https://www.facebook.com/617128798298321/

Provincial Government of Nueva Ecija, Provincial Capitol, Singalat, Palayan City (2026)

12/06/2026

#𝐋𝐎𝐎𝐊 | 𝐏𝐀𝐆𝐃𝐈𝐑𝐈𝐖𝐀𝐍𝐆 𝐍𝐆 𝐈𝐊𝐀-𝟏𝟐𝟖 𝐀𝐍𝐈𝐁𝐄𝐑𝐒𝐀𝐑𝐘𝐎 𝐍𝐆 𝐏𝐑𝐎𝐊𝐋𝐀𝐌𝐀𝐒𝐘𝐎𝐍 𝐍𝐆 𝐊𝐀𝐋𝐀𝐘𝐀𝐀𝐍 𝐍𝐆 𝐏𝐈𝐋𝐈𝐏𝐈𝐍𝐀𝐒 🇵🇭

Buong pagmamalaking nakiisa ang Pamahalaang Panlalawigan ng Nueva Ecija sa paggunita ng Ika-128 Anibersaryo ng Proklamasyon ng Kalayaan ng Pilipinas sa pangunguna nina Governor Aurelio Oyie Matias Umali at Vice Governor Lemon Umali.

Nakiisa rin sa makabuluhang pagdiriwang si Dr. Emmanuel Antonio M. Umali, Regional Chairperson ng Boy Scouts of the Philippines – Central Luzon, kasama ang mga pinuno at kawani ng iba’t ibang tanggapan ng Pamahalaang Panlalawigan, mga kinatawan ng national government agencies, Nueva Ecija Provincial Police, mga miyembro ng Boy Scouts of the Philippines, at iba pang sektor ng komunidad.

Naging bahagi rin ng programa ang mga natatanging pagtatanghal mula sa Nueva Ecija Singing Ambassadors at mga mag-aaral ng Sto. Domingo National Trade School na nagbigay-pugay sa kagitingan, sakripisyo, at pagmamahal sa bayan ng ating mga bayani.

Sa paggunita sa mahalagang yugtong ito ng ating kasaysayan, muli nating pinagtitibay ang ating pangako na pangalagaan ang kalayaan, palakasin ang pagkakaisa, at ipagpatuloy ang sama-samang pagkilos tungo sa isang mas maunlad na Nueva Ecija at mas matatag na Pilipinas.

Mabuhay ang Pilipinas! Mabuhay ang Lalawigan ng Nueva Ecija! 🇵🇭

Photo Credits: Team CYB and Capture Four Photography

12/06/2026

Kaisa ang Pamahalaang Panlalawigan ng Nueva Ecija, sa pangunguna nina Governor Aurelio Oyie Matias Umali at Vice Governor Lemon Umali, sa paggunita ng ika-128 Araw ng Kalayaan ng Pilipinas.

Sa araw na ito, buong pagpupugay nating ginugunita ang katapangan, sakripisyo, at maalab na pagmamahal sa bayan ng ating mga bayaning nagbigay-daan upang matamasa natin ang kalayaan.

Nawa’y magsilbing inspirasyon ang diwa ng kalayaan upang higit pang mapatatag ang pagkakaisa, malasakit, at pagtutulungan tungo sa mas maunlad at mas matatag na bansang Pilipinas.

Ang kalayaan ay hindi lamang alaala ng nakaraan—ito ay pananagutang patuloy nating pinangangalagaan para sa susunod na henerasyon.

Mabuhay ang lalawigan ng Nueva Ecija! Mabuhay ang Pilipinas! Maligayang Araw ng Kalayaan! 🇵🇭

04/06/2026

#𝐑𝐄𝐀𝐃 | 𝐋𝐈𝐁𝐑𝐄𝐍𝐆 𝐌𝐈𝐍𝐎𝐑 𝐒𝐔𝐑𝐆𝐈𝐂𝐀𝐋 𝐎𝐏𝐄𝐑𝐀𝐓𝐈𝐎𝐍𝐒, 𝐌𝐀𝐓𝐀𝐆𝐔𝐌𝐏𝐀𝐘 𝐍𝐀 𝐈𝐒𝐈𝐍𝐀𝐆𝐀𝐖𝐀 𝐒𝐀 𝐒𝐀𝐍 𝐉𝐎𝐒𝐄 𝐂𝐈𝐓𝐘 𝐆𝐄𝐍𝐄𝐑𝐀𝐋 𝐇𝐎𝐒𝐏𝐈𝐓𝐀𝐋

Isinagawa ng Pamahalaang Panlalawigan ng Nueva Ecija ang Libreng Minor Surgical Operations noong Mayo 28, 2026 sa San Jose City General Hospital, bilang bahagi ng patuloy na pagpapalawak ng akses ng mga Novo Ecijano sa dekalidad at abot-kayang serbisyong pangkalusugan.

