Tindig Kabataan - Mapulang Lupa

07/08/2026

Isang taos-puso pong pagbati sa Nagkakaisang Kawang Lingkod ng mga Lolo at Lola sa pagdiriwang ng inyong Unang Anibersaryo!🤍

Isang karangalan po para sa amin na makadalo at maging bahagi ng pagdiriwang na ito. Ang inyo pong mga kwento, at aral sa buhay ay patuloy na nagsisilbing inspirasyon at gabay sa mga susunod pang henerasyon.

Nawa'y patuloy pong pagkalooban ng Panginoon ang inyong samahan ng mabuting kalusugan, masasayang alaala, at higit pang mga taong puno ng pagkakaisa, pagkakaibigan, at sama-samang paglilingkod.

Muli po, Maligayang Unang Anibersaryo! Mabuhay po ang ating mga minamahal na lolo at lola!✨

Tindig Kabataan - Chynna De Leon x Kaibigan at Kaagapay Mo - Aris Cruz

01/08/2026

Produktibo Ang Unang Araw ng Agosto ❤️

Hindi lang salita ang pagmamahal sa komunidad kundi pagkilos. 🌱💚
Masaya at makabuluhan ang aming pakikiisa sa Clean-Up Drive ng Pandi Residences 1 Elementary School .

Sa simpleng pagtutulungan, naipapakita natin na ang bawat kilos ay may malaking ambag sa pagkakaroon ng malinis, ligtas, at mas maayos na kapaligiran.

Patuloy tayong magiging bahagi ng pagbabago. Sama-sama para sa mas malinis na komunidad! 💪♻️

Tindig Kabataan - Chynna De Leon

30/07/2026

‼️‼️‼️‼️

🎉👟 LIBRENG PAMIMIGAY NG SAPATOS TULOY NA! 👟🎉

📅 Petsa: August 1, 2026 / 3PM ONWARDSP.CRUZ ROOFDECK

Inaanyayahan namin ang lahat ng kwalipikadong benepisyaryo na makiisa sa ating Libreng Pamimigay ng Sapatos. Nawa'y maging inspirasyon ito upang makapagbigay ng ngiti at pag-asa sa bawat makakatanggap.

✨ "Ang maliit na kabutihan ay may malaking epekto sa buhay ng iba."

29/07/2026

Sa kabila ng walang tigil na ulan, buong puso pong namahagi ang Tindig Kabataan - Chynna De Leon ng mainit na sopas sa ating mga kabarangay sa Pandi Village 2 (Atlantica).🤍

Nawa’y nakapagbigay kami ng ginhawa, at ngiti sa gitna ng malamig na panahon.

Mag-ingat po tayong lahat, Ka-Tindig!✊🏻🤍

28/07/2026

POYPOY UPDATE ❤️

Nakauwi na po sya at kami po ay lubos na nagpapasalamat sa mga naging tulay upang makauwi ang bata.

Unang una po, kay Maam Deya Carpio ng Barangay Wawa, Balagtas na nag-alaga at nag reach out sa ating page upang mahanap ang pamilya ng bata. Maraming salamat po sa inyong busilak na puso.

Pangalawa, sa atin pong Barangay VAWC na pinangungunahan ni Maam Maricar Lazaro at Maam Annabelle, maraming salamat po sa pagsundo kay Poypoy upang makauwi sa kanyang pamilya.

At lalo na po sa pamilya ni Poypoy, sana po ay hindi na maulit ang ganitong pangyayari. Kami po ay lubos na natutuwa at nakauwi na po sya ng ligtas sa inyo.❤️

Muli, araw-araw po natin pipiliin maging mas mabuting tao sa likod ng napaka gulong mundo.❤️

Tindig Kabataan - Mapulang Lupa

28/07/2026

Magandang umaga, Mapulang Lupa.

Nais lamang po naming ibahagi na may natanggap kaming mensahe mula sa Barangay Hall ng Wawa, Balagtas, Bulacan. Ayon sa kanilang ulat, may isang batang kasalukuyang nasa kanilang pangangalaga na nagsasabing taga-Mapulang Lupa siya.

Kung may nawawalan po ng anak o may nakakakilala sa naturang bata, hinihiling po namin na makipag-ugnayan sa Barangay Hall ng Wawa, Balagtas, Bulacan upang mapatunayan ang kanyang pagkakakilanlan at maibalik siya sa kanyang pamilya.

Maaari rin po ninyo kaming i-message. Handa po namin kayong samahan at tulungan sa pakikipag-ugnayan sa Barangay Hall upang matiyak na maayos at ligtas na maibalik ang bata sa kanyang pamilya.

Maraming salamat po. Pakibahagi na rin po ang post na ito upang mas marami ang makaratingan ng impormasyong ito.

Ang Pangalan daw po ng Bata ay Popoy.

27/07/2026

Maligayang ika-112 Anibersaryo sa Iglesia Ni Cristo!

Ang inyong matatag na pananampalataya, pagkakaisa, at tapat na paglilingkod sa Diyos ay nagsisilbing inspirasyon sa marami.

Nawa’y patuloy kayong gabayan at pagpalain ng Amang Diyos ng mabuting kalusugan, kapayapaan, at lakas sa pagpapatuloy ng inyong paglilingkod sa Kanya at sa kapwa.

Mula sa Kaibigan at Kaagapay Mo - Aris Cruz at Tindig Kabataan - Mapulang Lupa Chynna De Leon♥️