08/07/2026
Cπππππππ πππππ πππ πππππ πππππππ π
Bilang bahagi ng patuloy na pangangalaga at pagpapayaman ng ating yamang-tubig, matagumpay na isinagawa ngayong Hulyo 8, 2026 ang Communal Water and River Seeding sa Ilog Sebol, kung saan isinagawa ang pagpapakawala ng 121,000 semilya ng tilapya upang makatulong sa pagpapanumbalik at pagpapaunlad ng ating likas na yaman.
Lubos na nagpapasalamat ang Pamahalaang Barangay ng Bukal sa Provincial Government of Laguna, sa pamamagitan ng Office of the Provincial Agriculturist, gayundin sa Department of Agriculture β Pila, sa pangunguna ni Sir Milo Palacol, sa kanilang walang sawang suporta at pakikiisa sa mga programang nagtataguyod ng napapanatiling pangangalaga sa kapaligiran at pagpapaunlad ng sektor ng agrikultura at pangisdaan.
Nakiisa rin sa nasabing aktibidad ang ating Punong Barangay, Kgg. Christopher C. Suello, kasama ang Committee on Agriculture sa pangunguna ni Kgg. Guillermo E. Pumar, ang buong Sangguniang Barangay, mga kawani ng Barangay, at iba pang katuwang sa pamayanan sa pagsasakatuparan ng makabuluhang gawaing ito.
Ang programang ito ay hindi lamang tungkol sa pagpapakawala ng mga semilya ng isda, kundi isang hakbang tungo sa pangangalaga ng ating mga ilog, pagpapanatili ng balanse ng kalikasan, at pagtiyak na may mapapakinabangang yamang-tubig ang kasalukuyan at ang mga susunod na henerasyon.
Sama-sama nating pangalagaan ang ating Ilog Sebol. Ang bawat munting hakbang ngayon ay puhunan para sa isang masagana, luntian, at maunlad na Barangay Bukal. πππΏ
