Pantawid Pamilyang Pilipino Program - Palawan

20/07/2026

Mahalagang paalala mula sa DSWD National.

Nilinaw ni DSWD Secretary Rex Gatchalian na ang listahan ng mga benepisyaryo ng UPLIFT Assistance para sa Group 2 at 3 ay hindi ginawa ng DSWD. Ito ay nagmula sa Philippine Statistics Authority (PSA) at nakabatay sa 2024 Community-Based Monitoring System (CBMS).

Ang tungkulin ng DSWD ay ang pag-cross match ng listahang ibinigay ng PSA upang matiyak ang tamang implementasyon ng programa. Wala ring kapangyarihan ang DSWD na magdagdag o mag-alis ng mga pangalan sa listahan.

Inaanyayahan ang lahat na basahin ang buong pahayag mula sa DSWD National para sa tamang impormasyon at maiwasan ang pagkalat ng maling balita.

❤️

DSWD Chief: Hindi Galing sa DSWD ang Listahan ng UPLIFT Beneficiaries

Nilinaw ni DSWD Secretary REX Gatchalian na ang listahan ng mga benepisyaryo ng UPLIFT Assistance para sa Group 2 at 3 ay hindi galing sa DSWD. Ang listahan ay nagmula sa Philippine Statistics Authority (PSA) at nakabatay sa 2024 Community-Based Monitoring System (CBMS), kung saan isinagawa ang pagtukoy sa mga kabahayan at kung sino ang kabilang sa mga "poor" at "not poor" households.

Ayon sa Kalihim, ang tungkulin ng DSWD ay ang cross-matching ng listahang ibinigay ng PSA para matiyak ang tamang implementasyon ng tulong-pinansyal. Binigyang-diin din niya na walang kapangyarihan ang Kagawaran na magdagdag o mag-alis ng mga pangalan sa listahan.

Dagdag pa ni Secretary Gatchalian, walang naging pakikialam ang sinumang politiko, opisyal o local government unit (LGU) sa pagpili ng mga benepisyaryo para matiyak na ang proseso ay nananatiling patas at nakabatay sa opisyal na datos.

❤️

20/07/2026

PABATID: HINGGIL SA CREDITING NG UPLIFT PROGRAM ASSISTANCE PARA SA MGA KUWALIPIKADONG BENEPISYARYO NG 4PS
Ang crediting ng UPLIFT Program Assistance para sa mga kuwalipikadong benepisyaryo ng Pantawid Pamilyang Pilipino Program (4Ps) ay naka-schedule sa ika-20 at ika-21 ng Hulyo 2026, at maaaring ma-withdraw sa pamamagitan ng ATMs sa mga piling LANDBANK Servicing Branches at sa kanilang mga e-wallets.
Narito ang mga rehiyong kabilang sa crediting ng UPLIFT Program Assistance:
July 20, 2026
UPLIFT Program (LBP cash card accounts) — NCR, CAR, I, II, III, IV-A, MIMAROPA, V, VI, at VII
UPLIFT Program via e-wallets (GCash/MAYA) — CAR, CARAGA, 1, III, IV-A, MIMAROPA, NCR, V, VI, VIII, X, XI, at XII
July 21, 2026
UPLIFT Program (LBP cash card accounts) — VIII, IX, X, XI, XII, CARAGA, BARMM, at NIR
Para sa kumpletong listahan ng mga pinakamalapit na LANDBANK Servicing Branches sa inyong lugar, bisitahin lamang ang link na ito: https://bit.ly/3JvM1OL
Alamin ang wasto at sulit na paggamit ng iyong LANDBANK Cash Cards sa pamamagitan ng panonood ng reel na ito: https://www.facebook.com/reel/792897642680457
Upang masigurong tama at opisyal ang impormasyong natatanggap, palaging sumubaybay sa mga sumusunod na official page:
Pantawid Pamilyang Pilipino Program:
https://www.facebook.com/DSWDPantawidPamilya
Landbank of the Philippines: https://www.facebook.com/landbankofficial
Department of Social Welfare and Development: https://www.facebook.com/dswdserves
Maraming salamat po!

