Puerto Princesa City DRRMC - Risk Communication Hub

20/08/2026

𝗖𝗗𝗥𝗥𝗠𝗢 𝗨𝗣𝗗𝗔𝗧𝗘 | Listong Pamahalaan, Listong Kumunidad, Listong Tahanan

Hello, Ka-Listo!

For today’s episode, we bring you an informative discussion highlighting the importance of community resilience and preparedness.

Joining us once again are our hosts from the City Disaster Risk Reduction and Management Office (CDRRMO), Sir Mico Jay Echague and Ma'am Pia G. Perez. Our special guests for this session are Mr. Cyril Flores from A Single Drop Consultancy Incorporated and Mr. Norberto Dormitorio from the City DRRM Office.

In today’s episode, we feature BRITE (Barangay Resilience and Innovation Through Empowerment), an initiative that aims to strengthen the capacity of barangays and communities to become more prepared, resilient, and resourceful in facing various hazards and challenges. The program highlights the importance of community participation, preparedness, and empowerment in Disaster Risk Reduction and Management (DRRM).

It also emphasizes how the active involvement of barangays and residents can help identify risks, develop solutions, and implement concrete actions to keep communities safe.

The episode also discusses how BRITE promotes stronger collaboration among barangays, the local government, and various partners to enhance their capacity for disaster preparedness, response, and resilience-building.

Through BRITE, the voices and experiences of every community member are valued. Because a resilient barangay begins with an informed, active, and responsible community.

Cdrrmo PPSCity
Puerto Princesa City Emergency Operations Center

16/08/2026

13/08/2026

𝗖𝗗𝗥𝗥𝗠𝗢 𝗨𝗣𝗗𝗔𝗧𝗘 | Listong Pamahalaan, Listong Kumunidad, Listong Tahanan

Hello, Ka-Listo!

Sa episode natin ngayong araw, nakasama ng ating mga host mula sa City Disaster Risk Reduction and Management Office (CDRRMO) at City Information Office (CIO), sina Sir Cedric Buena at Ma'am Amie Bonales, si Hon. Rolly V. Francia, Punong Barangay ng Barangay Cabayugan, Puerto Princesa City.

Tinalakay sa programa ang iba’t ibang proyekto, programa, at mga inisyatibo sa Disaster Risk Reduction and Management (DRRM) na isinasagawa sa Barangay Cabayugan. Binigyang-diin ni Hon. Francia ang kahalagahan ng kanilang mga serbisyo, mula sa pangangalagang pangkalusugan hanggang sa pangangalaga sa kalikasan, upang mapalakas ang katatagan at kahandaan ng komunidad.

Kinilala rin ang Barangay Cabayugan dahil sa malapit nitong pakikipagtulungan sa CDRRMO, mga NGO, at mga katuwang mula sa pribadong sektor upang matiyak ang agarang suporta sa panahon ng krisis. Lalong nakita ang kahalagahan ng pagtutulungang ito noong nagkaroon ng pagbaha dulot ng storm surge, kung saan masigasig na naghanda at kumilos ang barangay upang epektibong matugunan ang sakuna.

Sa kabila ng mga hamong ito, ipinakita ng komunidad ng Barangay Cabayugan ang mabilis at koordinadong pagkilos. Nagpaabot din ng pasasalamat si Hon. Francia sa mga residente dahil sa kanilang pakikiisa at kooperasyon, lalo na sa mga aktibidad para sa Disaster Risk Reduction and Management. Ang kanilang aktibong pakikilahok ay patuloy na nakatutulong sa pagbuo ng mas matatag, mas handa, at mas ligtas na komunidad.

Hinikayat din niya ang lahat na makiisa sa kanilang patuloy na mga programa sa pagtatanim ng puno, partikular sa pagpapalago ng mga bakawan na nagsisilbing likas na panangga laban sa pagbaha at iba pang panganib sa mga baybaying lugar.

