Provincial Health Office of Palawan

28/05/2026

TINGNAN: Kasalukuyang isinasagawa ng Provincial Health Office (PHO) ng Pamahalaang Panlalawigan ng Palawan, sa pamamagitan ng Oral Health Program, ang Dental Outreach Activity sa bayan ng Rizal na sinimulan nitong nakalipas na Mayo 25, 2026.

Kabilang sa mga serbisyong ipinagkakaloob sa outreach activity ang dental consultation, tooth extraction, at oral health education, upang mapabuti ang kalusugan ng bibig ng mga residente at mapalakas ang kanilang kaalaman hinggil sa wastong pangangalaga nito.

Layunin ng aktibidad na maihatid ang kinakailangang dental services sa mga mamamayan, lalo na sa mga residenteng nasa malalayong lugar bilang bahagi ng PALAWAN+PLUS Development Agenda ni Gov. Alvarez na tumutugon sa pagkakaloob ng serbisyong pangkalusugan para sa mga Palaweño.

28/05/2026

TINGNAN: Nagkaloob ng technical assistance ang Pamahalaang Panlalawigan ng Palawan sa pamamagitan ng Provincial Health Office (PHO) sa isinagawang Integrated Program Activities at Monitoring and Evaluation sa bayan ng Cagayancillo nitong nakalipas na Mayo 18 – 22, 2026.

Pinangunahan ng mga program managers at technical staff ng PHO ang pagbibigay ng gabay, mentoring, at technical support kaugnay ng Information and Surveillance Unit Functionality, Field Health Services Information System (FHSIS), Disaster Risk Reduction and Management for Health (DRRM-H), Tuberculosis Program, Animal Bite Treatment, Nutrition Program, at Non-Communicable Disease at Mental Health Program.

Layunin ng aktibidad na mapalawig ang serbisyong pangkalusugan sa Cagayancillo upang mas maayos, mabilis, at episyenteng maihatid ang serbisyong pangkalusugan sa mga mamamayan. Bahagi rin ito ng patuloy na pagsisikap ng Provincial Health Office na palakasin ang health systems sa mga munisipalidad ng Palawan, lalo na sa mga geographically isolated at disadvantaged areas (GIDA).

Ang patuloy na paghahatid ng technical assistance ng PHO sa mga munisipyo ay bahagi ng PALAWAN+PLUS Development Agenda ni Gov. Alvarez na tumutugon sa pangunahing pangangailangan ng mga Palaweño, alinsunod sa layunin ng Universal Health Care (UHC) Act na nagtataguyod ng mas malusog na komunidad.

25/05/2026

𝗠𝗮𝘆 𝟮𝟱 𝗶𝘀 𝗪𝗼𝗿𝗹𝗱 𝗧𝗵𝘆𝗿𝗼𝗶𝗱 𝗗𝗮𝘆!

𝘾𝙝𝙚𝙘𝙠 𝙮𝙤𝙪𝙧 𝙣𝙚𝙘𝙠, 𝙥𝙖𝙧𝙖 𝙏𝙝𝙮𝙧𝙤𝙞𝙙 𝘾𝙖𝙣𝙘𝙚𝙧 𝙖𝙮 𝙢𝙖-𝙙𝙚𝙩𝙚𝙘𝙩!

𝗠𝗴𝗮 𝘀𝗶𝗻𝘁𝗼𝗺𝗮𝘀 𝗻𝗮 𝗱𝗮𝗽𝗮𝘁 𝗯𝗮𝗻𝘁𝗮𝘆𝗮𝗻:
✅Bukol sa Leeg (mabilis lumaki, walang sakit)
✅Pamamaos o pagbabago sa boses
✅Hirap lumunok o huminga
✅Sakit sa leeg na umaabot sa tenga
Paano ito maiiwasan?
✅ Limitahan ang radiation exposure, panatilihin ang healthy lifestyle at magpa-check up nang regular
✅ Tama at sapat na pagkain ng may Iodine at Selenium tulad ng Manok, Itlog, at Isda. Pagkain ng gulay at prutas at pag-iwas sa processed foods.

Ano ang kailangang gawin?
✅ Magpatingin agad sa doktor para sa ultrasound o biopsy kung may matigas na bukol

Bisitahin ang linktr.ee/DOHCancerSupport para malaman ang mga cancer benefits:

✅Philhealth Z Benefits
✅PWD ID
✅CAF Access Sites
✅CSPMAP Access Sites
✅List of BUCAS Centers

23/05/2026

TINGNAN: Umabot sa 540 na mga Palaweño ang napagkalooban ng serbisyong pangkalusugan ng Provincial Health Office (PHO) sa pamamagitan ng programang Yugto, Alaga, Kalinga, Aruga ng Pamahalaan o YAKAP Program ng Pamahalaang Panlalawigan ng Palawan kahapon, Mayo 22, 2026 sa pangunguna ni Gob. Amy Roa Alvarez sa mga barangay ng Brgy. Caruray, San Vicente at Brgy. Aporawan, Aborlan.

Ilan sa mga serbisyong ipinagkaloob ng PHO katuwang ang MLGU San Vicente, MLGU Aborlan, San Vicente District Hospital (SVDH) at Aborlan Medicare Hospital (AMH) sa magkahiwalay na aktibidad ay ang blood pressure taking, nutrition services, malaria smearing, medical consultation, dental services, circumcision, at provision of medicines.

Ang YAKAP Program ay nakapaloob sa PALAWAN+PLUS Development Agenda ni Gov. Alvarez na tumutugon sa pangunahing pangangailangan ng mga Palaweño isa na rito ang pagkakaloob ng serbisyong pangkalusugan kung saan isinabay ang aktibidad sa pagdiriwang ng kaarawan ni Gob. Amy Roa Alvarez.

