DSWD Walang Gutom Program

02/09/2026

Walang Gutom Update

Lumahok ang mga benepisyaryo ng Walang Gutom Program sa ginanap na Job Fair: World Café of Opportunities sa Ayala Malls Capitol Central, Bacolod City.

Sa pangunguna ng Provincial Government of Negros Occidental at Public Employment Service Office (PESO), katuwang ang Technical Education and Skills Development Authority (TESDA), nabigyan ang mga kalahok ng pagkakataong makahanap ng trabaho at iba pang oportunidad sa kabuhayan.

Alamin ang buong kaganapan sa Walang Gutom Update.

02/09/2026

TINGNAN: Makikita sa ngiti ni Tatay Bienvenido, 80, mula Sorsogon City, Sorsogon, ang pasasalamat nang matanggap niya ang kaniyang food package sa isinagawang Food Redemption Activity ng Walang Gutom Program.

Bilang ama ng siyam na anak, malaking dagdag na suporta para sa kaniyang sambahayan ang buwanang food commodities na natatanggap niya sa programa.

“Mas matiwasay po ang pag-iisip ko. Ngayon, mas may kumpiyansa akong maitawid ang pang-araw-araw na pangangailangan,” pahayag ni Tatay Bienvenido.

Patuloy na nagbibigay ng karagdagang suporta ang Walang Gutom Program sa mga sambahayang higit na nangangailangan, kabilang ang mga senior citizen na tulad ni Tatay Bienvenido.

02/09/2026

TINGNAN: Noong Araw ng mga Bayani, Agosto 31, tumanggap ng kaniyang buwanang food commodities si Tatay Miguel, 62, mula sa Quezon, Bukidnon, sa isinagawang Food Redemption activity.

Patuloy siyang nagsusumikap sa bukid upang matustusan ang pangangailangan ng kaniyang sambahayan. Sa tulong ng Walang Gutom Program, mayroon siyang dagdag na suporta para sa kanilang pang-araw-araw na pagkain.

Sa bawat araw ng pagtatrabaho at pag-aaruga sa sambahayan, si Tatay Miguel ay isang bayani sa sarili niyang paraan.

02/09/2026

TINGNAN: Patuloy na nagsisikap si Tatay Leoncio, 70 taong gulang, mula sa Sta. Barbara, Iloilo, upang matustusan ang pangangailangan ng kaniyang sambahayan sa pamamagitan ng pananahi at pagbebenta ng sorbetes.

Sa tulong ng DSWD Walang Gutom Program, mayroon siyang dagdag na suporta para sa kanilang pangangailangan sa pagkain. Nitong ika-28 ng Agosto, nakilahok si Tatay Leoncio sa Food Redemption Activity upang makapili ng mga pagkaing kailangan ng kanilang sambahayan.

Sa pamamagitan ng Walang Gutom Program, patuloy na nagbibigay ng karagdagang suporta sa pagkain ang DSWD sa mga sambahayang patuloy ding nagsisikap na itaguyod ang kanilang kabuhayan.

31/08/2026

TINGNAN: Para kay Tatay Edecio Balbiran, 68, benepisyaryo ng Walang Gutom Program mula sa Catigbian, Bohol, malaking tulong ang programa sa kanilang pang-araw-araw na pangangailangan sa pagkain. Bilang magsasaka ng palay, patuloy siyang nagsisikap kasama ang kaniyang asawa upang matugunan ang kanilang pangangailangan sa araw-araw.

Ayon kay Tatay Edecio, mas na-appreciate nila ng kaniyang asawa ang suporta ng Walang Gutom Program dahil nakatutulong ito upang magkaroon sila ng sapat at masustansiyang pagkain habang ipinagpapatuloy nila ang kanilang kabuhayan sa pagsasaka.

