Barangay Quirino 2A

07/09/2026

𝐁𝐀𝐑𝐀𝐍𝐆𝐀𝐘 𝐐𝐔𝐈𝐑𝐈𝐍𝐎 𝟐𝐀 - 𝐐𝐔𝐄𝐙𝐎𝐍 𝐂𝐈𝐓𝐘 𝐋𝐎𝐂𝐀𝐋 𝐆𝐎𝐕𝐄𝐑𝐍𝐌𝐄𝐍𝐓 | 𝐐𝐂 𝟎𝟏𝟖

𝐁𝐀𝐒𝐀𝐇𝐈𝐍: Magandang araw, Mga Ka-Barangay! Ngayong araw ay pormal po nating tinanggap ang bagong ambulansiya ng Barangay Quirino 2A.

Ang makabagong ambulansiyang ito ay malaking tulong upang higit nating mapahusay ang ating serbisyo, lalo na sa pagtugon sa mga emergency at pangangailangang medikal ng ating mga residente.

Mga Ka-Barangay, ang bagong ambulansiyang ito ay magsisilbing dagdag na katuwang ng ating Barangay upang maging mas mabilis, mas episyente, at mas maaasahan ang ating pagtugon at paglilingkod sa ating nasasakupan.

Taos-puso po ang aming pasasalamat sa mga taong naging katuwang upang maisakatuparan ang mahalagang dagdag-serbisyong ito para sa ating komunidad Mayor Joy Belmonte, Vice Mayor Gian Sotto, Konsi Mari Rodriguez at Sir Ricky Corpuz.

Maraming maraming salamat po sa inyong suporta, malasakit, at patuloy na pagtulong sa Barangay Quirino 2A!

Ang bagong ambulansiyang ito ay hindi lamang isang sasakyan—ito ay dagdag na pag-asa, agarang tulong, at serbisyong handang rumesponde para sa ating mga Ka-Barangay.

Marian Alvarez Garlit
Punong Barangay
at buong Konseho

05/09/2026

𝐋𝐓𝐎 𝐎𝐍 𝐖𝐇𝐄𝐄𝐋𝐒 | 𝐁𝐀𝐑𝐀𝐍𝐆𝐀𝐘 𝐐𝐔𝐈𝐑𝐈𝐍𝐎 𝟐𝐀

𝐁𝐀𝐒𝐀𝐇𝐈𝐍: Mga ka-barangay! UY! MAY NAGBABALIK! Muling aarangkada ang LTO ON WHEELS sa ating Barangay!

Kung nais ninyong mag-avail ng mga serbisyo ng LTO, ito na ang inyong pagkakataon upang makapag-transact nang mas mabilis at mas malapit sa inyong komunidad.

Para sa PRE-REGISTRATION, makipag-ugnayan lamang sa ating Barangay Secretary Francis Guerrero upang makapagpalista at maasikaso ang inyong aplikasyon bago ang itinakdang araw ng serbisyo.

Huwag nang maghintay sa huling minuto. Magpalista na at samantalahin ang serbisyong hatid ng LTO sa ating barangay!

Ang programang ito ay bahagi ng taunang proyekto ni Punong Barangay Marian Alvarez Garlit na naglalayong ilapit ang mga pangunahing serbisyo ng Barangay sa bawat residente.

Paalala: Kailangan po munang makapagpasa ang Opisina ng Barangay ng listahan ng mga PRE-REGISTERED APPLICANTS bago mabigyan ng SCHEDULED DATE ang mga aplikante.

Hinihiling po ang inyong pang-unawa at pakikiisa upang maging maayos at organisado ang proseso.

Kita-kits, mga Ka-Barangay!

02/09/2026

𝐓𝐑𝐀𝐒𝐇 𝐓𝐎 𝐂𝐀𝐒𝐇𝐁𝐀𝐂𝐊 𝐓𝐑𝐀𝐃𝐈𝐍𝐆

𝐀𝐍𝐔𝐍𝐒𝐘𝐎: Mga ka-barangay! Inaanyayahan po namin ang lahat na makiisa muli sa ating buwanang skedyul ng Trash to Cashback Trading na gaganapin sa:

Date: September 8, 2026
Time: 8:00 AM -12:00 Noon
Venue: Quirino 2A Multi-purpose Hall

Dalhin lamang po ang inyong mga recyclable materials o kalakal tulad ng bote, plastik, papel, lata, at iba pang maaaring i-recycle. Ang mga ito ay may katumbas na points na maaari ninyong maipon.

