Pasig River Coordinating and Management Office - PRCMO

03/09/2026

𝐏𝐚𝐬𝐢𝐠 𝐑𝐢𝐯𝐞𝐫 𝐱 𝐒𝐨𝐥𝐢𝐝 𝐖𝐚𝐬𝐭𝐞: 𝐁𝐚𝐬𝐮𝐫𝐚, 𝐒𝐚𝐚𝐧 𝐍𝐚𝐩𝐮𝐩𝐮𝐧𝐭𝐚?

Kapag itinapon natin ang basura kung saan-saan, saan nga ba ito napupunta?

Mula sa ating mga tahanan at komunidad, maaaring mapunta ang basura sa mga kanal, daluyan ng tubig, at waterways gaya ng Pasig River System—at kalaunan, sa karagatan.

Ngayong at Maritime and Archipelagic Nation Awareness Month ( ), alalahanin natin: ang pangangalaga sa ating karagatan ay nagsisimula hindi lamang sa baybayin, kundi mula sa pinanggagalingan ng basura hanggang sa mga daluyan patungo sa dagat. 🌊♻

Swipe through the carousel to see the connection between solid waste and the Pasig River System—and what we can do about it. 👉

31/08/2026

Maligayang Araw ng mga Bayani! 🇵🇭🌿

Sa paggunita sa Araw ng mga Bayani, binibigyang-pugay ng DENR National Capital Region ang mga bayaning nag-alay ng kanilang buhay at sakripisyo para sa kalayaan, kapayapaan, at kinabukasan ng sambayanan.

Ngunit ang pagiging bayani ay hindi lamang nasusukat sa malalaking sakripisyo. Sa bawat araw, may mga Pilipinong patuloy na kumikilos upang pangalagaan ang ating kalikasan at likas-yaman; mula sa mga naglilinis at nagpoprotekta sa ating mga ilog at estero, hanggang sa mga komunidad na sama-samang nagsusulong ng responsableng pangangalaga sa kapaligiran.

Ang pangangalaga sa kalikasan ay isang anyo ng kabayanihan. Sa simpleng pagtatapon ng basura sa tamang lugar, wastong segregation, pag-iwas sa single-use plastics, at pakikilahok sa mga gawaing pangkalikasan, nakatutulong tayong bumuo ng mas malinis, ligtas, at matatag na kinabukasan.

Ngayong Araw ng mga Bayani, alalahanin natin ang mga bayaning nagbigay-daan sa ating Kalayaan, at maging bayani rin ng kalikasan sa sarili nating paraan.

20/08/2026

𝐃𝐄𝐍𝐑-𝐍𝐂𝐑 𝐓𝐮𝐥𝐮𝐲-𝐭𝐮𝐥𝐨𝐲 𝐚𝐧𝐠 𝐏𝐚𝐠𝐩𝐚𝐩𝐚𝐧𝐚𝐭𝐢𝐥𝐢 𝐚𝐭 𝐏𝐚𝐧𝐠𝐚𝐧𝐠𝐚𝐥𝐚𝐠𝐚 𝐬𝐚 𝐦𝐠𝐚 𝐄𝐚𝐬𝐞𝐦𝐞𝐧𝐭 𝐚𝐭 𝐋𝐢𝐧𝐞𝐚𝐫 𝐏𝐚𝐫𝐤 𝐬𝐚 𝐏𝐑𝐒

Patuloy ang isinasagawang monitoring, repair, at maintenance ng Department of Environment and Natural Resources–National Capital Region (DENR-NCR), sa pamamagitan ng Pasig River Coordinating and Management Office (PRCMO), sa mga easement at 23 itinatag na linear parks sa Pasig River System (PRS).

Itinatag ang mga linear park noong panahon ng Pasig River Rehabilitation Commission bilang bahagi ng Environmental Preservation Areas (EPAs) sa mga riverbank ng Pasig River System. Kabilang dito ang mga linear park, walkway, at greenbelt na matatagpuan sa loob ng itinakdang 3- hanggang 10-metrong easement.