Layunin ng programa na mabigyan ng libre, ligtas, at maayos na minor surgical procedures ang mga mamamayang nangangailangan ng agarang medikal na atensyon. Sa pamamagitan ng inisyatibong ito, mas nailalapit sa mga komunidad ang mahahalagang serbisyong pangkalusugan na nakatutulong sa pagpapabuti ng kalagayan at kalidad ng buhay ng mga residente ng lalawigan.

Patuloy na isinusulong ng Pamahalaang Panlalawigan, sa pangunguna nina Governor Aurelio Oyie Matias Umali at Vice Governor Lemon Umali, ang mga programang pangkalusugan na naglalayong matugunan ang pangangailangang medikal ng mga Novo Ecijano at mapalawak ang serbisyong pampubliko sa iba’t ibang sektor.

Pinangunahan ang nasabing aktibidad ni Dr. Joseph Navallo, Chief of Hospital, katuwang si Dr. Sheree Ann Quinan, Chief of Clinics, at si Patria Paz Catacutan, Administrative Officer IV. Nakiisa rin ang buong Surgical Team upang matiyak ang maayos, episyente, at ligtas na pagsasagawa ng mga operasyon.

Kabilang sa mga naging bahagi ng programa sina Dr. Antonito Duque, Dr. Rodrigo Chan, Dr. Napoleon Palor, Dr. Joel Ruiz III, Dr. Daryle Calma Leaño, Dr. Charity Christine Tan Ortonio, Dr. Ritmi DyanBel Nabiong, at Dr. Jude Albert Vallarta, kasama ang mga miyembro ng nursing at support personnel na tumulong sa matagumpay na pagpapatupad ng aktibidad.

Ang matagumpay na pagsasagawa ng Libreng Minor Surgical Operations ay patunay ng patuloy na pagsisikap ng Pamahalaang Panlalawigan ng Nueva Ecija na mapalawak ang serbisyong pangkalusugan at matugunan ang pangangailangang medikal ng mamamayan sa pamamagitan ng mga programang may malasakit at konkretong benepisyo para sa bawat Novo Ecijano.

04/06/2026

| 𝐏𝐑𝐎𝐕𝐈𝐍𝐂𝐈𝐀𝐋 𝐃𝐄𝐕𝐄𝐋𝐎𝐏𝐌𝐄𝐍𝐓 𝐈𝐍𝐕𝐄𝐒𝐓𝐌𝐄𝐍𝐓 𝐏𝐑𝐎𝐆𝐑𝐀𝐌𝐌𝐈𝐍𝐆 𝐓𝐑𝐀𝐈𝐍𝐈𝐍𝐆, 𝐈𝐒𝐈𝐍𝐀𝐆𝐀𝐖𝐀 𝐒𝐀 𝐏𝐀𝐌𝐀𝐇𝐀𝐋𝐀𝐀𝐍𝐆 𝐏𝐀𝐍𝐋𝐀𝐋𝐀𝐖𝐈𝐆𝐀𝐍 𝐍𝐆 𝐍𝐔𝐄𝐕𝐀 𝐄𝐂𝐈𝐉𝐀

Matagumpay na lumahok ang Pamahalaang Panlalawigan ng Nueva Ecija sa Provincial Development Investment Programming Training na isinagawa ng Department of Economy, Planning, and Development (DEPDev) Region III noong Mayo 26, 2026.

Layunin ng pagsasanay na palakasin ang kakayahan ng lalawigan sa pagbuo at pagsasaayos ng mga prayoridad na programa, proyekto, at aktibidad na tutugon sa pangangailangan ng mga Novo Ecijano. Sa pamamagitan ng mas maayos na development investment programming, natitiyak na ang mga pondo at yaman ng pamahalaan ay nakatuon sa mga proyektong may konkretong epekto sa kabuhayan, imprastraktura, serbisyong panlipunan, pangangalaga sa kalikasan, at pangmatagalang kaunlaran.

