4P’s MOO - Palimbang, Sultan Kudarat

14/06/2026

14/06/2026

06/13/2026- Sa Palimbang, Sultan Kudarat, siniguro nating walang maiiwan. Nagsama-sama ang ating mga Municipal Links, Community Facilitator at Social Welfare Assistant ng DSWD, at ang buong pamahalaang bayan sa pangunguna nina Mayor Myrna Casas Kapina at Vice Mayor Joenime Badrudin Kapina, kasama ang Sangguniang Bayan at iba pang ahensya, para sa maayos at matiwasay na pamamahagi ng bigas.
Ito ay para sa mga pamilyang labis na naapektuhan ng lindol, isang patunay na sa bawat pagsubok, nandito ang gobyerno at mga ahensya upang umalalay at maging katuwang ninyo sa pagbangon.
Maraming salamat sa lahat ng nag-ambag ng oras at serbisyo para sa kapakanan ng ating mga kababayan! 🙏🤝

11/06/2026

🌱 Gulayan sa Paaralan

Matagumpay na isinagawa sa Badiangon Elementary School sa pamumuno ni Ma’am Faidah Montaner Camid. Layunin nitong itaguyod ang nutrisyon, seguridad sa pagkain, at pangangalaga sa kalikasan.

Masiglang nakilahok ang mga benepisyaryo ng 4Ps sa tulong ni Ma’am Faidah. Natutunan din nila ang pagtutulungan at pagpapahalaga sa masustansyang pagkain.

Salamat din kay Ma’am Diaheda Ulama — laging handang tumulong at sumusuporta sa ating mga benepisyaryo! 💚

10/06/2026

10/06/2026

📢 📢 PAUNAWA SET14 D–E POTENTIAL BENEFICIARIES

Ang Municipal Action Team (MAT) Palimbang ay nagpapaalam sa publiko hinggil sa paglalathala ng karagdagang listahan ng mga potensyal na benepisyaryo sa ilalim ng Set 14 D–E.

Kaugnay nito, hinihikayat ang lahat ng mga nakalistang potensyal na benepisyaryo na ihanda at tiyaking kumpleto ang mga kinakailangang dokumento para sa nalalapit na proseso ng pagpaparehistro. Ang maagap na paghahanda ng mga dokumento ay makatutulong upang maiwasan ang anumang pagkaantala sa oras na maisagawa ang registration.

📄 Mangyaring ihanda at kompletuhin ang lahat ng kinakailangang dokumento bawat Miyembro ng Pamilya:

• Birth Certificate
• Marriage Contract (para sa mag-asawa)
• Death Certificate (para sa mag biyudo / biyuda)
• National ID (para sa lahat ng miyembro)
• School Attendance Certificate or Valid School ID / Form 138 (para sa mga batang nag-aaral)
• Health Attendance Certificate (para sa mga buntis at/o mga batang 0–5 taong gulang)
• Person with Disability (PWD ID at/o Medical Certificate) (para sa mga miyembrong may kapansanan)

PAALALA: Kinakailangan ang National ID o on-site authentication bago makapagrehistro.

"No National ID, No Registration."

📌 Patuloy na subaybayan ang opisyal na pahinang ito para sa mga susunod na anunsyo at karagdagang tagubilin kaugnay ng iskedyul ng pagpaparehistro.

Maraming salamat sa inyong pakikipagtulungan at patuloy na suporta.

10/06/2026

09/06/2026

PAALALA PARA SA LAHAT NG 4Ps BENEFICIARIES! 📢

Bilang paghahanda sa nalalapit na Social Welfare and Development Indicator (SWDI) assessment, hinihikayat ang lahat na 4p's beneficiaries na ihanda at siguraduhing kumpleto ang mga kinakailangang dokumento.

✅ PhilSys ID / National ID
✅ PhilHealth ID
✅ PSA Birth Certificate
✅ Senior Citizen ID (kung kinakailangan)
✅ PWD ID (kung kinakailangan)
✅ Marriage Certificate (kung kinakailangan)
✅ School Certificate (kung kinakailangan)
✅ Health Certificate (kung kinakailangan)
✅ Pantawid ID

📌 Magsasagawa rin ng Home Visit ang inyong mga Municipal Link upang matukoy at masuri ang kasalukuyang kalagayan at antas ng pamumuhay ng pamilya. Kaugnay nito, hinihiling na mayroong adult member ng pamilya o ang rehistradong grantee na makakausap at makakasama sa araw ng pagbisita upang maging maayos at kumpleto ang proseso ng assessment.

Ang inyong pakikiisa at kooperasyon ay mahalaga upang matiyak ang tumpak na pagkalap ng impormasyon para sa programa.

📍 Para sa karagdagang impormasyon, makipag-ugnayan sa inyong City/Municipal Link o bisitahin ang ating opisyal na page.

Handa ang dokumento, handa ang pamilya! Sama-sama para sa mas maayos at mas epektibong serbisyong panlipunan. 💙❤️💛

09/06/2026

Tulong at Pagkakaisa Matapos ang Lindol 🇵🇭

Kanina, nakipagtulungan ang ating ML sa pamamahagi ng foodpacks kasama ang LGU Palimbang, sa pangunguna nina Municipal Mayor at Vice Mayor, at kasama rin ang iba pang ahensya ng gobyerno.

Ito ay para matulungan ang mga pamilyang na naapektuhan ng lindol na naganap noong Lunes ng umaga. Patunay ito na kapag nagtutulungan ang pamahalaan at iba pang sektor, mas mabilis na naaabot ang tulong sa mga nangangailangan.

Maraming salamat sa lahat ng nag-abot ng kalinga at serbisyo!

09/06/2026

ISANG PAGSALUDO SA INYONG WALANG-SAWANG PAGLILINGKOD! 🧑‍🍳❤️

Sa likod ng bawat mainit na pagkaing naihahain sa mga pamilyang labis na naapektuhan ng magnitude 7.8 na lindol, ay ang hindi matatawarang dedikasyon at malasakit ng ating mga Angels in Red Vests. Maaga pa lamang ay abala na sila sa pagluluto at paghahanda sa Mobile Kitchen ng DSWD para tiyaking may masustansya at mainit na pagkain ang ating mga kababayan.

Sa kanyang muling pagbisita sa Dr. Jorge P. Royeca Hospital, hindi pinalampas ni DSWD Secretary REX Gatchalian ang pagkakataong kumustahin at pasalamatan ang mga Angels in Red Vests sa kanilang dedikasyon at walang sawang paglilingkod sa mga apektadong pamilya.

Alinsunod sa direktiba ni Pangulong Ferdinand R. Marcos Jr., patuloy na umaabot ang agarang tulong ng pamahalaan sa mga nangangailangan, hindi lamang sa pamamagitan ng pagkain at iba pang suporta, kundi sa pagbibigay rin ng pag-asa at katiyakang may maaasahan silang tulong habang unti-unting bumabangon mula sa epekto ng kalamidad.

❤️