang mga kakayahan sa pamamagitan ng pagdalo sa iba’t ibang sesyon at talakayan hinggil sa pagpapaunlad ng kapasidad.

Layunin ng CapDev Expo na maging plataporma para sa malayang palitan ng mga ideya, inobasyon, at kaalaman na magsusulong sa patuloy na pag-unlad ng mga lokal na pamahalaan at maglalatag ng matibay na pundasyon tungo sa isang bansang handa sa pagbabago, inklusibo, at may kakayahang humarap sa kinabukasan.

17/08/2026

Pinangunahan ni Regional Director Rey S. Maranan, CESO IV, ang Seremonya ng Panunumpa ng mga bagong hinirang na kawani ng DILG MIMAROPA.

VICTORINO R. IBANEZ - ENGINEER III - REGIONAL OFFICE
KYLE BRENT P. GIRAO - ENGINEER II - REGIONAL OFFICE
EZRA JAMELLA M. LEYVA - LGOO II
ALMAIZA MARIE F. RODEO - LGOO II
HANZ XAVIER E. FAJARDO - LGOO II
JARROD DAVID B. CASTRO - ADAS III - REGIONAL OFFICE
ERICA A. MACEDA - ADAS II - REGIONAL OFFICE
HANNAH JAMAICAH R. MENDOZA - ADA IV - REGIONAL OFFICE
BONNA MAE M. GUEVARA - ADA IV - MARINDUQUE
NEIL OWEN O. PINEDA - ADA VI - MARINDUQUE
GHENELLA RAMOS - ADA IV - ORIENTAL MINDORO
ERROL JAY Z. OLA - ADA IV - REGIONAL OFFICE

Nawa’y maging gabay sa kanilang panunungkulan ang pagiging matino, mahusay, at maaasahan.

Mabuhay at muli, pagbati!

17/08/2026

ALTERNATIVE WORK ARRANGEMENTS FOR GOVERNMENT OFFICES, ALTERNATIVE LEARNING MODES FOR SCHOOLS ON AUGUST 17

Pursuant to Memorandum Circular No. 127, government offices are directed to shift to appropriate alternative work arrangements in the National Capital Region and the following provinces starting 12:00 noon on August 17, 2026:

📍 National Capital Region (NCR)
📍 Zambales
📍 Bataan
📍 Bulacan
📍 Pampanga
📍 Tarlac
📍 Nueva Ecija
📍 Cavite
📍 Batangas
📍 Rizal
📍 Laguna
📍 Quezon
📍 Occidental Mindoro

Unless otherwise directed by their respective Local Chief Executives, alternative learning modes for classes at all levels in public and private schools shall be implemented in the aforementioned areas.

Agencies involved in the delivery of basic and health services, disaster preparedness and response, and other vital services shall continue their operations and render the necessary services.

The suspension of work or adoption of alternative work arrangements in the private sector shall be left to the discretion of management.

17/08/2026

ANUNSIYO SA PUBLIKO

Ang DILG MIMAROPA Regional Office ay magkakaroon ng pagbabago sa regular na oras ng opisina mula Agosto 17-21, 2026

14/08/2026

Mula sa datos tungo sa aksyon: Pinalakas ng DILG MIMAROPA ang kakayahan ng mga LGU sa pamamahala ng lokal na kalsada at tulay

Matagumpay na nagtapos ang Training on Local Roads and Bridges Inventory (LRBI) for Local Government Units – Batch 2 na isinagawa ng DILG MIMAROPA, sa pamamagitan ng Project Development and Management Unit (PDMU) at katuwang ang DILG Oriental Mindoro Provincial Office, noong Agosto 11–14, 2026 sa Filipiniana Resort & Hotel, Calapan City, Oriental Mindoro.

Dinaluhan ng mga inhinyero, GIS mappers, at itinalagang LRBI focal persons mula sa mga LGU ng Oriental Mindoro at Occidental Mindoro, ang apat na araw na pagsasanay ay nagpalakas sa kanilang kaalaman at praktikal na kasanayan sa pagpapatupad ng Local Roads and Bridges Inventory Program (LRBIP) at sa pagpapanatili ng maaasahang datos hinggil sa mga lokal na kalsada at tulay.

