DOH MIMAROPA - Office of the Regional Director

04/08/2026

2 SA BAWAT 10 PILIPINO ANG MAY ALLERGY, MGA BATANG PINOY KABILANG SA PINAKAMATAAS ANG KASO SA SOUTHEAST ASIA

Ayon sa Philippine Society of Allergy, Asthma, and Immunology (PSAAI), laganap ang iba't ibang uri ng allergy sa bansa, partikular na sa mga pagkain tulad ng shellfish at mga environmental triggers gaya ng alikabok. Maiiwasan ang matinding panganib ng anaphylaxis sa pamamagitan ng maagang pagkilala sa mga sintomas at pagtiyak na laging may dalang tamang gamot.

Tandaan: Sa oras ng matinding emergency at sintomas ng anaphylaxis, huwag mag-atubiling tumawag agad sa national emergency hotline o pumunta sa pinakamalapit na ospital.

National Emergency Hotline: 911

04/08/2026

📢 PABATID SA PUBLIKO

Ipinapaalam ng DOH MIMAROPA – Office of the Regional Director na, epektibo ngayong araw, ang lahat ng opisyal na anunsyo, balita, advisories, event coverage, at iba pang opisyal na komunikasyon ng DOH MIMAROPA Center for Health Development ay ipo-post na sa DOH MIMAROPA CHD Official page.

Mananatili sa page na ito ang lahat ng nauna nang na-post at maaari pa rin itong i-access bilang reference, gayundin para sa iba pang opisyal na layunin.

Inaanyayahan ang lahat na i-follow ang DOH MIMAROPA CHD Official page upang manatiling updated sa mga pinakabagong impormasyon at updates mula sa DOH MIMAROPA Center for Health Development.

Maraming salamat.

04/08/2026

𝐓𝐈𝐍𝐆𝐍𝐀𝐍 | Pinarangalan ang Department of Health MIMAROPA Center for Health Development, sa pamamagitan ng Integrated Non-Communicable Disease Prevention and Control (INCDPC) Cluster – Regional Voluntary Blood Services Program, ng Gawad Mapag-Unlak sa ginanap na 25th Pagkilala at Pasasalamat ng Philippine Children's Medical Center (PCMC) noong Hulyo 20, 2026 sa PCMC Multipurpose Hall.

Tinanggap ng DOH MIMAROPA CHD, sa katauhan nina Dr. Sahlee B. Montevirgen-Sajo, Cluster Head ng INCDPC, at Ms. Sheena C. Mingo, Regional Donor Recruitment Officer, ang Gawad Mapag-Unlak Award bilang pagkilala sa suporta ng 152 volunteer blood donors na nakiisa sa mga blood donation activities ng Regional Voluntary Blood Services Program, na nag-ambag sa pagpapanatili ng sapat at ligtas na suplay ng dugo para sa mga pasyenteng nangangailangan.

Ang 25th Pagkilala at Pasasalamat ay taunang programa ng Philippine Children's Medical Center na nagbibigay-pugay sa mga institusyon, tanggapan, at indibidwal na naging katuwang nito sa pagsusulong ng voluntary blood donation at sa pagpapatibay ng mga programang nakatutulong sa pagliligtas ng buhay sa pamamagitan ng blood donation.

Ang pagkilalang ito ay sumasalamin sa patuloy na dedikasyon ng DOH MIMAROPA CHD, ng Integrated Non-Communicable Disease Prevention and Control (INCDPC) Cluster – Regional Voluntary Blood Services Program, at ng mga volunteer blood donor sa pagsusulong ng voluntary blood donation at sa sama-samang layuning makatulong sa pagliligtas ng mas maraming buhay.

“𝑺𝒂 𝑩𝒂𝒈𝒐𝒏𝒈 𝑷𝒊𝒍𝒊𝒑𝒊𝒏𝒂𝒔, 𝑩𝒂𝒘𝒂𝒕 𝑩𝒖𝒉𝒂𝒚 𝑴𝒂𝒉𝒂𝒍𝒂𝒈𝒂;
𝑲𝒂𝒍𝒖𝒔𝒖𝒈𝒂𝒏 𝒔𝒂 𝒎𝒈𝒂 𝑰𝒔𝒍𝒂, 𝑲𝒂𝒚𝒂𝒎𝒂𝒏𝒂𝒏 𝒏𝒈 𝑴𝑰𝑴𝑨𝑹𝑶𝑷𝑨.”

03/08/2026

DOH: Iwasan ang Bulate, Gawin ang W.O.R.M.S.!