Isinagawa ang programa sa pangunguna nina Governor Aurelio Oyie Matias Umali at Vice Governor Lemon Umali, katuwang sina Engr. Dennis C. Agtay, Provincial Planning and Development Coordinator, at Atty. Jose Maria Ceasar C. San Pedro, Provincial Administrator, bilang bahagi ng patuloy na pagpapatibay ng sistematikong pagpaplano at pamumuhunan ng lalawigan.

Nagbahagi ng kaalaman ang mga resource persons na sina Mr. Jesito Ponio, Jr., Mr. Al Jonnel Espiritu, at Ms. Princess Pangilinan sa pamamagitan ng mga talakayan ukol sa mas epektibong pagbuo, pagsusuri, at pagsasaayos ng mga prayoridad na programa at proyekto.

Sa pamamagitan ng pagsasanay na ito, higit pang napalalakas ang kakayahan ng Pamahalaang Panlalawigan ng Nueva Ecija sa mahusay na pagpaplano at pagpapatupad ng mga programang maghahatid ng mas maayos na serbisyo at kaunlaran para sa mga Novo Ecijano.

28/05/2026

#𝐑𝐄𝐀𝐃 | 𝐇𝐀𝐊𝐁𝐀𝐍𝐆 𝐓𝐔𝐍𝐆𝐎 𝐒𝐀 𝐌𝐀𝐒 𝐌𝐀𝐔𝐍𝐋𝐀𝐃 𝐍𝐀 𝐀𝐆𝐑𝐈𝐊𝐔𝐋𝐓𝐔𝐑𝐀 𝐀𝐓 𝐊𝐀𝐁𝐔𝐇𝐀𝐘𝐀𝐍, 𝐈𝐒𝐈𝐍𝐔𝐒𝐔𝐋𝐎𝐍𝐆 𝐒𝐀 𝐍𝐔𝐄𝐕𝐀 𝐄𝐂𝐈𝐉𝐀

Sa atas ni Governor Aurelio Oyie Matias Umali, nagtungo ang Technical Working Group ng itatayong Nueva Ecija Food Processing Center sa Department of Agriculture – Food Development Center at sa Department of Science and Technology – Industrial Technology Development Institute (DOST-ITDI) bilang bahagi ng patuloy na paghahanda para sa isang programang magpapalakas sa agrikultura, food processing, at kabuhayan ng mga Novo Ecijano.

Kabilang sa Technical Working Group ang mga kinatawan ng Provincial Government of Nueva Ecija sa pangunguna ni Provincial Administrator Atty. Jose Maria Ceasar C. San Pedro, kasama sina Acting Provincial Agriculturist Dr. Jovita Agliam, Planning Officer III Julie Ann G. Ramos, Agriculturist II Engr. Mica Alyssa P. Soro, Arch. Rayson Luna, Engr. T2 Salmos, Engr. Aaron Kevin Reyes, at Provincial Tourism Officer Mara San Pedro.

Kasama rin sa pagbisita ang mga kinatawan mula sa Central Luzon State University (CLSU), sa pangunguna nina Dr. Joel G. Juvinal, Chair ng Department of Food Science and Technology; Assoc. Prof. Geraldine G. Tayag; Dr. Jeffrey A. Lavarias ng Department of Agricultural and Biosystems Engineering, College of Engineering; Asst. Prof. Sherwin B. Celestino ng College of Business and Accountancy; at Dr. Celyrah B. Castillo, Dean ng College of Home Science and Industry at Focal Person ng CLSU-TWG.

Matatandaang nilagdaan nina Governor Umali at CLSU President Dr. Evaristo A. Abella ang Memorandum of Agreement para sa pagtatatag ng Food Processing Facility ng lalawigan. Layunin ng proyektong ito na makapagtayo ng isang makabago at maayos na pasilidad na susuporta sa mga magsasaka ng Nueva Ecija, lalo na sa mga nagtatanim ng high-value crops tulad ng sibuyas, kalabasa, at kamatis.

Sa ilalim ng partnership na ito, magiging mahalagang katuwang ang CLSU sa business planning, product development, paggamit ng research para sa praktikal na aplikasyon, at pagpapalawak ng extension services para mas mapalakas ang sektor ng agrikultura sa lalawigan.

