Supreme Secondary Learner Government Jfbshs

28/03/2026

[Trigger Warning: Mentions of Self-Harm and Su***de]

LIVE! KALAMBAG! Youth Voices: Usapang Mental Health ng Kabataan
📅 March 28, 2026 | ⏰ 1:00PM - 2:00PM

Sa panahon ngayon, mas napag-uusapan na ang mental health ng kabataan. Natural lang sa buhay ang makaramdam ng mabibigat na emosyon, at may mga pagkakataon na mas nagiging mahirap ito kaysa sa inaasahan.

Isa sa mga sensitibong usapin na kaugnay nito ay ang self-harm. Mahalaga na pag-usapan ito nang may pag-unawa at malasakit. Hindi para husgahan, kundi para mas maintindihan kung paano tayo makakatulong sa isa’t isa.

Sa episode na ito, pag-uusapan ng KALAMBAG youth ang mga pinagdadaanan ng kabataan, kung bakit minsan ay mahirap humingi ng tulong, at kung paano makakasuporta ang mga kaibigan, pamilya, at paaralan.

Layunin ng usapang ito na hikayatin ang lahat na maging mas bukas sa mental health, mas matutong makinig sa isa’t isa, at ipaalala na hindi sila nag-iisa.

📍 Kalambag's Official page
📺 E-Net Philippines
📡 LAPIS SeeSaw Channel

🎥 Replays Available on YouTube:

21/03/2026

🔁 REPLAY! KALAMBAG! Digital Youth: Mental Health and Online Safety

Hindi laging madali maging kabataan sa digital na mundo.

Sa gitna ng ingay ng social media at tuloy-tuloy na impormasyon, mahalagang may espasyo para sa tapat na usapan at pag-unawa.

Balikan natin ang KALAMBAG episode na ito tungkol sa mental health at online safety 💬

📅 November 29, 2025 | ⏰ 1:00PM - 2:00PM
📍 Kalambag's Official page
📺 E-Net Philippines
📡 LAPIS SeeSaw Channel

🎥 Replays Available on YouTube:

14/03/2026

LIVE! KALAMBAG! 🌸Women in Leadership: Kababaihan sa Pamumuno at Pagbabago

Ngayong Women’s Month, pag-uusapan natin ang mahalagang papel ng kababaihan sa pamumuno at pagpapaunlad ng lipunan.

Paano nga ba nahuhubog ang kababaihan upang maging mga lider? Ano ang papel ng edukasyon sa paglinang ng kakayahan ng mga kabataang babae?

Samahan ang KALAMBAG youth sa isang makabuluhang talakayan tungkol sa leadership, representasyon, at ang papel ng kabataan sa pagsusulong ng mas inklusibong pamumuno.

📅 March 14, 2026 | ⏰ 1:00PM - 2:00PM
📍 Kalambag's Official page
📺 E-Net Philippines
📡 LAPIS SeeSaw Channel

🎥 Replays Available on YouTube:

07/03/2026

LIVE! KALAMBAG! 🌸Women’s Month: Kababaihan sa Edukasyon at Lipunan

Ngayong Marso, ginugunita natin ang Women’s Month - isang pagdiriwang upang kilalanin ang mahalagang papel ng kababaihan sa kasaysayan at lipunan.

Madalas nating marinig na ang edukasyon ay susi sa magandang kinabukasan. Pero paano nga ba nakakatulong ang edukasyon sa pagpapalakas ng kababaihan at sa pagpapalawak ng kanilang mga oportunidad?

Sa episode na ito, pag-uusapan ng KALAMBAG youth ang koneksyon ng edukasyon, women’s empowerment, at ang papel ng kabataan sa pagsusulong ng mas ligtas at makatarungang espasyo para sa lahat.

📅 March 7, 2026 | ⏰ 1:00PM - 2:00PM
📍 Kalambag's Official page
📺 E-Net Philippines
📡 LAPIS SeeSaw Channel

🎥 Replays Available on YouTube:
👉 https://youtube.com/

04/03/2026

🎵𝙒𝙝𝙤 𝙧𝙪𝙣 𝙩𝙝𝙚 𝙬𝙤𝙧𝙡𝙙? 𝙂𝙞𝙧𝙡𝙨!🎵

Ngayong Marso, ating ginugunita ang kababaihan dahil ngayon ay Women's Month. Ang kanilang talino, mga karangalan, at ang kanilang pagkatao ay mga mahahalagang salik na nagtulak ng pagbabago sa ating lipunan. Nawa'y hindi lang ngayong Marso ating kilalanin ang kababaihan ngunit araw-araw!💜

Upang 100% maipakita ang ating suporta sa month-long celebration na ito, maaaring gamitin ang profile picture frame na ito:

twibbonize.com/nwmc2026

Sa kababaihan, be proud dahil hindi ka babae lang, babae ka!

03/03/2026

Pagbati, Grade 7 students!🐝

Ika nga nila, "busy as a bee", at grabe ang pagiging busy ng grade 7 students para sa kanilang winning entry sa Field Demonstration 2026 na Buyogan Festival!

Hep, hep, fun fact, Felicians: ang Buyogan Festival ay isang representasyon ng makulay na komunidad ng Abuyog, Leyte at ang koneksiyon nila sa kalikasan, lalong lalo sa mga bubuyog!

Muli, pagbati grade 7 students! Pagbati at salamat din sa kanilang grade 7 MAPEH teachers na full-force sa pagtuturo😉

28/02/2026

26/02/2026

Heto naman ang official vote count, Felicians!

Tingnan kung ilan ang bumoto sa bawat kandidato at kung ilan ang sumali sa ating eleksyon😉

Muli, inyong pakatatandaan na ang eleksyon na kagaya nito ay ang paraan ng bawat isa upang ipahayag ang kanilang saloobin at opinyon. Ito ay ating karapatan, at mayroon tayong dapat panindigan. Kaya sa susunod na eleksyon, gamitin natin nawa nang maayos ang karapatang ito!

26/02/2026

The long-awaited result is here!

Felicians, heto na ang mga susunod na SSLG officers para sa taong panuruan 2026-2027. Mga lider-estudyante na hinubog at sinubok ng panahon ngunit nanatiling tapat at totoo sa kanilang misyon!

Sa lahat ng tumulong at naging parte ng pagbabago, taos-pusong pasasalamat ang aming ibinibigay sa inyo. Tandaan na ang eleksyon ay isa sa mga paraan upang marinig ang boses ng bawat isa bilang mamamayan😉

Padayon, Felicians!

25/02/2026

Mabuhay, EDSA!🎗

Ngayon ay ating ginugunita ang ika-40 taong anibersayo ng EDSA People Power Revolution—isang sigaw ng iba't ibang boses ng mga Pilipino laban sa rehimeng diktatoryal.

Nawa'y huwag nating kalimutan ang kasaysayan at gamitin ito upang pundasyon ng ating mga desisyon sa mga darating na karanasan at problemang panlipunan.

Padayon, Felicians!

19/02/2026

The election's over and the results are in....pero secret muna, hehe

Yes, Felicians, tapos na ang ating SSLG election para sa school year 2026-2027.

Mananalo kaya ang mga ibinoto niyo? Uupo kaya ang mga tunay at kayang maglingkod? Ating alamin yan sa February 27!

Konting tiis na lang, Felicians 😉