12/04/2026
๐ฃ๐ฃ TIGIL NA ANG TIGIL PASADA๐ฃ๐ฃ
Sa isinagawang pagpupulong ngayong umaga, sa pangunguna ng Punong Bayan Alagang Mayor Ate Gigi Portes, mga piling department heads, mga Punong Barangay ng 27 Barangay sa Bayan ng Pagbilao, at kanilang mga kinatawan at Transport Sector ay nagkaroon ng malaya at bukas na komunikasyon, muling pagdulog ng hinaing, at mga kahilingan,at inilatag din ng Lokal na Pamahalaan ang kanilang tulong na ibibigay sa transport sector, kaya ito ay nagkaroon ng isang pagkakasundo, na ang tigil pasada na nakatakdang isagawa bukas ay hindi na itutuloy pa.
Nangangahulugan ito, na tuloy tuloy na muli ang operasyon ng ating mga Public Utility Jeepneys na bumiyabyahe sa Bayan ng Pagbilao.
3 important things na nakuha ko sa pangyayaring ito.
UNA, Ako, bilang nasa sektor ng transportasyon, batid na direktang apektado ang sektor na ito, ang nais namin ay marinig, ang nais namin ay makita ang dinadanas na hinaing dulot ng krisis na dinadanas sa pagtaas ng diesel, ang nais namin ay maiparamdam hindi lamang sa nanunungkulan kundi maging sa mamamayan, na naghihirap na si Mamang Tsuper. Sa pag-iingay na ito, sa pagpaparamdam na ito, WE ARE SEEN. WE ARE HEARD.
And that's one of our main purpose, hindi nila nilalabanan ang nanunungkulan, hindi nila kalaban ng mamamayan, bagkus nais lamang namin iparating ang sitwasyon ni Mamang Tsuper.
IKALAWA, bilang isang commuter, bilang isang ordinaryong mamamayan, HINDi lamang sektor ng transportasyon ang apektado, tayong maliliit, tayong sa baba ng laylayan, tayo ang nahihirapan. Sa tigil pasada, mga commuters ang direktang mahihirapan, paano papasok sa trabaho, paano papasok sa paaralan, paano magbyabyahe ng importanteng lakad, kung ang sektor na inaasahan ay humantong sa dulo ng pisi.
IKATLO, bilang bahagi ng nanunungkulan.
Noong wala ako sa serbisyo publiko, isa din ako sa taga bato ng opinyon, na sana ganito, na sana ganyan, na sana,... Ngunit noong napasok na ako sa nanunungkulan, doon ko lubos na naunawaan, lahat ng hakbangin, lahat ng desisyon ay may proseso, may legal na basehan. Na lahat ng kahilingan ay hindi naibibigay sa kisap mata lamang. Kaya't ang TIGIL PASADA na sana'y nakakasa, na sana ang LIBRE SAKAY na ikinasa para sa mananakay, ay hindi para pawalang saysay ang ipinaglalaban ng mga Tsuper, kundi dahil kailangan din nilang tugunan ang pangangailangan ng mananakay at ng iba pang nasasakupan.
NEVERTHELESS, ang sitwasyong ito sana'y nakikita ng mas nakatataas, dahil kung sa kanila nanggagaling ang maayos na plano, maayos na pagtugon sa krisis, maayos na desisyon, hindi dadaing ang maliit, hindi dadaaing ang nasa laylayan. Gayunpaman, hindi lamang nasa laylayan ang isama sa konkretong plano, bigyan pansin din ang middle class, ang tax payers, dahil gaya ng nasa laylayan sila din naman ay apektado ng krisis na ating kinahaharap.
Sa panghuli, OPO,may byahe po bukas ang jeepneys. Ang lambing lamang, anumang halaga, o piso na inyong bukal sa loob na maibibigay sa ating mga tsuper, makatutulong upang dugsungan ang pangangailangan para manatili sila sa lansangan. ๐๐