Sa isinagawang technical visit, sinuri ng grupo ang iba’t ibang food processing equipment, production systems, at posibleng plant layout na naaayon sa standards ng Food and Drug Administration (FDA). Bahagi ito ng paghahanda upang matiyak na ang itatayong Food Processing Center ay magiging episyente, ligtas, de-kalidad, at handang tumugon sa pangangailangan ng mga magsasaka at lokal na industriya.

Pangarap ni Governor Oyie na magkaroon ang Nueva Ecija ng Food Processing Center na hindi lamang bibili o tatanggap ng ani, kundi magbibigay ng dagdag na halaga sa produkto ng ating mga magsasaka. Sa pamamagitan ng food processing, maaaring gawing mas mataas ang kalidad, mas mahaba ang shelf life, at mas malawak ang merkado ng mga produktong mula sa Nueva Ecija.

Mula sa sibuyas, kalabasa, kamatis, at iba pang produktong agrikultural ng lalawigan, layunin ng proyektong ito na makalikha ng mga processed food products na maipagmamalaki hindi lamang sa buong Pilipinas, kundi maging sa pandaigdigang merkado.

Patunay ang proyektong ito ng patuloy na pagkakaisa ng pamahalaan, akademya, at iba’t ibang ahensya upang maisulong ang makabagong agrikultura, mapataas ang halaga ng lokal na produkto, at makapagbigay ng mas maraming oportunidad para sa mga magsasaka at pamilyang Novo Ecijano.

Sa Nueva Ecija, tuloy-tuloy ang pagkilos para sa agrikulturang may malasakit, may inobasyon, at may kinabukasan.

28/05/2026

Nakikiisa ang Pamahalaang Panlalawigan ng Nueva Ecija, sa ilalim ng pamumuno nina Governor Aurelio Oyie Matias Umali at Vice Governor Lemon Umali, sa paggunita ng Pambansang Araw ng Watawat mula Mayo 28 hanggang Hunyo 12, 2026 — isang makasaysayang pagdiriwang ng ating pagkakakilanlan bilang Pilipino. 🇵🇭

Taong 1965 nang unang ideklara ang Mayo 28 bilang Pambansang Araw ng Watawat sa bisa ng Proklamasyon Blg. 374, at noong 1994 ay pinalawig ito hanggang Hunyo 12 sa pamamagitan ng Kautusang Tagapagpaganap Blg. 79 upang higit na mapahalagahan ang diwa ng kalayaan at nasyonalismo.

Sa bawat pagtaas at pagwagayway ng ating watawat, ating inaalala ang katapangan, sakripisyo, at pagmamahal sa bayan ng mga Pilipinong nagbigay-daan sa kalayaang ating tinatamasa ngayon. Nawa’y patuloy nating igalang at ipagmalaki ang bandilang Pilipino bilang sagisag ng pagkakaisa, pag-asa, at mas matatag na kinabukasan para sa sambayanang Pilipino.

Mabuhay ang Nueva Ecija! Mabuhay ang Pilipinas! 🇵🇭

20/05/2026

| 𝐑𝐄𝐁𝐈𝐒𝐘𝐎𝐍 𝐒𝐀 𝐌𝐆𝐀 𝐋𝐎𝐊𝐀𝐋 𝐍𝐀 𝐃𝐈𝐒𝐀𝐒𝐓𝐄𝐑 𝐑𝐈𝐒𝐊 𝐑𝐄𝐃𝐔𝐂𝐓𝐈𝐎𝐍 𝐀𝐍𝐃 𝐌𝐀𝐍𝐀𝐆𝐄𝐌𝐄𝐍𝐓 𝐏𝐋𝐀𝐍𝐒 𝐏𝐀𝐑𝐀 𝐒𝐀 𝟐𝟎𝟐𝟕, 𝐈𝐒𝐈𝐍𝐀𝐆𝐀𝐖𝐀 𝐒𝐀 𝐍𝐔𝐄𝐕𝐀 𝐄𝐂𝐈𝐉𝐀

Matagumpay na isinagawa ng Pamahalaang Panlalawigan ng Nueva Ecija, sa pamamagitan ng Provincial Disaster Risk Reduction and Management Office (PDRRMO) at Provincial Review Team, ang unang araw ng pagsusuri sa mga Local Disaster Risk Reduction and Management Plans (LDRRMPs) at Local DRRM Fund Investment Programs (LDRRMFIPs) para sa Fiscal Year 2027 ng mga bayan ng Cabiao, General Tinio, Jaen, Peñaranda, San Antonio, San Isidro, at San Leonardo.