Cdrrmo PPSCity
Puerto Princesa City Emergency Operations Center

05/08/2026

🚨𝗔𝗕𝗜𝗦𝗢 𝗦𝗔 𝗣𝗨𝗕𝗟𝗜𝗞𝗢

Batay sa paunang resulta ng shell toxin analysis mula sa Bureau of Fisheries and Aquatic Resources – National Fisheries Laboratory (BFAR-NFL), nagpositibo sa 𝐏𝐚𝐫𝐚𝐥𝐲𝐭𝐢𝐜 𝐒𝐡𝐞𝐥𝐥𝐟𝐢𝐬𝐡 𝐏𝐨𝐢𝐬𝐨𝐧𝐢𝐧𝐠 (𝐏𝐒𝐏) 𝐨 "𝐑𝐞𝐝 𝐓𝐢𝐝𝐞" 𝐭𝐨𝐱𝐢𝐧𝐬 ang mga shellfish na nakolekta sa iba't ibang monitoring stations sa Puerto Princesa Bay at Honda Bay. Lumagpas ang toxin level sa itinakdang ligtas na pamantayan na 60 µg STX eq/100g ng shell meat.

Dahil dito, habang hinihintay ang opisyal na 𝐒𝐡𝐞𝐥𝐥𝐟𝐢𝐬𝐡 𝐁𝐚𝐧 𝐀𝐝𝐯𝐢𝐬𝐨𝐫𝐲 ng BFAR, mahigpit na ipinagbabawal at ipinapayo sa publiko na huwag munang:

🚫 Manghuli o mangalap ng shellfish at alamang (Acetes sp.)
🚫 Mag-transport o magbenta ng shellfish at alamang
🚫 Bumili o kumain ng shellfish at alamang mula sa mga baybaying lugar ng Puerto Princesa Bay at Honda Bay.

📍 Mga apektadong lugar:

𝐏𝐮𝐞𝐫𝐭𝐨 𝐏𝐫𝐢𝐧𝐜𝐞𝐬𝐚 𝐁𝐚𝐲: 𝐁𝐚𝐧𝐜𝐚𝐨-𝐁𝐚𝐧𝐜𝐚𝐨, 𝐁𝐚𝐠𝐨𝐧𝐠 𝐒𝐢𝐤𝐚𝐭, 𝐁𝐚𝐠𝐨𝐧𝐠 𝐒𝐢𝐥𝐚𝐧𝐠, 𝐏𝐚𝐠𝐤𝐚𝐤𝐚𝐢𝐬𝐚, 𝐌𝐚𝐛𝐮𝐡𝐚𝐲, 𝐋𝐢𝐰𝐚𝐧𝐚𝐠, 𝐁𝐚𝐠𝐨𝐧𝐠 𝐏𝐚𝐠-𝐚𝐬𝐚, 𝐒𝐚𝐧 𝐈𝐬𝐢𝐝𝐫𝐨, 𝐌𝐚𝐭𝐚𝐡𝐢𝐦𝐢𝐤, 𝐌𝐚𝐧𝐝𝐚𝐫𝐚𝐠𝐚𝐭, 𝐒𝐚𝐧 𝐏𝐞𝐝𝐫𝐨 (𝐖𝐞𝐬𝐭 𝐂𝐨𝐚𝐬𝐭), 𝐓𝐢𝐧𝐠𝐮𝐢𝐛𝐚𝐧, 𝐒𝐭𝐚. 𝐌𝐨𝐧𝐢𝐜𝐚, 𝐒𝐢𝐜𝐬𝐢𝐜𝐚𝐧, 𝐈𝐫𝐚𝐰𝐚𝐧, 𝐈𝐰𝐚𝐡𝐢𝐠, 𝐒𝐭𝐚. 𝐋𝐮𝐜𝐢𝐚, 𝐋𝐮𝐳𝐯𝐢𝐦𝐢𝐧𝐝𝐚, 𝐚𝐭 𝐌𝐚𝐧𝐠𝐢𝐧𝐠𝐢𝐬𝐝𝐚.

