Brgy. Captain Loy Batugan - Barangay Batulawan Malidegao, SGA BARMM

30/08/2026

𝗪𝗮𝗹𝗮𝗻𝗴 𝗣𝗮𝘀𝗼𝗸 𝗕𝘂𝗸𝗮𝘀!

The Bangsamoro Autonomous Region in Muslim Mindanao (BARMM) will observe a regular non-working holiday tomorrow, August 31, 2026, pursuant to Proclamation No. 1006, s. 2025.
This holiday is observed nationwide in commemoration of National Heroes Day.

22/08/2026

𝗕𝗔𝗥𝗔𝗡𝗚𝗔𝗬 𝗕𝗔𝗧𝗨𝗟𝗔𝗪𝗔𝗡 𝗖𝗟𝗘𝗔𝗡-𝗨𝗣 𝗗𝗥𝗜𝗩𝗘

Matagumpay na isinagawa ngayong Agosto 22, 2026 ang Clean-Up Drive sa Barangay Batulawan Malidegao, SGA-BARMM, sa pangunguna ng ating butihing Punong Barangay Loy B. Batugan, kasama ang Pitong Barangay Konsehal, Barangay Secretary, Barangay Treasurer, Sangguniang Kabataan (SK), Health Workers, at BPATs.

Layunin ng gawaing ito na mapanatili ang kalinisan, kaayusan, at kaligtasan ng ating barangay. Maraming salamat sa lahat ng nakiisa at naglaan ng oras at serbisyo para sa ating komunidad.

📢PAALALA SA ATING MGA KA-BARANGAY
Hinihiling po sa lahat na ilabas lamang ang basura sa gilid ng National Highway tuwing Huwebes at Linggo, alinsunod sa iskedyul ng garbage collection ng ating Munisipyo. Kung maaari, ilagay ang basura sa wastong lalagyan, isako, at talian nang mabuti upang maiwasan ang pagkalat nito.

Sa ating pagkakaisa at disiplina, mapapanatili nating malinis at maayos ang Barangay Batulawan.

Maraming salamat po sa inyong pakikiisa at pang-unawa!

“Malinis na Barangay, Maayos na Pamayanan!”

20/08/2026

𝐅𝐔𝐋𝐋𝐘 𝐈𝐌𝐌𝐔𝐍𝐈𝐙𝐄𝐃 𝐂𝐇𝐈𝐋𝐃𝐑𝐄𝐍 𝐆𝐑𝐀𝐃𝐔𝐀𝐓𝐈𝐎𝐍
𝐀𝐔𝐆𝐔𝐒𝐓 𝟐𝟎, 𝟐𝟎𝟐𝟔

Isang makabuluhan at masayang pagdiriwang para sa ating mga batang kumpleto sa bakuna sa Barangay Batulawan, Malidegao, SGA-BARMM.

Ang bawat bakuna ay isang hakbang tungo sa mas malusog at ligtas na kinabukasan ng ating mga anak.

Congratulations, little graduates! Maraming salamat sa mga magulang, health workers, at lahat ng patuloy na sumusuporta sa kalusugan ng ating mga kabataan.

Bakuna para sa bata, proteksyon para sa buong pamilya. ❤️

15/08/2026

📣

11/08/2026

03/08/2026

26/07/2026

📢 SOCIAL PENSION PROGRAM PAYOUT | BARANGAY BATULAWAN

Ipinababatid ng Ministry of Social Services and Development (MSSD) – Malidegao Field Office na isasagawa ang Social Pension Program Payout para sa mga benepisyaryong senior citizen ng Barangay Batulawan.

📍 Venue: Barangay Covered Court
📅 Petsa: Hulyo 27, 2026 (Lunes)
🕗 Oras: Simula 8:00 ng umaga
👴👵 Mga Benepisyaryo: 362 Senior Citizens

📌 PAALALA

Mangyaring dalhin ang mga sumusunod na kinakailangang dokumento:

✅ Orihinal na Senior Citizen ID
✅ National ID na may 6 na photocopy

Para sa mga wala pang National ID, maaari ninyong dalhin ang Orihinal na Senior Citizen ID kasama ang 6 na photocopy nito.

Inaanyayahan ang lahat ng mga benepisyaryo na dumating nang maaga at tiyaking kumpleto ang mga kinakailangang dokumento upang maging maayos at mabilis ang proseso ng payout.

Maraming salamat po sa inyong patuloy na pagtitiwala at pakikiisa sa mga programa ng MSSD.

Magkakaisa para sa Mas Maunlad na Malidegao! 💚💛❤️

11/07/2026

𝐌𝐏𝐖-𝐁𝐀𝐑𝐌𝐌 𝐌𝐮𝐥𝐢𝐧𝐠 𝐍𝐚𝐠𝐬𝐚𝐠𝐚𝐰𝐚 𝐧𝐠 𝐒𝐢𝐭𝐞 𝐒𝐮𝐫𝐯𝐞𝐲 𝐩𝐚𝐫𝐚 𝐬𝐚 𝐒𝐨𝐥𝐚𝐫 𝐒𝐭𝐫𝐞𝐞𝐭 𝐋𝐢𝐠𝐡𝐭𝐬 𝐬𝐚 𝐒𝐢𝐭𝐢𝐨 𝐖𝐚𝐧𝐠𝐚𝐲𝐞𝐧 𝟏, 𝐁𝐚𝐫𝐚𝐧𝐠𝐚𝐲 𝐁𝐚𝐭𝐮𝐥𝐚𝐰𝐚𝐧 𝐌𝐚𝐥𝐢𝐝𝐞𝐠𝐚𝐨 𝐒𝐆𝐀 𝐁𝐀𝐑𝐌𝐌

Muling nagsagawa ng site inspection at survey ang mga kawani ng Ministry of Public Works (MPW) – BARMM sa Sitio Wangayen 1 (Basak), Barangay Batulawan, bilang bahagi ng patuloy na paghahanda para sa planong paglalagay ng solar street lights sa lugar.

Personal na pinangunahan ni Hon. Loy B. Batugan, Punong Barangay ng Barangay Batulawan, ang isinagawang pag-iinspeksyon kasama ang mga kawani ng MPW at mga Barangay Kagawad upang matiyak ang angkop na mga lokasyon para sa proyekto.

Ipinahayag ni Ting Tulante, isa sa mga residente ng Sitio Wangayen 1 (Basak), ang kanyang pasasalamat at suporta sa naturang proyekto. Aniya, malaking tulong ito sa komunidad, lalo na sa pagpapalakas ng seguridad at pagbibigay ng mas maliwanag na daanan para sa mga residente sa oras na maisakatuparan ang proyekto.

Patuloy na nagsisikap ang Pamahalaang Barangay ng Batulawan na makapaghatid ng mga programang magpapabuti sa kalidad ng pamumuhay ng bawat mamamayan sa pamamagitan ng pakikipag-ugnayan sa iba’t ibang ahensya ng pamahalaan.

Sama-sama tungo sa mas ligtas, mas maliwanag, at mas maunlad na Barangay Batulawan.