Sa pamamagitan ng mga talakayan, demonstrasyon, at hands-on exercises, aktuwal na nagsanay ang mga kalahok sa paggamit ng Quantum Geographic Information System (QGIS) sa paghahanda at pagproseso ng spatial data, gayundin ng Road and Bridge Information System (RBIS) para sa encoding, updating, at validation ng road and bridge inventory records. Sa mga gawaing ito, naiuugnay ang teknikal na kaalaman sa aktuwal na pangangailangan ng bawat LGU sa pagpapanatili ng tumpak, kumpleto, at napapanahong inventory data.

Higit sa pagkatuto sa isang sistema o mapping tool, binigyang-diin sa apat na araw na pagsasanay ang mas mahalagang layunin ng LRBI: ang gawing makabuluhang impormasyon ang datos mula sa field upang magsilbing matibay na batayan sa pagpaplano, pagtukoy ng mga prayoridad, paglalaan ng mga mapagkukunan, at paggawa ng mga desisyong tumutugon sa pangangailangan ng mga pamayanan.

Sa bawat kalsadang naimamapa, bawat tala na napapanahon, at bawat datos na napagtitibay, mas nagiging malinaw ang landas tungo sa mas mahusay na pagpaplano at pamamahala ng lokal na imprastraktura.

Dahil kapag tama ang datos, mas matibay ang batayan; at kapag matibay ang batayan, mas mahusay ang daan tungo sa pag-unlad.

12/08/2026

11/08/2026

ALAM N’YO BA? | Ang Department of the Interior and Local Government (DILG) ang pangunahing ahensya ng Pilipinas bilang bahagi ng ASEAN–Senior Officials Meeting on Transnational Crime (SOMTC)

Itinatag noong 1999, ang ASEAN–Senior Officials Meeting on Transnational Crime o SOMTC ay naglalayong palakasin ang pagsisikap ng mga bansang ASEAN laban sa iba’t ibang uri ng krimeng transnasyonal kabilang na ang Trafficking in Person o TIP.
Ang bawat bansang kasapi ay inatasang magkaroon ng mga priority area kung saan sila mangunguna sa pagbuo ng mga polisiya at pagsubaybay sa kanilang pagpapatupad.

Bilang lead shepherd para sa Trafficking in Persons (TIP), ang Pilipinas sa pamamagitan ng DILG, bilang itinalagang pangunahing ahensya, ay may mga sumusunod na tungkulin:

✅ Palakasin ang pagpapatupad ng mga hakbang laban sa mga krimeng transnasyonal

✅ Itaguyod ang pagbabahagi ng impormasyon at mga mahusay na kasanayan tungkol sa TIP sa mga bansang kasapi ng ASEAN

✅ Palakasin ang rehiyonal at pandaigdigang kooperasyon sa pagpigil at pagtugon sa trafficking in persons (TIP)

✅ Suportahan ang koordinasyon sa mga katuwang sa proyektong may kaugnayan sa TIP sa buong ASEAN

✅ Subaybayan at suriin ang pagpapatupad ng ASEAN Convention Against Trafficking in Persons, Especially Women and Children (ACTIP).

Ngayong Agosto 8, 2026, ipinagdiriwang ng bansa ang ika-59 na anibersaryo ng pagkakatatag ng ASEAN. Kaakibat nito, patuloy na sinusuportahan ng DILG ang mga layunin ng ASEAN para sa kapayapaan, katatagan, at kaunlaran sa Timog-Silangang Asya.

📄Maaring basahin ang iba pang detalye tungkol sa ASEAN-SOMTC sa pamamagitan ng link na ito:
https://asean.org/senior-officials-meeting-on-transnational-crime-somtc/

10/08/2026

𝗠𝗔𝗧𝗔𝗚𝗨𝗠𝗣𝗔𝗬 𝗡𝗔𝗜𝗦𝗔𝗚𝗔𝗪𝗔 𝗔𝗡𝗚 𝗘𝗟𝗚𝗨 𝗧𝗥𝗔𝗜𝗡𝗜𝗡𝗚 𝗣𝗔𝗥𝗔 𝗦𝗔 𝗦𝗔𝗡𝗧𝗔 𝗠𝗔𝗥𝗜𝗔!

Matagumpay na naisagawa ang Training on Electronic Local Government Unit System sa pamamagitan ng pagtutulungan ng DILG MIMAROPA, Department of Information and Communications Technology (DICT) MIMAROPA, at Pamahalaang Bayan ng Santa Maria, Romblon, na naglalayong mapalakas ang kaalaman at teknikal na kakayahan ng mga kawani ng LGU sa pagpapatupad ng eLGU System upang mapadali at mapabilis ang mga proseso, mabawasan ang red tape, at higit pang mapahusay ang paghahatid ng serbisyong publiko.