See less

PABATID: HINGGIL SA CREDITING NG UPLIFT PROGRAM ASSISTANCE PARA SA MGA KUWALIPIKADONG BENEPISYARYO NG 4PS

Ang crediting ng UPLIFT Program Assistance para sa mga kuwalipikadong benepisyaryo ng Pantawid Pamilyang Pilipino Program (4Ps) ay naka-schedule sa ika-20 at ika-21 ng Hulyo 2026, at maaaring ma-withdraw sa pamamagitan ng ATMs sa mga piling LANDBANK Servicing Branches at sa kanilang mga e-wallets.

Narito ang mga rehiyong kabilang sa crediting ng UPLIFT Program Assistance:

July 20, 2026
UPLIFT Program (LBP cash card accounts) — NCR, CAR, I, II, III, IV-A, MIMAROPA, V, VI, at VII
UPLIFT Program via e-wallets (GCash/MAYA) — CAR, CARAGA, 1, III, IV-A, MIMAROPA, NCR, V, VI, VIII, X, XI, at XII
July 21, 2026
UPLIFT Program (LBP cash card accounts) — VIII, IX, X, XI, XII, CARAGA, BARMM, at NIR
Para sa kumpletong listahan ng mga pinakamalapit na LANDBANK Servicing Branches sa inyong lugar, bisitahin lamang ang link na ito: https://bit.ly/3JvM1OL
Alamin ang wasto at sulit na paggamit ng iyong LANDBANK Cash Cards sa pamamagitan ng panonood ng reel na ito: https://www.facebook.com/reel/792897642680457

Upang masigurong tama at opisyal ang impormasyong natatanggap, palaging sumubaybay sa mga sumusunod na official page:

Pantawid Pamilyang Pilipino Program:
https://www.facebook.com/DSWDPantawidPamilya
Landbank of the Philippines: https://www.facebook.com/landbankofficial
Department of Social Welfare and Development: https://www.facebook.com/dswdserves

Maraming salamat po!

17/07/2026

𝗣𝗢𝗢 𝗣𝗮𝗹𝗮𝘄𝗮𝗻, 𝗞𝗮𝘁𝘂𝘄𝗮𝗻𝗴 𝘀𝗮 𝗣𝗮𝗴𝗽𝗮𝗽𝗮𝗹𝗮𝗸𝗮𝘀 𝗻𝗴 𝗠𝗥-𝗦𝗜𝗔 𝟮𝟬𝟮𝟲 𝘀𝗮 𝗽𝗮𝗺𝗮𝗺𝗮𝗴𝗶𝘁𝗮𝗻 𝗻𝗴 𝗦𝘁𝗮𝗸𝗲𝗵𝗼𝗹𝗱𝗲𝗿𝘀' 𝗔𝗱𝘃𝗼𝗰𝗮𝗰𝘆 𝗙𝗼𝗿𝘂𝗺

Nakiisa ang Department of Social Welfare and Development (DSWD) Pantawid Pamilyang Pilipino Program – Provincial Operations Office (POO) Palawan, sa pangunguna ni Provincial Link Faith T. Crispino, RSW, MPA, sa 2026 Measles-Rubella Supplemental Immunization Activity (MR-SIA) Stakeholders' Advocacy Forum na isinagawa noong Hulyo 15–16, 2026 sa Fersal Hotel, Puerto Princesa City.

Dumalo ang Provincial Link sa nasabing forum sa paanyaya ng Provincial Department of Health Office (PDOHO), sa pakikipagtulungan ng Department of Health MIMAROPA – Center for Health Development (DOH CHD MIMAROPA). Pinagtipon ng aktibidad ang iba't ibang stakeholder mula sa iba't ibang sektor upang palakasin ang adbokasiya at talakayin ang mga estratehiya para sa matagumpay na pagpapatupad ng 2026 MR-SIA Phase 2 sa lalawigan ng Palawan.

