UP Diliman Gender Office

14/09/2026

𝗨𝗣𝗗𝗚𝗢 𝗦𝗔 𝗥𝗘𝗦𝗜𝗕𝗢

Hindi natatapos sa pisikal na espasyo ang karahasan. Sa panahon ng teknolohiya at artificial intelligence (AI), maaari rin itong gamitin upang manakot, mang-harass, mang-abuso, at kontrolin ang isang tao.

Itinampok sa September 13 episode ng GMA Public Affairs’ Resibo ang ilang kaso ng online harassment, pagbabanta, s*xtortion, at hindi awtorisadong pagpapakalat ng mga pribado at sekswal na larawan at video. Naimbitahan din ang UP Diliman Gender Office (UPDGO) upang magbahagi ng mga pananaw at support resources para sa mga nakararanas ng ganitong uri ng karahasan.

Sa isang kasong tampok sa episode, gumamit ng AI ang suspek upang lumikha ng mga malalaswang larawang tila sa biktima, na kalaunan ay ipinakalat at ginamit upang siya ay takutin. Sa isa namang kaso, ibinahagi ng dating partner ng biktima ang isang pribadong s*x video nang walang kaniyang pahintulot.

Ipinapaalala ng mga kasong ito na ang teknolohiya ay maaaring maging kasangkapan din ng gender-based violence. Hindi nawawala ang bigat ng pang-aabuso dahil lamang ito ay nangyayari online.

Bilang bahagi ng episode, ibinahagi ng UPDGO ang My Survival Toolkit, isang resource na binuo ng UP Diliman Gender Office upang tulungan ang mga indibidwal na makilala at maunawaan ang mga anyo ng gender-based violence, at malaman kung saan maaaring humingi ng suporta.

Sa isa sa mga kasong itinampok, nakatanggap din ang biktima ng anim na counseling sessions mula sa UPDGO.

Kung ikaw o isang taong kilala mo ay nakararanas ng pagbabanta, online harassment, s*xtortion, o iba pang anyo ng gender-based violence, may mga support system at serbisyong maaaring lapitan. Hindi mo kailangang harapin ito nang mag-isa.

📺 Panoorin ang episode ng Resibosa GMA-7 at DZBB Super Radyo.
youtube.[com/live/EJUFQJcr0Mo?si=4jnngrVfn1dwYQzo]
Kopyahin ang link at tanggalin ang "[]" para mapanood ang buong episode.

14/09/2026

🚨 𝗕𝗨𝗞𝗔𝗦 𝗡𝗔! 🚨

Huling hirit na para mag-register sa SUHAY KAY NANAY: Breastfeeding Seminar bukas kasama ang ating speaker na si Doc Mianne Silvestre mula sa KMI Kalusugan ng Mag-ina!

🗓️ Kailan: Martes, Setyembre 15, 2026
⏰ Oras: 1:00 PM – 4:00 PM (Nagsisimula ang registration sa 12:30 PM)
📍 Saan: UPDGO Conference Hall, 2F Benton Hall, UP Diliman
💻 Online: Via Zoom (Hybrid session)

open ito para sa lahat ng mga ina, magulang, at mga gustong matuto!

14/09/2026

Muling pinapaalala ng Philippine Commission on Women (PCW) na ang GAD Budget ay HINDI dagdag o hiwalay na pondo, kundi bahagi ng regular na badyet ng isang ahensya na inilalaan upang maging gender-responsive ang ating mga proyekto.

Sa pamamagitan ng Gender Mainstreaming at paggamit ng mga kasangkapan tulad ng Harmonized Gender and Development Guidelines (HGDG), sinisiguro natin na ang mga pampublikong programa at serbisyo, mula sa pananaliksik at pasilidad hanggang sa mga batayang serbisyo, ay tunay na tumutugon sa pangangailangan ng lahat ng kasarian.

Basahin ang kapaki-pakinabang na gabay na ito mula sa PCW para sa mas malalim na pag-unawa sa GAD planning, direct GAD activities, at GAD attribution!

14/09/2026

14/09/2026

Isang dakilang pagpupugay kay Imelda Cajipe Endaya, ang kauna-unahang babaeng Pambansang Alagad ng Sining sa Visual Arts at isa sa mga buhay na inspirasyon sa likod ng Lakambini.

Maraming salamat sa iyong walang kapantay na sining, dedikasyon, at sa pagiging bahagi ng aming pelikula! Ikaw ang tunay na Lakambini ng Sining!

12/09/2026

12/09/2026

11/09/2026

4 DAYS TO GO BEFORE
🌸 SUHAY KAY NANAY Breastfeeding Seminar 🌸

Here’s three breastfeeding tips from our speaker, Doc Mianne Silvestre, of KMI Kalusugan ng Mag-ina.

Tara and let’s learn together on how we can support breastfeeding. 🤱🏻

Kita-kits sa Martes, September 15, 2026, 1:00-4:00 PM
sa UPDGO Conference Hall, 2F Benton Hall, UP Diliman
Registration starts at 12:30 PM

🌸 SIGN UP NA! 🌸
https://bit.ly/SuhayKayNanay2026

Maaari ring mag-sign up para sa hybrid session via Zoom

10/09/2026

NEW PUBLICATION 📚| TRANSFEMICIDE IN THE PHILIPPINES

The Society of Trans Women of the Philippines (STRAP) presents “Transfemicide in the Philippines: A Preliminary Academic, Media and Policy Reference.”

This preliminary reference document brings together academic literature, media reports, and existing legal and policy frameworks to provide an initial overview of transfemicide in the Philippine context.

As STRAP’s first publication on transfemicide, this document serves as a starting point for further research, documentation, discussion, and policy work on the killings and violence experienced by transpinays.

We hope this contributes to a deeper understanding of transfemicide and supports continuing efforts to strengthen recognition, documentation, and responses to transfemicide and anti trans violence.

📖 Read the full document: https://drive.google.com/file/d/1QzzUZN5aT8CHyp-SpOHzNsIMd1LUheAF/view?usp=drivesdk

08/09/2026

🌸 Suhay kay Nanay rescheduled to September 15🤱🏻 🌸

Samahan kami sa isang libreng breastfeeding seminar para sa mga ina, kanilang mga katuwang sa buhay, at mga gustong matuto tungkol sa breastfeeding.

Makakasama natin si Dr. Mianne Silvestre, President ng KMI o Kalusugan ng Mag-ina para talakayin at sagutin ang ating mga katanungan tungkol sa breastfeeding.

Kita-kits sa Martes, September 15, 2026, 1:00-4:00 PM
sa UPDGO Conference Hall, 2F Benton Hall, UP Diliman

🌸 SIGN UP NA! 🌸
https://bit.ly/SuhayKayNanay2026

Maaari ring mag-sign up para sa hybrid session via Zoom

🌸 Limited slots only 🌸