https://www.facebook.com/107853288892129/

Don Artes

This is the official page of MMDA Chairman Don Artes.

23/10/2026

𝐖𝐄𝐄𝐊𝐋𝐘 𝐇𝐈𝐆𝐇𝐋𝐈𝐆𝐇𝐓𝐒 | Halina't balikan ang mga mahahalagang kaganapan at gawain ng MMDA sa nakalipas na linggo.

Panoorin ang at manatiling updated sa mga programa, proyekto, at serbisyong hatid ng aming ahensiya para sa mas ligtas, maayos, at maunlad na Metro Manila.

23/10/2026

Tayo po ay lumagda sa isang memorandum of understanding (MOU) kasama si University of the Philippines President Angelo Jimenez para sa mga programang makatutulong upang mabawasan ang pagbaha sa mga lungsod sa Metro Manila.

Bahagi ang partnership na ito ng Metro Manila Sponge City Project bilang suporta sa Oplan Kontra Baha Initiative ng ating Pangulong Bongbong Marcos para sa layunin nating gawing handa ang Metro Manila sa malakas na pag-ulan at pagbaha.

Sa ilalim ng proyektong ito, maglalagay ang MMDA ng mga detention basin at nature-based solutions sa mga lugar gaya ng UP campus na isa sa na na-identify na lugar sa pag-aaral ng ating partners mula sa Dutch engineering firm na Haskoning.

Binigyang-diin ko rin ang ilang development tulad ng pakikipag-usap ng ahensiya kay UP Resilience Institute and NOAH Center (UPRI-NOAH) Executive Director Dr. Alfredo Mahar Lagmay para naman sa pagpapalawak ng Efficient Flood Control Operating System (EFCOS) na tumutukoy ng rain volume sa upper Marikina para magamit na ito sa buong Kalakhang Maynila.

Sa pamamagitan ng pasilidad na ito, malalaman natin ang volume ng paparating na ulan sa ating lugar, paraan upang agaran natin itong mabigyan ng angkop na paghahanda.

Patuloy ang pagsisikap namin sa MMDA na mabigyan ng solusyon ang mga kinakaharap nating problema sa rehiyon upang magkaroon tayo ng mas maginhawa at ligtas na pamayanan.

11/10/2026

Pinangunahan namin ni Pasig City Mayor Vico Sotto ang pagbubukas ng redeveloped Ilaya Buting Linear Park sa Barangay Buting!

Mahalaga ang pagtutulungan sa pagpapanatili ng kalinisan at kaayusan ng bagong bukas na parke upang marami pa ang makinabang at mapanatili ang ganda nito.

Pag-iingatan at pangangalagaan natin ang lugar na may bagong playground, exercise equipments, public comfort rooms, at lighting equipments.

Tiniyak din natin ang pagdaragdag ng mga plant at greenhouse para sa mga residente sa lugar.

Patuloy ang MMDA sa pagtatrabaho upang mas marami pa ang maibigay nating open at green spaces sa mga pamayanan sa Metro Manila.

09/10/2026

Kamakailan lamang ay pinangunahan natin ang pagpupulong ng Metro Manila Disaster Risk Reduction and Management Council (MMDRRMC) upang makapagbigay ng update ang mga lokal na pamahalaan sa Metro Manila at mapag-usapan ang mga kinakailangang hakbang sa inaasahang epekto ng El Niño.

Iprinesenta ko rin ang bagong handbook na Basic Essential Guide to Disaster Readiness na makakatulong sa ating mga kabataan. Napag-usapan din natin ang pagbuo ng isang technical working group, katuwang ang Department of Education (DepEd), para maipalaganap ang ating handbook sa mga eskuwelahan at maituro sa mga estudyante.

Naniniwala po ako na maaga pa lamang ay kailangan nang mabigyan ng kaalaman ang mga kabataan tungkol sa disaster readiness upang mabitbit nila ito sa kanilang pagtanda at maipasa sa mga susunod pang henerasyon.