Binigyang-diin sa forum ang kahalagahan ng sama-samang pagkilos upang matugunan ang pag-aalinlangan sa pagbabakuna, malabanan ang maling impormasyon, at mapalawak ang akses sa mga serbisyong pang-immunisasyon upang maprotektahan ang mga bata laban sa tigdas (measles) at rubella.

Bilang katuwang sa pagsusulong ng kalusugan at kapakanan ng mga benepisyaryo ng Pantawid Pamilya, nananatiling matatag ang DSWD 4Ps POO Palawan sa pagsuporta sa mga inter-agency initiatives at pakikipag-ugnayan na naglalayong makabuo ng mas malusog, mas ligtas, at mas matatag na mga pamayanan.

15/07/2026

📢 PAANYAYA SA LAHAT NG 4Ps BENEFICIARIES SA PALAWAN

Bilang bahagi ng patuloy na pangangalaga sa kalusugan ng ating mga anak, hinihikayat ang lahat ng magulang at tagapag-alaga na dalhin ang mga batang edad 6 hanggang 59 buwan upang makatanggap ng bakuna sa isasagawang Measles-Rubella Supplemental Immunization Activity (SIA).

Ang bakunang ito ay libre, ligtas, at napatunayang mabisa sa pagbibigay ng proteksyon laban sa tigdas at rubella, mga sakit na maaaring magdulot ng seryosong komplikasyon sa kalusugan ng mga bata.

🗓️ Iskedyul ng Bakunahan:
August 10–28, 2026
📍 Buong Lalawigan ng Palawan

Para sa iskedyul at lugar ng pagbabakuna sa inyong komunidad, makipag-ugnayan sa inyong Barangay Health Workers (BHWs) o bumisita sa pinakamalapit na Health Center.

💙 Sama-sama nating pangalagaan ang kalusugan ng bawat bata. Ang pagpapabakuna ngayon ay isang mahalagang hakbang tungo sa mas ligtas at mas malusog na kinabukasan.

09/07/2026

𝐏𝐀𝐆𝐇𝐀𝐇𝐀𝐍𝐃𝐀 𝐏𝐀𝐑𝐀 𝐒𝐀 𝐄𝐍𝐇𝐀𝐍𝐂𝐄𝐃 𝐒𝐖𝐃𝐈 𝐕𝐀𝐋𝐈𝐃𝐀𝐓𝐈𝐎𝐍 | 240 𝐌𝐠𝐚 𝐏𝐚𝐧𝐭𝐚𝐰𝐢𝐝 𝐏𝐞𝐫𝐬𝐨𝐧𝐧𝐞𝐥 𝐒𝐮𝐦𝐚𝐢𝐥𝐚𝐥𝐢𝐦 𝐬𝐚 𝐎𝐫𝐢𝐞𝐧𝐭𝐚𝐭𝐢𝐨𝐧 𝐚𝐭 𝐀𝐬𝐬𝐞𝐬𝐬𝐦𝐞𝐧𝐭

Bilang paghahanda sa nalalapit na Enhanced Social Welfare and Development Indicator (SWDI) Validation, nagsagawa ang DSWD Pantawid Pamilyang Pilipino Program (4Ps) – Provincial Operations Office Palawan ng tatlong araw na Online Orientation on the Enhanced SWDI Tool and Digital Application System mula Hulyo 6–8, 2026.

Ang Social Welfare and Development Indicator (SWDI) ay isang assessment tool ng DSWD na ginagamit upang masukat ang antas ng kagalingan o well-being ng mga benepisyaryong pamilya. Sa pamamagitan nito, natutukoy ang kasalukuyang kalagayan ng bawat sambahayan at ang mga nararapat na programa at serbisyong makatutulong sa kanilang patuloy na pag-unlad.

