19/06/2026
๐ข PAHIBALO BATOK SA AFRICAN SWINE FEVER (ASF)
Bangud sa Provincial Veterinary Advisory No. 1, Series of 2026 naga petsa Hunyo 18, 2026 nga ginpagwa sang Capiz Provincial Government pinaagi sa Opisina sang Provincial Veterinary, kag sang bag-o nga kumpirmasyon sang mga kaso sang African Swine Fever (ASF) sa mga kasilingan nga banwa sang Panitan, Pontevedra, kag Roxas City nga gin laboratory testing sang Regional Animal Diseases and Diagnostic Laboratory (RADDL), ang Opisina sang Municipal Agriculturist sang Banwa sang Panay nagapangabay sa tanan nga hog raisers, swine traders, meat vendors, barangay officials, kag iban pa nga mga stakeholders nga magpabilin nga mabinantayon kag hugot nga magsunod sa mga biosecurity measures agud malikawan ang madasig nga paglapta sang ASF.
Bilang paghalong, ginapangabay ang tanan nga:
โ
Magreport dayon sa Municipal Agriculture Office kon may baboy nga nagamasakit, nagapakita sang indi normal nga sintomas, ukon gulpi lang nga napatay.
โ
Indi pagpakan-a sa baboy ang mga bilin nga pagkaon, ukon food waste nga mahimo naka kontak halin sa karne sang baboy ukon pork products.
โ
Ginadumilian gid ang backyard slaughtering kag likawan kung mahimo ang paghalad sang baboy para sa mga handaan, pista, kag iban pa nga okasyon agod malikawan ang paglapta sang kaso sang ASF.
โ
Ginahinyo gid ang pagbinuligay sang mga Barangay Officials sa pagmonitor sang mga ginadudahan nga kaso sang ASF sa inyo tagsa ka mga kabaranggayan kag gilayon nga i-report sa Opisina sang Municipal Agriculture.
Padayon ang koordinasyon sang Municipal Agriculture Office sa Provincial Veterinary Office agud mabantayan sing maayo ang sitwasyon kag malikawan ang dasig nga paglapta sang ASF.
๐ Para sa mga pamangkot kag pagreport makig-angot lang sa sini nga mga persona.
G*e Emmanuel B. Buenafe
Acting Municipal Agriculturist
0931-779-5175
Ramel E. Delfin
Agricultural Technologist I
0965-972-0292
Madamo gid nga salamat, ginalaoman gid namon ang inyo kooperasyon.
