Coast Guard Sub-Station Puerto Galera

24/09/2025

16/09/2025

𝐏𝐀𝐆𝐇𝐀𝐇𝐀𝐍𝐀𝐏 𝐏𝐀𝐑𝐀 𝐒𝐀 𝐌𝐀𝐍𝐆𝐈𝐍𝐆𝐈𝐒𝐃𝐀𝐍𝐆 𝐓𝐈𝐍𝐀𝐌𝐀𝐀𝐍 𝐍𝐆 𝐊𝐈𝐃𝐋𝐀𝐓 𝐒𝐀 𝐊𝐀𝐓𝐔𝐁𝐈𝐆𝐀𝐍 𝐍𝐆 𝐁𝐑𝐆𝐘 𝐒𝐈𝐍𝐀𝐍𝐃𝐈𝐆𝐀𝐍, 𝐏𝐔𝐄𝐑𝐓𝐎 𝐆𝐀𝐋𝐄𝐑𝐀, 𝐎𝐑𝐈𝐄𝐍𝐓𝐀𝐋 𝐌𝐈𝐍𝐃𝐎𝐑𝐎

𝐓𝐈𝐍𝐆𝐍𝐀𝐍: Noong ika-14 ng Setyembre 2025, bandang alas nwebe ng gabi, nakatanggap ng tawag ang Coast Guard Sub-Station (CGSS) Puerto Galera mula kay G. Herman Madeja, kasapi ng Bantay Dagat ng Puerto Galera. Iniulat niya na isa sa kanilang mga kasamahang mangingisda ang umano’y tinamaan ng kidlat habang nangingisda sa karagatang sakop ng Barangay Sinandigan, Puerto Galera, Oriental Mindoro.

Agad na kumilos ang mga tauhan ng CGSS Puerto Galera at nakipag-ugnayan sa Philippine National Police (PNP) Maritime Group upang magsagawa ng search and rescue operation, at beripikahin ang ulat.

Kinilala ang biktima na si G. John Loyd Espenilla, 27 taong gulang, residente ng Brgy. Lumangbayan, San Teodoro, Oriental Mindoro. Siya ay may taas na 5 talampakan at 9 na pulgada, may payat na pangangatawan, at huling namataang nakasuot ng pink na may itim na t-shirt at navy blue na pang-ibaba.

Sa kasalukuyan, patuloy ang isinasagawang search and rescue operations ng CGSS Puerto Galera katuwang ang PNP Maritime Group at iba pang kaugnay na ahensya upang matagpuan ang nasabing mangingisda.

Hinihiling ng pamahalaang lokal at ng CGSS Puerto Galera ang kooperasyon ng publiko, lalo na ng mga nasa karatig-lugar, para sa anumang impormasyon na maaaring makatulong sa operasyon.

Para sa karagdagang impormasyon, makipag-ugnayan sa:

CGS Oriental Mindoro - 0975 542 6908

CGSS Puerto Galera - 0953 067 8568

25/06/2025