21/03/2026
Taos-puso kaming nagpapahayag ng aming lubos na pasasalamat sa inyong dalawa sa pagiging bahagi ng SK Scholarship journey. Ang inyong sipag, determinasyon, at dedikasyon sa pag-aaral ay tunay na nagbibigay inspirasyon sa amin. Bawat isa sa inyo ay nagpakita ng tapang sa pag-abot ng inyong mga pangarap, at anuman ang naging resulta, ang inyong pagsisikap ay sumasalamin sa isang maliwanag na kinabukasan. Ang prosesong ito ay hindi lamang tungkol sa pagpili, kundi pati na rin sa pagkilala sa potensyal at dedikasyon ng bawat kabataan sa aming komunidad.
Ipinapaabot din namin ang aming taos-pusong pagbati kay Zeff V. Gonzaga, ang napiling SK Scholar. Ang iyong tiyaga, dedikasyon, at pagsusumikap ay tunay na nagbunga. Ipinakita mo ang kahusayan at determinasyon na nagbigay sa iyo ng pagkakataong ito. Nawaโy magsilbi itong gabay sa pag-abot ng iyong mga pangarap at maging inspirasyon sa iba pang kabataan na magsikap at magtagumpay. Lubos kaming ipinagmamalaki ka.
Kasabay nito, nais din naming ipahayag ang aming taos-pusong pasasalamat kay Alexis Pinat, na hindi man napili. Gusto man namin na ikaw ay maisama, ngunit iisa lamang ang maaaring mapili para sa SK Scholarship. Ipinakita mo ang iyong lakas, determinasyon, at tunay na hangaring makapagpatuloy sa iyong pag-aaral. Bagamat hindi pa ito ang iyong pagkakataon ngayon, tandaan mong hindi nasasayang ang iyong mga pagsisikap. Ito ay simula pa lamang ng mas marami pang oportunidad na darating sa iyo. Huwag kang mawalan ng pag-asa patuloy kang maniwala sa iyong sarili, magsumikap, at magtiwala na darating din ang iyong tamang panahon.
Sa huli, ang scholarship na ito ay paalala na ang tagumpay ay hindi lamang nasusukat sa pagkilala, kundi sa tapang na sumubok, sa kagustuhang matuto, at sa determinasyong magpatuloy sa kabila ng mga hamon. Sa inyong dalawa, ipinagmamalaki namin kayo. Patuloy kayong mangarap, magsikap, at huwag kailanman titigil sa paniniwala sa kinabukasang inyong binubuo. ๐
