What are the opening hours?

Monday 8am - 5pm Tuesday 8am - 5pm Wednesday 8am - 5pm Thursday 8am - 5pm Friday 8am - 5pm Saturday 8am - 5pm

PIO Palawan

Provincial Information Office - the information arm of the Provincial Government of Palawan and the Palaweños. #𝗦𝘂𝘀𝘁𝗮𝗶𝗻𝗮𝗯𝗹𝗲𝗣𝗮𝗹𝗮𝘄𝗮𝗻 Serbisyo Para sa Palaweño��
(4)

03/09/2026

LOOK | Some of the photos during the Division Schools Press Conference (DSPC) 2026 held at the Provincial Capitol, featuring individual and group journalism categories conducted in both English and Filipino for elementary and secondary levels.

The competition brings together student journalists from various municipalities of Palawan to showcase their skills and talents in journalism and broadcasting, as they vie for the opportunity to represent the province in the Regional Schools Press Conference (RSPC) in Tagaytay City.

03/09/2026

𝗧𝗜𝗡𝗚𝗡𝗔𝗡 | Pinangunahan ng Pamahalaang Panlalawigan ng Palawan sa pamamagitan ni Gov. Amy Roa Alvarez, ang pamamahagi ng tig-10 kilong bigas sa mga munisipyo ng Cuyo, Agutaya at Magsaysay, Palawan kamakailan bilang bahagi ng “Bawat Bayan Makikinabang” Rice Distribution Program ng Pamahalaang Nasyunal.

Kasama ni Gov. Alvarez ang ilang opisyales ng Kapitolyo kabilang sina Board Members Juan Antonio Alvarez, Roseller Pineda, Ferdinand Zaballa at Jake Tan.

Ang naturang programa ay pinondohan sa ilalim ng Local Government Support Fund (LGSF) na naglalayong makatulong sa mga pamilyang nangangailangan, mapagaan ang gastusin sa pagkain, at mapalakas ang food security alinsunod sa hangaring ng Pamahalaang Nasyunal na walang pamilyang mapag-iiwanan at walang Pilipinong magugutom.

03/09/2026

| PAMAHALAANG PANLALAWIGAN, SUPORTADO ANG PAGLULUNSAD NG NARRA FARMERS MARKET

Suportado ng Pamahalaang Panlalawigan ng Palawan ang paglulunsad ng Narra Farmers Market: Farm-to-City Market Linkage and Local Agricultural Marketing Initiative, na isinagawa ngayong araw, Setyembre 3, 2026, sa Department of Agriculture–Palawan Research and Experiment Station (DA-PRES) Compound, Brgy. Sta. Monica, Puerto Princesa City.

Ang aktibidad ay naisakatuparan sa pangunguna ng Pamahalaang Bayan ng Narra, sa pakikipagtulungan ng Tarabidan Multi-Purpose Cooperative bilang cooperative partner at sa kooperasyon ng Department of Agriculture–MIMAROPA Region.

Layunin nito na palawakin ang market opportunities para sa mga lokal na magsasaka at producers, gayundin ang kanilang ugnayan sa mga mamimili at institutional buyers.

Naging kinatawan ni Governor Amy Roa Alvarez si Provincial Agriculturist Engr. Reniel Z. Rocaberte, na nagpaabot ng suporta ng Pamahalaang Panlalawigan sa naturang inisyatibo.

Binigyang-diin ni Rocaberte sa kanyang mensahe ang kahalagahan ng pagkakaroon ng maayos na merkado para sa mga magsasaka, lalo na upang matiyak na ang kanilang kita ay sapat matapos ang mga gastusin sa produksyon.

“Hindi sapat na mahikayat natin silang magtanim at magparami ng ani. Kailangan din nating tiyakin na pagkatapos ng harvest, may maayos silang mapagbibilhan, patas ang presyo, mababa ang marketing cost, at may sapat na kita pagkatapos ibawas ang gastos sa binhi, abono, labor, fuel, transportation, at iba pang production inputs."

Ayon pa kay Engr. Rocaberte, mahalaga ang pagtutulungan ng mga pangunahing ahensya upang maging mas epektibo at sustenable ang farmers market.

"Mahalaga rito ang pagkakaugnay ng Municipal Government of Narra, Tarabidan Multi-Purpose Cooperative, at ng ating farmers at producers. Ang farmers market ay hindi lamang isang lugar ng bentahan. Ito ay isang sistema ng pagtutulungan kung saan pinagsasama-sama ang produkto, pinapalakas ang kakayahan ng mga organisasyon, at binubuksan ang mas malalaking oportunidad sa merkado."

