13/09/2026
SKIT ASSESSMENT 2026
Isinagawa ang SKIT Assessment sa 18 barangay ng Bayan ng Padre Garcia noong Setyembre 9–11, 2026, bilang bahagi ng patuloy na pagsubaybay, pagsusuri, at paggabay sa mga Sangguniang Kabataan sa bawat barangay.
Isinagawa ang aktibidad sa pakikipagtulungan at pakikipag-ugnayan sa Department of the Interior and Local Government (DILG), Municipal Budget Office, Municipal Accounting Office, Local Youth Development Council, at Municipal Treasurer’s Office.
Layunin ng assessment na masuri ang pagsunod sa mga umiiral na alituntunin at patakaran, wastong dokumentasyon, pamamahala sa pananalapi, at pagpapatupad ng mga programa at proyekto ng bawat Sangguniang Kabataan. Nagsilbi rin itong pagkakataon upang makapagbigay ng kaukulang teknikal na gabay, rekomendasyon, at mga hakbang sa pagpapabuti para sa mas mahusay na pamamahala ng bawat SK.
Sa pamamagitan ng sama-samang pagkilos ng SK Federation at ng iba’t ibang tanggapan ng Pamahalaang Bayan, patuloy nating itinataguyod ang mabuting pamamahala, pananagutan, transparency, at mahusay na paghahatid ng serbisyo para sa kabataang Garciano’s.
