Radyo Pilipinas

20/10/2026

BASAHIN | Iginiit ni Lanao del Sur Rep. Zia Alonto Adiong na hindi siya uurong sa pagtutol sa umano’y panggigipit at agresibong pagkilos ng China.

Ito ay kasunod ng panibagong social media post ng Chinese Embassy na kasama na umano sa "listahan" ng mga mambabatas na nagpalabas ng pahayag laban sa panggigipit ng China sa Pilipinas. | via Kathleen Forbes

20/10/2026

Paglabag sa Magna Carta for disabled persons posibleng harapin na kaso ng mga hosts ng “Machong Chismisan”

Malaki ang posibilidad na masampahan ng reklamong paglabag sa Magna Carta for Disabled Persons o Republic Act no.... | ulat ni Louisa Erispe

https://radyopilipinas.ph/?p=48122

Malaki ang posibilidad na masampahan ng reklamong paglabag sa Magna Carta for Disabled Persons o Republic Act no. 7277 ang mga hosts ng Machong Chismisan podcast na nangutya sa anak ni Kris Aquino na…

20/10/2026

| October 20, 2026

Kasama sina Nords Maguindanao at Princess Habiba Sarip-Paudac

20/10/2026

TINGNAN | BIR, KINASUHAN ANG DALAWANG TAXPAYER SA P45 MILYONG HINDI NABAYARANG BUWIS.

Pormal nang nagsampa ang Bureau of Internal Revenue ng dalawang reklamong kriminal kaugnay ng mahigit P45 milyong umano’y hindi nabayarang buwis noong 2017 at 2018.

Kabilang sa mga kinasuhan ang Interserve Management & Manpower Resources, Inc. at mga opisyal nito, gayundin ang may-ari ng V.A.T. Coconut Dealer.

Nasa P33.13 milyon ang umano’y hindi nabayarang buwis ng unang taxpayer, habang P11.94 milyon naman ang sa ikalawa.

Ayon kay BIR Commissioner Charlito Martin Mendoza, isinampa ang mga kaso sa Department of Justice dahil sa umano’y sadyang hindi pagbabayad ng buwis sa kabila ng mga abiso at demand.

Bahagi ito ng Run After Tax Evaders o RATE program ng BIR para papanagutin ang mga lumalabag sa batas sa pagbubuwis.

Mula Enero hanggang September, nakapagsampa na ang BIR ng 361 RATE cases na may kabuuang tax exposure na mahigit P35.16 bilyon. | via Rey Ferrer

📷 BIR

20/10/2026

TINGNAN | 29 Pilipinong biktima ng scam sa Cambodia, tinulungan ng Embahada na makauwi sa Pilipinas.

Tumulong ang Embahada ng Pilipinas sa Cambodia sa pag-asiste na makauwi sa bansa ang 29 na pilipinong biktima ng operasyon ng online scam.

Ayon sa embahada noong October 10 inasistehan ng embahada at ng konsulado ng Pilipinas ang flight ng mga Pilipino sa pamamagitan ng Assistance-to-Nationals services.

Nakipag-ugnayan din ang embahada sa Cambodian authoritites upang matiyak na magiging maayos at ligtas ang byahe ng mga Pilipino sa kanilang pagbabalik sa Pilipinas.

Patuloy naman ang paalala ng Department of Migrant Workers na huwag basta basta maniniwala sa mga trabahong alok sa ibang bansa via online o kaya ng mga illegal recruiter mas makabubuti kung dadaan sa mga accredited na agencies o kaya ay icheck muna kung lehitimo ang alok na trabaho. | via Louisa Erispe

20/10/2026

𝐁𝐈𝐑: 𝐌𝐀𝐇𝐈𝐆𝐈𝐓 𝟓𝟐,𝟕𝟎𝟎 𝐎𝐍𝐋𝐈𝐍𝐄 𝐒𝐄𝐋𝐋𝐄𝐑, 𝐒𝐄𝐑𝐕𝐈𝐂𝐄 𝐏𝐑𝐎𝐕𝐈𝐃𝐄𝐑, 𝐀𝐓 𝐂𝐎𝐍𝐓𝐄𝐍𝐓 𝐂𝐑𝐄𝐀𝐓𝐎𝐑, 𝐌𝐀𝐘 𝐑𝐄𝐆𝐈𝐒𝐓𝐑𝐀𝐓𝐈𝐎𝐍 𝐒𝐄𝐀𝐋 𝐁𝐀𝐃𝐆𝐄 𝐍𝐀

Iniulat ng Bureau of Internal Revenue (BIR) na mahigit 52,700 online seller, service provider, at content creator ang nakakuha na ng Registration Seal Badge hanggang October 14, 2026.

Layunin ng badge na protektahan ang personal na impormasyon ng mga nagbabayad ng buwis, sa halip na ilantad ang buong Certificate of Registration (COR) sa kanilang online platforms.

Pinalawig ng BIR hanggang October 31, 2026 ang deadline ng pagkuha at pagpapakita ng badge. Maaari itong i-scan ng mga mamimili upang beripikahin ang rehistro ng negosyo bago makipagtransaksiyon online.

📷 BIR

20/10/2026

CONGRATULATIONS, PBS-BBS FINANCE Division 🎉

Muling kinilala ang PBS-BBS Finance Division bilang isa sa Outstanding Accounting Offices FY 2025 ng Association of Government Accountants of the Philippines, Inc. (AGAP), bilang pagkilala sa kalidad, pagiging maagap, at katumpakan ng mga financial report nito.

Dahil sa ikatlong magkakasunod na pagkakamit ng parangal, kabilang na ang tanggapan sa prestihiyosong Hall of Fame category ng Outstanding Accounting Offices.

Ang pagkilalang ito ay patunay ng dedikasyon, propesyonalismo, at kahusayan ng buong PBS-BBS sa paghahatid ng tapat at de-kalidad na serbisyo publiko.

Mabuhay ang PBS-BBS Finance Division ! Ipinagmamalaki namin ang inyong tagumpay!

20/10/2026

Sinabi ni Pangulong Ferdinand R. Marcos Jr., hindi lamang katarungan ang dapat palakasin, kundi pati ang kalusugan at edukasyon nang matiyak na bawat Pilipino ay mamumuhay nang malusog, ligtas, at may dignidad.

Patuloy aniyang isusulong ang mga layuning ito ng administrasyon.

20/10/2026

NEWS UPDATE | Malacañang, walang natanggap na request at walang inilabas na travel authority para sa umano'y Laos trip ni VP Sara.

Walang natanggap na request para sa Travel Authority (TA) ang Office of the Executive Secretary (OES) para sa umano'y biyahe ni Vice President Sara Duterte patungong Laos.

Ibig sabihin, wala ring inilabas na TA ang Palasyo, kaugnay dito.

Ang paglilinaw na ito, kasunod ng Facebook post ng kolumnistang si Ramon Tulfo kung saan ipinakitang di umano'y binigyan ng travel clearance ng Malacañang ang Bise Presidente noong September 28, para sa biyahe sa Laos, noong September 29 hanggang 30.

Sa kaparehong post, binanggit ni Tulfo ang nasa higit limang daang kilo ng shabu na naharang sa Laos, na plano sanang ipuslit papasok ng Pilipinas.

Nilinaw ng tanggapan ng Executive Secretary na matapos nilang suriin ang kanilang opisyal na talaan, walang anomang hiling o inisyung Travel Authority para kay VP Sara sa mga nabanggit na petsa. | via Racquel Bayan