Kabilang din sa programa ang mga mensahe mula sa mga panauhing opisyal, ribbon-cutting ceremony at ecumenical blessing para sa opisyal na pagbubukas ng Farmers Market.

Patuloy namang isinusulong ng administrasyon ni Gov. Alvarez, sa pamamagitan ng SYNERGOV, ang pakikipagtulungan ng Pamahalaang Panlalawigan sa mga LGU, Department of Agriculture, cooperatives, private sector, institutional buyers, at mga farmers’ organizations upang higit pang mapalakas ang buong agricultural value chain, mula production planning, consolidation at processing, hanggang logistics at marketing. Kabilang dito ang Farmers Market Initiative na sinimulan noong Baragatan Festival, na naglalayong mailapit sa mga mamimili ang dekalidad at abot-kayang lokal na produkto, kasabay ng pagsusulong ng patas na kita para sa mga producer.

03/09/2026

Planning to pursue your college journey at Central Philippine University (CPU)? Take the next step and take the CPU Aptitude Test in Palawan!

📅 September 5, 2026

📍 Palawan Hope Christian School

Requirements:
• School ID, Passport, or any valid ID
• No. 2 pencil with eraser
• Testing Fee: ₱450.00 (non-refundable)

For more information and registration details, please visit: https://forms.gle/Z83ydiEMdMC2Kwkm8

03/09/2026

TINGNAN | Bilang bahagi ng paggunita sa 3rd Year Insurgency-Free Palawan Celebration, nagsagawa ng Financial Literacy Training Program ang Pathways to Peace and Reintegration (PPR) nitong Setyembre 2, 2026 sa VJR Hall sa kapitolyo.

Nilahukan ito ng mga Former Rebels (FRs) na kabilang sa iba’t ibang People’s Organizations (POs) sa Palawan.

Layunin ng pagsasanay na mapalawak ang kaalaman ng mga kalahok sa wastong pagba-budget, pagpaplano, at responsableng pamamahala ng pananalapi upang mas maayos nilang mapangasiwaan ang kanilang mga pinagkakakitaan at mga organisasyon.

Nagbahagi ng kaalaman ang mga resource speaker mula sa Provincial Cooperative Development Office (PCDO) at Department of Trade and Industry (DTI).

Sa pamamagitan nito, patuloy na sinusuportahan ng Pamahalaang Panlalawigan ang mga FRs sa matagumpay na reintegration at pagbuo ng mas matatag at produktibong pamayanan, tungo sa pagpapanatili ng kapayapaan at pagsusulong ng kaunlaran sa lalawigan.

(Contributed by: PPR)

02/09/2026

| PALAWAN, GINUNITA ANG IKATLONG ANIBERSARYO BILANG INSURGENCY-FREE PROVINCE

Ginunita ng Pamahalaang Panlalawigan ng Palawan ang ikatlong anibersaryo ng pagkakamit ng Insurgency-Free status ng lalawigan nitong Setyembre 1, 2026, sa temang “Sustaining Peace Through Unity, Partnership, and Inclusive Engagement.”

Pinangunahan ito ng Pathways to Peace and Reintegration (PPR), katuwang ang mga ahensya ng pamahalaan, peace and security sectors, Indigenous Peoples, civil society, private sector, Friends Rescued, at mga komunidad.

Kabilang sa mga nakiisa ang Sangguniang Panlalawigan, Palawan Police Provincial Office (PPPO), Department of the Interior and Local Government (DILG), KADRE Palawan, National Commission on Indigenous Peoples (NCIP), Philippine Coast Guard (PCG), Western Command U-7, Philippine Air Force–TOW WEST, 3rd Marine Brigade, at Peace Palawan, gayundin ang mga katuwang na organisasyon sa pagsusulong ng kapayapaan at kaunlaran sa lalawigan.

Nagsimula ang aktibidad sa Balayong People’s Park sa pamamagitan ng Zumba at Peace Motorcade patungo sa Provincial Capitol Convention Center, kung saan isinagawa ang pangunahing programa. Tampok dito ang musical at cultural dance performances, Livelihood and Community Products Affairs, signing of Commitment Wall, at Ceremonial Release of White Doves.

Naipahayag din ang sama-samang paninindigan para sa kapayapaan sa pamamagitan ng Commitment Wall, habang ang Ceremonial Release of White Doves ay naging simbolo ng kapayapaan, kalayaan, pagkakaisa, at pag-asa para sa kinabukasan ng Palawan.

