Municipality of Pagalungan, Maguindanao del Sur

Municipality of Pagalungan, Maguindanao del Sur Official Page of the Municipality of Pagalungan, Maguindanao del Sur

9/8/24Ika-77 Anibersaryo ng Pagkakatatag ng Bayan ng Pagalungan Ipagdiriwang sa Agosto 18, 2024Ang bayan ng Pagalungan a...
09/08/2024

9/8/24

Ika-77 Anibersaryo ng Pagkakatatag ng Bayan ng Pagalungan Ipagdiriwang sa Agosto 18, 2024

Ang bayan ng Pagalungan ay naghahanda para sa pagdiriwang ng ating ika-77 Anibersaryo ng Pagkakatatag sa darating na Agosto 18, 2024. Ang okasyon na ito ay magsisilbing simbolo ng pagkakaisa at pag-unlad ng mga mamamayan ng Pagalungan sa loob ng higit pitong dekada.

Mga gawain sa pagdiriwang ng anibersaryo ay magsisimula sa isang makulay na parada na lalahukan ng iba't ibang sektor, kabilang ang mga paaralan, barangay, at iba't ibang organisasyon sa bayan. Susundan ito ng isang programa sa munisipyo kung saan ipapakita ang mga natatanging kontribusyon ng bayan at mga lider nito sa pag-unlad ng komunidad.

Isa sa patok na programa ay ang ika-8 na Aluan Festival na mag-aalok ng mga kapana-panabik na aktibidad, kabilang ang patimpalak sa pagluluto ng Aluan na tututok sa iba't ibang mga paraan ng paghahanda ng Aluan mula sa tradisyonal hanggang sa mga modernong putahe. Magkakaroon din ng isang paligsahan sa palakihan ng Aluan kung saan bibigyan ng pagkakataon ang mga partisipante na ipakita ang kanilang husay sa pagkuha ng Aluan.

Inaanyayahan ang lahat ng mga mamamayan, mga kalapit bayan, at mga bisita na makiisa at makisaya sa pagdiriwang ng ika-77 Anibersaryo ng Pagkakatatag ng Pagalungan.

Ito ay isang pagkakataon upang magtipon-tipon at ipagdiwang ang ating pagkakaisa, kultura, at mga natamong tagumpay bilang isang komunidad.

Tara na sa Pagalungan, Maguindanao del Sur sa darating na Agosto 18, 2024, at ipagdiwang ang ating kasaysayan at kultura!




Sila ang tunay na mga lider, prayuridad ang paghatid ng tamang serbisyo para sa bayan

8/8/24LOOK || J&T Express Main Branch at J&T Express Pagalungan Branch sorpresang namigay ng ayuda sa mga residente sa b...
08/08/2024

8/8/24

LOOK || J&T Express Main Branch at J&T Express Pagalungan Branch sorpresang namigay ng ayuda sa mga residente sa bayan ng Pagalungan.

Ang inisyatiba ay bahagi ng patuloy na pagtulong ng J&T Express isang pribadong kumpanya sa mga komunidad na nangangailangan. Layunin nito ay upang mabigyan ng karagdagang ayuda ang mga residente makaraang naperwisyo ng pagbaha sa nasabing bayan.

Nagpahayag naman ng pasasalamat si Pagalungan Vice Mayor Datu Abdilah "Abs" G. Mamasabulod sa J&T Express sa kanilang tulong na ibinigay sa komunidad ng Pagalungan.

Kasama rin kanina sa naturang aktibidad si Gender and Development (GAD) Focal Person Jehan Mamasabulod.




Sila ang tunay na mga lider, prayuridad ang paghatid ng tamang serbisyo para sa bayan

8/8/24BALIK-LOOB PROGRAM NG LGU PAGALUNGAN NAGPAPATULOYTATLONG kasapi ng Dawlah Islamiyah group ang iprinesenta sa ginan...
08/08/2024

8/8/24

BALIK-LOOB PROGRAM NG LGU PAGALUNGAN NAGPAPATULOY

TATLONG kasapi ng Dawlah Islamiyah group ang iprinesenta sa ginanap na Balik-Loob program ng pamahalaan nitong araw ng Huwebes, ika-8 ng Agosto 2024. Ito ay bilang bahagi pa rin ng patuloy na pagtutulungan ng lokal na pamahalaan ng Pagalungan at ng ating otoridad upang isulong ang kapayapaan at kaunlaran sa buong munisipalidad.

Ang matagumpay na pagsuko ng tatlong kasapi ng Dawlah Islamiyah ay isang mahalagang hakbang tungo sa pagpapalakas ng seguridad at kaayusan sa komunidad.

Sa pamamagitan ng Balik-Loob program ang mga dating rebelde ay magkakaroon ng pagkakataong magbagong-buhay at makibahagi sa mga programang pangkaunlaran.

Agad namang ibinigay ni Pagalungan Mayor Datu Salik P. Mamasabulod ang mga cash assistance at mga sakong naglalaman ng bigas.