Aktibong nakiisa ang mga dumalo sa hands-on workshop, system simulation, at mga talakayan tungkol sa iba't ibang module gaya ng eCedula, Local Civil Registry, eGovPay, eNews, at Business Permits and Licensing System (BPLS).

Sa sama-samang pagkilos, patuloy nating isinusulong ang mga LGU na may kakayahang digital—mabilis, episyente, at tumutugon sa pangangailangan ng mamamayan, habang itinataguyod ang gender-responsive, disability-inclusive, at accessible na pamamahala para sa lahat.

10/08/2026

𝗧𝗛𝗘 𝗠𝗜𝗠𝗔𝗥𝗢𝗣𝗔 𝗪𝗘𝗘𝗞𝗟𝗬 𝗨𝗣𝗟𝗜𝗙𝗧

Ngayong Buwan ng Wikang Pambansa, paalala mula kay LGMED chief Gonzalvo: gamitin natin ang wikang Filipino upang magbigay ng pag-asa, magpalaganap ng malasakit, at magbuklod ng bawat isa.

Sa bawat salitang ating binibitawan, piliin nating maging dahilan ng pagkakaisa at kabutihan.

Iisang wika, iisang puso, iisang bayan!

07/08/2026

Mas maayos na mga kalsada ay nagsisimula sa maaasahang datos, at mas matatag na mga pamayanan sa mahusay na lokal na pamamahala.

Matagumpay na nagtapos ang Training on Local Roads and Bridges Inventory (LRBI) for Local Government Units – Batch 1 na isinagawa ng Department of the Interior and Local Government (DILG) MIMAROPA, sa pamamagitan ng Project Development and Management Unit (PDMU) at katuwang ang DILG Provincial Office of Palawan, noong Agosto 4–7, 2026 sa VJR Hall, Palawan Provincial Capitol, Puerto Princesa City.

Dinaluhan ng mga inhinyero, GIS personnel, at itinalagang LRBI focal persons mula sa mga LGU ng Palawan, ang apat na araw na pagsasanay ay naglalayong higit na palakasin ang kanilang kaalaman at kasanayan sa pagpapatupad ng Local Roads and Bridges Inventory Program (LRBIP). Sa pamamagitan ng mga talakayan, demonstrasyon, at aktuwal na pagsasanay, higit na nahasa ang mga kalahok sa paggamit ng Road and Bridge Information System (RBIS) at Quantum Geographic Information System (QGIS) para sa mas maayos at maaasahang pagtatala at pamamahala ng datos sa mga lokal na kalsada at tulay.

Nagtala rin ang aktibidad ng isang mahalagang milestone para sa DILG MIMAROPA bilang kauna-unahang Capability Development (CapDev) Program ng Regional Office na may Continuing Professional Development (CPD) credit units, kasunod ng akreditasyon nito ng Professional Regulation Commission (PRC) bilang CPD Provider. Ang tagumpay na ito ay higit na nagpapatibay sa pagsisikap ng Regional Office na makapaghatid ng de-kalidad, makabuluhan, at kinikilalang mga programa para sa patuloy na propesyonal na pag-unlad ng mga kawani ng lokal na pamahalaan.

Sa kanyang pambungad na mensahe, binigyang-diin ni Provincial Director Myla B. Panganiban, EnP, DPA, CESE ang kahalagahan ng tumpak at maaasahang datos sa mga lokal na kalsada at tulay bilang mahalagang batayan ng mahusay na pamamahala, wastong pagpaplano ng imprastraktura, at mas mahusay na paghahatid ng serbisyo publiko.

Sa pagtatapos ng pagsasanay, hinikayat naman ni Regional Director Rey S. Maranan, CESO IV ang mga kalahok na isabuhay ang kanilang mga natutuhan at tiyaking tumpak, kumpleto, at napapanahon ang datos sa mga lokal na kalsada at tulay upang magsilbing matibay na batayan sa pagpaplano, pagpapasya, at epektibong pamamahala ng imprastraktura sa kani-kanilang LGU.

Sa pagtatapos ng Batch 1, patuloy na isinusulong ng DILG MIMAROPA ang pagpapalakas sa kakayahan ng mga lokal na pamahalaan gamit ang tamang kaalaman at maaasahang datos tungo sa mahusay na pamamahala at mas matatag na mga pamayanan.