Mas maraming kalakal, mas maraming points!

Maaari rin po kayong makatanggap ng libreng bigas at iba pang benepisyo kapalit ng inyong naipong puntos.

Layunin ng programang ito na mapanatiling malinis ang ating kapaligiran habang nagbibigay ng dagdag benepisyo sa ating mga residente.

Maglinis ng kapaligiran, kumita pa!

Marian Alvarez Garlit
Punong Barangay
Kgd Alan Gelido - Comm on Solid Waste Mgmt at buong Konseho

Kita-kits po tayo, mga ka-barangay!

01/09/2026

𝐀𝐈𝐑 𝐐𝐔𝐀𝐋𝐈𝐓𝐘 𝐀𝐃𝐕𝐈𝐒𝐎𝐑𝐘 | 𝐁𝐀𝐑𝐀𝐍𝐆𝐀𝐘 𝐐𝐔𝐈𝐑𝐈𝐍𝐎 𝟐𝐀

𝐁𝐀𝐒𝐀𝐇𝐈𝐍: Magandang araw, mga ka-barangay! Pinapayuhan po ang lahat na magsuot ng facemask, lalo na ang mga papasok sa paaralan at trabaho bukas, bilang pag-iingat dahil sa kasalukuyang kalidad ng hangin batay sa Air Quality Advisory ng Quezon City Government.

Para naman sa ating mga senior citizens, PWD, may asthma at iba pang respiratory conditions, hinihikayat po na manatili muna sa loob ng bahay hangga’t maaari.

Unahin po natin ang kalusugan at kaligtasan ng bawat isa. 💙

Maraming salamat po, mga ka-barangay!

Marian Alvarez Garlit
Punong Barangay
at buong Konseho

31/08/2026

STAY SAFE po ang lahat..
Huwag kalimutang magface mask

| Alinsunod sa Local Government Memorandum Circular No. 3, s. 2025, suspendido ang face-to-face classes sa lahat ng PAMPUBLIKONG PAARALAN sa Quezon City ngayong September 1, 2026, kabilang ang:

• Child Development Centers
• Kindergarten
• Grades 1–12
• Alternative Learning System (ALS)

Base sa latest Air Quality Index (AQI), nagtala ng Very Unhealthy at Acutely Unhealthy ang mga air quality sensors ng lungsod. Sa kasalukuyan, may 68 air sensors na nakapwesto sa iba-ibang bahagi ng lungsod.

Sa ganitong antas ng air pollution, maaaring magkaroon ng ubo, pangangati ng airways, at hirap sa paghinga, lalo na sa mga taong may asthma o iba pang respiratory conditions.

Batay sa kasalukuyang assessment, ang pagtaas ng air pollution sa ilang bahagi ng bansa, kabilang ang National Capital Region, ay posibleng may kaugnayan sa smoke o haze mula sa mga nagaganap na sunog sa Kalimantan, Indonesia.

Ang suspensyon ng klase sa PRIVATE SCHOOLS at HIGHER EDUCATION INSTITUTIONS ay nakabatay sa desisyon ng pamunuan ng paaralan. Gayunpaman, para sa kaligtasan ng mga g**o at mag-aaral, hinihikayat ang pagsunod sa national o localized suspension.

Pinapayuhan ang lahat na magsuot ng face mask at bawasan ang oras at pisikal na aktibidad sa labas. Mangyaring subaybayan ang mga susunod na anunsyo para sa karagdagang impormasyon.

Para sa emergency at kinakailangan ng agarang tulong, tumawag lamang sa HELPLINE 122.

Mag-ingat po tayong lahat.

31/08/2026

𝙈𝙖𝙜𝙖𝙣𝙙𝙖𝙣𝙜 𝙪𝙢𝙖𝙜𝙖 𝙥𝙤 𝙢𝙜𝙖 𝙠𝙖𝙗𝙖𝙧𝙖𝙣𝙜𝙖𝙮

Baka po may nawawala kayong fur baby.
Siya po Ngayon ay nasa pangangalaga ng ating Barangay.
Kung sino man po ang may ari pwede nio po itong I claim ano mang Oras magdala lang po ng proof na kayo po ang fur parent.