Layunin ng isinagawang orientation na ihanda ang mga magiging enumerator sa wastong paggamit ng Enhanced SWDI Tool at ng digital application system upang matiyak ang mas tumpak, episyente, at dekalidad na pagsasagawa ng SWDI Validation.

Dahil sa mga hamon sa internet connectivity sa ilang lugar ng lalawigan, isinagawa ang orientation sa pamamagitan ng siyam (9) na clustered learning stations na matatagpuan sa:
📍 Narra (kasama ang Aborlan at Española)
📍 Quezon (kasama ang Rizal)
📍 Brooke's Point
📍 Bataraza
📍 Balabac
📍 Coron (kasama ang Culion at Busuanga)
📍 Cuyo (kasama ang Magsaysay at Agutaya)
📍 Puerto Princesa City (kasama ang Dumaran, Araceli, at Linapacan)
📍 Roxas (kasama ang El Nido at Taytay)

Dinaluhan ito ng 240 City at Municipal Links na magsisilbing enumerators sa nalalapit na validation.

Bilang bahagi ng quality assurance ng aktibidad, sumailalim ang lahat ng participants sa isang assessment examination upang masukat ang kanilang kaalaman at kahandaan sa paggamit ng Enhanced SWDI Tool at digital application system. Sa kabuuang 240 participants, 129 ang matagumpay na nakapasa sa unang pagsusulit. Samantala, ang mga hindi umabot sa itinakdang passing score ay binigyan ng pagkakataong sumailalim sa re-examination, alinsunod sa patakaran na kinakailangang maipasa ang assessment bago sila makapagsagawa ng aktuwal na SWDI Validation.

Sa pamamagitan ng masusing paghahanda at pagpapalakas ng kakayahan ng mga field implementers, patuloy na isinusulong ng DSWD ang isang makatarungan, tumpak, at evidence-based na pagtatasa sa kalagayan ng mga pamilyang benepisyaryo ng Pantawid Pamilyang Pilipino Program.

07/07/2026

🤝 PAGPAPATIBAY NG PAKIKIPAGTULUNGAN PARA SA PAG-UNLAD NG MGA KATUTUBONG PAMAYANAN (ICC/IPs)

Noong Hulyo 7, 2026, nakiisa ang DSWD Pantawid Pamilyang Pilipino Program – Provincial Operations Office Palawan sa Inter-Agency Planning cm Performance Evaluation and Organizational Assessment na isinagawa ng National Commission on Indigenous Peoples (NCIP) sa White Breeze Hotel, San Pedro, Puerto Princesa City. Dinaluhan ito ng mga kinatawan mula sa NCIP, PCSD, DENR, PNP, at mga Indigenous Peoples Mandatory Representatives (IPMRs).

Bilang bahagi ng programa, inimbitahan ang DSWD Pantawid upang ibahagi ang mga naging accomplishment at inisyatiba ng programa para sa kapakanan ng mga Indigenous Cultural Communities/Indigenous Peoples (ICC/IPs). Inilahad ni Provincial Link Faith T. Crispino ang mga mahahalagang resulta ng Enhanced Support Services Intervention (ESSI), isang intervention ng Pantawid Program na naglalayong matulungan ang mga graduated 4Ps beneficiaries na magkaroon ng mas matatag at napapanatiling kabuhayan sa pamamagitan ng livelihood assistance. Binigyang-pansin ang ESSI sa presentasyon sapagkat tinatayang 60% hanggang 70% ng mga benepisyaryong nakatanggap ng nasabing intervention ay kabilang sa mga Indigenous Cultural Communities/Indigenous Peoples (ICC/IPs), kaya't mahalagang maipakita ang naging ambag ng programa sa pagpapabuti ng kanilang kabuhayan at pangkalahatang antas ng pamumuhay.