Paano protektahan ang sarili at pamilya laban sa soil-transmitted helminth (STH) infections? Tandaan ang W.O.R.M.S.:
W – Wash hands
O – Observe proper use of toilet
R – Reduce exposure to unwashed, uncooked, at undercooked foods
M – Mass deworming o magpurga
S – Slippers/Shoes

DOH: Iwasan ang Bulate, Gawin ang W.O.R.M.S.!

Paano protektahan ang sarili at pamilya laban sa soil-transmitted helminth (STH) infections? Tandaan ang W.O.R.M.S.:

W – Wash hands
O – Observe proper use of toilet
R – Reduce exposure to unwashed, uncooked, at undercooked foods
M – Mass deworming o magpurga
S – Slippers/Shoes

03/08/2026

𝐏𝐀𝐍𝐎𝐎𝐑𝐈𝐍 | Inaanyayahan ni DOH MIMAROPA Regional Director Dr. Rodolfo Antonio M. Albornoz ang lahat ngayong darating Agosto 10–28, 2026 upang makiisa sa LIGTAS TIGDAS: Measles-Rubella Supplemental Immunization Activity o MRSIA!

Para sa mga batang 6–59 buwan, dalhin sila sa pinakamalapit na health center o itinalagang vaccination site upang mabigyan ng dagdag na proteksyon laban sa tigdas at rubella.

03/08/2026

DOH, NAIPAMAHAGI NA ANG MAHIGIT 400K BOTE NG GAMOT PARA SA HIV
Detalye sa comment section.

03/08/2026

DOH: MAGING HANDA, ALERTO, AT LIGTAS SA ANUMANG SAKUNA

Ang sakuna ay maaaring dumating anumang oras. Mahalagang maging handa bago pa man ito mangyari.

Ihanda ang Emergency Go Bag, alamin ang ligtas na ruta at evacuation area, pag-usapan ang family emergency plan, at makinig lamang sa opisyal na abiso ng lokal na pamahalaan at mga kinauukulang ahensya.

Bago, habang, at pagkatapos ng sakuna, unahin ang kaligtasan at kalusugan ng pamilya at komunidad.

Kapag handa ang pamilya, mas ligtas ang tahanan. Kapag handa ang komunidad, mas mabilis ang pagbangon.

⚠️ DISCLAIMER: Ang ilang visual/audio elements sa video na ito ay binuo gamit ang tulong ng AI technology para sa layuning makapagbigay ng malinaw at kapaki-pakinabang na impormasyon.

02/08/2026

𝐓𝐈𝐍𝐆𝐍𝐀𝐍 | Sa patuloy na pagpapaigting ng maternal healthcare services sa mga Geographically Isolated and Disadvantaged Areas (GIDA), nagsagawa ang Department of Health MIMAROPA Center for Health Development, sa pamamagitan ng Family Health Cluster – Maternal Health Program, ng pagsasanay sa Point-of-Care Obstetric Ultrasonography (POCUS) para sa mga kinatawan ng Purok Kalusugan, Municipal Health Offices (MHO), at mga midwife na nagbibigay serbisyo sa mga IP mothers sa Cuyo, Agutaya, at Magsaysay, Palawan mula Hulyo 13 hanggang 17, 2026 sa Puerto Princesa City, Palawan. Isinagawa ang aktibidad sa pakikipagtulungan sa Life Matters International (LMI) upang mapalawak ang kakayahan ng mga healthcare worker sa pagbibigay ng mas maagap na prenatal care sa mga buntis sa malalayong komunidad.

Isinagawa ang pagsasanay bilang tugon sa patuloy na mataas na maternal mortality sa Palawan, na umabot sa 211 kada 100,000 live births noong 2024. Isa sa mga pangunahing hamon sa mga munisipalidad ng Cuyo, Agutaya, at Magsaysay ang limitadong access sa ultrasound at iba pang diagnostic services, na maaaring magdulot ng pagkaantala sa pagtukoy sa mga komplikasyon sa pagbubuntis. Sa pamamagitan ng POCUS, natutunan ng mga doktor, nars, at midwife ang tamang paggamit ng portable ultrasound machine upang masuri ang kalagayan ng pagbubuntis at agad na matukoy ang mga kondisyong nangangailangan ng agarang referral at mas mataas na antas ng pangangalaga.

