Ospital ng Palawan

16/09/2026

May sore eyes na ba ang lahat? 👀

Ang Sore Eyes o Conjunctivitis ay ang pamamaga ng conjunctiva, ito ay ang manipis na balot o lining sa ibabaw ng puting parte at loob ng talukap ng mata. Ito ay kadalasang dulot ng infection o allergy.

Dumarami na ang nagkakaroon ng sore eyes. Alamin kung paano mo mapo-protektahan ang iyong sarili.

Upang makaiwas:
✅ Umiwas sa mataong lugar;
✅ Maghugas lagi ng kamay;
✅ Iwasan ang hand-to-eye contact;
✅ Gamitin lamang ang sariling gamit; at
✅ Iwasan ang mga bagay na makakapag-trigger ng allergies.

PAALALA: Magpakonsulta sa doktor kung lumalala ang pagmumuta, lumalabo at masilaw ang paningin, at may matinding pananakit lalona kung sanggol ang apektado.

!

15/09/2026

OSPITAL NG PALAWAN, PLANONG MAGBUKAS NG EYE CLINIC

Kaugnay ng patuloy na pagsusulong ng Ospital ng Palawan sa mas komprehensibo, mas kumpleto, at mas maaayos na pagbibigay ng serbisyong pangkalusugan sa bawat Palaweño, nagkaloob ang Amang Rodriguez Memorial Medical Center (ARMMC) ng Technical Assistance at Capacity Building sa Ospital ng Palawan para sa planong pagtatag ng eye clinic ng ospital. Isinagawa ang nasabing aktibidad September 12-15, 2026.

Nagbigay ng libreng konsultasyon at operasyon sa mata sina Dr. Carlo Felix Adraneda, Ophthalmology Consultant ng ARMMC, kasama ang mga Ophthalmology Residents ng nasabing ospital na sina Dr. Huey M. Javier, Dr. Kevin Michael Y. De Castro, at Dr. John Emmanuel Valencia. Maliban sa mga serbisyong ito ay nagbahagi rin sila ng kaalaman sa mga kawani ng ONP ukol sa mga pamamaraan at preparasyon para sa eye consultation at eye surgery pati na rin ang pagtukoy sa mga kagamitang kakailanganin pa upang mabuksan na sa publiko ang eye clinic at makapagbigay ng dagdag serbisyo sa mga Palaweño.

Sa kalasukuyan, limitado pa lamang sa konsultasyon at mga minor na procedure sa mata ang kayang gawin sa Ospital ng Palawan. Inaasahan na sa pagbubukas ng eye clinic ay madadagdagan pa ang mga serbisyong ipagkakaloob ng ONP sa publiko partikular na ang serbisyo para sa mga may problema sa mata. Magiging katuwang sa nasabing hakbang ang Amang Rdriguez Memorial Medical Center sa pagtatag ng basic comprehensive eye care ng Ospital ng Palawan.

14/09/2026

Yohooo dito ang tingin 👀

Tara, Tune in for Health na!

Tumutok ngayong Biyernes, alas-9 hanggang alas-10 ng umaga September 18, 2026, para sa isa na namang makabuluhan at punong-puno ng impormasyon tungkol sa inyong kalusugan!

Samahan si Dr. JV Rabanal ng ONP-Public Health Unit kasama si Dr. Maritess D. Samulde-Ayon, Animal Bite Treatment Center Physician ng Ospital ng Palawan, para pag-usapan ang World Rabies Day at ang mga mahahalagang impormasyon tungkol dito.

Mapapanood sa page at YouTube Channel ng Radyo Pilipinas Palawan at mapapakinggan sa DWMR 648AM tuwing Biyernes 9-10AM.

14/09/2026

Yakap na Handog ng Pangulo, isinagawa sa Ospital ng Palawan

Matagumpay na naisagawa ng Ospital ng Palawan ang Handog ng Pangulo 2026, ngayong araw, September 14, 2026.

Ang Handog ng Pangulo ay isang inisyatiba kung saan ay nagsasama-sama ang iba’t ibang ahensya ng gobyerno upang magbigay ng mga serbisyo sa mamamayan. Ilan sa mga serbisyong ipinagkaloob ng ONP ay ang konsultasyon, pamamahagi ng gamot, dental services, TBDOTS services, Animal Bite Treatment services, health education tungkol sa iba’t ibang sakit, at Zero Balance Billing sa lahat ng pasyenteng lalabas ngayong araw. Naging bahagi rin ng aktibidad ang Philhealth kung saan ay naghandog ng serbisyo tulad ng PhilHealth verification at pagbibigay ng impormasyon tungkol sa YAKAP. Nagkaroon naman ng National ID Registration at verification ang Philippine Statistics Authority.

Ang aktibidad na ito ay bahagi ng patuloy na paghahatid ng maayos at komprehensibong serbisyo sa bawat Palaweño na siyang parehong layunin ni Pangulong Bongbong Marcos at ng Ospital ng Palawan.

14/09/2026

13/09/2026

12/09/2026

11/09/2026

TUNE IN FOR HEALTH

11/09/2026

Tara, Tune in for Health na!

Samahan ninyo kami ngayong umaga 9AM-10AM sa Radyo Pilipinas Palawan!

Mapapakinggan sa DWMR 648 AM sabayan ding mapapanood sa page at YouTube channel ng Radyo Pilipinas Palawan.

TUNE IN FOR HEALTH!

Tumutok ngayong Biyernes, alas-9 hanggang alas-10 ng umaga September 11, 2026, para sa isa na namang makabuluhan at punong-puno ng impormasyon tungkol sa inyong kalusugan!

Samahan si Dr. JV Rabanal ng ONP-Public Health Unit kasama si Mr. Jaypee Roxas, Phramacist II ng Provincial DOH Office - Palawan, para pag-usapan ang Generics Awareness Month at ang mga mahahalagang impormasyon tungkol dito.

Mapapanood sa page at YouTube Channel ng Radyo Pilipinas Palawan at mapapakinggan sa DWMR 648AM tuwing Biyernes 9-10AM.

10/09/2026

PABATID

Nais po namin ipaalam sa publiko na ang Emergency Room Hotline ng Ospital ng Palawan ay kasalukuyang nakararanas ng technical difficulty.

Para sa mga may health emergency na nais tumawag sa ER, maari pong kontakin ang numerong 048-434-8339 loc. 221. Para naman sa mga referrals mula sa ibang ospital at health institutions maaring gamitin ang E-Lagted para sa mas maayos na koordinasyon.

Maraming salamat po