Sangguniang Barangay Lumbac

Directions

Sangguniang Barangay Lumbac The Official page of Sangguniang Barangay Lumbac, Pulilan Bulacan

HAPPY BIRTHDAY 🎉Ngayon ay isang espesyal na araw para sa isa sa ating katuwang sa paglilingkod. Ang pamunuan ng ating b...
05/10/2026

HAPPY BIRTHDAY 🎉

Ngayon ay isang espesyal na araw para sa isa sa ating katuwang sa paglilingkod. Ang pamunuan ng ating barangay sa pangunguna ni Kap. Leonila “Nene” Flores at ng buong Sanggunian ay nag-aanyaya sa lahat na makiisa sa pagbati para sa kaarawan ni:

DARIO NOORA VILLASEÑOR🎂✨

Maraming salamat sa iyong dedikasyon at serbisyo. Hangad namin ang iyong masayang selebrasyon at marami pang kaarawan na darating! Nawa’y mapuno ang iyong puso ng kagalakan at biyaya mula sa Maykapal.

OCTOBER 06, 2026

05/10/2026

🚫 MAHIGPIT NA PAALALA AT PAKIUSAP: BAWAL ANG PAGSISIGA SA ATING BARANGAY! 🚫

Magandang gabi sa ating mga kabarangay sa Barangay Lumbac!
Ito po ay pakiusap at paalala mula sa ating Punong Barangay, Hon. Leonila “Nene” Flores at ng buong Sangguniang Barangay para sa kapakanan, kalusugan, at kaligtasan ng ating buong komunidad.

Ating itinataguyod ang mahigpit na PAGBABAWAL SA PAGSISIGA o pagsusunog ng anumang uri ng basura (gaya ng tuyong dahon, plastik, papel, at iba pa) sa ating lugar.

Bakit kailangan nating iwasan ang pagsisiga?

⚠️ Panganib sa Kalusugan: Ang usok ay nagdudulot ng ubo, hika, at iba pang sakit sa baga, lalo na sa ating mga bata, nakatatanda, at may mga kapansanan.

⚠️ Panganib sa Sunog: Ang hindi kontroladong usok at apoy ay maaaring maging sanhi ng aksidente o malaking sunog.

⚠️ Lumalabag sa Batas: Ang pagpapasiga ay malinaw na paglabag sa RA 9003 (Ecological Solid Waste Management Act of 2000) at RA 8749 (Philippine Clean Air Act) na may kaukulang parusa o multa.

Ano ang maipapalit nating gawin?

✅ Gawing compost o pataba sa lupa at halaman ang mga tuyong dahon.

✅ Ihiwalay ang mga basura para sa tamang koleksyon.

Ang atin pong pamunuan ay nagmamalasakit lamang sa malinis na hangin at ligtas na kapaligiran ng bawat pamilya. Inaasahan po natin ang buong-pusong kooperasyon at disiplina ng bawat isa.

Maraming salamat po sa inyong pag-unawa at pakikiisa! 💙🤝

October 05, 2026

MATAGUMPAY NA GINANAP ANG 19TH REGULAR SESSION NG SANGGUNIANG BARANGAY! 🏛️📜✨Naging napakaproduktibo at matagumpay na gin...
05/10/2026

MATAGUMPAY NA GINANAP ANG 19TH REGULAR SESSION NG SANGGUNIANG BARANGAY! 🏛️📜✨

Naging napakaproduktibo at matagumpay na ginanap ang 19th Regular Session ng ating Sangguniang Barangay sa pamumuno ng ating masipag na Punong Barangay, Hon. Leonila “Nene” Flores kasama ang buong Sangguniang Barangay Council.

Sa sesyong ito, ating inimbitahan ang ating VAWC Officer Gng. Jacquiline Bernabe upang maipaliwanag nang mabuti at malinaw ang wastong proseso ng paghawak ng mga kaso ng Violence Against Women and Their Children (VAWC), pati na rin ang mga partikular na tungkulin at responsibilidad sa pagprotekta sa kapakanan ng mga kababaihan at kabataan sa ating komunidad.

Ang pangunahing layunin ng ating pagpupulong ay ang pagpapatibay ng mga programa para sa kaligtasan, kalinisan, at kapakanan ng bawat pamilya.

