National Capital Region Command

31/08/2026

Ngayong Pambansang Araw ng mga Bayani, pinararangalan natin ang mga Pilipinong nag-alay ng kanilang buhay, talino, at lakas para sa kalayaan at kapakanan ng bansa.
‎
‎Nawa’y patuloy nating isabuhay ang kanilang tapang, pagkakaisa, at malasakit sa pamamagitan ng tapat na paglilingkod sa kapwa at sa bayan.
‎
‎Mabuhay ang mga bayaning Pilipino!

31/08/2026

ARAW NG NGA BAYANI 🇵🇭 | The Philippine Navy joins the nation in honoring the courage, sacrifice, and service of all Filipino heroes who dedicated their lives to the country.

As we remember their legacy, the Philippine Navy remains committed to carrying forward the same spirit of patriotism and selfless service in safeguarding our nation and its people.

Mabuhay ang mga Bayaning Pilipino!

PN @128: Modern and Ready, Strong and Steady — Credible in Mission, Always Mission-Ready

31/08/2026

31/08/2026

31/08/2026

31/08/2026

31/08/2026

The 11th Civil-Military Operations “Kaugnayan” Battalion joins the nation in paying tribute to all heroes who have selflessly served, sacrificed, and stood for the Filipino people.
With this year’s theme, “Diwa ng Kabayanihan, Lakas ng Sambayanan,” we honor not only the heroes of our history but also the everyday heroes who continue to embody courage, compassion, and love for country through their service to others.
May their sacrifices inspire us to uphold the same spirit of kabayanihan, unity, and service to the nation.
Saludo kami sa lahat ng tunay na bayani! 🇵🇭

31/08/2026

Araw ng mga Bayani —Hukbong Himpapawid

“Not all heroes wear capes. Some wear the uniform.”

Sa Araw ng mga Bayani, ating pinararangalan ang mga bayaning nag-alay ng buhay para sa kalayaan at kinabukasan ng ating bayan.

Kabilang dito ang Hukbong Himpapawid na buong tapang na nagbabantay sa himpapawid, tumutugon sa sakuna, nagbibigay ng humanitarian assistance, at naglilingkod para sa kaligtasan at seguridad ng bansa.

Sa bawat misyon at sakripisyo, ipinapakita nilang ang tunay na kabayanihan ay pusong handang maglingkod para sa kapwa at bayan.

Saludo sa mga bayani ng kasaysayan at sa mga makabagong bayani ng Hukbong Himpapawid! 🇵🇭✈️