𝐇𝐨𝐧𝐝𝐚 𝐁𝐚𝐲: 𝐒𝐚𝐧 𝐌𝐢𝐠𝐮𝐞𝐥, 𝐒𝐚𝐧 𝐏𝐞𝐝𝐫𝐨 (𝐄𝐚𝐬𝐭 𝐂𝐨𝐚𝐬𝐭), 𝐒𝐚𝐧 𝐌𝐚𝐧𝐮𝐞𝐥, 𝐒𝐚𝐧 𝐉𝐨𝐬𝐞, 𝐓𝐚𝐠𝐛𝐮𝐫𝐨𝐬, 𝐒𝐭𝐚. 𝐋𝐨𝐮𝐫𝐝𝐞𝐬, 𝐁𝐚𝐜𝐮𝐧𝐠𝐚𝐧 (𝐄𝐚𝐬𝐭 𝐂𝐨𝐚𝐬𝐭), 𝐒𝐭𝐚. 𝐂𝐫𝐮𝐳, 𝐒𝐚𝐥𝐯𝐚𝐜𝐢𝐨𝐧, 𝐌𝐚𝐧𝐚𝐥𝐨, 𝐌𝐚𝐫𝐮𝐲𝐮𝐠𝐨𝐧, 𝐋𝐮𝐜𝐛𝐮𝐚𝐧, 𝐁𝐚𝐛𝐮𝐲𝐚𝐧, 𝐒𝐚𝐧 𝐑𝐚𝐟𝐚𝐞𝐥, 𝐓𝐚𝐧𝐚𝐛𝐚𝐠, 𝐂𝐨𝐧𝐜𝐞𝐩𝐜𝐢𝐨𝐧, 𝐁𝐢𝐧𝐝𝐮𝐲𝐚𝐧, 𝐚𝐭 𝐋𝐚𝐧𝐠𝐨𝐠𝐚𝐧.

✅ Paalala sa mga nagtitinda at nagbibiyahe ng shellfish at alamang:
Kung ang produkto ay mula sa mga lugar na hindi apektado, kinakailangang may 𝐂𝐞𝐫𝐭𝐢𝐟𝐢𝐜𝐚𝐭𝐞 𝐨𝐟 𝐎𝐫𝐢𝐠𝐢𝐧 na inisyu ng Punong Barangay o City Agriculture Office ng pinanggalingang lugar.

🐟 Ligtas pa ring kainin ang isda, pusit, hipon, alimango, at iba pang aquatic species na hindi kabilang sa advisory, basta't sariwa, malinis, at maayos ang pagkakaluto. Bilang dagdag na pag-iingat, alisin at itapon ang hasang, bituka, at iba pang lamang-loob bago lutuin.

📢 Makipagtulungan at sundin ang advisory upang mapangalagaan ang kalusugan ng bawat isa. Maghintay lamang ng susunod na opisyal na anunsyo mula sa City Agriculture Office at BFAR bago muling mangalap, magbenta, o kumonsumo ng shellfish mula sa mga apektadong lugar.

04/08/2026

🚨𝗔𝗕𝗜𝗦𝗢 𝗦𝗔 𝗣𝗨𝗕𝗟𝗜𝗞𝗢: PAGLULUNSAD NG LONG MARCH 8A ROCKET NG PEOPLE’S REPUBLIC OF CHINA

Ang People's Republic of China (PRC) ay nakatakdang maglunsad ng Long March 8A mula sa Hainan International Commercial Launch Center sa Wenchang, Hainan, sa pagitan ng 4:44 PM hanggang 5:20 PM PhST sa ika-4 ng Agosto 2026 (Martes).