Mahalaga ang mga EPAs bilang buffer zones na tumutulong sa pangangalaga ng mga daluyan ng tubig, pagpapanatili ng kaligtasan ng mga komunidad, at pagbawas sa direktang pagtatapon ng basura sa waterways. Bukod dito, nagsisilbi ring pampublikong espasyo ang mga linear park para sa recreational at tourism activities.

May mahalagang papel din ang mga ito sa pagpapabuti ng air at water quality, pagpapababa ng urban heat, pagsuporta sa biodiversity, stormwater management, at flood prevention.

Bahagi ang patuloy na monitoring at maintenance ng PRCMO sa pangmatagalang pagsisikap ng DENR-NCR na mapangalagaan, mapreserba, at maisulong ang sustenableng pamamahala sa mga daluyan ng tubig sa Metro Manila, alinsunod sa Presidential Decree No. 1067 o Water Code of the Philippines.

Sa pangangalaga sa Pasig River, mahalaga ang tuluy-tuloy na pagkilos, mula sa pamahalaan hanggang sa bawat pamayanan na nakikinabang at umaasa sa ating mga daluyan ng tubig.

19/08/2026

𝐃𝐄𝐍𝐑-𝐍𝐂𝐑 𝐏𝐚𝐭𝐮𝐥𝐨𝐲 𝐚𝐧𝐠 𝐌𝐨𝐧𝐢𝐭𝐨𝐫𝐢𝐧𝐠 𝐚𝐭 𝐂𝐥𝐞𝐚𝐧-𝐮𝐩 𝐎𝐩𝐞𝐫𝐚𝐭𝐢𝐨𝐧𝐬 𝐬𝐚 𝐏𝐑𝐒 𝐬𝐚 𝐆𝐢𝐭𝐧𝐚 𝐧𝐠 𝐇𝐚𝐛𝐚𝐠𝐚𝐭

Sa gitna ng epekto ng Southwest Monsoon o Habagat, patuloy na nagsasagawa ng monitoring at clean-up operations ang DENR National Capital Region, sa pamamagitan ng Pasig River Coordinating and Management Office (PRCMO), upang mapanatili ang maayos na kondisyon ng mga daluyan ng tubig at linear parks sa Pasig River System (PRS).

Minomonitor ng PRCMO River Warriors ang iba’t ibang katubigan at linear parks para matukoy ang mga naipong solid waste, debris, at iba pang epekto ng malakas na pag-ulan at pagtaas ng tubig. Kasabay nito, isinasagawa rin ang clean-up at maintenance activities sa developed linear parks at easements, kabilang ang pag-aalis ng mga dahon, sanga, debris, at iba pang solid waste. Nakipag-ugnayan din ang PRCMO sa mga concerned barangay hinggil sa mga namonitor na hazardous trees o mga punong maaaring magdulot ng panganib sa mga komunidad at estruktura.

Katuwang ang local government units, mga barangay, at iba pang concerned national government agencies, nagpapatuloy ang monitoring, clean-up, at coordination activities ng PRCMO upang mapanatili ang kalinisan, kaayusan, at kaligtasan ng mga daluyan ng tubig at linear parks sa PRS.

18/08/2026

𝐃𝐄𝐍𝐑-𝐍𝐂𝐑 𝐏𝐚𝐭𝐮𝐥𝐨𝐲 𝐧𝐚 𝐈𝐬𝐢𝐧𝐚𝐬𝐚𝐠𝐚𝐰𝐚 𝐚𝐧𝐠 𝐖𝐚𝐭𝐞𝐫 𝐐𝐮𝐚𝐥𝐢𝐭𝐲 𝐌𝐨𝐧𝐢𝐭𝐨𝐫𝐢𝐧𝐠 𝐬𝐚 𝐏𝐚𝐬𝐢𝐠 𝐑𝐢𝐯𝐞𝐫 𝐒𝐲𝐬𝐭𝐞𝐦

Patuloy na isinasagawa ng DENR National Capital Region, sa pamamagitan ng Pasig River Coordinating and Management Office (PRCMO), ang water quality monitoring sa Pasig River System, kabilang ang minor tributaries nito.