Samantala, nagpapatuloy pa rin ang YAKAP Program ng Pamahalaang Panlalawigan ng Palawan sa mga bayan ng Cuyo, Agutaya, at Magsaysay kabilang ang PHO na naghahatid ng serbisyong pangkalusugan sa mga Palaweño.

21/05/2026

TINGNAN: Nagpapatuloy ang isinasagawang Yugto, Alaga, Kalinga, Aruga ng Pamahalaan o YAKAP Program ng Pamahalaang Panlalawigan ng Palawan ngayong araw, Mayo 21, 2026 sa pangunguna ni Gob. Amy Roa Alvarez bitbit ang iba't ibang serbisyo para sa mga Palaweño kabilang na rito ang serbisyong pangkalusugang handog ng Provincial Health Office (PHO) sa bayan ng Cuyo, Agutaya, at Magsaysay.

Ilan sa mga serbisyong ipinagkaloob ng PHO sa mga residente ng naturang bayan ay ang blood pressure taking, BMI determination, malaria smearing, medical consultation, dental services, at provision of medicines.

Ang YAKAP Program ay nakapaloob sa PALAWAN+PLUS Development Agenda ni Gov. Alvarez na tumutugon sa pangunahing pangangailangan ng mga Palaweño isa na rito ang pagkakaloob ng serbisyong pangkalusugan.

21/05/2026

TINGNAN: Muling pinangunahan ni Palawan Governor Amy Roa Alvarez bilang Chairperson ang isinagawang Provincial Health Board (PHB) meeting kahapon, Mayo 20, 2026 sa Governor’s Conference Room, Provincial Capitol.

Ilan sa mga tinalakay ay ang Malaria Accelerated Elimination Activities Updates; Updates on HIV Monitoring; LGU Health Scorecard Validation Results; HSDD Prioritized Travel Budget Proposal 2026; at Guidelines for the Implementation of Cancer and Supportive- Palliative Medicines Access Program (CSPMAP); at 2026 CVHW Payroll Updates.

Dumalo sa isinagawang pagpupulong ang mga myembro ng konseho na binubuo nina Dr. Faye Erika R. Querijero-Labrador; Board Member Hon. Marivic H. Roxas; Mr. Franc Earl Fabellar bilang kinatawan ng Provincial Department of Health Office (PDOHO) Palawan; Ms. Oneida Olive T. Pagaduan ng Life Care Community Services Foundation, Inc.; at Ms. Maria Sophia S. Ariola ng Ugat ng Kalusugan; habang dumalo naman sa pamamagitan ng virtual platform sina Dr. Charlie O. Tejada, AMHOP Palawan Chapter Representative; Dr. Karen Acosta ng Palawan Medical Society; at Mr. Gilbert Delos Santos bilang kinatawan ng Provincial Indigenous Peoples Mandatory Representative.

Ang pagpupulong ay regular na isinasagawa ng nasabing konseho kada buwan upang talakayin ang mga usaping may kinalaman sa kalusugan ng mga Palaweño.

16/05/2026

14/05/2026

DEPARTMENT OF HEALTH GOVERNMENT INTERNSHIP PROGRAM

Ang tanggapan ng Provincial DOH Palawan ay tumatanggap ng mga aplikante para sa Government Internship Program (GIP).

Para sa mga nais mag-apply, ipasa lamang ang mga requirements sa Provincial DOH Office Palawan, PENRO Road, Sta. Monica, Puerto Princesa City.

✅QUALIFICATIONS:
1. Must be 18-25 years old;
2. High School graduate / Senior High School Graduate / College Graduate / College Undergraduate / Technical Vocational Graduate; and
3. Must be a first time GIP beneficiary.

✅REQUIREMENTS:
1. Application Letter.
Addressed to:
RODOLFO ANTONIO M. ALBORNOZ, MD, MPH, MDM, CESO IV
Director IV
Department of Health
MIMAROPA Center for Health Development
QMMC Compound, Project 4, Quezon City

Thru: PETER HEW G. CURAMENG, MD, MBA
Development Management Officer V
Provincial DOH Office Palawan

2. Bisitahin rin ang link na ito: bit.ly/4fkGHP6 para sa mga forms at iba pang requirements; at

3. Ilagay sa long white folder ang mga dokumento.

✅ASSIGNMENT:
Provincial DOH Office Palawan

✅DURATION:
June-December 2026

✅DEADLINE:
Tatanggap ang PDOHO Palawan ng mga aplikasyon hanggang May 19, 2026 (Tuesday). Limitado lamang sa anim (6) na slots ang maaaring tanggapin.

13/05/2026

IN PHOTOS | PDOHO at PHO quarterly meeting, isinagawa

Bahagi ng pagpapaunlad ng kalusugan ng mga Palaweño ang patuloy na pagtutulungan ng Provincial DOH Office Palawan at Provincial Health Office Palawan. Bilang pagtugon dito, nagsagawa ang mga tanggapang nabanggit ng 2nd Quarter Meeting upang pag-usapan ang mga susunod na hakbang at aktibidad na isasagawa sa lalawigan. Ginanap ang nasabing pagpupulong sa Dolce Vita Hotel and Restaurant, Puerto Princesa City.

Tinalakay sa pagpupulong ang mga naisagawang mga aktibidad ng bawat programa, mga susunod na hakbang para sa mga nakalatag na plano, pagtalakay sa mga naging balakid sa paghahatid ng serbisyong pagkalusugan, at pati na rin ang mga kailangan ng bawat munisipyo.

Layunin nito na mapabuti ang serbisyong ibinibigay ng PDOHO at PHO sa buong lalawigan at mailatag ang mga kinakailangang pagsasaayos ng mga plano at aktbidad.