Layunin ng isinagawang review na tiyakin na ang mga plano ng bawat lokal na pamahalaan ay naaayon sa pambansa, panrehiyon, at panlalawigang pamantayan sa paghahanda at pagtugon sa kalamidad. Sa pamamagitan ng masusing technical evaluation at pakikipag-ugnayan sa mga LGU, higit pang pinagtitibay ang kahandaan ng mga komunidad laban sa sakuna, epekto ng climate change, at iba pang panganib.

Sa patuloy na suporta at pamumuno nina Governor Aurelio Oyie Matias Umali at Vice Governor Lemon Umali, ipinapakita ng pamahalaang panlalawigan ang matatag na adhikain nitong mapangalagaan ang buhay, kabuhayan, at kaligtasan ng bawat Novo Ecijano.

Lubos ding kinilala ang dedikasyon at propesyonalismo ng mga LDRRM Officers, Planning and Development Coordinators, Budget Officers, at mga miyembro ng Local Review Teams na katuwang sa pagsusulong ng mas ligtas, mas matatag, at mas handang Nueva Ecija.

18/05/2026

Bilang bahagi ng patuloy na pagbibigay ng serbisyong medikal na may malasakit at abot-kamay para sa bawat Novo Ecijano, muling magsasagawa ang Pamahalaang Panlalawigan ng Nueva Ecija, sa pamamagitan ng San Jose City General Hospital, ng isang 𝐋𝐢𝐛𝐫𝐞𝐧𝐠 𝐌𝐢𝐧𝐨𝐫 𝐒𝐮𝐫𝐠𝐢𝐜𝐚𝐥 𝐎𝐩𝐞𝐫𝐚𝐭𝐢𝐨𝐧𝐬.

𝐏𝐄𝐓𝐒𝐀 𝐍𝐆 𝐎𝐏𝐄𝐑𝐀𝐒𝐘𝐎𝐍:

🗓️ 𝐌𝐚𝐲 𝟐𝟖, 𝟐𝟎𝟐𝟔
⏰ 𝟗:𝟎𝟎 𝐍𝐆 𝐔𝐌𝐀𝐆𝐀
📍 San Jose City General Hospital

𝐌𝐀𝐇𝐀𝐋𝐀𝐆𝐀𝐍𝐆 𝐏𝐀𝐀𝐋𝐀𝐋𝐀

Ang lahat ng nagnanais na makasama sa programa ay kinakailangang sumailalim muna sa 𝐬𝐜𝐫𝐞𝐞𝐧𝐢𝐧𝐠 𝐩𝐫𝐨𝐜𝐞𝐬𝐬 sa mga sumusunod na petsa:

🗓️ 𝐌𝐚𝐲 𝟐𝟎, 𝟐𝟐, 𝟐𝟓, 𝟐𝟔, 𝐚𝐭 𝟐𝟕, 𝟐𝟎𝟐𝟔
⏰ 𝟏:𝟎𝟎 𝐍𝐆 𝐇𝐀𝐏𝐎𝐍 – 𝟑:𝟎𝟎 𝐍𝐆 𝐇𝐀𝐏𝐎𝐍
📍 San Jose City General Hospital

Ang programang ito ay bahagi ng adhikain ng Pamahalaang Panlalawigan ng Nueva Ecija, sa pamumuno nina Governor Aurelio Oyie Matias Umali at Vice Governor Lemon Umali, na maihatid ang dekalidad na serbisyong pangkalusugan para sa lahat.

Para sa karagdagang impormasyon, makipag-ugnayan sa 𝐎𝐮𝐭𝐩𝐚𝐭𝐢𝐞𝐧𝐭 𝐃𝐞𝐩𝐚𝐫𝐭𝐦𝐞𝐧𝐭 ng San Jose City General Hospital.

14/05/2026

#𝗥𝗘𝗔𝗗 | Pangasinan Provincial Government, nag-benchmark sa 𝗣𝗮𝗹𝗮𝘆 𝗣𝗿𝗶𝗰𝗲 𝗦𝘂𝗽𝗽𝗼𝗿𝘁 𝗣𝗿𝗼𝗴𝗿𝗮𝗺 ng Nueva Ecija

Noong May 11, 2026, malugod na tinanggap ng Pamahalaang Panlalawigan ng Nueva Ecija, sa ilalim ng pamumuno at gabay nina Governor Aurelio Oyie Matias Umali at Vice Governor Vice Governor Lemon Umali, ang delegasyon mula sa Provincial Government of Pangasinan, sa pamumuno ni Governor Ramon V. Guico III, na kinatawan at pinangunahan ni Provincial Agriculturist Ma’am Dalisay Moya, kasama ang mga opisyal mula sa iba’t ibang tanggapan ng kanilang pamahalaang panlalawigan.