Binigyang-diin sa Livelihood and Community Products Affair ang kahalagahan ng kabuhayan at community empowerment sa pamamagitan ng pagpapakita ng mga produkto ng KADRE Palawan, sa tulong ng Livelihood Program Management Unit.

Kasabay ng pagdiriwang ang paghahatid ng serbisyo ng mga ahensya tulad ng TESDA Palawan, Philippine Statistics Authority (PSA), PhilHealth, Provincial Health Office, Provincial Disaster Risk Reduction and Management Office (PDRRMO), at Department of Agriculture.

Nakiisa rin ang mga private at non-government organizations tulad ng Globe Telecom, Converge, at Philippine Commando Brotherhood Inc. – Palawan Chapter.

Sa paggunita sa tatlong taon ng pagiging insurgency-free, muling pinagtibay ng mga kalahok ang kahalagahan ng pagkakaisa, pakikipagtulungan, at inklusibong pakikilahok sa pagpapanatili ng mga nakamit na bunga ng kapayapaan.

(Contributed by: PPR)

02/09/2026

| MGA IP, FORMER REBELS AT IBA PANG VULNERABLE SECTOR, NABENEPISYUHAN NG UNIFIED SERBISYO CARAVAN SA MUNISIPYO NG ROXAS

Bilang bahagi ng patuloy na pagsusulong ng inklusibo at people-centered na serbisyo, isinagawa ng Pamahalaang Panlalawigan ng Palawan sa pamamagitan ng Pathways to Peace and Reintegration (PPR), ang Unified Serbisyo Caravan (USC) kamakailan sa Barangay Magara, Roxas, Palawan.

Layunin nito na maihatid sa komunidad ang iba't ibang pangunahing serbisyo ng pamahalaan at mga katuwang na organisasyon, partikular para sa Former Rebels (FRs), Indigenous Peoples (IPs), at iba pang vulnerable sectors.

Kabilang sa mga serbisyong isinagawa ang libreng medical check-up mula sa Provincial Health Office (PHO), kung saan nabigyan ng pagkakataon ang mga residente na makapagpakonsulta at makatanggap ng pangunahing serbisyong pangkalusugan.
Nagbigay naman ang Philippine Health Insurance Corporation (PhilHealth) ng impormasyon at assistance kaugnay ng membership at mga benepisyo nito.

Samantala, nagsagawa ang Philippine Statistics Authority (PSA) ng National ID verification at application services upang matulungan ang mga residente sa kanilang PhilSys-related concerns.

Para sa mga Former Rebels, namahagi ang Provincial Social Welfare and Development Office (PSWDO) ng bigas bilang bahagi ng social protection assistance. Ang tulong ay naglalayong makatugon sa kanilang pang-araw-araw na pangangailangan bilang bahagi ng patuloy na reintegration efforts ng Pamahalaang Panlalawigan.

Nagbigay rin ng libreng gupit ang 3rd Marine Brigade at Philippine Coast Guard (PCG). Nagsagawa rin ang PCG ng Information and Education Campaign (IEC) upang mapalawak ang kaalaman ng mga residente hinggil sa mga usaping pangkaligtasan at pangkomunidad.
Samantala, namahagi ang Kiwanis International ng dental kits bilang suporta sa pagsusulong ng wastong oral health, lalo na sa mga bata at pamilya.

Nagbigay naman ang Del Rosario Optometry and Contact Lens ng libreng eye check-up at reading glasses para sa mga residenteng nangangailangan ng serbisyong pangkalusugan para sa kanilang paningin.

Nakibahagi rin ang Philippine Commando Brotherhood, Inc. – Roxas Chapter bilang katuwang sa pagsusulong ng mga inisyatibang nakatuon sa kapakanan at kapayapaan ng komunidad.

Sa pamamagitan ng pagtutulungan ng mga ahensya ng pamahalaan, uniformed services, civic organizations, private partners, at lokal na pamahalaan, naging daan ang Unified Serbisyo Caravan upang ma-access ng mga residente ang iba't ibang serbisyo sa iisang lugar.

(Contributed by: PPR)

02/09/2026

𝗛𝗲𝗮𝗹𝘁𝗵 𝗔𝗱𝘃𝗶𝘀𝗼𝗿𝘆 𝗡𝗼. 𝟴 - 𝟮𝟬𝟮𝟲

𝗣𝗔𝗚-𝗜𝗜𝗡𝗚𝗔𝗧 𝗟𝗔𝗕𝗔𝗡 𝗦𝗔 𝗛𝗔𝗭𝗘 𝗔𝗧 𝗣𝗢𝗟𝗨𝗦𝗬𝗢𝗡 𝗦𝗔 𝗛𝗔𝗡𝗚𝗜𝗡

Kung makaranas ng matinding hirap sa paghinga, pananakit o paninikip ng dibdib, matinding panghihina, pagkalito, o iba pang malubhang sintomas, agad na humingi ng medikal na atensyon sa pinakamalapit na health facility.

