SB BUKAL Pagbilao, Quezon

08/09/2026

Ika-8 ng Setyembre 2026.

Sinaksihan ng mga bumubuo ng Sangguniang Barangay ng Bukal ang isinagawang Blessing sa kauna-unahang Cultural Center Building hindi lamang sa Bayan ng Pagbilao, kundi sa buong Lalawigan ng Quezon, na matatagpuan sa Motorpool na nasasakupan ng Brgy. Bukal.

Ang nasabing pagtitipon ay pinangunahan nina Gov. Angelina "Dra.Helen" Tan, Vice Gov. Thirdy Alcala, Mayor Angelica "Ate Gigi" Portes at mga miyembro ng Sangguniang Bayan ng Pagbilao sa pangunguna ni Vice Mayor Wally Dapla.

Ang nasabing gusali ay naisakatuparan mula sa nakamit na tagumpay ng ating Bayan sa mga nagdaang Niyugyogan Festival, kung saan ang pangunahing layunin ay magkaroon ng isang lugar kung saan patuloy na lilinangin ang mga likas na katangian, kakayahan at talento ng Pagbilaoin habang pinapanatili ang makulay na kultura at maikonekta ito sa patuloy na pag sulong ng turismo sa ating mahal na Bayan ng Pagbilao 🧡💛💙

06/09/2026

Muli po namin ikinalulugod na maibahagi sa inyo mga minamahal naming kabarangay ang mga karangalan na muli natin natanggap sa katatapos lamang na mga pagtatasa at pagsusuri ng mga Lokal na Tanggapan sa ating Bayan ng Pagbilao.

Sa ginanap na BARANGAY CLEAN and GREEN CONTEST 2026 ng MENRO Pagbilao, nakamit po natin ang IKALAWANG PWESTO (2nd Place). Kung saan dito po tinasa ng nasabing ahensya ang mga pagtugon ng Barangay at inisyatibo na may kinalaman sa programang pangkalinisan ng pamayanan.

Nakamit naman natin ang UNANG PWESTO (1st Place) bilang BEST PERSON WITH DISABILITY (PWD) CHAPTER 2026 na programa naman ng MSWDO Pagbilao.

Ang mga tagumpay na ito ay resulta ng patuloy na pagpupursige at pagkakaisa ng Sangguniang Barangay ng Bukal na patuloy na makagampan sa mga iniaatang na gawain, obligasyon at magsisilbi din itong hamon na patuloy na makatugon sa pamantayan at makapagbigay ng maayos na serbisyo sa mamamayan. Hindi man perpekto ngunit patuloy na nagsusumikap para sa minamahal na Barangay Bukal.

06/09/2026

WEEKLY BARANGAY KALINISAN DAY ng Sangguniang Barangay ng Bukal
sa pangunguna ni Punong Barangay Joan Glodoviza Carlos sa bahagi ng Bukal Subd. 2 at Rizal Ext.street.

Muli,ang amin pong lambing mga Bukalins, na ang kalinisan ng kapaligiran ay hindi lamang gampanin ng mga namumuno, ngunit ito po ay responsibilidad natin lahat. 🌱🍃

02/09/2026

August 7,2026

Sumailalim sa suprised drug test screening ang bumubuo ng Sangguniang Barangay ng Bukal katuwang ang isang pribado at accredited laboratory/testing center ng DOH. Ang nasabing gawain ay bahagi ng Barangay Anti Illegal Drug Abuse Campaign at masigurado na ang mga nanunungkulan ay kaisa sa kampanya laban sa ipinagbabawal na droga.

Negatibo naman ang resulta ng mga nasabing screening para sa mga elected officials at appointed barangay staff auxillaries. Ang gawaing ito ay sa inisyatibo ni Punong Barangay Juana G. Carlos.

Ang gawaing ito ay may koordinasyon din at sa kaaalaman ng Tanggapan ng PNP Pagbilao at DILG Pagbilao.

31/08/2026

Wagi tayo mga Kabarangay 💯 💫

Muli po natin nakamit ang NATATANGING GRUPO at pangkalahatang Kampeonato sa katatapos lamang na Papag at Bilao Festival, 296th Araw ng Pagbilao.

Ito ay bunga ng pinagsama-samang talino, talento, dedikasyon at puso ng bawat taong naging kabahagi ng bawat patimpalak na ating nilahukan ngayong taon, patunay din ito na ang nagkakaisang Sangguniang Barangay, susulong at iaangat lagi ang pangalan at karangalan ng ating minamahal na Barangay Bukal.

NATATANGING GRUPO OVERALL CHAMPION
HATAW PAGBILAO DANCE SHOWDOWN 1ST PLACE
BEST IN CHOREOGRAPHY
BEST IN COSTUME
DANCE DUO WINNER
NATATANGING KAROSA 1ST PLACE
BANNER MAKING CONTEST WINNER
LAKAMBINI NG PESTIBAL 2ND PLACE
BILAO SA HAPAG ADOBO COOKING CONTEST 2ND PLACE
GINTONG PAPAG TROPHY MAKING CONTEST RANK 5TH
ON THE SPOT BILAO PAINTING CONTEST RANK 7TH
DIGITAL ART CONTEST RANK 11TH.

Muli, ang aming lubos na pasasalamat sa lahat ng aming nakasama sa Araw ng Pagbilao 2026. Bukalins, ang tagumpay na ito ay tagumpay nating lahat!

28/08/2026

Bukalins,

Ipakita ang 100% suporta sa ating BUKAL FESTIVAL DANCE SHOWDOWN para sa Araw ng Pagbilao 2026.