Mula taong 2023 hanggang 2024, sa pamamagitan ng pagpapatupad ng una at ikalawang batch ng Enhanced Support Services Intervention (ESSI), nakapagkaloob ang programa ng kabuuang ₱64.57 milyon na livelihood assistance mula sa inilaan na pondong nagkakahalaga ng ₱65,766,000, na katumbas ng 98.10% disbursement rate. Nakinabang dito ang mga kwalipikadong benepisyaryo sa 22 munisipalidad ng Palawan, kabilang ang Lungsod ng Puerto Princesa, maliban sa Munisipalidad ng Kalayaan. Ang natitirang 1.90% ng pondong hindi naipagkaloob ay pangunahing dulot ng paglipat ng tirahan ng ilang benepisyaryo, pagkakaroon ng mga duplicate records, at mga pagbabagong isinagawa sa kanilang napiling livelihood projects.

Ibinahagi rin ni PL Crispino ang mga tagumpay at inspirasyonal na kwento ng mga benepisyaryong matagumpay na napaunlad ang kanilang kabuhayan sa tulong ng ESSI, na nagsisilbing patunay na ang tamang suporta, kasabay ng sipag at wastong pamamahala, ay nagbubukas ng daan tungo sa mas maayos na pamumuhay. Gayunpaman, binigyang-diin din niya na hindi lahat ng naipatupad na livelihood projects ay naging matagumpay. May ilang benepisyaryo na hindi napamahalaan nang maayos ang ipinagkaloob na puhunan at nagamit ito sa iba pang personal na pangangailangan. Samantala, may mga livelihood projects ding lubhang naapektuhan at hindi na muling nakabangon matapos masalanta ng mga kalamidad, tulad ng matinding pagbaha dulot ng bagyo. Binigyang-diin ni PL Crispino na ang mga karanasang ito ay nagsisilbing mahalagang batayan upang higit pang mapalakas ang mga intervention, monitoring, at convergence efforts ng programa upang matiyak ang mas napapanatiling kabuhayan ng mga benepisyaryo.

Binigyang-diin din niya na ang mga socio-cultural, pang-edukasyon, at pangkalusugang isyu na kinahaharap ng mga ICC/IPs ay patuloy na tinutugunan ng DSWD Pantawid sa pamamagitan ng convergence approach, kung saan katuwang ang iba't ibang ahensya ng pamahalaan at mga lokal na stakeholder upang makapaghatid ng mas angkop, inklusibo, at napapanahong serbisyo.

Sa pamamagitan ng sama-samang pagkilos at matatag na ugnayan ng iba't ibang ahensya, patuloy na isinusulong ng DSWD Pantawid ang layunin nitong walang maiiwan sa pag-unlad, lalo na ang ating mga kapatid na kabilang sa mga Indigenous Cultural Communities/Indigenous People.

04/07/2026

📢 PAUNAWA PARA SA MGA SET 12 WAITLISTED HOUSEHOLDS (CS21 AT CS9)

📄 Batay sa Memorandum from the Secretary
DRN: 4PS-RPMPD-4PS-NPMO-MEM-25-08-166214-S
Petsa: 18 Agosto 2025

Alinsunod sa pagpapatupad ng Community-Based Monitoring System (CBMS) bilang bagong Standardized Targeting System (STS) ng Pantawid Pamilyang Pilipino Program (4Ps), may mahalagang update hinggil sa dating SET 12 waitlist.

Ano ang ibig sabihin nito?
✅ Ang dating SET 12 waitlist ay hindi na gagamitin bilang batayan para sa enrollment sa ilalim ng kasalukuyang targeting framework ng Programa.

✅ Kabilang dito ang mga Client Status 21 (CS21) o mga RPMO-approved households for NPMO Processing, na sakop ng Memorandum from the Secretary.

❗ Gayunpaman, kung ang inyong sambahayan ay matutukoy na mahirap sa ilalim ng CBMS at makapasa sa validation ng DSWD, maaari pa rin itong maisaalang-alang para sa enrollment sa 4Ps, alinsunod sa umiiral na mga patakaran at availability ng program slots.

