https://www.facebook.com/257267500808459/

Kuya Mac Marcos

Home
Philippines
Paombong
Kuya Mac Marcos

Contact information, map and directions, contact form, opening hours, services, ratings, photos, videos and announcements from Kuya Mac Marcos, Public Service, Paombong.
(3)

03/06/2026

June 2, 2026 | 𝗕𝗲𝗻𝗲𝗽𝗶𝘀𝘆𝗮𝗿𝘆𝗼 𝗻𝗴 𝗣𝗿𝗼𝗷𝗲𝗰𝘁 𝗟𝗔𝗪𝗔 𝗮𝘁 𝗕𝗜𝗡𝗛𝗜 𝘀𝗮 𝗣𝗮𝗼𝗺𝗯𝗼𝗻𝗴 𝗘𝗰𝗼-𝗣𝗮𝗿𝗸🌱

Personal na binisita ni Municipal Administrator Engr. Princess Anne P. Marcos ang mga benepisyaryo ng Project LAWA at BINHI sa Paombong Eco-Park upang kumustahin ang kanilang kalagayan at masubaybayan ang pagpapatupad ng programa.

Patuloy na isinasagawa ang Project LAWA at BINHI bilang bahagi ng Risk Resiliency Program – Climate Change Adaptation and Mitigation (RRP-CCAM) na naglalayong palakasin ang kahandaan ng komunidad laban sa epekto ng climate change, habang nagbibigay ng oportunidad sa kabuhayan at pangangalaga sa kalikasan.

Sa pamamagitan ng programang ito, patuloy na isinusulong ng Pamahalaang Bayan ng Paombong ang mga proyektong nakatuon sa pangmatagalang pag-unlad, pangangalaga sa kapaligiran, at kapakanan ng bawat Paombongeño.

03/06/2026

June 3, 2026 | 𝗠𝗣𝗢𝗖, 𝗠𝗔𝗗𝗔𝗖, 𝗟𝗖𝗔𝗧-𝗩𝗔𝗪𝗖 𝗮𝘁 𝗦𝗼𝗹𝗶𝗱 𝗪𝗮𝘀𝘁𝗲 𝗠𝗮𝗻𝗮𝗴𝗲𝗺𝗲𝗻𝘁 𝗖𝗼𝘂𝗻𝗰𝗶𝗹 𝟮𝗻𝗱 𝗤𝘂𝗮𝗿𝘁𝗲𝗿 𝗝𝗼𝗶𝗻𝘁 𝗠𝗲𝗲𝘁𝗶𝗻𝗴

Naisagawa ang 2nd Quarter Joint Meeting ng Municipal Peace and Order Council (MPOC), Municipal Anti-Drug Abuse Council (MADAC), Local Council for the Protection of Children (LCPC), Local Committee on Anti-Trafficking and Violence Against Women and their Children (LCAT-VAWC), at Solid Waste Management Council bilang bahagi ng patuloy na pagpapaigting ng mga programa at serbisyo ng Lokal na Pamahalaan.

Tinalakay sa pagpupulong ang mga accomplishment reports, updates, at mga naisagawang programa at aktibidad ng bawat konseho para sa ikalawang quarter ng taon. Nagbigay rin ng mga ulat at rekomendasyon upang higit pang mapalakas ang pagpapanatili ng kapayapaan at kaayusan, kampanya laban sa ilegal na droga, proteksyon sa kababaihan at kabataan, paglaban sa trafficking, at wastong pamamahala ng solid waste sa buong bayan.

Patuloy ang pagkakaisa at pagtutulungan ng iba't ibang sektor upang maisulong ang ligtas, maayos, at mas progresibong Pamahalaang Bayan ng Paombong para sa kapakanan ng bawat Paombongeño.