Sinaksihan nina 90IB Commanding Officer LTC ROWEL E GAVILANES INF (GSC) PA, 602nd Brigade Commander BGEN DONALD M GUMIRAN PA, Company Commander 1LT JOED R DE GUZMAN (INF) PA, Municipal Councilors, Vice Mayor Datu Abdilah "Abs" G. Mamasabulod, Municipal Administrator Datu Jay Mamasabulod, Pagalungan MPS sa pangunguna ni PCPT DATUMASLA B MANGALANGKAT at iba pa.




Sila ang tunay na mga lider, prayuridad ang paghatid ng tamang serbisyo para sa bayan

6/8/24IN PHOTOS || ISINAGAWA ng Local Government Unit (LGU) ng Pagalungan ang isang Mandatory Drug Test nitong a-6 ng Ag...
06/08/2024

6/8/24

IN PHOTOS || ISINAGAWA ng Local Government Unit (LGU) ng Pagalungan ang isang Mandatory Drug Test nitong a-6 ng Agosto 2024 bilang bahagi ng kanilang patuloy na kampanya laban sa iligal na droga. Ang nasabing aktibidad ay nilahukan ng lahat ng Municipal Officials, mga empleyado ng LGU, Barangay Officials at mga miyembro ng Sangguniang Bayan.

Ang mahalagang hakbang na ito ay naglalayong tiyakin na ang mga opisyal at kawani ng pamahalaang bayan ay nananatiling malinis at walang kaugnayan sa paggamit ng ipinagbabawal na gamot. Ito rin ay bahagi ng pangako ng LGU na mapanatili ang kaayusan sa komunidad ng Pagalungan.

Pinangunahan ni Mayor Datu Salik P. Mamasabulod at Vice Mayor Datu Abdilah "Abs" G. Mamasabulod kasama ang Rural Health Unit Pagalungan at iba pang mga constituents nito ang pagsusuri, kasabay ng mahigpit na paalala na ang pamahalaan ng bayan ay mananatiling malakas na katuwang ng pambansang gobyerno sa kampanya kontra droga.

Bukambibig ng dalawang lider ng bayan na ang pagiging malinis sa droga ay hindi lamang isang personal na pananagutan kundi isang moral na obligasyon bilang mga lingkod bayan. Ang ating bayan ay nangangailangan ng mga lider at kawani na nasa tamang kaisipan at kalusugan upang epektibong makapaglingkod sa publiko.




Sila ang tunay na mga lider, prayuridad ang paghatid ng tamang serbisyo para sa bayan

5/8/24SNAPSHOTS || PORMAL nang nagsimula nitong Lunes ang inaabangang Inter-Barangay at Inter-Agency na Paliga ng Baske...
05/08/2024

5/8/24

SNAPSHOTS || PORMAL nang nagsimula nitong Lunes ang inaabangang Inter-Barangay at Inter-Agency na Paliga ng Basketball game na may kaugnayan sa ika-77th Founding Anniversary sa bayan ng Pagalungan na kung saan nagsama-sama ang mga koponan mula sa iba't ibang barangay at tanggapan ng lokal na pamahalaan para ipakita ang diwa ng pagkakaisa at paligsahan sa sports.

Idinaos ang seremonya ng pagbubukas sa Municipal Gymnasium ng bayan na dinaluhan ng mga lokal na opisyal, manlalaro, at mga residente na sabik na sumuporta sa kanilang mga koponan. Pinangunahan ni Councilor Mohamiden G. Mamasabulod ang ceremonial tip-off at ipinahayag ang suporta ng lokal na pamahalaan sa sports bilang paraan ng pagpapalaganap ng pagkakaisa at malusog na kompetisyon sa mga nasasakupan.

Parehong mga manlalaro at manonood ay excited para sa mga larong puno ng aksyon, na magpapakita hindi lamang ng husay sa basketball kundi pati na rin ng diwa ng pagkakaisa ng komunidad ng Pagalungan.




Sila ang tunay na mga lider, prayuridad ang paghatid ng tamang serbisyo para sa bayan

5/8/24Mga pangyayari nitong umaga ng Lunes sa opisina ng Alkalde na si Pagalungan Mayor Datu Salik P. Mamasabulod kasama...
05/08/2024

5/8/24

Mga pangyayari nitong umaga ng Lunes sa opisina ng Alkalde na si Pagalungan Mayor Datu Salik P. Mamasabulod kasama si Vice Mayor Datu Abdilah "Abs" G. Mamasabulod, Sangguniang Bayan Members, Barangay Officials at iba pa.

Nananatiling matatag ang mga opisyal ng Pagalungan sa kanilang paninindigan na maglingkod sa publiko, at sinisigurong natutugunan ang pangangailangan ng mga mamamayan nang may malasakit at kahusayan.

Para sa mga mamamayan ng bayan, ang presensya ng mga lider sa munisipyo ay isang malaking ginhawa at nagpapaalala na nandiyan ang lokal na pamahalaan para suportahan sila, anuman ang sitwasyon.