31/08/2026

TINGNAN: Ibinahagi ni Nanay Mayracle, 34 taong gulang at benepisyaryo ng DSWD Walang Gutom Program mula Passi City, Iloilo, ang kaniyang kuwento ng pag-asa sa ginanap na Food Redemption activity noong Agosto 26, 2026. Bilang isang ina ng apat na anak, patuloy niyang itinataguyod ang kanilang pag-aaral at pang-araw-araw na pangangailangan sa pamamagitan ng kaniyang “Buy and Sell” na negosyo. Ayon sa kaniya, malaking tulong ang Walang Gutom Program sa pagkain ng kanilang sambahayan at sa pag-aaral ng kaniyang mga anak.

“Sana po mas marami pang pamilya, lalong-lalo na ang mga PWD na kagaya ko, ang matulungan ng Walang Gutom Program. Malaking tulong po talaga ito,” pahayag ni Nanay Mayracle.

Sa tulong ng Walang Gutom Program, mas natutugunan ng mga sambahayan ang kanilang pang-araw-araw na pangangailangan sa pagkain habang patuloy silang nagsisikap para sa kanilang kabuhayan.

31/08/2026

Rollout ng UPLIFT Assistance, Simula na Next Week

Para sa milyun-milyong kwalipikadong benepisyaryo ng UPLIFT Assistance, nakatakda na ang pamamahagi ng cash assistance bilang bahagi ng mga hakbang ng pamahalaan para mabawasan ang epekto ng inflation at mapanatili ang purchasing power ng mga pamilyang higit na nangangailangan.

Ibinahagi ni DSWD Secretary REX Gatchalian na sisimulan na sa susunod na linggo ang pamamahagi ng UPLIFT Assistance para sa iba’t ibang grupo ng mga benepisyaryo. Kabilang dito ang manual payout para sa Group 2 bilang bahagi ng validation at enrollment sa kanilang napiling digital disbursement account, crediting para sa Group 3 sa pakikipagtulungan ng Philippine Social Security System - SSS at Land Bank of the Philippines at pamamahagi ng cash assistance sa mga benepisyaryo ng Pantawid Pamilyang Pilipino Program - 4Ps at ng DSWD Walang Gutom Program.

Bahagi ito ng patuloy na pagpapahusay ng DSWD sa sistema ng pamamahagi ng cash assistance para maging mas mabilis, mas ligtas at mas episyente ang paghahatid ng serbisyo sa mga kwalipikadong benepisyaryo, bilang pagtalima sa kautusan ni Pangulong Ferdinand R. Marcos Jr.

❤️

31/08/2026

Pinabulaanan ni DSWD Secretary REX Gatchalian ang ilang kumakalat na pahayag ng mga nakatanggap ng ayuda. Ito ay sa gitna ng pamamahagi ng ayuda sa mga apektado ng baha.

Dagdag pa ni Secretary Gatchalian, lahat ng produkto na ibinibigay ng ahensiya ay dumadaan sa competitive bidding, at pumasa sa standards ng DOST at FNRI.

Panoorin ang buong panayam: https://www.youtube.com/watch?v=5DxTDZYWisI

Pinabulaanan ni DSWD Sec. Rex Gatchalian ang ilang kumakalat na pahayag ng mga nakatanggap ng ayuda. Ito ay sa gitna ng pamamahagi ng ayuda sa mga apektado ng baha.

Dagdag pa ni Gatchalian, lahat ng produkto na ibinibigay ng ahensiya ay dumadaan sa competitive bidding, at pumasa sa standards ng DOST at FNRI.

