04/06/2026
🔥 MAS PINALAKAS NA SUPORTA PARA SA MGA SURVIVORS NG SUNOG SA PARAÑAQUE! 🔴
Isang mahalagang hakbang para sa mas mabilis at mas epektibong pagbangon ng ating mga kababayan! Matapos ang deliberasyon ng 10th Sangguniang Panlungsod, opisyal na naaprubahan ang Ordinance No. 2026-16 (Series of 2026).
Inaamyendahan nito ang dating Ordinance No. 2024-22 upang itaas ang halaga ng pinansyal na tulong na ibinibigay ng Pamahalaang Lungsod para sa mga pamilyang naapektuhan ng insidente ng sunog sa Lungsod ng Parañaque. Sa ilalim ng bagong ordinansa, mas pinantay at pinalaki ang ayudang matatanggap ng bawat pamilya anuman ang katayuan sa pagmamay-ari ng bahay.
💰 BAGONG IPATUTUPAD NA FINANCIAL ASSISTANCE (Per Family Basis):
₱10,000.00 – Para sa mga naapektuhang pamilya, maging sila man ay Structure Owner, Renter, o Sharer.
₱5,000.00 – Para sa mga ari-arian o bahay na may 40% o pababa ang pinsala base sa pagtatasa.
₱2,000.00 – Para sa mga kabahayang nakaranas ng Collateral Damage o nadamay na karatig-bahay.
📋 MGA MAHALAGANG PAALALA:
Per Family Basis: Ang pagpapalabas ng pinansyal na tulong ay ibibigay bawat apektadong pamilya.
Validation & Assessment: Ang pagbibigay ng tulong ay dadaan sa validation ng Bureau of Fire Protection (BFP) at rekomendasyon ng City Social Welfare and Development Office (CSWDO).
Ang CSWDO ang magsisilbing pangunahing ahensya sa pagpapatupad, pag-verify, at pagsusuri ng mga kwalipikadong benepisyaryo.
Ang ordinansang ito ay pinangunahan at itinaguyod ng inyong City Council sa pamumuno nina Proponents Coun. Charles Yeoj L. Marqez, Coun. Jose Enrico T. Golez, Coun. Daniel Eric M. Baes, Coun. Shiella G. Benzon, at ng buong Sangguniang Panlungsod, sa pamumuno ni Vice Mayor Florencio C. Bernabe III, at opisyal na nilagdaan ni City Mayor Edwin L. Olivarez.
Patuloy ang Pamahalaang Lungsod sa pagbuo ng mga programang naglalayong magbigay-kalinga at agarang ayuda sa panahon ng krisis at sakuna.
Ito ay naisakatuparan sa pamamagitan ng sama-samang pagsisikap ng mga miyembro ng 10th Sangguniang Panlungsod, sa pamumuno ni Presiding Officer Vice Mayor Florencio “Benjo” Bernabe III, katuwang ang pamunuan ni Mayor Edwin L. Olivarez.
https://drive.google.com/file/d/19os61MvO8scLwxISr2TSYu-xkaVvQsvT/view?usp=drive_link