Ibinahagi ko rin ang hakbang na ginagawa ng MMDA upang mapangalagaan ang kalusugan ng ating traffic enforcers at field personnel tulad ng pagbibigay ng 15 minutes water break kada dalawang oras at pagbibigay ng tubig sa iba’t ibang sektor.

06/10/2026

Tayo po ay nakipagpulong kay San Miguel Corporation (SMC) Chairman and CEO Ramon Ang hinggil sa mga inisyatiba sa waste-to-energy at ang ipinatupad na traffic improvement sa Araneta Avenue–N.S. Amoranto intersection, Quezon City.

Lubos akong nagpapasalamat kay Ang sa pagpapahayag ng interes sa proyekto na maaaring maging daan para sa posibleng partnership ng MMDA at SMC sa pagpapaunlad ng waste management at waste-to-energy facilities sa Metro Manila.

Samantala, binigyan natin ng update si Ang hinggil sa kanyang kahilingan na pag-aralan ang traffic situation sa Araneta Avenue–N.S. Amoranto intersection. Bilang tugon, nagsagawa ang MMDA Traffic Engineering Center ng traffic volume count at inventory upang masuri ang daloy ng trapiko sa lugar.

Batay sa resulta ng pag-aaral, binago ang traffic signal phasing mula sa dating limang (5) phase patungong apat (4) phase, na ipinatupad noong Oktubre 1, upang makatulong sa pagpapabilis ng travel time at travel speed sa lugar.

Naglagay din ang ating ahensiya ng traffic detectors upang mas maayos na ma-monitor ang traffic flow at maisulong ang mas episyenteng traffic signal management sa nasabing intersection.

05/10/2026

Bilang bahagi ng ating paghahanda para sa 49th ASEAN Summit, nakibahagi ang Metropolitan Manila Development Authority (MMDA) sa Inter-Agency Coordination Meeting on the Harmonized Actions and Interventions, kasama ang iba’t ibang ahensya ng pamahalaan.

Mahalaga ang pagpupulong na ito upang mapag-isa ang ating mga operational plans, interventions, at mga hakbang na kinakailangan upang matiyak ang maayos at episyenteng koordinasyon sa buong panahon ng summit.

Nakatuon po ang MMDA sa maayos na traffic management, mobility, crowd management, at agarang pagtugon sa mga pangangailangan sa iba’t ibang lugar na pagdarausan ng mga aktibidad.

Sisiguraduhin nating maayos ang daloy ng trapiko at transportasyon habang binibigyang-prayoridad ang kaligtasan at kaginhawaan ng mga delegado at ng publiko.

Mahalaga ang seamless coordination at mabilis na communication sa pagitan ng bawat concerned agency upang maging handa tayo sa anumang sitwasyon at agarang makapagpatupad ng kinakailangang interventions.

03/10/2026

Personal kong pinangunahan ang naganap na Joint Metro Manila Council (MMC) at Regional Development Council (RDC) meeting kasama ang Metro Manila mayors at iba pang sangay ng pamahalaan kung saan nagkaisa kami sa pag-apruba ng ilang resolusyon para sa mas malinis at ligtas na Kalakhang Maynila.

Dito, inaprubahan ang pagbuo ng isang Technical Working Group (TWG) upang maglatag ng framework para sa isang pinag-isang sistema laban sa pagkakalat ng basura sa buong Metro Manila.

Opisyal din na inendorso ang Metro Manila Sponge City Project (MMSCP) sa Department of Economy, Planning and Development-Investment Coordination Committee upang mas palakasin ang kakayahan ng rehiyon laban sa pagbaha sa pamamagitan ng nature-based solutions.

Patuloy tayong magtutulungan para sa mas maayos na kinabukasan ng ating rehiyon!

Address

MMDA Head Office, Julia Vargas
Pasig City
1212

Website

facebook.com

Alerts

Be the first to know and let us send you an email when Don Artes posts news and promotions. Your email address will not be used for any other purpose, and you can unsubscribe at any time.