27/04/2026
Oo nga, masakit isipin para sa isang magulang na mawalan ng anak, masakit din isipin ng isang kapatid na mawalan ng kapatid o sa madaling salita masakit isipin na mawalan ng mahal sa buhay.
Ang ganitong sitwasyon at pangyayari ay maaring mangyari sa parehong panig, sa Makakaliwang grupo at maari ring mangyari sa panig ng mga Sundalo. Kumbaga, pareho lang ang sakit ang nararamadaman ng isang magulang ng sundalo at magulang ng rebelde kapag nasawi ito.
Tama po, madaling magsalita na mali sila at tama kami lalo na kung hindi naman ikaw o tayo mismo ang nakakaranas ng nawalan ng mahal sa buhay. Pangkaraniwan lang yan na kung sino ang nadehado ay siya namang mag-ingay ng todo at sumisigaw na biktima sila.
Nais ko lang na maging malinaw ito para sa lahat . . . Ang ating mga KASUNDALUHAN ay HINDI NAGBUBUNYI sa tuwing may nasasawi sa bawat enkwentro o bakbakan kahit saan mang panig. We never celebrate for the loss both of our comrades and the enemy of the state. We only doing our job as SOLDIERS.
Kamakailan lang at hanggang sa kasulukuyan, ay umaalingawngaw na naman ang sigaw ng mga KABATAAN o mga ESTUDYANTE na nalinlang at napapaniwala ng mga makaliwang grupo, hindi lang sa bakuran ng kanilang paaralan kundi pati sa lansangan. Sumisigaw sila ng KATARUNGAN para sa kapwa nila estadyante na nasawi sa nasabing bakbakan.
Malalim ang pagkakaunawa ko sa ganitong mga pangyayari, matagal kong naging buhay ang makihalubilo at nakikipag-usap sa mga taong naging BIKTIMA ng mga PANLILINLANG na mga kasapi ng CPP/NPA. Kaya lubos kong naiintindihan kung bakit may mga kabataan ang patuloy na nahikayat na sumama o sumapi sa mga mapaglinlang na mga teroristang NPA, ito ay dahil hindi lubos na naintindihan ng mga Kabataan ang kanilang ipinaglalaban at ang maaring kahinatnan sa nagawa nilang desisyon.
Nais kong iparating ito sa ating mga KABATAAN at ganung din sa ating mga KABABAYAN lalo’t higit yong mga taong naging TARGET ng mga Makakaliwang Grupo na hikayatin para sumapi sa kanilang walang kwentang samahan. At alam naman natin na halos lahat ng sektor ng ating Lipunan ay kanila ng na-infiltrate, na kahit ang ating Kongreso at Senado ay hindi ligtas dito.
Opo, hindi maikakaila na may mga lehitimong hinaing ang halos lahat na ating mga mamamayan: Mula sa KAHIRAPAN, KAWALAN ng OPORTUNIDAD, KATIWALIAN sa GOBYERNO, KAWALANG HUSTISYA, KAKULANGAN NG MGA BASIC SERVICES at marami pang iba. Ngunit ang tanong: “Ang pagsali ba sa armadong pakikibaka ang tamang sagot sa lahat ng ito? ”Syempre, ang sagot ay malaking ”HINDI”. At dito magaling dumiskarte itong mga ULOPONG na mga kasapi ng teroristang CPP/NPA. Ang kanilang estratehiya ay hindi sila magrerecruit direkta para sumanib sa kanilang “Armadong Pakikibaka”, bagkus alamin muna nila ang sentimento o hinaing ng isang indibidwal o isang sektor ng Lipunan at dito na mag-umpisang MAG-UDYOK o sulsulan, gatungan at lasunin ang isip ng kanilang target na indibidwal o grupo. Kapag nakita na nilang, nag aalab na ang damdamin ng kanilang subject, dito na papasok ang pagbou ng isang Organisasyon o Samahan na sa umpisa akala ng mga naudyukan ay para lang sa kanilang partikular na ipinaglalaban. At kapag bou na at hinog na ang nasabing indibidwal o grupo, madali na nila itong PAKILUSIN na kahit pasamahin pa nila sa pag-akyat sa bundok at sumama sa kanilang armadong pakikibaka ay hindi na tatanggi ito dahil kung baga iyon na ang katapuran ng hinahangad nilang pagbabago. Ganun ka-simply ang paraan ng recruitment ng mga teroristang CPP/NPA, (Ignite – Organize – Mobilize).
Ito lang ang dapat nating isipin, sa panahon ngayon, kung saan bukas na ang iba’t ibang demokratikong espasyo at marami ng paraan para ibulalas ang ating mga hinaing, mula sa halalan, iba’t ibang social media platforms, hanggang sa mga legal na organisasyon, hindi na praktikal para sa isang Pilipino para mamundok pa.
Kung tutuusin, wala sa kanayunan at wala sa kabundukan ang dahilan kung bakit sila nasadlak sa walang kwentang teroristang kilusan. Sapagkat, ang nagpapahirap sa ating mga mamamayan ay nandito lang sa syudad at nasa KONGRESO at SENADO pa nga at sa iba't ibang sangay ng gobyerno.
Kung talagang gusto nyo ng PAGBABAGO mga Kabataang naghahangad nito, una nyong batikusin ang mga namumuno sa hanay ng CPP/NPA na nakapasok na ngayon sa Kongreso at nakipagsabwatan na sa mga Kurap na mga Opisyal ng Gobyerno at mga ganid at gahaman na Politiko. Hwag nyong pahirapan ang sarili nyo sa bundok at kanayunan dahil ang napeperwisyo nyo ay ang mga inosenteng mga taga baryo na biktima din ng katiwalian.
Sa huli, hindi ang armadong pakikibaka at lakas ng sigaw o ingay ng protesta ang tunay na sukatan ng tama at makatarungang pakikipaglaban, kundi ang linaw ng layunin, katotohanan ng prinsipyo, at kapakanan ng buhay ng kapwa.
Kung ang ipinaglalaban nyo ay tunay na para sa mamamayan, hindi ito dapat humantong sa pagdanak ng dugo ng mga kabataang dapat sana’y kinabukasan ng bayan. Ang tunay na pagbabago ay hindi itinatanim sa dahas at panlilinlang, kundi itinataguyod sa wastong kamalayan, pananagutan, at tapang na harapin ang tunay na ugat ng problema, wala sa kabundukan at kanayunan, kundi sa mismong sentro ng kapangyarihan.
Kaya sa inyo mga kabataan: “Huwag hayaang maging kasangkapan ang inyong sigla at ideyalismo sa isang laban na kayo rin ang nagiging biktima. Ang tunay na laban ay hindi ang mawalan ng buhay, kundi ang ipaglaban ang katotohanan nang may dangal, talino, at paninindigan.”
/NPA/NDF