Isinagawa ang kanilang 𝗯𝗲𝗻𝗰𝗵𝗺𝗮𝗿𝗸𝗶𝗻𝗴 𝗮𝗰𝘁𝗶𝘃𝗶𝘁𝘆 𝘂𝗽𝗮𝗻𝗴 𝗽𝗮𝗴-𝗮𝗿𝗮𝗹𝗮𝗻 𝗮𝗻𝗴 𝗣𝗮𝗹𝗮𝘆 𝗣𝗿𝗶𝗰𝗲 𝗦𝘂𝗽𝗽𝗼𝗿𝘁 𝗣𝗿𝗼𝗴𝗿𝗮𝗺 𝗻𝗴 𝗡𝘂𝗲𝘃𝗮 𝗘𝗰𝗶𝗷𝗮—isang programang unang isinulong ng Pamahalaang Panlalawigan noon pang 2019, sa panahon na bumagsak ang presyo ng palay at kinailangang agarang alalayan ang mga magsasakang Novo Ecijano.

Nagsimula ang pagbisita ng delegasyon sa Rice Processing Center ng Pamahalaang Panlalawigan ng Nueva Ecija, kung saan sila ay tinanggap nina Provincial Administrator Atty. Jose Maria Ceasar C. San Pedro, Provincial Agriculturist Dr. Jovita Agliam, at ng buong team ng Rice Processing Center. Dito, nakita nila ang pasilidad at ang proseso mula sa pagtanggap ng palay, pagproseso nito bilang bigas, hanggang sa paggamit nito bilang suporta sa iba’t ibang programa ng Pamahalaang Panlalawigan.

Matapos nito, nagtungo rin ang delegasyon sa New Capitol Building sa Palayan City, kung saan isinagawa ang mas malawak na oryentasyon tungkol sa kabuuang pagpapatakbo ng Palay Price Support Program. Ibinahagi ng mga tanggapan ng Pamahalaang Panlalawigan ang kanilang kani-kaniyang papel sa programa, sa pangunguna nina Mr. Billy Jay Guansing, Provincial Budget Officer, Ms. Rizza Roxas De Leon, Provincial Accountant, at iba pang opisyal ng Pamahalaang Panlalawigan ng Nueva Ecija.

Mula nang ito ay simulan, ang Palay Price Support Program ay naging isa sa mga pinakamahalagang inisyatiba ng pamahalaang panlalawigan para sa mga magsasaka. 𝗛𝗶𝗻𝗱𝗶 𝗹𝗮𝗺𝗮𝗻𝗴 𝗶𝘁𝗼 𝗽𝗿𝗼𝗴𝗿𝗮𝗺𝗮 𝗻𝗴 𝗽𝗮𝗴𝗯𝗶𝗹𝗶 𝗻𝗴 𝗽𝗮𝗹𝗮𝘆—𝗶𝘁𝗼 𝗮𝘆 𝗸𝗼𝗻𝗸𝗿𝗲𝘁𝗼𝗻𝗴 𝗽𝗮𝘁𝘂𝗻𝗮𝘆 𝗻𝗴 𝗺𝗮𝗹𝗮𝘀𝗮𝗸𝗶𝘁 𝗻𝗴 𝗽𝗮𝗺𝗮𝗵𝗮𝗹𝗮𝗮𝗻 𝘀𝗮 𝗺𝗴𝗮 𝗺𝗮𝗴𝘀𝗮𝘀𝗮𝗸𝗮𝗻𝗴 𝗻𝗮𝗴𝗯𝗶𝗯𝗶𝗴𝗮𝘆-𝗯𝘂𝗵𝗮𝘆 𝘀𝗮 𝘁𝗶𝘁𝘂𝗹𝗼𝗻𝗴 𝗥𝗶𝗰𝗲 𝗚𝗿𝗮𝗻𝗮𝗿𝘆 𝗼𝗳 𝘁𝗵𝗲 𝗣𝗵𝗶𝗹𝗶𝗽𝗽𝗶𝗻𝗲𝘀.