Marian Alvarez Garlit
Punong Barangay
At buong konseho

29/08/2026

𝐙𝐎𝐍𝐄 𝐌𝐀𝐒𝐒

𝐏𝐀𝐀𝐍𝐘𝐀𝐘𝐀: Magandang araw, mga ka-barangay! Kayo po ay malugod naming inaanyayahan na makiisa at dumalo sa ating gaganaping ZONE MASS ngayong darating na September 1, 2026 (Tuesday), sa ganap na alas-7:00 ng gabi (7:00 PM), na gaganapin sa 42 Marang Street – Ong Residence.

Ang Banal na Misa ay pamumunuan po ni Rev. Fr. Gido Dumlao, Parish Priest of St. Joseph Shrine.

Ang paanyaya pong ito ay hatid sa inyo ni Punong Barangay Marian Alvarez Garlit, Kgd. Alan Gelido kasama ng buong Konseho. Maraming Salamat po!

29/08/2026

𝐖𝐄𝐀𝐓𝐇𝐄𝐑 𝐀𝐃𝐕𝐈𝐒𝐎𝐑𝐘 | 𝐐𝐔𝐈𝐑𝐈𝐍𝐎 𝟐-𝐀

𝐁𝐀𝐒𝐀𝐇𝐈𝐍: Mga ka-barangay! Patuloy pa rin po tayong nagmomonitor ng antas ng Buaya Creek ngayong maulan na hapon.

Sa ngayon po, narito tayo sa ating mga low-lying areas upang personal na kumustahin at paalalahanan ang ating mga residente tungkol sa posibleng pagtaas ng tubig sa Buaya Creek dulot ng patuloy na pag-ulan.

Maging mapagmatyag at laging handa. Kung patuloy na tataas ang tubig at kinakailangang lumikas, bukas po ang ating evacuation area anumang oras para sa mga residenteng nangangailangan ng ligtas na lugar.

Hinihikayat po ang lahat na makinig sa mga opisyal na abiso ng Barangay at agad na makipag-ugnayan sa ating mga Barangay Officials kung kinakailangan ng tulong.

Kaligtasan po ng bawat pamilya ang ating pangunahing prayoridad.

Manatiling alerto, maging handa, at magtulungan tayo, mga ka-barangay!

Marian Alvarez Garlit
Punong Barangay
at buong Konseho

29/08/2026

𝐖𝐄𝐀𝐓𝐇𝐄𝐑 𝐀𝐃𝐕𝐈𝐒𝐎𝐑𝐘 | 𝐐𝐔𝐈𝐑𝐈𝐍𝐎 𝟐-𝐀

𝐁𝐀𝐒𝐀𝐇𝐈𝐍: Magandang araw, mga ka-barangay!

Kasalukuyan pong mahigpit na mino-monitor ng ating Barangay ang kalagayan ng ating mga residente, partikular na ang mga nasa low-lying areas.

Kaninang 11:52 AM, nakataas ang RED RAINFALL WARNING sa Metro Manila ayon sa NDRRMC, kaya hinihikayat po ang lahat na manatiling alerto at mag-ingat.

Patuloy din po nating binabantayan ang antas ng Buaya Creek. Kung sakaling patuloy itong tumaas at magkaroon ng banta ng pagbaha, handa at bukas ang ating Evacuation Center anumang oras para sa ating mga residenteng kailangang lumikas.

Manatiling ligtas, alerto, at updated sa mga opisyal na abiso ng ating Barangay.

Marian Alvarez Garlit
Punong Barangay
at buong Konseho

27/08/2026

FYI po...
Stay safe po ang lahat.

| Dahil sa inaasahang malakas na pag-uulang aabot sa 50-100 mm bukas, inirerekomenda ng Quezon City Disaster Risk Reduction and Management Council (QCDRRMC) ang suspensyon ng face-to-face classes sa mga PAMPUBLIKO at PRIBADONG PAARALAN sa Quezon City sa Biyernes, August 28, 2026 para sa:

• Child Development Centers
• Kindergarten
• Grades 1-12
• Alternative Learning System

Ipatutupad ang Alternative Delivery Modes of Learning (Synchronous / Asynchronous) upang masig**o ang patuloy na pagkatuto ng mga mag-aaral.

Ang suspensyon ng klase sa HIGHER EDUCATION INSTITUTIONS ay nakabatay sa pasya ng pamunuan ng eskwelahan. Gayunpaman, para sa kaligtasan ng mga g**o at mag-aaral, hinihikayat ang pagsunod sa national o localized suspension.

Pinapayuhan ang lahat na mag-ingat at manatili sa inyong tahanan kung kinakailangan para sa inyong kaligtasan.