Pinoy Politics

02/09/2026

YES - ❤️
NO - 🤬

01/09/2026

31/08/2026

PANGULONG BONGBONG MARCOS JR.NANINDIGANG HINDI HAHAYAANG MASAYANG ANG SALAPI NG BAYAN

Muling binalikan ng ilang netizens ang naging pahayag ni Pangulong Ferdinand “Bongbong” Marcos Jr. noong 2025, kung saan iginiit niyang hindi niya hahayaang malustay o mapasakamay ng katiwalian ang pondo ng bayan.

Sa Philippine Development Forum 2025, sinabi ng Pangulo na gagawin ng kanyang administrasyon ang lahat ng nararapat na hakbang upang mapangalagaan ang pambansang badyet laban sa korupsiyon at maling paggamit.

Ayon sa kanya, ang pambansang badyet ay hindi lamang usapin ng salapi, kundi salamin din ng ekonomiya at moralidad ng bansa. Bawat proyekto, programa, polisiya, at bawat pisong mula sa taumbayan ay dapat magdulot ng tunay na kapakinabangan sa mga Pilipino.

Dahil ang pera ng bayan ay hindi personal na yaman ng sinumang nasa kapangyarihan—ito ay tiwalang ipinagkatiwala ng sambayanan at nararapat gamitin nang buong pananagutan.

30/08/2026

𝐒𝐈𝐍𝐎 𝐀𝐍𝐆 𝐏𝐈𝐍𝐀𝐓𝐀𝐓𝐀𝐌𝐀𝐀𝐍 𝐍𝐈 𝐑𝐄𝐌𝐔𝐋𝐋𝐀? 𝐎𝐌𝐁𝐔𝐃𝐒𝐌𝐀𝐍 𝐊𝐈𝐍𝐖𝐄𝐒𝐓𝐈𝐘𝐎𝐍 𝐀𝐍𝐆 𝐌𝐀𝐁𝐀𝐁𝐀𝐍𝐆 𝐁𝐀𝐈𝐋 𝐎 𝐀𝐍𝐆 𝐌𝐀𝐁𝐈𝐋𝐈𝐒 𝐍𝐀 𝐏𝐀𝐆𝐏𝐀𝐏𝐀𝐋𝐀𝐘𝐀 𝐏𝐀𝐑𝐀 𝐒𝐀 𝐌𝐆𝐀 𝐂𝐎𝐍𝐕𝐈𝐂𝐓𝐄𝐃 𝐍𝐀 𝐎𝐏𝐈𝐒𝐘𝐀𝐋?

Kinuwestiyon ni Ombudsman Jesus Crispin “Boying” Remulla ang umano’y pagiging maluwag ng mga korte sa pagtatakda ng piyansa o bail para sa mga indibidwal na nahatulan na ng korte.

Ayon kay Remulla, may mga pagkakataong mababa umano ang halagang itinatalaga bilang bail kahit na convicted na ang isang akusado. Aniya, dapat masusing ikonsidera ng korte ang pinsala o halagang naidulot ng isang convicted individual sa pagtukoy ng halaga ng piyansa, kung papayagan man itong magpiyansa.

Giit ng Ombudsman, mahalagang maging angkop ang halaga ng bail sa bigat ng kasong kinasasangkutan at sa pinsalang sinasabing idinulot ng nahatulang indibidwal. Para kay Remulla, hindi dapat maging dahilan ang mababang bail upang madaling makalabas ang isang taong napatunayang nagkasala.

Samantala, ang pahayag ni Remulla ay muling nagbukas ng usapin tungkol sa pagbibigay ng bail sa mga convicted individuals, partikular sa mga kasong may malaking epekto sa publiko at gobyerno. Ang desisyon kung ipagkakaloob ang bail at kung magkano ito ay nananatiling nasa kapangyarihan ng korte, alinsunod sa umiiral na batas at mga tuntunin ng hudikatura.

27/08/2026

Posibleng hindi na ipatawag ng House prosecution si Col. Dante Lachica, dating pinuno ng security ni Vice President Sara Duterte, kung sapat na umano ang testimonya ng mga naunang witness.

Ayon kay Manila City Rep. Benny Abante, maaaring ikonsidera ng prosecution panel na hindi na kailangan ang pagharap ni Lachica kung nakapagbigay na ng sapat na ebidensiya si dating OVP SDO Gina Acosta kaugnay ng mga articles of impeachment laban kay Duterte.

Gayunman, sinabi ni Abante na kailangan pa ring pag-usapan at pagdesisyunan ito ng House prosecution panel.