Sila ang tunay na mga lider, prayuridad ang paghatid ng tamang serbisyo para sa bayan

5/8/24ISINAGAWA ngayong araw ika-5 ng Agosto 2024, ang lingguhang pagtataas ng watawat na ini-sponsor ng Sangguniang Bay...
05/08/2024

5/8/24

ISINAGAWA ngayong araw ika-5 ng Agosto 2024, ang lingguhang pagtataas ng watawat na ini-sponsor ng Sangguniang Bayan ng Pagalungan.

Dinaluhan ito ng lahat ng mga empleyado ng lokal na pamahalaan, Sanggunian Bayan members, Barangay Officials, Kasundaluhan, kapulisan at iba pang mga staff mula sa lokal na mga ahensya ng pamahalaan.




Sila ang tunay na mga lider, prayuridad ang paghatid ng tamang serbisyo para sa bayan

1/8/24LIBU-LIBONG SENIOR CITIZENS NG PAGALUNGAN TUMANGGAP NG KANILANG SOCIAL PENSIONLIBU-LIBONG senior citizens ng bayan...
01/08/2024

1/8/24

LIBU-LIBONG SENIOR CITIZENS NG PAGALUNGAN TUMANGGAP NG KANILANG SOCIAL PENSION

LIBU-LIBONG senior citizens ng bayan ng Pagalungan, Maguindanao Del Sur ang matagumpay na tumanggap ng kanilang social pension na nagkakahalaga ng P6,000 bawat isa sa isinagawang dalawang araw na social pension payout na ginanap sa Pagalungan Municipal Gymnasium.

Ang pamamahagi ng social pension ay naisakatuparan sa tulong ng Ministry of Social Services and Development BARMM sa pakikipagtulungan ng Lokal na Pamahalaan ng Pagalungan sa pamamagitan ng Office of the Senior Citizens Affairs.




Sila ang tunay na mga lider, prayuridad ang paghatid ng tamang serbisyo para sa bayan

7/30/24IN PHOTOS || Battalion Commander ng 10th Field Artillery Battalion na si LTC MARK C ESPIRITU (GSC) PA kasama si M...
30/07/2024

7/30/24

IN PHOTOS || Battalion Commander ng 10th Field Artillery Battalion na si LTC MARK C ESPIRITU (GSC) PA kasama si MAJ OMAR A AQUILATO (ART) PA nag-courtesy call kay Pagalungan Mayor Datu Salik P. Mamasabulod at Vice Mayor Datu Abdilah "Abs" G. Mamasabulod ngayong araw ng Martes, ika-30 ng Hulyo 2024.




Sila ang tunay na mga lider, prayuridad ang paghatid ng tamang serbisyo para sa bayan

7/29/24LOOK || MGA residente mula sa Barangay Dalgan, Pagalungan, Maguindanao Del Sur nakatanggap ng tulong mula sa Reli...
29/07/2024

7/29/24

LOOK || MGA residente mula sa Barangay Dalgan, Pagalungan, Maguindanao Del Sur nakatanggap ng tulong mula sa Relief International sa koordinasyon sa Lokal na Pamahalaan ng Pagalungan.

Mga timba, tabo, water jugs at libreng packed lunch ang masayang tinanggap ng mga residente mula sa nasabing barangay na labis na naperwisyo dulot ng makaraang pagbaha.

Patuloy pa rin ang pasasalamat ng alkalde ng bayan na si Pagalungan Mayor Datu Salik P. Mamasabulod kasama si Vice Mayor Datu Abdilah "Abs" G. Mamasabulod sa mga nagpapaabot ng tulong para sa kanilang nasasakupan.




Sila ang tunay na mga lider, prayuridad ang paghatid ng tamang serbisyo para sa bayan

7/29/24IN PHOTOS || COURTESY VISIT ni Ligawasan SGA BARMM OIC Mayor Ismael Mama kasama ang mga constituents nito sa Loka...
29/07/2024

7/29/24

IN PHOTOS || COURTESY VISIT ni Ligawasan SGA BARMM OIC Mayor Ismael Mama kasama ang mga constituents nito sa Lokal na Pamahalaan ng Pagalungan.

Nagpahayag ng buong suporta ang dalawang lider ng bayan na sina Pagalungan Mayor Datu Salik P. Mamasabulod at Vice Mayor Datu Abdilah "Abs" G. Mamasabulod sampu ng kanilang Sangguniang Bayan Members at Barangay Officials sa liderato ni Ligawasan SGA BARMM OIC Mayor Ismael Mama.




Sila ang tunay na mga lider, prayuridad ang paghatid ng tamang serbisyo para sa bayan

Address

Municipal Hall, Maguindanao Del Sur
Pagalungan
9610

Website

Alerts

Be the first to know and let us send you an email when Municipality of Pagalungan, Maguindanao del Sur posts news and promotions. Your email address will not be used for any other purpose, and you can unsubscribe at any time.

Shortcuts

Share

Category