Abangan ang kanilang natatanging pagtatanghal at paghahandog ng isang kwentong may puso at punong puno ng pangarap🤍❣️

At ang aming TANGING HILING patnubayan ng Maykapal ang pagtatanghal ng Kabataang Bukalins at may pusong Bukalins.

Sa bawat galaw, sa bawat sigaw,
Tayo'y iisang Barangay, may puso at may pangarap.

Ating patuloy na isigaw, Balong Bukal, Bida sa Pagbilao.

𝗔𝗡𝗚 𝗧𝗔𝗡𝗚𝗜𝗡𝗚 𝗛𝗜𝗟𝗜𝗡𝗚 — 𝗜𝗣𝗔𝗞𝗜𝗧𝗔 𝗔𝗡𝗚 𝗣𝗨𝗦𝗢𝗡𝗚 𝗕𝗨𝗞𝗔𝗟. 🌿❤️

Sa bawat indak ay may kwento.
Sa bawat hakbang ay may pangarap.
At sa bawat galaw ay may pusong handang ipaglaban ang pangalan ng Bukal. ❤️‍🔥

Good luck, Team Bukal! Ibigay ang inyong lahat at hayaang magsalita ang inyong talento sa entablado. ✨

𝗕𝗔𝗟𝗢𝗡𝗚 𝗕𝗨𝗞𝗔𝗟! 🔥

25/08/2026

Nagsimula na ang mga aktibidad para sa Araw ng Pagbilao, Papag at Bilao Festival 2026.🫶

At ngayong taon, ang Sangguniang Barangay ng Bukal ay muling nagpaabot ng pagsuporta, pakikiisa sa gawaing pambayang pagkilala sa kultura at pagsusulong ng turismo ng Bayan ng Pagbilao. Tayo ay muling lalahok sa mga patimpalak, na hindi lamang pagpapakita ng angking galing, kakayahan, ngunit pagpapakita din na ating ipinagmamalaki ang ating minamahal na Barangay Bukal.

Para sa taunang kompetisyon,tayo po ay lumahok na at sumabak na sa:
BANNER MAKING CONTEST
DIGITAL ART - Ms. Zharich Santillan
ON THE SPOT BILAO PAINTING CONTEST- Mr. Jeomar Odron
BILAO SA HAPAG ADOBO COOKING CONTEST
GINTONG PAPAG TROPHY MAKING CONTEST

At abangan din ang ating mga kalahok para sa:

NATATANGING KAROSA
LAKAMBINI NG PESTIBAL
DANCE DUO
FESTIVAL DANCE SHOWDOWN

Ang mga patimpalak na ito ay gaganapin sa ika-29 ng Agosto 2026 sa Parada ng Lahi para sa pagdiriwang ng ika-296th Araw ng Pagbilao.

Sama-sama natin isigaw, Balong Bukal, Bida sa Pagbilao

21/08/2026

Pagbati ng isang Maligayang Kaarawan sa isa sa mga haligi ng paglilingkuran sa Barangay Bukal, Kgwd. Privado A. Carlos.

Hangad namin ang magandang kalusugan at kaligtasan para sa iyo at iyong pamilya sa bawat araw. GOD BLESS.

Happy Birthday Kgwd. Bado🥂🎉🎊🎈

20/08/2026

Mga KA-BARANGAY, ngayong panahon ng tag-ulan, tumataas ang kaso ng DENGUE. Huwag nating hayaang maging banta ito sa kalusugan ng ating pamilya at komunidad.

Narito ang ilan sa mga hakbangin para maiwasan ang paglaganap ng sakit na Dengue.

Hinihikayat ang bawat Pamilya na gawin ang 4T's habit tuwing alas-kwatro ng hapon.
✔️ TAOB-itaob ang mga balde, gulong, basyong bote na naiimbakan ng tubig na maaarinh pamugaran ng lamok.
✔️ TAKTAK-ugaliing itaktak ang mga lagayan ng tanim, takip ng bote at iba para matanggal ang mga itlog ng lamok.
✔️ TUYO- patuyuin ang mga lugar na may mga stagnant water tulad ng kanal, gutter atbp.
✔️ TAKIP- takpan nang mahigpit ang mga drum at iba pang imbakan ng tubig.

Tandaan din ang 5's KONTRA DENGUE.
❗ SEARCH AND DESTROY
❗ SECURE SELF PROTECTION
❗ SEEK EARLY CONSULTATION
❗ SUPPORT MISTING OR FOGGING
❗ SUSTAIN HYDRATION

Tandaan ang mga paaalalang ito, at hinihikayat namin ang lahat na ang kalinisan ay sinisimulan sa sarili nating mga bakuran,sa pamamagitan nito mga sakit ay maiiwasan.

17/08/2026

Opisyal na anunsyo ng Lokal na Pamahalaan ng Bayan ng Pagbilao.

Walang pasok sa lahat ng antas ng Paaralan (both private and public schools) ngayong araw, Martes, ika-18 ng Agosto 2026 dahil sa sama ng panahon. 🌧️💦☂️

Pinapayuhan po namin ang lahat na manatili na lamang sa mga tahanan kung walang mahalagang lalakarin, gayundin sa ating mga estudyante, naka anunsyo na walang pasok, kaya inaasahan na manatili sa mga tahanan at gawin ang mga tagubilin gawain ng g**o para maging produktibo pa rin ang araw na ito.

Stay Safe Bukalins!💦

📢 NO CLASSES

On All Levels for both Private and Public Schools in Pagbilao.

Classes are suspended today due to extreme weather conditions. Everyone is advised to stay indoors, remain alert, and monitor official announcements for further updates.

Stay safe, everyone! ⛈️