United Senior Citizens Party-list

06/09/2026

MGA USAPIN SA SERBISYONG PANGKALUSUGAN, IGINIIT NI CONG. MILA MAGSAYSAY

Inilahad ni Cong. Mila Magsaysay sa isang pagdinig ng Committee on Appropriations ang ilang mahalagang usapin tungkol sa kalagayan ng mga pasyente at serbisyong pangkalusugan sa bansa.

Binigyang-diin niya ang 50% down payment na hinihingi sa ilang pasyente bago sila maiskedyul para sa operasyon. Aniya, marami sa mga humihingi ng tulong para sa gastusin sa ospital ang kinakailangang mag-ipon muna ng kalahati ng halaga bago maoperahan.

Tinalakay rin niya ang matagal na proseso ng pag-apruba ng mga gamot sa pamamagitan ng FDA, HTAC, at formulary. Aniya, may mga gamot na aprubado na sa iba’t ibang bansa ngunit inaabot pa rin ng ilang taon bago maaprubahan sa Pilipinas.

02/09/2026

02/09/2026

🤝 Reklamo sa ARTA, Nauwi sa Dayalogo: NCSC at Senior Citizens, Nagharap!

Kahapon ay personal kong nakapulong ang mga kinatawan ng Marilag Senior Citizens Association mula sa Quezon City, na nauna nang naghain ng kaso sa Anti-Red Tape Authority (ARTA) laban sa National Commission of Senior Citizens (NCSC) dahil sa naantalang pamamahagi ng kanilang ₱10,000 cash gift sa ilalim ng Expanded Senior Citizens Act.

Kasama rin nating dumalo sa mahalagang pag-uusap na ito si United Senior Citizens Partylist Chairman at Spokesperson Miko Magsaysay, gayundin ang mga opisyal ng NCSC sa pangunguna nina Executive Director Anna Marie Calapit at OIC Director para sa NCSC NCR Dr. Edwin Dimatatac.

Nagsilbi tayong tulay sa pagitan ng ating mga ka-United Seniors at ng ahensya upang magkaroon ng tapat, maayos, at bukas na talakayan para sa kapakanan ng bawat isa.

Nagbigay ng kanilang mga saloobin, suhestiyon, at rekomendasyon ang mga miyembro ng Marilag Senior Citizens Association ukol sa mga karanasan nila patungkol sa Expanded Senior Citizens Act.

Ipinahatid ko sa NCSC na lubos kong nauunawaan ang pananabik ng ating mga lolo at lola na matanggap ang kanilang birthday cash gift na bahagi ng kanilang mga karapatan at pribilehiyo sa ilalim ng batas. Kaya naman nakiusap ako sa pamunuan na gawan ng paraan ang mas maayos at mabilisang pamamahagi ng mga naturang benepisyo.

Bilang tugon, tiniyak naman sa atin ng NCSC na kasalukuyan na silang walang tigil sa pagaasikaso at pagtratrabaho upang maresolba ang mga pagkaantala at masiguro ang mabilis at epektibong paghahatid ng serbisyo sa ating mga nakatatanda kahit na sila rin ay may hinaharap na suliranin sa kasalukuyan sanhi ng kakulangan ng empleyado at pondo upang mas lalong mapabilis ang serbisyo.

Ibinalita din ni Executive Director Calapit sa atin na naipamahagi na ang mga cash gifts sa mga miyembro ng Marilag Senior Citizens Association at tuloy-tuloy pa rin ang pagproproseso nila sa lahat ng mga aplikante na nakapagsumite na ng kanilang mga claimants forms.

Pinaalalahanan ko ang bawat isa sa tunay na layunin kung bakit tayo naririto: "Ang Komisyon na ito ay sa ATING mga Ka-United Seniors, para sa lahat ng senior citizens, kaya’t kailangan nating magtulong-tulong”.

Naniniwala ako na sa pamamagitan ng tapat na pakikipagdayalogo at pagkakaisa, mas mapapabilis natin ang pagbibigay ng kalinga, respeto, at mga benepisyong nararapat para sa ating mga minamahal na Ka-UNITED Seniors.

Ikinatuwa kong makita na ang dalawang grupo ay nakangiting nagkamayan sa huli.

Lagi nating tatandaan na walang hindi nadadaan sa maayos na usapan sa mga tapat na maglingkod at magmahal.

31/08/2026

Today, August 31, is the 119th birth anniversary of People's President Ramon Magsaysay Sr.

Si Ramon Magsaysay, kilala bilang "Kampeon ng Masa," ang pinakahuling pangulong namatay habang nasa panunungkulan.

31/08/2026

🇵🇭 Maligayang Araw ng mga Bayani!