Inaasahan na ang ilang bahagi ng Long March 8A rocket ay mahuhulog sa loob ng mga tinukoy na drop zones (DZ):

𝗗𝗿𝗼𝗽 𝗭𝗼𝗻𝗲 𝟭: Humigit-kumulang 92 Nautical Miles (NM) mula sa Patag Island, 143 NM mula sa Bajo de Masinloc, at 194 NM naman ang layo mula sa Busuanga, Palawan, at 130 NM ang layo mula sa Busuanga, Palawan.

𝗗𝗿𝗼𝗽 𝗭𝗼𝗻𝗲 𝟮: Humigit-kumulang 52 Nautical Miles (NM) mula sa Puerto Princesa, Palawan, 23 NM mula sa Tubbataha Reefs Natural Park, 103 NM naman mula sa Pangutaran Island, Sulu, at 113 NM mula sa Hadji Muhtamad, Basilan.

⚠️𝗠𝗴𝗮 𝗣𝗮𝗮𝗹𝗮𝗹𝗮 𝗽𝗮𝗿𝗮 𝘀𝗮 𝗞𝗮𝗹𝗶𝗴𝘁𝗮𝘀𝗮𝗻:

• Mahigpit na ipinagbabawal ang paglapit o pagkuha ng anumang debris ng rocket na maaaring matagpuan sa dagat o lupa.

• Ang mga ito ay maaaring maglaman ng nakalalasong sangkap gaya ng rocket fuel.

• Gumamit ng Personal Protective Equipment (PPE) kung kinakailangang makipag-ugnayan sa debris.

• Pinapayuhan ang publiko na agad ipagbigay-alam sa mga lokal na awtoridad ang anumang pinaghihinalaang debris na makita sa dagat o lupa.

Data Source: Philippine Space Agency

03/08/2026

𝗖𝗗𝗥𝗥𝗠𝗢 𝗨𝗣𝗗𝗔𝗧𝗘 | Agaran ang naging responde ng City Disaster Risk Reduction and Management Council Response Agencies sa pangunguna ng Bureau of Fire Protection–Puerto Princesa at City DRRM Office sa sunog na naganap sa Purok Maligaya, Barangay Bancao-Bancao, Puerto Princesa City ngayong Lunes, Agosto 3, 2026.

Tumulong din sa pag-apula ng apoy ang PDRRMO-Palawan DRR Auxiliary, Puerto Princesa City Water District, at Puerto Princesa Balayong Office na nagpadala ng water tanker upang mas mapabilis ang operasyon. Nagkaisa rin ang mga residente ng Barangay Bancao-Bancao, sa pangunguna ng kanilang Barangay DRRM Committee, upang magbigay ng suporta sa mga bumbero at responders.

Kasabay nito, tumungo ang Philippine Red Cross at City Health Office–HERO upang magbigay ng agarang medical assistance sa mga naapektuhan. Nagpaabot naman ng inuming tubig sa mga responder ang Haim Chicken Inato bilang tulong at suporta sa kanilang operasyon.

Samantala, nagbigay ng seguridad at kaayusan sa lugar ang Anti-Crime Task Force at PNP Station 1, habang tumulong ang City Traffic sa pamamahala ng daloy ng sasakyan upang hindi maantala ang operasyon ng mga fire trucks at emergency responders. Wala namang naitalang nasawi o malubhang nasugatan sa insidente, at nagpapatuloy din ang ginagawang assessment ng City Social Welfare Department (CSWD) para sa mga naapektuhan upang matiyak ang agarang pagbibigay ng kaukulang tulong at suporta.

Cdrrmo PPSCity
Puerto Princesa City Emergency Operations Center

31/07/2026

31/07/2026

Puerto Princesa CDRRMC Run for Resilience COLOR FUN RUN 2026 PHOTOS 3/3

31/07/2026

Puerto Princesa CDRRMC Run for Resilience COLOR FUN RUN 2026 PHOTOS 2/3