30/08/2026

‎
‎𝐍𝐂𝐑𝐂𝐎𝐌, 𝐀𝐅𝐏, 𝐏𝐀𝐓𝐔𝐋𝐎𝐘 𝐒𝐀 𝐑𝐄𝐋𝐈𝐄𝐅 𝐀𝐓 𝐑𝐄𝐒𝐂𝐔𝐄 𝐎𝐏𝐄𝐑𝐀𝐓𝐈𝐎𝐍𝐒 𝐏𝐀𝐑𝐀 𝐒𝐀 𝐌𝐆𝐀 𝐀𝐏𝐄𝐊𝐓𝐀𝐃𝐎 𝐍𝐆 𝐇𝐀𝐁𝐀𝐆𝐀𝐓

‎ 𝐾𝐴𝑀𝑃𝑂 𝐻𝐸𝑁𝐸𝑅𝐴𝐿 𝐸𝑀𝐼𝐿𝐼𝑂 𝐴𝐺𝑈𝐼𝑁𝐴𝐿𝐷𝑂, 𝑄𝑈𝐸𝑍𝑂𝑁 𝐶𝐼𝑇𝑌 — Patuloy ang relief at rescue operations ng National Capital Region Command (NCRCOM), AFP para sa mga komunidad na naapektuhan ng Southwest Monsoon o Habagat at Low Pressure Area (LPA) sa Malabon at Marikina City noong Agosto 29–30, 2026.
‎
‎Sa Malabon City, nagbigay ang mga tauhan ng 11th Civil-Military Operations Battalion (11CMOBn) ng manpower assistance sa pamamahagi ng food packs sa mga evacuation center na matatagpuan sa Potrero Elementary School, Bagong Lote Elementary School, at Tinajeros Elementary School. Sa pakikipagtulungan sa mga lokal na awtoridad, naging maayos at organisado ang paghahatid ng tulong sa mga residenteng napilitang lumikas dahil sa pagbaha.
‎
‎Ngayung Agosto 30, nakibahagi rin ang mga tauhan ng 3rd Marine Rifle Battalion (3MRBn) at 11CMOBn, kasama si Malabon City Mayor Jeannie N. Sandoval, sa pamamahagi ng relief food packs sa Dampalit Elementary School Main.
‎
‎Samantala, nagsagawa ang mga rescue team na galing sa isang kompanya ng 5CMOBn at 12CMOBn ng Humanitarian Assistance and Disaster Response (HADR) at rescue operations sa Barangay Sto. Niño at Barangay Malanday sa Marikina City, katuwang ang mga opisyal ng barangay at iba pang disaster responders.
‎
‎Sa naturang operasyon, kabuuang 1,711 indibidwal o 348 pamilya ang ligtas na nailikas. Kabilang dito ang 879 indibidwal o 188 pamilya mula sa Barangay Sto. Niño na dinala sa Sto. Niño High School, at 832 indibidwal o 160 pamilya mula sa Barangay Malanday na inilikas sa Sto. Niño Elementary School.
‎
‎Ang mga operasyong ito ay bahagi ng nagpapatuloy na pagtugon ng NCRCOM, AFP sa epekto ng Habagat sa Metro Manila. Sa pamamagitan ng mabilis na koordinasyon sa mga lokal na pamahalaan, mga opisyal ng barangay, at iba pang disaster-response agencies, patuloy na naghahatid ang Command ng agarang tulong at suporta sa mga pamilyang apektado ng kalamidad.
‎
‎
‎
‎
‎
‎
‎
‎
‎

29/08/2026

NCRCOM, SA PAMAMAGITAN NG 12TH CMO BATTALION, NAGSAGAWA NG RESCUE AT EVACUATION OPERATIONS SA GITNA NG HABAGAT

KAMPO HENERAL EMILIO AGUINALDO, QUEZON CITY — Bilang bahagi ng patuloy na humanitarian assistance and disaster response operations ng National Capital Region Command (NCRCOM), agarang nagsagawa ang 12th Civil-Military Operations Battalion (12CMOBn) ng rescue, evacuation, at relief operations sa mga komunidad na naapektuhan ng pagbaha sa Marikina at Caloocan City noong ika-29 ng Agosto 2026.

Sa Barangay 176-A, Bagong Silang, Caloocan City, nagsagawa ang mga tauhan ng monitoring at assessment sa mga lugar na naapektuhan ng biglaang pagbaha. Umabot sa 74 na pamilya o 296 na indibidwal ang paunang inilikas sa ligtas na lugar sa Phase 4.

Patuloy ding nakipag-ugnayan ang yunit sa pamahalaang barangay upang matiyak ang ligtas at maayos na paglikas ng iba pang residenteng nanganganib dahil sa posibleng patuloy na pagtaas ng tubig.

Sa Barangay 176-B, nagsagawa naman ang mga tauhan, katuwang ang Barangay Task Force, ng rescue at evacuation operations. Tinulungan nilang makalikas ang mga residente mula sa kanilang mga tahanan at makapunta sa mga itinakdang ligtas na lugar. Nagbigay rin sila ng gabay hinggil sa wastong pamamaraan ng paglikas upang matiyak ang kaligtasan ng mga apektadong pamilya.

Samantala, nagsagawa rin ang 12CMOBn ng rescue at evacuation operations sa Barangay Malanday, Marikina City. Katuwang ang mga opisyal at responder ng barangay, tinulungan ng mga tauhan ang mga residenteng makalikas patungo sa Malanday Elementary School at iba pang evacuation center.

Bilang bahagi ng relief assistance, tumulong din ang mga tauhan sa pamamahagi ng pagkain at 3,000 bote ng mineral water sa mga pamilyang pansamantalang nanunuluyan sa Malanday Elementary School.

Nananatiling nakaantabay ang NCRCOM at mga yunit nito at patuloy na nakikipag-ugnayan sa mga lokal na pamahalaan at iba pang katuwang na ahensiya. Patuloy din ang pagmamanman sa mga lugar na binaha, pagtataya sa antas ng tubig, at paghahanda para sa posibleng karagdagang rescue, evacuation, at relief operations sa Metro Manila.

Sa harap ng masamang panahon, nananatiling handa ang NCRCOM, katuwang ang 12th CMO Battalion, sa pagtiyak sa kaligtasan at agarang pagtugon sa pangangailangan ng mga apektadong mamamayan.