Sa araw na ito, buong puso kong binibigyang pugay ang lahat ng mga bayaning nag-alay ng kanilang buhay, tapang, at sakripisyo para sa ating kalayaan at kinabukasan.

Ang kanilang kabayanihan ay patuloy na nagbibigay-inspirasyon sa atin upang maging mabuting Pilipino may malasakit sa kapwa, handang tumulong, at tapat sa paglilingkod sa bayan.

Bilang inyong lingkod, dadalhin ko ang diwa ng kanilang kabayanihan sa aking patuloy na paglilingkod sa ating mga kababayan. Sapagkat ang tunay na kabayanihan ay hindi lamang nasusukat sa malalaking sakripisyo, kundi sa araw-araw na pagtulong, malasakit, at paglilingkod nang buong puso.

Saludo ako sa ating mga bayani, noon at ngayon. 🇵🇭❤️

Mabuhay ang mga Bayani! Mabuhay ang Pilipinas!

31/08/2026

Maligayang Kaarawan, Speaker Faustino “Bojie” Dy lll !🎂🎉

30/08/2026

https://www.facebook.com/share/1DHKe7xNoz/?mibextid=wwXIfr

HULI KA News!
Marianito Agustin Rodriguez
CONGRESS STORY
________________________________________
Mas malawak na oportunidad para sa senior citizens, isinulong ni Rep. Aquino-Magsaysay
________________________________________
ISINUSULONG ni United Senior Citizens Party List Rep. Milagros Aquino-Magsaysay ang mas malawak na oportunidad at proteksyon para sa mga nakatatandang Pilipino, partikular sa larangan ng trabaho, social inclusion at access sa mga serbisyo ng pamahalaan.

Sa House Committee on Senior Citizens, inaprubahan ang mga panukalang naglalayong palawakin ang mga oportunidad para sa senior citizens, kabilang ang pagtatatag ng "Senior Citizens Day Care Center sa bawat barangay".

Isinusulong din ang pagsasama ng mga serbisyo para sa senior citizens sa "eGov PH Super App" upang mas mapadali ang kanilang access sa mga government services, benepisyo at iba pang mahahalagang programa.

Kasabay nito, itinulak ni Aquino-Magsaysay ang pag-apruba sa konsolidasyon ng anim na House Bills na naglalayong amyendahan ang Expanded Senior Citizens Act.

Layunin ng mga panukala na bigyan ng mas pormal na oportunidad sa trabaho ang mga senior citizens na may kakayahan at nais pang magtrabaho, sa halip na awtomatikong maalis sila sa workforce dahil lamang sa kanilang edad.

Ayon sa mambabatas, mahalagang kilalanin ang kakayahan, karanasan at ambag ng mga nakatatanda sa lipunan.

Sa pamamagitan ng mga panukalang ito, layunin ng House Committee on Senior Citizens na. palakasin ang social inclusion ng mga nakatatanda at matiyak na patuloy silang may access sa trabaho, serbisyo at mga benepisyong nararapat sa kanila.

Iginiit ni Aquino-Magsaysay na ang senior citizens ay hindi lamang dapat ituring na benepisyaryo ng mga programa ng pamahalaan, kundi bilang mga Pilipinong may mahalagang kakayahan at karanasang maaari pa ring maiambag sa kanilang pamilya, komunidad at bansa.

29/08/2026

PERFECT ATTENDANCE TAYO Ka-UNITED! 🇵🇭❤️

Para sa akin, walang pinipiling edad ang tunay na serbisyo. Ang mahalaga ay sipag, dedikasyon, at paninindigan na laging maging present para sa ating mga Ka-UNITED Seniors.

Walang edad ang malasakit. Ang mahalaga, handang maglingkod, Para sa kapakanan, benepisyo at pribilehiyo ng ating mga nakatatandang Pilipino.

HOUSE REP. ATTENDANCE CHECK! ✅

A resolution filed by the House leadership revealed the names of 98 congressmen who each recorded a perfect attendance in plenary sessions during the first regular session of the 20th Congress.

Read more in the comments section.

25/08/2026

Isang masayang araw para sa akin ang makasama ang ating mga Ka-United Senior Citizens sa pagdiriwang ng ika-7 Anibersaryo ng District 5 Federation of Noble Senior Citizens, Inc. 💙

Taos-puso akong nagpapasalamat sa inyong mainit na pagtanggap, masayang samahan, at pagmamahal. Isang karangalan para sa akin na makasama kayo at maging bahagi ng espesyal na araw na ito.

Mabuhay ang District 5 Federation of Noble Senior Citizens, Inc.! Patuloy tayong magkaisa at maglingkod para sa kapakanan, dignidad, at kagalingan ng ating mga senior citizens.

Happy 7th Anniversary, mga Ka-United Senior Citizens! 🎉💙