MSWDO Padre Garcia

17/08/2026

20/07/2026

Noong Hunyo 18, 2026, isinagawa ang 2nd Quarter Multi-Council Meeting, kung saan ipinresenta ng iba't ibang inter-agency partners ang kanilang mga naging accomplishments, gayundin ang mga isyu at suliraning kinakaharap ng mga kabataan at kababaihan sa Bayan ng Padre Garcia.

Patuloy ang suporta ng Lokal na Pamahalaan ng Padre Garcia sa pagpapatupad ng mga programa at serbisyong naglalayong mapangalagaan ang kapakanan, mapaunlad ang kakayahan, at matugunan ang mga pangangailangan ng ating mga kabataan at kababaihan sa pamamagitan ng sama-samang pagkilos ng iba't ibang ahensya at sektor.

08/07/2026

Together, we plan, serve, and inspire. Another productive Senior Federation Meeting 💛

01/07/2026

😍

27/06/2026

Hunyo 26, 2026

Isang makabuluhang pangyayari ang naganap kahapon sa buhay ng isang batang may Cerebral Palsy matapos siyang ligtas na maihatid sa Helping Hands Healing Hearts Ministries Philippines, Inc. sa Baguio City—isang institusyong magbibigay sa kanya ng mas angkop na pangangalaga, rehabilitasyon, at pagkakataong magkaroon ng mas magandang kinabukasan.

Ilang taon ding hinanapan ng angkop na institusyong maaaring kumalinga sa bata. Siya ay ulila na sa ama at matagal nang inabandona ng kanyang ina. Naiwan siya sa pangangalaga ng kanyang 73 taong gulang na lola, na ginawa ang kanyang makakaya upang mapalaki at maalagaan ang kanyang apo.

Ngunit habang lumilipas ang panahon, naging mabigat na rin ang hamon para sa kanyang lola. Dahil sa kanyang katandaan at panlalabo ng paningin, hindi na niya kayang maibigay ang espesyal na pangangalagang kailangan ng bata. Bagama't napakasakit para sa kanya ang desisyong ito, pinili niyang ipaubaya ang kanyang apo sa isang institusyong makapagbibigay ng mas ligtas, mas maayos, at mas angkop na pag-aaruga.

Matapos ang mahabang panahon ng paghahanap ng institusyong nararapat sa kanyang kalagayan, kahapon ay naging matagumpay ang prosesong ito. Lubos na pasasalamat sa Helping Hands Healing Hearts Ministries Philippines, Inc. sa pagbubukas ng kanilang tahanan at sa pagbibigay ng panibagong pag-asa sa bata. Taos-puso ring pasasalamat sa Local Government Unit ng Padre Garcia, sa Municipal Social Welfare and Development Office (MSWDO), sa Sangguniang Barangay ng Tangob, sa Raffy Tulfo in Action, at sa lahat ng mga indibidwal at tanggapang naging bahagi ng mahabang prosesong ito.

16/06/2026

Congratulations LGBTQIA+ Community Padre Garcia♥️🤩

Ito ang totoong patunay na kahit wala kaming dagat o matatayog na bundok na maipagmamalaki, patuloy na umuunlad ang turismo ng Padre Garcia dahil sa dedikasyon, pagkakaisa, at kwento ng bawat isang Garciano. 🤠

Lubos naming ipinagmamalaki na ang LGBTQIA+ Community Padre Garcia ay nagwagi ng 2nd Place sa Tourism Video Campaign sa ginanap na 11th Batangan Pride March 2026. 🏆

Congratulations sa buong LGBTQIA+ Community Padre Garcia at sa lahat ng naging bahagi ng pagkapanalong ito.

Mabuhay ang Bayan ng Padre Garcia! 👏

15/06/2026

Nagsagawa ng buwanang pagpupulong ang mga kinatawan ng Solo Parents Organization mula sa iba't ibang barangay upang talakayin ang mahahalagang usapin at programa para sa kapakanan ng mga solo parent.

Sa naturang pagpupulong, napag-usapan ang mga plano at hakbang upang higit pang mapalakas ang organisasyon, mapabuti ang koordinasyon sa bawat barangay, at matiyak ang maayos na pagpapatupad ng mga programang nakalaan para sa mga benepisyaryo.

Patuloy ang pagkakaisa at pakikipagtulungan ng lahat upang maisulong ang kapakanan at mabigyan ng mas maraming oportunidad ang mga solo parent sa komunidad.

15/06/2026

Nagsagawa ng pagpupulong ang mga opisyal ng Erpat Organization kung saan tinalakay at iniulat ang naging matagumpay na pagsasagawa ng Kite Flying Activity noong Hunyo 7 bilang bahagi ng pagdiriwang ng Father's Day.

Kasunod nito, nagkaroon din ng pag-uusap at pag-a-update hinggil sa mga nakatakdang aktibidad sa mga susunod na araw, kabilang ang BPH (Benign Prostatic Hypertrophy) Awareness Activity sa Hunyo 19, ang Cook-Off Challenge na gaganapin sa Batangas sa Hunyo 22, at ang Strengthening and Management Leadership Training para sa mga opisyal at functionaries na tatay ng bawat barangay sa Hunyo 26.

Patuloy ang pagkakaisa at pakikiisa ng mga ama sa mga programang naglalayong mapalakas ang kanilang kaalaman, kakayahan, at mahalagang papel sa pamilya at komunidad.

15/06/2026

Nagkaroon ng emergency dialogue ang tanggapan ng MSWDO at PNP kasama si Hon. John Ivan Gonzales, SK Federation President, upang talakayin ang mga kasong kinasasangkutan ng mga kabataan, maging sila man ay Children in Conflict with the Law (CICL) o mga biktima ng iba't ibang anyo ng pang-aabuso at karahasan.

Sa naturang pagpupulong, naglahad ang bawat ahensya ng mga agarang plano at interbensyon na naglalayong mabigyan ng kaukulang tulong at gabay ang mga kabataan. Layunin din ng mga hakbang na ito na mailayo sila sa anumang uri ng krimen at pang-aabuso, mapalawak ang kanilang kamalayan sa mga hamon at realidad na kanilang kinakaharap, at maisulong ang kanilang kaligtasan, kapakanan, at positibong pag-unlad bilang mahalagang bahagi ng komunidad.

13/06/2026

Taos-pusong pasasalamat sa BCPC at Sangguniang Barangay ng Barangay Banaba sa pagkakataong ibinigay sa mga kawani ng MSWDO, katuwang ang ating mga kasamahan mula sa PNP-WCPD at ang mahusay na Psychometrician na si Ms. Christine Fabellore, upang magsilbing Learning Service Providers sa isinagawang aktibidad na pinamagatang Project SLAY.

Layunin ng programang ito na mabigyan ng karagdagang kaalaman ang mga kabataan at magulang ng Barangay Banaba upang higit silang magabayan sa mga usaping may kinalaman sa Bullying, OSAEC-CSAEM, RA 8353, Accountable AI at tamang paggamit ng social media, at Effective Parenting and Child Supervision.

Sa pamamagitan ng ganitong mga inisyatiba, patuloy nating pinapalakas ang kamalayan at sama-samang isinusulong ang ligtas, maayos, at responsableng komunidad para sa kabataan at pamilya.