03/06/2026

𝗣𝗮𝗴𝗯𝗮𝗯𝗮𝘀𝗯𝗮𝘀 𝗻𝗴 𝗕𝗮𝗴𝗼𝗻𝗴 𝗥𝗲𝘀𝗰𝘂𝗲 𝗩𝗲𝗵𝗶𝗰𝗹𝗲 𝗻𝗴 𝗣𝗮𝗼𝗺𝗯𝗼𝗻𝗴 𝗠𝗗𝗥𝗥𝗠𝗢

Sa pangunguna ni Mayor Mac P. Marcos katuwang ang Municipal Disaster Risk Reduction and Management Office (MDRRMO), isinagawa noong Hunyo 1, 2026 ang pagbabasbas sa bagong rescue vehicle ng Pamahalaang Bayan ng Paombong bilang bahagi ng patuloy na pagpapalakas ng kahandaan at kakayahan ng bayan sa pagtugon sa mga sakuna at emerhensiya.

Ang bagong rescue vehicle ay magsisilbing karagdagang kagamitan sa mas mabilis at mas epektibong paghahatid ng serbisyong pang-rescue, medical response, at disaster operations. Sa pamamagitan nito, higit pang mapapalakas ang kakayahan ng MDRRMO na tumugon sa mga aksidente, kalamidad, at iba pang sitwasyong nangangailangan ng agarang aksyon.

Ang proyektong ito ay sumasalamin sa patuloy na adhikain ng Lokal na Pamahalaan ng Paombong na tiyakin ang kaligtasan at kapakanan ng bawat mamamayan, tungo sa isang mas ligtas, mas handa, at mas matatag na Paombong.

02/06/2026

June 1, 2026 | 𝗖𝗲𝗿𝗲𝗺𝗼𝗻𝗶𝗮𝗹 𝗧𝘂𝗿𝗻𝗼𝘃𝗲𝗿 𝗼𝗳 𝗠𝗼𝘁𝗼𝗿𝗰𝘆𝗰𝗹𝗲 𝗣𝗮𝘁𝗿𝗼𝗹

Pormal na ipinagkaloob ng Pamahalaang Bayan ng Paombong, sa pangunguna ni Mayor Mac P. Marcos, ang isang Honda CRF150L Motorcycle Patrol para sa mas mabilis at mas epektibong pagpapatupad ng mga operasyon at pagpapatrolya sa buong bayan.

Malaki ang maitutulong ng motorcycle patrol sa pagresponde sa mga lugar na may makikitid at mataong kalsada, kung saan mas nahihirapang makapasok ang mas malalaking sasakyan. Sa pamamagitan nito, mapapabilis ang pagtugon sa mga insidente at mapapalakas ang police visibility, lalo na sa mga liblib at mahirap marating na lugar.

Bukod dito, isa rin itong praktikal at matipid na alternatibo sa gitna ng patuloy na pagtaas ng presyo ng gasolina. Dahil sa mababang konsumo sa gasolina at mas murang maintenance, masisiguro ang tuloy-tuloy at episyenteng serbisyo para sa kapayapaan at kaayusan ng ating bayan.

Patuloy ang Pamahalaang Bayan ng Paombong sa pagsuporta sa mga programang naglalayong mapanatili ang kaligtasan, kaayusan, at kapakanan ng bawat Paombongeño

02/06/2026

June 2, 2026 | 𝗙𝗨𝗘𝗟 𝗦𝗨𝗕𝗦𝗜𝗗𝗬
Isinagawa ngayong umaga ang pamamahagi ng Fuel Subsidy para sa ating mga Fisherfolk Beneficiaries, sa tulong ng Pamahalaang Bayan ng Paombong sa pangunguna ng ating butihing Punong Bayan, Mayor Mac P. Marcos, katuwang ang Municipal Agriculture Office at ang Department of Agriculture – Bureau of Fisheries and Aquatic Resources Region 3 (BFAR 3).

Layunin ng programang ito na mapagaan ang gastusin sa pangisda at mas masuportahan ang kabuhayan ng ating mga mangingisda—ang mga bayaning patuloy na nagbibigay-buhay sa ating lokal na ekonomiya at sa pagkain ng bawat pamilyang Paombongeño.

Isang hakbang ito tungo sa mas masagana, matatag at maunlad na kinabukasan para sa sektor ng pangingisda sa ating bayan.