Pinangunahan ng mga eksperto mula sa Life Matters International ang mga lecture, demonstration, at supervised hands-on sessions na tumalakay sa tamang paggamit ng ultrasound equipment, obstetric anatomy at scanning techniques, interpretasyon ng ultrasound findings, at wastong dokumentasyon ng resulta. Bahagi rin ng pagsasanay ang aktwal na ultrasound scanning sa mga buntis mula sa Puerto Princesa City bilang return demonstration upang mailapat ng mga kalahok ang kanilang mga natutuhan sa ilalim ng gabay ng mga trainers.

Dumalo sa aktibidad ang mga kinatawan ng DOH MIMAROPA CHD sa pangunguna nina Dr. Catherine Rose Dela Rosa, kasama ang mga kinatawan ng Provincial Department of Health Office (PDOHO) Palawan. Nagsilbi namang resource speakers at trainers sina Dr. Stefan Haller, Founder and Executive Director ng Life Matters International; Ms. Anne Adorio Haller, Ms. Jill Usie, at iba pa nitong kasamahan. Lumahok din sa pagsasanay ang mga doktor, nars, at midwife mula sa Municipal Health Offices ng Cuyo, Agutaya, at Magsaysay.

Mas magiging handa ang mga healthcare worker na gamitin ang Point-of-Care Obstetric Ultrasonography (POCUS) bilang bahagi ng regular na prenatal care sa mga komunidad na may limitadong access sa ultrasound services. Gayundin ang mas maagang pagtukoy sa mga pagbubuntis na nangangailangan ng agarang atensyong medikal at mas mapapabilis ang referral sa angkop na health facility upang mabigyan ng napapanahong pangangalaga ang mga ina at kanilang mga sanggol.

“𝑺𝒂 𝑩𝒂𝒈𝒐𝒏𝒈 𝑷𝒊𝒍𝒊𝒑𝒊𝒏𝒂𝒔, 𝑩𝒂𝒘𝒂𝒕 𝑩𝒖𝒉𝒂𝒚 𝑴𝒂𝒉𝒂𝒍𝒂𝒈𝒂;
𝑲𝒂𝒍𝒖𝒔𝒖𝒈𝒂𝒏 𝒔𝒂 𝒎𝒈𝒂 𝑰𝒔𝒍𝒂, 𝑲𝒂𝒚𝒂𝒎𝒂𝒏𝒂𝒏 𝒏𝒈 𝑴𝑰𝑴𝑨𝑹𝑶𝑷𝑨.”

31/07/2026

DOH: PARA SA MASUSTANSYANG PAGKAIN, SUBUKAN ANG URBAN GARDENING!

Ayon sa 2025 Updating of the Nutritional Status of Filipino Children and Other Population Groups ng DOST-FNRI, 32.6% o tatlo sa bawat sampung Pilipino ang nakararanas ng moderate to severe food insecurity o limitadong access sa sapat at masustansyang pagkain.

Dahil dito, hinihikayat ng DOH ang bawat pamilya na subukan ang urban gardening bilang isang praktikal na paraan upang magkaroon ng mas madaling access sa sariwa at masustansyang gulay at prutas, kahit sa maliit na espasyo sa bahay.

Narito ang limang simpleng tips upang makapagsimula:
1. Pumili ng angkop na lugar na may sapat na sikat ng araw.
2. Gumamit ng paso o recycled containers bilang taniman.
3. Magtanim ng gulay at prutas na madaling alagaan at angkop sa inyong lugar.
4. Alagaan nang regular ang mga tanim sa pamamagitan ng tamang pagdidilig at pag-aalaga.
5. Isama ang ani sa pang-araw-araw na pagkain bilang bahagi ng masustansyang pagkain.

30/07/2026

DOH: IHANDA ANG EMERGENCY GO BAG PARA SA BAGYONG KIYAPO AT HANGING HABAGAT

Sa pinakahuling weather advisory ng DOST-PAGASA, inaasahan ang malalakas na hangin at pag-ulan sa ilang mga bahagi ng Luzon, Visayas, at Mindanao dala ng Bagyong at Habagat.

Maaaring magdulot ang mga ito ng pagbaha sa mabababang lugar at sa mga komunidad na malapit sa mga ilog. Posible rin ang pagguho ng lupa sa mga matataas na lugar.

Makinig sa mga opisyal na abiso ng DOST-PAGASA at ng inyong lokal na pamahalaan, at sundin ang mga inirerekomendang hakbang at Rainfall Warning System para sa inyong kaligtasan.

Ihanda ang inyong Emergency Go Bag at ilagay ito sa madaling makuhang lugar kung kinakailangang lumikas.