Panoorin ang buong panayam: https://www.youtube.com/watch?v=5DxTDZYWisI

31/08/2026

PHP797.80 LANG ANG HALAGA NG BAWAT KAHON NG PREPACKED FAMILY FOOD PACK
KAYA MALI ANG PINALALABAS SA ISANG SOCIAL MEDIA POST NA PHP1,503.84 ANG HALAGA NG BAWAT PREPACKED FAMILY FOOD PACK O FFP NG DSWD.
Ang itinakdang Php1,503.84 kada kahon ng prepacked FFP ay ang maximum price na pwedeng i-presyo ng mga interesadong bidders o suppliers.
Sa naturang bidding, ang “2 Go Global International Corporation” ang may pinakamurang presyo na Php797.80 bawat kahon ng FFP na prepacked.
Dumadaan sa “competitive bidding” ng DSWD ang lahat ng procurement ng family food packs kung saan ang may LOWEST price bid offer at COMPLIANT sa mga specifications at iba pang requirements ang idinideklarang Bid Winner.
Kabilang sa Php797.80 halaga ng prepacked family food pack ang delivery cost, manpower at ang mga sumusunod:
6 kilos of rice
4 cans of corned beef
4 cans of tuna
2 cans of sardines
5 sachets 3-in-1 coffee
5 sachets of powdered choco malt
Regular slotted carton
Vacuum Rice Bag
Packaging Tape
Stretch Film
Ang lahat ng procurement ng DSWD ay TRANSPARENT at dumadaan sa masusing proseso alinsunod sa Republic Act (R.A.) 12009 o ang New Government Procurement Act.
Para sa kumpletong bidding documents at transparency, visit procurement.dswd.gov.ph
Maraming salamat sa inyong pagtitiwala.
❤️

PHP797.80 LANG ANG HALAGA NG BAWAT KAHON NG PREPACKED FAMILY FOOD PACK

KAYA MALI ANG PINALALABAS SA ISANG SOCIAL MEDIA POST NA PHP1,503.84 ANG HALAGA NG BAWAT PREPACKED FAMILY FOOD PACK O FFP NG DSWD.

Ang itinakdang Php1,503.84 kada kahon ng prepacked FFP ay ang maximum price na pwedeng i-presyo ng mga interesadong bidders o suppliers.

Sa naturang bidding, ang “2 Go Global International Corporation” ang may pinakamurang presyo na Php797.80 bawat kahon ng FFP na prepacked.

Dumadaan sa “competitive bidding” ng DSWD ang lahat ng procurement ng family food packs kung saan ang may LOWEST price bid offer at COMPLIANT sa mga specifications at iba pang requirements ang idinideklarang Bid Winner.

Kabilang sa Php797.80 halaga ng prepacked family food pack ang delivery cost, manpower at ang mga sumusunod:

6 kilos of rice
4 cans of corned beef
4 cans of tuna
2 cans of sardines
5 sachets 3-in-1 coffee
5 sachets of powdered choco malt
Regular slotted carton
Vacuum Rice Bag
Packaging Tape
Stretch Film

Ang lahat ng procurement ng DSWD ay TRANSPARENT at dumadaan sa masusing proseso alinsunod sa Republic Act (R.A.) 12009 o ang New Government Procurement Act.

Para sa kumpletong bidding documents at transparency, visit procurement.dswd.gov.ph

Maraming salamat sa inyong pagtitiwala.

❤️

31/08/2026

Ngayong Araw ng mga Bayani, binibigyang-pugay natin ang mga bayaning nag-alay ng kanilang buhay, tapang, at paglilingkod para sa bayan. Kasama rin sa ating pagpupugay ang mga Pilipinong patuloy na nagsisikap, nagmamalasakit, at gumagawa ng paraan para sa kanilang sambahayan at komunidad. Sa kanilang araw-araw na pagsisikap at malasakit, naipapakita rin ang diwa ng pagiging bayani at ang ambag sa pagbuo ng isang mas matatag na bayan.

Sa diwa ng paglilingkod at malasakit, patuloy ang paghahatid ng serbisyo ng Department of Social Welfare and Development - DSWD at ng Walang Gutom Program upang masuportahan ang mga sambahayan sa pagkakaroon ng sapat at masustansyang pagkain, alinsunod sa direktiba ni Pangulong Bongbong Marcos na walang sambahayang Pilipino ang magugutom sa Bagong Pilipinas.