01/06/2026

𝗕𝗼𝗻𝘀𝗮𝗶 𝗣𝗶𝗹𝗶𝗽𝗶𝗻𝗮𝘀 𝗕𝗼𝗻𝘀𝗮𝗶 𝗣𝗮𝗶𝗻𝘁𝗶𝗻𝗴 𝗖𝗼𝗺𝗽𝗲𝘁𝗶𝘁𝗶𝗼𝗻 𝟮𝟬𝟮𝟲

Taos-pusong pagbati kay Vines Ventura sa pagkamit ng 1st Place sa Bonsai Pilipinas Bonsai Painting Competition 2026 na ginanap noong Mayo 28, 2026 sa Philippine Arena.

Mainit ding pagbati kina Christopher Pasco at Jaypee Enriquez sa kanilang pagkakapabilang sa Top 10 Finalists ng prestihiyosong patimpalak.

Ang inyong tagumpay ay patunay na ang talento, sipag, at dedikasyon sa sining ay nagbubunga ng pagkilala at tagumpay. Higit pa sa mga parangal, kayo ay nagsisilbing inspirasyon sa mga kapwa alagad ng sining at sa kabataang nangangarap na maipamalas ang kanilang kakayahan.

Ipinagmamalaki kayo ng Paombong. Nawa’y magsilbi ang inyong mga natamo bilang inspirasyon upang higit pang umunlad at sumibol ang sining sa ating bayan.

Muli, mabuhay at congratulations sa inyong kahanga-hangang tagumpay!

01/06/2026

June 1, 2026 | Muling isinagawa ang Flag Raising Ceremony sa harap ng Municipal Hall sa pangunguna ng Office of the Municipal Mayor. Pinangasiwaan din ng kanilang tanggapan ang buong programa kung saan ibinahagi ang mga ulat ukol sa mga naisagawang proyekto, mahahalagang tagumpay, at mga nakatakdang gawain ng kanilang opisina, gayundin ng Tanggapan ng Punong Bayan.

Matapos ang isang makabuluhang pampasiglang bilang, nagbigay ng mensahe ang ating Punong Bayan na naghatid ng inspirasyon, paggabay, at pasasalamat sa lahat ng kawani ng Pamahalaang Bayan para sa kanilang patuloy na paglilingkod sa mamamayan.

Bilang bahagi rin ng programa, isinagawa ang Ceremonial Turnover ng bagong Motorcycle Service para sa PNP Paombong, na inaasahang makatutulong sa mas mabilis at mas episyenteng pagpapatupad ng kanilang mga tungkulin sa pagpapanatili ng kapayapaan at kaayusan sa bayan.

01/06/2026

𝗟𝗜𝗕𝗥𝗘𝗡𝗚 𝗔𝗡𝗧𝗜-𝗥𝗔𝗕𝗜𝗘𝗦 𝗩𝗔𝗖𝗖𝗜𝗡𝗔𝗧𝗜𝗢𝗡 𝗣𝗥𝗢𝗚𝗥𝗔𝗠
Ipinagpapatuloy po natin ang Libreng Anti-Rabies Vaccination Program para sa ating mga kababayang 𝐧𝐚𝐤𝐚𝐠𝐚𝐭 𝐨 𝐧𝐚𝐤𝐚𝐥𝐦𝐨𝐭 𝐧𝐠 𝐚𝐬𝐨, 𝐩𝐮𝐬𝐚 𝐚𝐭 𝐢𝐛𝐚 𝐩𝐚𝐧𝐠 𝐡𝐚𝐲𝐨𝐩.
Layunin nitong mapangalagaan ang kalusugan ng bawat Paombongeño at maiwasan ang panganib na dulot ng rabies.

01/06/2026

PAOMBONG WEEKLY TIDE TABLE
JUNE 1-7, 2026

Address

Paombong

Website

facebook.com

Alerts

Be the first to know and let us send you an email when Kuya Mac Marcos posts news and promotions. Your email address will not be used for any other purpose, and you can unsubscribe at any time.

Shortcuts

Want your organization to be the top-listed Government Service in Paombong?

Kuya Mac Marcos

03/06/2026

03/06/2026

03/06/2026

02/06/2026

02/06/2026

01/06/2026

01/06/2026

01/06/2026

01/06/2026

Address

Website

Alerts

Shortcuts

Share

Category