Kabilang sa mga mino-monitor ang Estero de Maypajo, Estero de Sunog Apog, Estero de Vitas, Estero de Magdalena, Estero de San Lazaro, Estero de Kabulusan, Estero dela Reina, at Estero de Binondo sa lungsod ng Maynila.

Isinasagawa ang water sampling sa iba’t ibang monitoring stations, kasama ang field measurements ng dissolved oxygen, pH, temperature, water depth, water velocity, at flow direction. Itinatala rin ang weather conditions, amoy, presensya ng basura, at iba pang field observations. Ang nakolektang water samples ay isinusumite sa Environmental Management Bureau–National Capital Region laboratory para sa pagsusuri.

Ang tuluy-tuloy na monitoring ay mahalaga sa pagkalap ng datos tungkol sa kalidad ng tubig sa Pasig River System, na nagsisilbing batayan sa pagsusuri at pagtukoy ng mga kinakailangang hakbang para sa patuloy nitong pangangalaga at rehabilitasyon.

16/08/2026

𝐏𝐚𝐬𝐢𝐠 𝐑𝐢𝐯𝐞𝐫 𝐚𝐭 𝐀𝐒𝐄𝐀𝐍: 𝐈𝐬𝐚𝐧𝐠 𝐈𝐥𝐨𝐠, 𝐈𝐬𝐚𝐧𝐠 𝐋𝐚𝐲𝐮𝐧𝐢𝐧 🌏🌊

Ano nga ba ang koneksyon ng Ilog Pasig sa ASEAN?

Tulad ng maraming ilog sa Timog-Silangang Asya, ang Ilog Pasig ay bahagi ng magkakaugnay na komunidad at ekosistema, bahagi rin ang mga hamong hindi natatapos sa hangganan ng isang bansa.

Ngayong , buwan ng Agosto, alamin ang kuwento sa likod ng koneksyong ito at kung paano ang pangangalaga sa Ilog Pasig ay bahagi ng mas malaking layunin para sa mas malinis na mga ilog at mas napapanatiling Timog-Silangang Asya. ➡️

14/08/2026

𝐃𝐄𝐍𝐑-𝐍𝐂𝐑 𝐏𝐚𝐭𝐮𝐥𝐨𝐲 𝐚𝐧𝐠 𝐂𝐥𝐞𝐚𝐧-𝐮𝐩 𝐎𝐩𝐞𝐫𝐚𝐭𝐢𝐨𝐧𝐬 𝐬𝐚 𝐏𝐑𝐒 𝐬𝐚 𝐊𝐚𝐛𝐢𝐥𝐚 𝐧𝐠 𝐏𝐚𝐭𝐮𝐥𝐨𝐲 𝐧𝐚 𝐏𝐚𝐠-𝐮𝐥𝐚𝐧

Hindi nagpapatinag sa patuloy na pag-ulan dulot ng habagat ang DENR National Capital Region sa pagpapatuloy ng clean-up operations sa kahabaan ng Pasig River at mga tributaryo nito.

Sa pangunguna ng Pasig River Coordinating and Management Office (PRCMO), tuluy-tuloy ang operasyon ng PRCMO River Warriors sa pagkolekta at pagtanggal ng mga lumulutang na solid waste na naiipon sa mga daluyan ng tubig.

Gamit ang mga water vessel, kabilang ang mga trash boat, gayundin ang plastic at bamboo floaters, sinisikap ng mga River Warriors na mapanatiling malinis ang waterways at maiwasan ang pag-ipon ng basura na maaaring magdulot ng pagbabara at makaapekto sa maayos na daloy ng tubig.