📌 Ang advisory na ito ay inilalabas upang ipabatid sa mga sambahayang kabilang sa dating SET 12 waitlist ang kasalukuyang patakaran ng Programa.

📍 Para sa karagdagang impormasyon o paglilinaw, makipag-ugnayan sa inyong Municipal Operations Office (MOO) o Municipal Link.

Maraming salamat po sa inyong patuloy na pakikipagtulungan at pag-unawa.

30/06/2026

"Pagpapalakas sa Papel ng mga Ama, Pagpapatatag ng Pamilya at Komunidad"

Ang ama ay hindi lamang haligi ng tahanan, kundi isa ring mahalagang katuwang sa paghubog ng isang matatag, responsable, at mapagmalasakit na pamilya at komunidad. Sa pamamagitan ng ERPAT (Empowerment and Reaffirmation of Paternal Abilities) ng DSWD, higit na napapalakas ang kakayahan ng mga ama sa kanilang mahalagang papel bilang tagapagtaguyod, gabay, at aktibong katuwang sa pagpapalaki ng kanilang mga anak at sa pag-unlad ng kanilang pamayanan.
Bilang bahagi ng patuloy na pagpapatupad ng programa, matagumpay na isinagawa ng DSWD Pantawid Pamilyang Pilipino Program – Palawan Provincial Operations Office ang dalawang batch ng ERPAT Training. Ang unang batch ay ginanap noong Hunyo 24–25, 2026 sa Ramon Magsaysay Covered Court, na dinaluhan ng 53 ama ng pamilya. Sinundan ito ng ikalawang batch noong Hunyo 25–26, 2026 sa Brgy. Poblacion Covered Court, na nilahukan naman ng 140 ama ng pamilya. Sa kabuuan, 193 ama ang nabigyan ng pagkakataong mapalawak ang kanilang kaalaman at mapagtibay ang kanilang kakayahan bilang responsableng ama at aktibong kasapi ng komunidad.

Higit pa sa kanilang aktibong pakikilahok sa pagsasanay, ipinamalas din ng mga miyembro ng ERPAT ang kanilang pagkakaisa, pagtutulungan, at malasakit sa kultura ng kanilang bayan nang kanilang makamit ang 2nd Place sa Parada ng Litson Competition na isinagawa bilang bahagi ng Rakudan Festival sa Aborlan noong Hunyo 28, 2026. Ang tagumpay na ito ay patunay na ang isang empowered na ama ay hindi lamang nagiging mabuting haligi ng tahanan, kundi nagiging aktibong katuwang din sa pagpapaunlad at pagpapayabong ng diwa ng pagkakaisa sa komunidad.

Patuloy nating suportahan ang mga ama na nagsisilbing inspirasyon at katuwang sa pagbuo ng mas matatag na pamilya at mas maunlad na pamayanan.

24/06/2026

𝟒𝐏𝐬 𝐍𝐞𝐰𝐬: PIDS study shows 4Ps children continue to dream big for their future

Children from Pantawid Pamilyang Pilipino Program (4Ps) families continue to aspire for better opportunities and brighter futures, according to a recent study released by the Philippine Institute for Development Studies (PIDS).

The study, titled “Dreams and Small Means: Career Aspirations of Children in the Philippine 4Ps Program,” examined the career goals of nearly 10,000 children and young adults aged 10 to 25 from economically disadvantaged families across the country, including those from 4Ps families.

“The recent study of PIDS has affirmed what many 4Ps families have long believed, that despite economic challenges, children from poor families continue to dream big and aspire for a better future,” Atty. Mary Rose G. Oquindo-Pasibi, the Officer-in-Charge (OIC) National Program Manager (NPM) of 4Ps, said on June 17.

Read the full story here: https://pantawid.dswd.gov.ph/2026/06/pids-study-shows-4ps-children-continue-to-dream-big-for-their-future/