Sa mga panahong mababa ang presyo ng palay, ang programang ito ay naging sandigan ng maraming magsasaka ng Nueva Ecija. Sa pamamagitan nito, nabibigyan sila ng mas makatarungang oportunidad, habang ang napoprosesong bigas ay naibabalik din sa taumbayan sa pamamagitan ng iba’t ibang programa ng pamahalaan.

Ikinararangal ng Pamahalaang Panlalawigan ng Nueva Ecija na ang isang programang pinasimulan dito sa ating lalawigan ay patuloy na nagsisilbing inspirasyon at modelo para sa iba pang mga LGU.

Malugod nating tinatanggap ang interes ng ibang lalawigan na pag-aralan at posibleng sundan ang programang ito—dahil sa huli, ang tagumpay ng programang para sa magsasaka ay tagumpay hindi lamang ng Nueva Ecija, kundi ng buong sektor ng agrikultura sa bansa.

𝙋𝙖𝙧𝙖 𝙨𝙖 𝙢𝙖𝙜𝙨𝙖𝙨𝙖𝙠𝙖. 𝙋𝙖𝙧𝙖 𝙨𝙖 𝙥𝙖𝙜𝙠𝙖𝙞𝙣 𝙣𝙜 𝙗𝙖𝙬𝙖𝙩 𝙥𝙖𝙢𝙞𝙡𝙮𝙖𝙣𝙜 𝙋𝙞𝙡𝙞𝙥𝙞𝙣𝙤. 𝙋𝙖𝙧𝙖 𝙨𝙖 𝙥𝙖𝙩𝙪𝙡𝙤𝙮 𝙣𝙖 𝙢𝙖𝙡𝙖𝙨𝙖𝙠𝙞𝙩 𝙨𝙖 𝙉𝙪𝙚𝙫𝙖 𝙀𝙘𝙞𝙟𝙖.

13/05/2026

| 𝐄𝐋𝐉𝐌𝐂, 𝐈𝐊𝐀-𝟒 𝐒𝐀 𝐁𝐔𝐎𝐍𝐆 𝐁𝐀𝐍𝐒𝐀 𝐒𝐀 𝟐𝟎𝟐𝟔 𝐋𝐄𝐏𝐓 – 𝐒𝐄𝐂𝐎𝐍𝐃𝐀𝐑𝐘 𝐍𝐀𝐓𝐈𝐎𝐍𝐀𝐋 𝐑𝐀𝐍𝐊𝐈𝐍𝐆 𝐎𝐅 𝐒𝐂𝐇𝐎𝐎𝐋𝐒

Muling pinatunayan ng Eduardo L. Joson Memorial College (ELJMC) ang husay at kalidad ng edukasyon sa Nueva Ecija matapos nitong makamit ang ika-4 na pwesto sa buong bansa sa 2026 Licensure Examination for Professional Teachers (LEPT)–Secondary National Ranking of Schools na may 50 hanggang 99 examinees.

Sa kabuuang 59 na kumuha ng pagsusulit, 58 ang matagumpay na pumasa, katumbas ng kahanga-hangang 98.31% passing rate. Patunay ito ng dedikasyon, sipag, at kahusayan ng mga mag-aaral, g**o, at buong komunidad ng ELJMC.

Kaisa ng buong Provincial Government of Nueva Ecija sa pamumuno nina Governor Aurelio Oyie Matias Umali at Vice Governor Lemon Umali ang pagbibigay-pugay sa tagumpay na ito, kasama si Maam Cherry Umali at ang buong pamahalaang panlalawigan.

Ang tagumpay na ito ay hindi lamang karangalan para sa ELJMC kundi inspirasyon din sa mga Novo Ecijano na patuloy na magsikap at manguna sa larangan ng edukasyon. Mabuhay ang mga bagong lisensyadong g**o at ang buong komunidad ng ELJMC sa patuloy na pagtataas ng bandera ng kahusayan ng Nueva Ecija!

Provincial Government of Nueva Ecija

12/06/2026

12/06/2026

04/06/2026

04/06/2026

28/05/2026

28/05/2026

20/05/2026

18/05/2026

14/05/2026

13/05/2026

Address

Telephone

Website

Alerts

Contact The Organization

Shortcuts

Share

Category