Mahalaga ang patuloy at napananatiling clean-up operations, lalo na sa panahon ng habagat at pag-ulan, upang makatulong sa pagpapanatili ng kalinisan ng Pasig River System (PRS) at mabawasan ang mga panganib na dulot ng naipong solid waste sa mga daluyan ng tubig.

Sa kabila ng hamon ng panahon, nagpapatuloy ang pagkilos para sa isang mas malinis, ligtas, at mas matatag na PRS.

12/08/2026

𝐊𝐚𝐛𝐚𝐭𝐚𝐚𝐧 𝐩𝐚𝐫𝐚 𝐬𝐚 𝐈𝐥𝐨𝐠 𝐏𝐚𝐬𝐢𝐠: 𝐓𝐚𝐫𝐚, 𝐦𝐚𝐤𝐢𝐥𝐚𝐡𝐨𝐤!

Ngayong , alamin ang iba’t ibang paraan kung paano matututo at makikilahok ang mga kabataan sa pangangalaga at rehabilitasyon ng Ilog Pasig.

Mula sa Dalaw Turo at River Tour, hanggang sa Heritage Walk at Youth Environmental Tour, hindi kailangang magsimula sa malaking bagay.

Swipe through. Makialam at kumilos. Maging bahagi ng kwento at kinabukasan ng Ilog Pasig!

10/08/2026

𝐃𝐄𝐍𝐑-𝐍𝐂𝐑 𝐏𝐢𝐧𝐚𝐢𝐠𝐭𝐢𝐧𝐠 𝐚𝐧𝐠 𝐌𝐨𝐧𝐢𝐭𝐨𝐫𝐢𝐧𝐠 𝐬𝐚 𝐏𝐚𝐬𝐢𝐠 𝐑𝐢𝐯𝐞𝐫 𝐒𝐲𝐬𝐭𝐞𝐦 𝐇𝐚𝐛𝐚𝐧𝐠 𝐍𝐚𝐠𝐩𝐚𝐩𝐚𝐭𝐮𝐥𝐨𝐲 𝐚𝐧𝐠 𝐇𝐚𝐛𝐚𝐠𝐚𝐭

Pinaigting ng DENR National Capital Region, sa pamamagitan ng Pasig River Coordinating and Management Office (PRCMO), ang monitoring sa kalagayan ng mga daluyan ng tubig sa Pasig River System habang nagpapatuloy ang Southwest Monsoon o Habagat.

Patuloy na mino-monitor ng PRCMO ang Pasig River, San Juan River, at mga estero sa Maynila, kabilang ang Estero de Sunog Apog, Estero de San Miguel, Estero de Sampaloc, Estero de Pandacan, Estero de Concordia, at Estero de Tripa de Gallina.

Sa isinagawang monitoring, naobserbahan ang pagtaas ng lebel ng tubig sa ilang waterways bunsod ng tuloy-tuloy na pag-ulan, na sa ilang bahagi ng Pasig River ay sinabayan ng high tide. Naitala rin ang pagbaha sa easement area ng Estero de Tripa de Gallina.

Namataan din ang naipong floating debris sa ilang trash traps, kabilang ang bahagi ng San Juan River sa Sevilla Bridge at Kalentong/Bacood. Samantala, malaking volume ng solid waste ang naobserbahan sa Estero de San Lazaro at bahagi ng Pasig River sa Parola, Maynila.

Bilang tugon, nagpapatuloy ang monitoring at clean-up operations ng PRCMO River Warriors, kasabay ng agarang koordinasyon sa mga kinauukulang tanggapan upang matugunan ang mga kinakailangang aksyon at mapanatili ang maayos na daloy ng tubig sa mga mino-monitor na lugar.

Habang inaasahang magpapatuloy ang pag-ulan, hinihikayat ang publiko na manatiling alerto, maging maingat, at huwag magtapon ng basura sa mga ilog, estero, kanal at iba pang daluyan ng tubig.

Sa panahon ng Habagat, mahalaga ang sama-samang pagkilos upang mapanatiling malinis at ligtas ang ating mga katubigan at komunidad.