02/09/2026

| PG-ENRO, PINANGUNAHAN ANG PAGTATATAG NG CORAL GARDEN SA ABORLAN

Pinangunahan ng Provincial Environment and Natural Resources Office (PG-ENRO) ng Pamahalaang Panlalawigan ng Palawan ang pagtatatag ng Coral Garden sa karagatan ng Aborlan katuwang ang Galoc Field and Area Development, Palawan Council for Sustainable Development (PCSD) at Department of Energy (DOE).

Isinagawa ang aktibidad bilang bahagi ng capacity development initiative na pinondohan ng Galoc na siyang inisyatibo ng PG-ENRO bilang isa sa mga member-agency ng programa.

Ayon kay PG-ENR Officer Atty. Noel Aquino, mahalagang hakbang ang coral gardening sa pagpapanumbalik ng masiglang marine ecosystem sa Aborlan, partikular sa lugar kung saan matatagpuan ang Seven Line Reef.

“Malaki ang maitutulong ng coral gardening sa pagpapanumbalik at pagpapanatili ng masiglang marine ecosystem ng Aborlan. Sa pamamagitan nito, mabibigyan natin ng pagkakataon na muling umunlad ang mga coral reef at mapangalagaan ang tirahan ng mga isda at iba pang yamang-dagat,” ani Atty. Aquino.

Walong steel dome ang inilagay sa ilalim ng dagat na magsisilbing substrate para sa pagpapalago ng mga branching at table corals, na mahalagang tirahan ng mga isda at iba pang yamang-dagat.

Regular na bibisitahin at imo-monitor ng PG-ENRO ang coral garden katuwang ang PCSD at Municipal Agriculture Office (MAO) ng Aborlan upang masubaybayan ang paglago at kalagayan ng mga korales.

Nabuo ang proyekto sa inisyatibo ng PG-ENRO at suporta ng PCSD at Galoc. Nakibahagi rin sa aktibidad ang MEPCOM Unit ng Philippine Coast Guard gayundin ang Western Philippines University (WPU) at Palawan State University (PSU).

📸PG-ENRO

02/09/2026

| PAMAHALAANG PANLALAWIGAN, PINALALAKAS ANG SEAL OF GOOD LOCAL GOVERNANCE COMPLIANCE

Nagsagawa ng Seal of Good Local Governance (SGLG) Executive Compliance Council Meeting ang Pamahalaang Panlalawigan ng Palawan noong Setyembre 1, 2026 sa lungsod ng Puerto Princesa, upang talakayin ang mga progreso at paghahanda ng lalawigan para sa SGLG.

Tinalakay sa pulong ang 2025 SGLG Pre-Assessment Results, gayundin ang 1st at 2nd Quarter Progress Updates para sa 2026.

Binigyang-pansin din ang mga resulta ng nakalipas na tatlong taon ng SGLG at ang mga kinakailangang hakbang upang higit pang mapalakas ang compliance ng bawat tanggapan.

Layunin nito na matiyak ang tuloy-tuloy na pagtutulungan at pagsunod ng pamahalaang panlalawigan sa mga pamantayan ng SGLG, bilang bahagi ng pagsusulong ng mahusay, maayos at tapat na pamamahala sa lalawigan.

Pinangasiwaan naman ang pagpupulong ng Provincial Planning and Development Office katuwang ang Department of the Interior and Local Government (DILG)-Palawan sa pangunguna ni Provincial Director Myla Panganiban.

Address

Puerto Princesa
5300

Opening Hours

Monday	8am - 5pm
Tuesday	8am - 5pm
Wednesday	8am - 5pm
Thursday	8am - 5pm
Friday	8am - 5pm
Saturday	8am - 5pm

Website

http://palawan.gov.ph/

Alerts

Be the first to know and let us send you an email when PIO Palawan posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to PIO Palawan:

Want your organization to be the top-listed Government Service in Puerto Princesa?

PIO Palawan

03/09/2026

03/09/2026

03/09/2026

03/09/2026

03/09/2026

02/09/2026

02/09/2026

02/09/2026

02/09/2026

02/09/2026

Address

Opening Hours

Website

Alerts

Contact The Organization

Shortcuts

Share

Category

Listing takedown request