22/10/2023
May nagpost nito sa social media nuong isang taon. Nagpatawag agad ng pagpupulong sa mga tauhan ng barangay yung kapitan na binabanggit ng babae sa video. Sa pagpupulong, magkatabi si kapitan at ang babae sa video. Nanggagalaiti sa galit si kapitan, at napagbintangan ang isang empleyado na siyang nasa likod ng nasabing post.
Para sa kaalaman po nung nagpost dahil ang tanong niya ay sino itong babae na ito dahil kaiba nga daw ang asta, siya po yung una ay personal na sekretarya ni nasuspindeng kapitan. Duon silang dalawa nag-opisina sa ikatlong palapag ng gusali ng barangay. Wala naman po sanang problema, ano ba masama na si kapitan ay magkaroon ng isang sekretarya na may pleasing personality...ang tuksuhan pa nga ay masama lalo kung poging lalaki yun kasama nitong kapitan sa kaniyang kwarto.
Subali't dahil sa makisig nga itong si kapitan, ay dumating na yung bulung-bulungan ng mga Maritess na siya at itong babae sa video ay may ekstrang relasyon na. Hindi makapaniwala ang ilan dahil bago pa man naging kapitan itong makisig na kapitan, ay pumutok na ang balita na may nabuntis itong babae nuong tumakbo itong konsehal ng bayan ng 2016 eleskyon, at yung napabalitang babae ay kakambal nitong babae na nasa video. Kung totoo ang mga intrigang ito, ay napaka-imoral ang ginagawa nitong si kapitan, dahil nagamit niya ang kaniyang pwesto upang maisulong niya ang kaniyang karnal na pagnanasa.
Pero ano ba ang mga nagbigay ng malakas na dahilan upang pag-isipan sila ng ganito? Nang magkasunog sa barangay nuong Marso 2019, ng araw na magkasunog ay kakaalis lamang ng umaga na iyon nitong si kapitan para dumalo sa isang seminar duon sa Calamba, Laguna, kasama niyang pumunta duon ay itong si personal secretary niya. Kaya nabulisyaso yun lakad niya dahil kinailangan niyang mapabalik agad upang huwag siya masilipan na wala siya para ayusin ang mga nasunugan. Kaya nga napansin na din nga ng marami na late na nakapunta itong si kapitan upang makausap ang mga nasunugan. Nuong tumama ang PANDEMYA, sa kasagsagan nito ay personal na namimili itong si kapitan ng mga ipapakain sa mga tanod at iba pang frontliners. Ang kasama niya sa pamimili ay itong si sekretarya niya, pwede sabihin dahil na BNAO niya ito, pero ang problema ay nag-isip pa ang mga malisyosong utak dahil nga pagbalik galing sa pamimili ay meron na ding bitbit itong babae na personal niyang pinamili, hindi maaalis na maitanong kung yun pinambili para sa kanya ay personal ba o pera din ng barangay? Ang pinaka-malupit na ginawa ni kapitan para sa babae na ito ay nang sinawing palad na mamatay ang matandang sekretaryo ng Barangay Sto Rosario Kanluran, dahil isang araw matapos yumao ang matanda ay nagkukumarot na ginawa niyang opisyal na barangay secretary na si personal secretary, wala naman sanang masama duon, maliban na lamang na kung iisipan ay mistula na rin niyang ginawang kalihim ng barangay ang kaniyang "personal partner". Magmula po nuon hanggang sa magkawindang-windang ang political career nitong si kapitan ay ito pong babae sa video ang numero uno para sa kanya. Oras na ito na makabangga ng isang empleyado, SIBAK kay kapitan.
Nang masuspinde si kapitan, kaagad na nagbitiw sa pwesto ang babae sa.video. At ang ikinakalat ng mga alipores ni kapitan na mga nagbitiw din ay babalik na lamang sila kasabay daw ng pagbalik sa pwesto nitong makisig na kapitan ng Brgy. Sto. Rosario - Kanluran.
Siguro ay nasagot na po ang itinatanong nung nagpost ng video na ito...SINO KAYA ANG BABAE SA VIDEO?
