Barangay Mapagong Pagbilao Quezon

17/07/2026

09/07/2026

📢 TALAKAYAN SA BARANGAY | Quezon Metropolitan Water District (QMWD)

Inaanyayahan ang lahat ng mga residente ng Sitio Tabangay na makiisa sa “Talakayan sa Barangay" na isasagawa ng Quezon Metropolitan Water District (QMWD) sa ilalim ng kanilang Gender and Development (GAD) Program

🗓️ Petsa: Hulyo 10, 2026 (Biyernes)
🕒 Oras: 3:00 PM
📍 Lugar: New Barangay Hall, Sitio Tabangay

Tatalakayin ang mga sumusunod:
💧 Wastong paggamit at pagtitipid ng tubig
👥 Women Empowerment sa ilalim ng GAD
📝 Mga isyu at hinaing kaugnay ng serbisyo ng suplay ng tubig

Ang inyong pakikilahok ay mahalaga upang maiparating ang inyong mga opinyon, mungkahi, at mga suliranin tungkol sa serbisyo ng tubig sa ating komunidad.

Maraming salamat at inaasahan ang inyong aktibong pakikilahok!

06/07/2026

Tuloy-tuloy pa rin ang serbisyo ng ating water tank, hatid nito ang libreng inuming tubig para sa mga residente ng Sitio Tabangay 🫡

03/07/2026

📢 PUBLIC HEARING ‼️

Inaanyayahan ang lahat ng mga residente ng Sitio Tabangay na nasusuplayan ng tubig mula sa Deep Well na dumalo sa gaganaping Public Hearing.

📅 Petsa: Hulyo 5, 2026 (Linggo)
🕔 Oras: 5:00 ng hapon
📍 Lugar: Tabangay Basketball Court

Ang pagpupulong na ito ay isinasagawa upang talakayin ang mga usapin, mungkahi, at mga hakbang na may kaugnayan sa ating sistema ng suplay ng tubig. Mahalaga ang inyong presensya at pakikilahok upang marinig ang boses ng bawat residente at makabuo ng mga desisyong makabubuti para sa buong komunidad.

Inaanyayahan ang bawat kabahayan na dumalo sa nasabing magpupulong.

Maraming salamat po at inaasahan ang inyong pakikiisa.

03/07/2026

🗑️ PAALALA | Pangongolekta ng Basura – Sitio Tabangay‼️

Bilang paalala sa lahat ng residente ng Sitio Tabangay, ang pangongolekta ng basura ay tuwing Lunes at Huwebes.

📍 Dalhin ang inyong mga basura sa Tabangay Court bago mag-4:00 ng madaling araw.Mas maagang oras ang itinakda upang maiwasan ang pagsisikip ng daloy ng mga sasakyan at trapiko sa mga pangunahing daanan.

Pati na rin sa iba pang Sitio na madadaanan ng garbage truck nawa ay isaalang-alang ang mga sumusunod:

♻️ Mahalagang Paalala:
• Huwag gumamit ng black garbage bag, lalo na kung ang laman ay may diaper o iba pang residual waste.
• Gumamit ng sako at tiyaking maayos ang pagkakatali upang maiwasan ang pagkalat ng basura.
• I-segregate ang inyong mga basura sa bahay bago dalhin sa collection point—paghiwalayin ang nabubulok, recyclable, at residual waste.

Maraming salamat po sa patuloy ninyong pakikiisa at kooperasyon. 💚♻️

03/07/2026

💧 PAALALA | Magtipid sa Tubig💧

Mga ka-Barangay, hinihikayat po natin ang lahat na maging responsable sa paggamit ng tubig. Dahil sa pagkaubos ng suplay ng tubig sa ilalim ng lupa na siyang pangunahing pinagkukunan ng ating deep well, at sa epekto ng matagal na naranasang El Niño, patuloy na bumababa ang ating suplay ng tubig.

Kaya naman, mahalagang magtipid at gumamit lamang ng tubig para sa mga kinakailangang gawain. Ugaliin ding mag-ipon ng tubig kung kinakailangan at iwasan ang anumang pag-aaksaya.

Ang bawat patak ng tubig ay mahalaga. Sa sama-sama nating pagtitipid at pakikiisa, mas marami ang makikinabang sa limitadong suplay ng tubig.

Maraming salamat sa inyong pang-unawa at kooperasyon. 💙

27/06/2026

📢 PAABISO | BAGONG ISKEDYUL NG SUPLAY NG TUBIG SA SITIO TABANGAY💧

Narito po ang iskedyul ng suplay ng tubig, hinihikayat ang lahat na mag-ipon ng sapat na tubig bago ang mga araw na walang suplay upang maiwasan ang abala.

📅 SCHEDULE

❌ June 27- WALANG TULO

💧 June 28
🕖 7:00 AM – 7:00 AM– Sitio Tabangay IA & IB

❌ June 29– WALANG TULO

💧 June 30
🕖 7:00 AM – 7:00 PM– Sitio Tabangay II
🕖 7:00 PM – 7:00 AM– Sabino

❌ July 1– WALANG TULO

💧 July 2
🕖 7:00 AM – 7:00 AM– Sitio Tabangay IA & IB

❌ July 3– WALANG TULO

💧 July 4
🕖 7:00 AM – 7:00 PM– Sitio Tabangay II
🕖 7:00 PM – 7:00 AM– Sabino

📌 Paalala:

Ang iskedyul ng suplay ng tubig ay alternate batay sa nakasaad sa itaas. Sa kasalukuyan ay ginagawan na ng paraan upang madaluyan ng tubig ang mga kabahayan sa dulong bahagi ng Sitio Tabangay. Kung sakaling biglang mawalan ng daloy ito po ay dahil wala nang laman ng tangke.

Humihingi po kami ng kaunting pang-unawa at pasensya habang isinasagawa ang mga hakbang upang maging mas maayos at pantay ang distribusyon ng tubig sa bawat residente.

Maraming salamat po sa inyong patuloy na kooperasyon at pag-unawa. 💙💧

26/06/2026

Para sa mga nakalista sa ibaba, ang validation po ay sa July 2, 2026 (Martes) sa ganap na ala una ng hapon (1:00pm) sa Barangay Hall ng Barangay Del Carmen at dalhin ang mga nasabing requirements.

23/06/2026

📢 PAALALA SA LAHAT ‼️

Pansamantala pong IPINAGBABAWAL ANG PAGDAAN NG MGA SASAKYAN NA MAY APAT NA GULONG SA BAGONG GAWANG KALSADA SA SITIO QNAS upang maiwasan ang pagkasira nito habang hindi pa ganap na matibay.

Mahigpit din pong IPINAGBABAWAL ANG PAGTATANGGAL O PAGSIRA NG NAKALAGAY NA HARANG. Ang mga ito ay inilagay para sa kaligtasan ng lahat at upang mapanatili ang maayos na kondisyon ng kalsada.

MAKIKISUYO NA PO ‼️

Makikiisa po sana ang bawat isa sa pagsunod sa paalalang ito. Maraming salamat sa inyong pang-unawa at kooperasyon.

22/06/2026

Magandang araw, mangyaring ang mga pangalang nabanggit ay pumunta sa Tanggapan ng Punong Barangay bukas Hunyo 23, 2026. Maraming salamat po! 🤍