Sa pamamagitan ng patuloy na pakikipagtulungan at tamang kaalaman, mas pinag-iibayo pa ng ating barangay ang pagbibigay ng mabilis, patas, at may malasakit na serbisyo para sa lahat.

Maraming salamat po sa inyong walang sawang pagtitiwala at suporta! 🤝💙

October 05, 2026

MATAGUMPAY NA LUPON MONTHLY MEETING AT PAGBABALIK-TANAW! ⚖️📜✨Ginanap ngayong araw ang ating regular na buwanang pagpupul...
05/10/2026

MATAGUMPAY NA LUPON MONTHLY MEETING AT PAGBABALIK-TANAW! ⚖️📜✨

Ginanap ngayong araw ang ating regular na buwanang pagpupulong ng ating Lupong Tagapamayapa. Sa pangunguna ng ating masipag na Lupon President Leticia Sarmiento, sa ilalim ng gabay ng ating Punong Barangay, Hon. Leonila R. Flores. Naging tampok sa pulong na ito ang isang pagbabalik-tanaw sa mga mahahalagang paksang natutunan mula sa Lupon Seminar na ginanap noong Oktubre 1, 2026 sa The Palm, Municipality of Pulilan.

Ilan sa mga paksang muling nirepaso upang mas mapagbuti ang paghahatid ng hustisya sa ating barangay ay ang mga sumusunod:

🔹 Mediation, Conciliation, at Arbitration
🔹 Tungkulin ng Lupong Tagapamayapa at Pangkat Tagapagkasundo
🔹 Certificate to File Action (CFA) at ang 10-Araw na Kasunduan
🔹 Sakop at Hindi Sakop na Kaso ng Katarungang Pambarangay
🔹 Pag-proseso ng Summons at Delivery, pati na rin ang LTIA Requirements at iba pang panuntunan.

Lagi pong handa ang ating Lupong Tagapamayapa na magbigay ng maayos, patas, at mabilis na paglutas sa mga sigalot tungo sa mas mapayapa at maunlad na komunidad! 🤝💙

October 05, 2026

05/10/2026

Isang makabuluhang pagsisimula ng buwan! 💙✨

Ginanap ngayong umaga ang ating regular na First Monday of the Month Flag Raising Ceremony na dinaluhan ng buong puwersa at tauhan ng ating barangay, sa pamumuno ng ating masipag na Punong Barangay, Hon. Leonila “Nene”
Flores.

Ang gawaing ito ay hindi lamang simbolo ng ating paggalang sa watawat at pagmamahal sa bayan, kundi isa ring pagpapaalala sa ating shared commitment, ang maglingkod nang tapat, mahusay, at buong-puso sa bawat pamilyang Barangay Lumbac.

Handa na naman po kami para sa panibagong buwan ng masipag at mabilis na paghahatid ng serbisyo para sa ating komunidad!

Sama-sama at tulong-tulong para sa mas maunlad na barangay! 🇵🇭🤝

October 5, 2026

HAPPY BIRTHDAY 🎉Ngayon ay isang espesyal na araw para sa isa sa ating katuwang sa paglilingkod. Ang pamunuan ng ating b...
04/10/2026

HAPPY BIRTHDAY 🎉

Ngayon ay isang espesyal na araw para sa isa sa ating katuwang sa paglilingkod. Ang pamunuan ng ating barangay sa pangunguna ni Kap. Leonila “Nene” Flores at ng buong Sanggunian ay nag-aanyaya sa lahat na makiisa sa pagbati para sa kaarawan ni:

MARIVIC MENDOZA TOLENTINO🎂✨

Maraming salamat sa iyong dedikasyon at serbisyo. Hangad namin ang iyong masayang selebrasyon at marami pang kaarawan na darating! Nawa’y mapuno ang iyong puso ng kagalakan at biyaya mula sa Maykapal.

OCTOBER 05, 2026

LIWANAG AT KALIGTASAN PARA SA LAHAT! 💡✨Upang masigurado ang seguridad at kaligtasan ng ating mga kabarangay, matagumpay ...
04/10/2026

LIWANAG AT KALIGTASAN PARA SA LAHAT! 💡✨

Upang masigurado ang seguridad at kaligtasan ng ating mga kabarangay, matagumpay na naisagawa ang pagpapaayos ng mga street lights sa gawing Pulo.

Ang gawaing ito ay isinakatuparan sa pangunguna ng ating masipag na Kap.
Nene Flores kasama ang buong Sangguniang Barangay, bilang pagtugon sa pangangailangan ng ating komunidad para sa mas maliwanag at ligtas na mga kalsada lalo na sa gabi.

October 4, 2026

PATULOY NA PAGSULONG NG BARANGAY LUMBAC! 🚨ANUNSYO PARA SA LAHAT NG MGA RESIDENTE AT MANLALAKBAY:Magandang araw sa ating ...
04/10/2026

PATULOY NA PAGSULONG NG BARANGAY LUMBAC! 🚨

ANUNSYO PARA SA LAHAT NG MGA RESIDENTE AT MANLALAKBAY:

Magandang araw sa ating mga kabarangay! Nais po naming ipagbigay-alam sa publiko na bukas (October 5) ay opisyal nang sisimulan ang Construction ng Drainage Canal Project sa kahabaan ng National Road sa ating barangay — mula sa Bigben hanggang sa Kanto ng Sandico.
Ang proyektong ito ay inaasahang tatagal ng anim (6) na buwan. Kaugnay nito, narito po ang ilang mahahalagang paalala para sa kaayusan ng lahat:

🚗 Trapiko: Inaasahan po ang pagbagal ng daloy ng trapiko sa nasabing area habang ginagawa ang proyekto. Hinihiling po namin sa ating mga biyahero na humanap muna ng alternatibong daan upang makaiwas sa abala.

🅿️ Para sa mga Residente (National Road - Right Side papuntang Calumpit): Sa mga may-ari po ng sasakyan na nakaparada sa right side papuntang Calumpit, pakiusap po na humanap muna ng pansamantalang pagpaparkingan habang patuloy ang konstruksyon.

Ang mahalagang proyektong ito ay para rin sa kapakanan, kaligtasan, at pag-unlad ng ating barangay laban sa baha.
Hinihiling po ng ating Punong Barangay, Kap Nene Flores at ng Buong Sangguniang Barangay ang inyong buong kooperasyon, malawak na pang-unawa, at pasensya sa pansamantalang abalang idudulot nito.

Maraming salamat po at mag-ingat ang lahat sa pagbiyahe!

October 04, 2026

03/10/2026

Malinis na Paligid, Ligtas na Komunidad! 🧹✨

Isang matagumpay na Weekly Clean-Up Drive ang ating naisagawa ngayong umaga sa kahabaan ng San Francisco Street!

Maraming salamat sa sipag at dedikasyon ng ating Barangay Tanod, Mother Leaders, LLN, Clerk, Secretary sa pangunguna ng ating napakasipag na Kap Nene!

Layunin ng ating programa na:

✅Panatilihing malinis at maayos ang ating kapaligiran para sa kaligtasan ng bawat residente.

✅Maiwasan ang pagdami ng mga lamok at iba pang peste na nagdudulot ng sakit gaya ng Dengue.

✅Magsilbing paalala at inspirasyon sa lahat na ang kalinisan ng ating barangay ay sama-samang responsibilidad.

Sama-sama at tulong-tulong para sa isang mas maayos, malinis at ligtas na barangay! 💪💚

October 03, 2026

02/10/2026

Ipinagbibigay-alam po sa ating mga kabarangay (San Francisco, Sandico, MH Del Pilar, Calderon Street) sa mga nabanggit na kalye na SIRA PO ANG ATING GARBAGE TRUCK ngayon.

Dahil dito, WALANG HAKOT NG BASURA ngayong araw. Pakiusap po ng ating Punong Barangay Kap. Nene, Kung kailangan ninyong maglabas ng basura, ISAKO AT ITALI NANG MABUTI ang mga ito. Tiyakin pong nakasara at secure ang mga sako upang HINDI MAIKALAT NG MGA ASO AT IBA PANG HAYOP sa ating kalsada.

Maraming salamat po sa inyong kooperasyon at pag-unawa!

October 3, 2026

Address

Sto. Rosario Street Lumbac
Pulilan
3005

Website

Alerts

Be the first to know and let us send you an email when Sangguniang Barangay Lumbac posts news and promotions. Your email address will not be used for any other purpose, and you can unsubscribe at any time.

Shortcuts

Share

Category